သမ္မတဦးသိန်းစိန်နဲ့ VOA အမေးအဖြေ

ဦးသန်းလွင်ထွန်း။         ။ မင်္ဂလာပါခင်ဗျ။ အခု ဗွီအိုအေမြန်မာပိုင်း ကနေပြီးတော့ မြန်မာနိုင်ငံကို ရုပ်မြင်သံကြားကနေ တိုက်ရိုက်ထုတ်လွှင့်မယ့် သမ္မတကြီး ဦးသိန်းစိန်နဲ့ အထူးသဖြင့် ဗွီအိုအေ အပါအ၀င် ဗွီအိုအေကနေ အိမ်ရှင်အဖြစ် လက်ခံကျင်းပပေးမယ့် ဒီစီ အနီးတ၀ိုက်မှာ ရှိတဲ့ မြန်မာ အသိုင်းအ၀ိုင်းကနေပြီးတော့၊ နိုင်ငံရေး၊ စီးပွားရေး၊ ဘာသာရေး၊ လူငယ်ရေးရာ ဘက်ပေါင်းစုံက အသိုင်းအ၀ိုင်းက သမ္မတကြီးနဲ့တွေ့ပြီးတော့ မေးချင် တာ၊ နှုတ်ဆက်ချင်တာတွေနဲ့အတူ တွေ့ဆုံပွဲကို စတင်ပါပြီခင်ဗျ။

အထူးသဖြင့် ဒီမိုကရေစီနိုင်ငံတွေမှာပဲ အများအားဖြင့် တွေ့ရလေ့ရှိတဲ့ Town Hall meeting လို့ခေါ်တဲ့ မြို့တော်ခန်းမပုံစံမျိုး၊ ရင်းရင်းနှီးနှီး ပွင့်ပွင့်လင်းလင်း တွေ့ဆုံပွဲကို သမ္မတကြီးအနေနဲ့ လိုလိုလားလားနဲ့ ကျနော်တို့ဆီကို လာပြီးတော့ အခုလို လာပေးတာ ကျေးဇူးတင်ကြောင်း အရင် ပြောပါရစေ။ အလားတူပဲ တက်လာတဲ့ပရိသတ်တွေဆိုရင်လည်း သမ္မတနဲ့ တွေ့ဆုံခွင့်ရပြီးတော့ အားလုံးအနေနဲ့ ရိုးရိုးသားသား ပွင့်ပွင့်လင်းလင်း ရှင်းရှင်းလင်းလင်း မေးစရာရှိတာလေးတွေကို မေးပြီးတော့ သမ္မတကြီးဆီကလည်း ပွင့်လင်းရှင်းလင်းတဲ့ အဖြေတွေကို ရနိုင်လိမ့်မယ်လို့ ကျနော်တို့ ယူဆပါတယ်။ အဲဒီတော့ အကန့်အသတ်လေး နည်းနည်းရှိတဲ့ အတွက်ကြောင့် မေးခွန်းတွေ၊ မှတ်ချက်လေးတွေ ပေးရင်တော့ အချိန်အတိုင်းအတာလေးနဲ့ ဖြစ်စေချင်ပါတယ်။ မေးချင်တဲ့မေးခွန်းတွေကို ပေးပြီးသားဖြစ်တဲ့အတွက်ကြောင့်မိုလို့ သမ္မတကြီးပြောတဲ့ အကြောင်းအရာလေးတွေ နဲ့ ကိုက်ညီတဲ့အားလျော်စွာ ကျနော် ခေါ်ပြီးတော့ မေးခွန်းလေးတွေ မေးခွင့်ပေး ပါမယ်။ ဒီထောင့်မှာလာပြီးတော့ မေးခွန်းမေးပေးဖို့ပါပဲ။

ကျနော့်အနေနဲ့ ပထမဦးဆုံးကတော့ မေးချင်တဲ့အကြောင်းကတော့ သမ္မတကြီးအနေနဲ့ နိုင်ငံရဲ့ ၄၇ နှစ်အတွင်း မြန်မာနိုင်ငံရဲ့ ပထမဆုံးသမ္မတအနေနဲ့ အမေရိကန်ပြည်ထောင်စုကို တရားဝင် အလည်အပတ် ရောက်ရှိလာတယ်။ အဲဒီမှာ သမ္မတကြီးအနေနဲ့ အမေရိကန်ပြည်ထောင်စု သမ္မတ ဘရက်အိုဘားမားနဲ့လည်း မနက်ဖြန်ဆိုရင်တွေ့ဆုံဖို့ရှိပါတယ်။ ဒီသမိုင်းဝင်ခရီးစဉ်အတွင်းမှာ သမ္မတကြီးအနေနဲ့ ဘယ်လို မြန်မာနိုင်ငံရဲ့အကျိုးအတွက် ရလဒ်တွေကို မျှော်မှန်းနိုင်ဖို့ ရည်ရွယ်ချက် ရှိထားပါလဲ ဆိုတာလေးကို သမ္မတကြီးအနေနဲ့ အတိုချုပ်လေး ရှင်းပြပေးစေချင်ပါတယ်။ အလားတူပဲ သမ္မတကြီး ဦးဆောင်ပြီးတော့လုပ်နေတဲ့ မြန်မာနိုင်ငံတွင်းမှာ ရှိတဲ့ ပြုပြင်ပြောင်းလဲရေး လုပ်ငန်းစဉ်တွေရဲ့ လက်ရှိအခြေအနေ၊ ရင်ဆိုင်ရတဲ့ အကြောင်းလေးတွေကိုလည်း အတိုချုပ် ရှင်းပြပေးစေချင်ပါတယ်။ အဲဒါပြီးရင်တော့ ပရိသတ်ထဲက မေးစရာရှိတာလေးတွေကို သမ္မတကြီးအနေနဲ့ ဖြေကြားပေးစေချင်ပါတယ်။

သမ္မတဦးသိန်းစိန်။        ။ အားလုံးပဲ တက်ရောက်လာကြတဲ့ အဖွဲ့တွေကို ကျနော့်အနေနဲ့ ကျေးဇူးတင်ကြောင်း ပြောကြားချင်ပါတယ်။ ဒီမှာ အကြောင်းအမျိုးမျိုးနဲ့ ရောက်နေပေမဲ့လည်း မြန်မာနိုင်ငံသားတွေဖြစ်တဲ့အတွက်ကြောင့် စိတ်ထဲမှာတော့ စောစောကပြောသလိုပါပဲ။ ကိုယ့်သွေး ကိုယ့်သားတွေလိုပဲ စိတ်ထဲမှာ သဘောထားပါတယ်။ ခင်ဗျားတို့နဲ့ တွေ့နိုင်အောင် အခုလို စီစဉ်ပေးခဲ့တဲ့ ဗွီအိုအေက တာဝန်ရှိတဲ့ ပုဂ္ဂိုလ်တွေလည်း ကျေးဇူးတင်ကြောင်း ကျနော် ပြောလိုပါတယ်။ စောစောက ကျနော် ပြောသလိုပါပဲ မြန်မာနိုင်ငံနဲ့ အမေရိကန် ဆက်ဆံရေးဟာ ၁၉၄၇ ခုနှစ်ဆိုတော့ လွတ်လပ်ရေးတောင် မရသေးပါဘူး။ လွတ်လပ်ရေး မရခင်ကတည်း ကျနော်တို့က သံတမန်ဆက်သွယ်မှု ရှိခဲ့တယ်။ နောက် ဟိုတုန်းကတော့လည်း သွားလာဆက်ဆံမှုတွေ ရှိပါတယ်။ အဲဒီတော့ ၁၉၅၅ ခုနှစ်ကဆိုလို့ရှိရင်ဝန်ကြီးချုပ်ဦးနု ဒီကိုလာခဲ့ပါတယ်။ ဧည့်သည်အဖြစ်နဲ့။ နောက် တခါ ၂ နှစ်အကြာ ၁၉၅၇ ခုနှစ်မှာ သမ္မတကြီး ဦးမန်းဝင်းမောင် က ဆေးဝါးကုသဖို့ဆိုပြီးတော့ ဒီကိုလာခဲ့ဖူးပါတယ်။ နောက်တော့ ၁၉၆၆ ခုနှစ်မှာ ကျနော်တို့ ဗိုလ်ချုပ်ကြီးနေ၀င်းပေါ့လေ။ တရားဝင်အလည်အပတ်ခရီး လာခဲ့ဖူးပါတယ်။ အဲဒီတော့ ၁၉၆၆ ခုနှစ်ကနောက်ပိုင်းမှာ ကျနော်တို့ အဆက်အသွယ်တွေ ပြတ်သွားကြတယ်။ အသွားအလာတွေ နည်းသွားကြတာ အခု ကျနော်ရောက်တဲ့အချိန်ထိဆိုရင် အားလုံး ကျနော်တို့ ၄၇ နှစ်။ ၄၇ နှစ်အတွင်းမှာ ကျနော်တို့ မြန်မာနိုင်ငံရဲ့ တာဝန်ရှိတဲ့အကြီးအကဲတယောက် အနေနဲ့ အမေရိကန်နိုင်ငံကို၊ မြို့တော်ဝါရှင်တန်ကို ရောက်လာတာဖြစ်ပါတယ်။ အဲဒီတော့ အဓိက ကတော့ ကျနော်တို့ မြန်မာနိုင်ငံနဲ့ အမေရိကန်ဆက်ဆံရေး ဟာ သမ္မတအိုဘားမား လက်ထက်မှာ ပြန်လည်ပြီးတော့ ပွင့်လင်းသွားပြီးတော့ မှ နှစ်နိုင်ငံ ဆက်ဆံရေးဟာ နွေးနွေးထွေးထွေးနဲ့ ကျနော်တို့ ရှိလာတယ်။ နှစ်ပေါင်း ၂၀ လောက် အဆက်အသွယ် အကျိတ်အခဲတွေပေါ့နော်။ အခက်အခဲတွေ ရှိနေရာကနေ အခုတော့ ကျနော်တို့ နှစ်နိုင်ငံရဲ့ ဆက်သွယ်ရေးဟာ သမ္မတအိုးဘားမားရဲ့ ကျင့်သုံးတဲ့ ပေါ်လစီအရ ပြန်လည် ပြီးတော့ ထိတွေ့ဆက်ဆံမှုတွေ၊ ဆက်သွယ်မှုတွေ ကျနော်တို့ရှိလာပါတယ်။ အဲဒီတော့ လာရတဲ့ခရီးစဉ်ရဲ့ အဓိက ကတော့ နှစ်နိုင်ငံ ကျနော်တို့ရဲ့ ခင်မင်ရင်းနှီးမှုကို ဆက်လက်ပြီးတော့ အဓွန့်ရှည်အောင် တည်ဆောက်နိုင်ဖို့ အတွက် ဒါ ကျနော်တို့ လာရောက် လည်ပတ်ခြင်းဖြစ်ပါတယ်။ ဒါကတော့ အဓိက အကြောင်းတစ်ချက်ပေါ့။ အဲဒီတော့ ကျနော်တို့ သမ္မတကြီးနဲ့တွေ့ရင်းနဲ့ ကျနော်တို့နိုင်ငံရဲ့ ဖြစ်ပေါ်တိုးတက်မှုတွေ၊ ကျနော်တို့ တွေ့ကြုံရတဲ့ အခက်အခဲတွေ၊ ကျနော်တို့ရဲ့ ရှေ့အလားအလာတွေ ဒါတွေနဲ့ ပတ်သက်ပြီးတော့ အမေရိကန်နိုင်ငံအနေနဲ့ အဘက်ဘက်ကနေပြီးတော့ ကျနော်တို့နိုင်ငံအပေါ် နားလည်မှု ရှိဖို့၊ တချို့အခက်အခဲတွေ ကို ဖြေရှင်းပေးနိုင်မယ့်ဟာတွေကို ဖြေရှင်းပေးနိုင်ဖို့ ဆိုတဲ့ ဒီလို ရည်ရွယ်ချက်တွေနဲ့ ကျနော်တို့ ဒါ သမ္မတကြီးနဲ့တွေ့ဖို့ဖြစ်ပါတယ်။

ဦးသန်းလွင်ထွန်း။         ။ နောက်ထပ် အကြောင်းအရာတစ်ခုကို မဆက်ခင်မှာပဲ အခု ပရိသတ်ထဲမှာ မေးချင်တဲ့သူတွေထဲက သမ္မတကြီး အခုရှင်းပြတဲ့ အမေရိကန်ပြည်ထောင်စုကို လာရတဲ့အကြောင်းရင်းတွေ ထဲမှာပဲ ပါတဲ့အချက်လေးတခုကတော့ အမေရိကန် ဒီမိုကရေစီစနစ်မှာ မြန်မာနိုင်ငံ အတွက် အတုယူစရာဘာများ ရှိပါသလဲ။ ကိုအောင်သူငြိမ်းက မေးချင်ပါတယ်။ ကိုအောင်သူငြိမ်းကတော့ မြန်မာနိုင်ငံ နယ်စပ်မှာနေနေတဲ့ သူပါ။ အဲဒီတော့ ကိုအောင်သူငြိမ်းအနေနဲ့ မေးချင်တဲ့မေးခွန်းလေးကို မေးစေချင်ပါတယ်။

ဦးအောင်သူငြိမ်း။          ။ ကျေးဇူးတင်ပါတယ် သမ္မတကြီးခင်ဗျ။ ကျနော် အောင်သူငြိမ်းပါ။ ကျနော် ဗဟုဖွံ့ဖြိုးမှုအဖွဲ့ကပါ။ သမ္မတကြီးတို့ ဖိတ်ခေါ်မှုနောက်ပိုင်းမှာ ကျနော် တိုင်းပြည်ကိုလည်း ပြန်ရောက်ပါတယ်။ တချို့သုတေသနလုပ်ငန်းလည်း ကျနော် လုပ်ပါတယ်။ ကျနော် မေးချင်တဲ့မေးခွန်းကတော့ အခုလို ဒီအမေရိကန်ကို လာပြီးတော့ ဒီသမိုင်းဝင်ခရီးစဉ်မှာ အမေရိကန်ရဲ့ ဒီမိုကရေစီစနစ်ကနေ ကျနော်တို့နိုင်ငံက အတုယူစရာ၊ လေ့လာစရာဘာတွေ ရှိမလဲ။ ဒါနဲ့ပတ်သက်လို့ ကျနော် ပထမမေးချင်ပါတယ်။ ဆိုတော့ ဒုတိယကတော့ ကျနော်တို့နိုင်ငံရဲ့ ပညာရေးစနစ် ပြုပြင်ပြောင်းလဲမှု လုပ်တဲ့နေရာမှာ သမ္မတကြီးရဲ့ခရီးစဉ်အတွင်း ဘယ်လိုအထောက်အပံ့ အကူအညီတွေ ရနိုင်မလဲ။ မျှော်လင့်နိုင်မလဲပေါ့။ ဒါလည်း ကျနော်တို့ သိချင်ပါတယ်ခင်ဗျ။

သမ္မတဦးသိန်းစိန်။        ။ အဲဒီတော့ ပထမမေးခွန်းအနေနဲ့ ကျနော်တို့ အမေရိကန်နိုင်ငံဟာ ဒီမိုကရေစီ ကျင့်သုံးလာတာ နှစ်ပေါင်းရာနဲ့ချီ ကြာခဲ့ပြီဖြစ်ပါတယ်။ နောက် ကျနော်တို့နိုင်ငံအနေနဲ့ ပြန်ကြည့်မယ်ဆိုရင် ဒီမိုကရေစီစနစ်ကို ၁၉၄၈ ခုနှစ်မှာ လွတ်လပ်ရေး ကျနော်တို့ရခဲ့တယ်။ ရခဲ့ပြီးတော့ တက်လာတဲ့အစိုးရဟာ ကျနော်တို့ ဒီမိုကရေစီစနစ်ကို ကျင့်သုံးတဲ့အစိုးရပါ။ သို့သော်လည်း ကျနော်တို့ ၁၄ နှစ်ပေါ့နော်။ သက်တမ်းအားဖြင့် ၁၄ နှစ်ပဲ ကျနော်တို့ ကြာညောင်းခဲ့ပြီးတော့၊ ကျန်တဲ့အချိန်တွေဟာ တိုင်းပြည်ရဲ့ တည်ငြိမ်အေးချမ်းမှု၊ လုံခြုံမှု အခြေအနေတွေအရ တပ်မတော်ကပဲ တလှည့်တပြန်စီ တာဝန်ယူသွားရတာ။ အဲဒီတော့ ဒီမိုကရေစီနဲ့ ကျနော်တို့ ကင်းကွာတာ အတော်လေးလည်း ကြာခဲ့ပါပြီ။ ဒီမိုကရေစီနဲ့ကင်းကွာတာ အတော်လေးကြာခဲ့ပြီ။ နောက်တခါ အခု ကျနော်တို့အစိုးရတက်လာတော့ ဒီမိုကရေစီစနစ်ကို ကျင့်သုံးတယ် ဆိုပေမဲ့လည်း ကျနော်တို့မှာ အချိန်ကာလအားဖြင့်က နှစ် နှစ်ပဲ ကျနော်တို့ရှိပါသေးတယ်။ အဲဒီတော့ ဒီမိုကရေစီနဲ့ပတ်သက်ပြီးတော့ ကျနော်တို့မှာ အတွေ့အကြုံတွေ၊ အလေ့အကျင့်တွေ အများကြီးနည်းပါသေးတယ်။ အဲဒီတော့ ဒီမိုကရေစီဆိုတာကို ကျင့်သုံးနေတဲ့ နိုင်ငံကြီးအတွက်တော့ ပြည်သူတွေပိုင်းကလည်း ဒီိမိုကရေစီကို အပြည့်အ၀ခံစားခွင့် ရသလို၊ ဒီမိုကရေစီနဲ့ပတ်သက်ပြီးတော့ တာဝန်ယူမှု၊ တာဝန်ရှိမှုတွေကလည်း အပြည့်အ၀ ပြည်သူတွေက ခံယူထားတယ်လို့ ကျနော်နားလည်ပါတယ်။ ဒါကြောင့် ဒီမိုကရေစီနဲ့ပတ်သက်ပြီးတော့ တဘက်ကလည်း ဒီအခွင့်အရေးတွေ၊ လွတ်လပ်ခွင့်တွေ အပြည့်ဝ ယူချင်သလို၊ တဘက်ကလည်း အမေရိကန်ပြည်သူတွေလို ဒီမိုကရေစီနဲ့ပတ်သက်တဲ့ တာဝန်ရှိမှုတွေ၊ တာဝန်သိမှုတွေ ဒါတွေဟာ ကျနော်တို့နိုင်ငံအတွက် အတုယူဖွယ်ရာဖြစ်တယ်လို့ ကျနော့်အနေနဲ့ပြောချင်ပါတယ်။ ဒါက မေးခွန်းတခုပေါ့။

ဒုတိယမေးခွန်းက ပညာရေးနဲ့ပတ်သက်ပြီးတော့ တိုင်းပြည်တွေ ဖွံ့ဖြိုးတိုးတက်ဖို့အတွက် ပညာရေးဟာ အင်မတန်မှ အဓိကကျပါတယ်။ ပညာရေးဟာ အဓိကကျပါတယ်။ အဲဒီတော့ ကျနော်တို့ရဲ့ ပညာရေးဟာ ကျနော်တို့လေ့လာကြည့်တဲ့အခါမှာ ဒီ လွတ်လပ်ရေးစရပြီးတဲ့ ကာလတွေအပိုင်းမှာ အရှေ့တောင်အာရှမှာဆိုရင် ကျနော်တို့ပညာရေးဟာ အတော်လေးကို ရှေ့တန်းကျကျနဲ့ ရှိနေတဲ့အနေအထားဖြစ်ပါတယ်။ ဟိုတုန်းကလည်း ကျနော်တို့ နိုင်ငံခြား တက္ကသိုလ်ကြီးတွေမှာ နံမည်ကြီးတက္ကသိုလ်ကြီးတွေမှာ ဘွဲ့ရခဲ့တဲ့ ဆရာကြီး၊ ဆရာမကြီးတွေ။ သူတို့ကနေတဆင့် တက္ကသိုလ်တွေမှာ ပြန်လည်သင်ကြားပေးတဲ့ အတွက်ကြောင့် ကျနော်တို့ရဲ့ပညာရေးဟာ ပြောရမယ်ဆိုရင် အရှေ့တောင်အာရှတင် မဟုတ်ပါဘူး။ အာရှမှာပါ ရှေ့ကနေပြီးတော့ ပြေးနေတဲ့ အနေအထား ရှိပါတယ်။ သို့သော်လည်းနောက်ပိုင်းမှာတော့ တိုင်းပြည်ရဲ့အခြေအနေတွေအရ တဖြည်းဖြည်းနဲ့ ပညာရေးနဲ့ပတ်သက်ပြီးတော့ အနောက်နိုင်ငံ တက္ကသိုလ်တွေကနေ၊ နံမည်ကြီးတက္ကသိုလ်တွေကနေ ဘွဲ့ရတဲ့ဆရာကြီးတွေ၊ ဆရာမတွေက တဖြည်းဖြည်းနဲ့ အသက်အရွယ်တွေကြီးလာတာ။ တချို့လည်း ပင်စင်သွားကြတယ်ဆိုတော့ အဆက်အသွယ်တွေ ပြတ်သွားတဲ့အနေအထားမျိုး ဖြစ်ပါတယ်။ အဆက်ပြတ်သွားတဲ့အနေအထားမျိုးဖြစ်တယ်။ ဖြစ်တော့ ပညာရေးဟာ တကယ်တော့ တိုင်းပြည်တပြည် ထူထောင်ဖို့အတွက် အရေးကြီးဆုံး အရာဖြစ်ပါတယ်။ ပညာရေးကိုလည်း ကျနော်တို့ အလေးထားပြီးတော့မှ ရင်းနှီးမြှုပ်နှံဖို့ ကျနော်တို့လိုပါတယ်။

အဲဒီတော့ ကျနော်တို့ ပညာရေးကို မြှင့်တင်ဖို့အတွက် ဒီကနေ့ ကျနော်တို့ ဘက်ပေါင်းစုံ နည်းလမ်းပေါင်းစုံနဲ့ ကျနော်တို့ ကြိုးစားနေပါတယ်။ အဲဒီတော့ ကျနော်တို့ ပညာရေးဟာ ပြောင်းလဲနေတဲ့ ကျနော်တို့နိုင်ငံရဲ့ အခြေအနေအရဆိုရင်တော့ လက်တွေ့လုပ်ငန်းခွင်ကို ထိထိရောက်ရောက် ၀င်နိုင်တဲ့ ပညာရေးမျိုးဖြစ်ဖို့ လိုပါတယ်။ ဥပမာဆိုကြပါစို့။ ကျနော်တို့ စီးပွားရေး ဖွံ့ဖြိုးတိုးတက်ဖို့အတွက် နိုင်ငံခြားရင်းနှီးမြှုပ်နှံမှုတွေ ဖိတ်ခေါ်နေတယ်။ စက်ရုံတွေဆောက်မယ်။ အလုပ်ရုံတွေဆောက်မယ်။ ပြီးရင် ဒီ စက်ရုံတွေ အလုပ်ရုံတွေ ပြီးသွားတဲ့အခါမှာ skill labor တွေ လိုလာတယ်။ ကျနော်တို့ဆီမှာ ဘွဲ့ရတဲ့ကလေးတွေ အများကြီးရှိပါတယ်။ ကွန်ပျူတာနဲ့ဘွဲ့ရတဲ့ ကလေးတွေ၊ အင်ဂျင်နီယာနဲ့ဘွဲ့ရတဲ့ကလေးတွေ၊ သိပ္ပံဘာသာရပ်၊ ၀ိဇ္ဇာဘာသာရပ်နဲ့ ဘွဲ့ရတဲ့ကလေးတွေ။ ဒီကလေးတွေက အလုပ်ရုံ စက်ရုံထဲကို ဘွဲ့ရပြီးတော့ တိုက်ရိုက်ကူးဝင်လို့ ရမလားဆိုတော့ ကျနော်တို့မှာ မရနိုင်သေးပါဘူး။ ဘာဖြစ်လို့လဲဆိုတော့ လုပ်ငန်းခွင်ကို ကျနော်တို့ လုပ်နိုင်တဲ့ ပညာရေးစနစ်မျိုး မဟုတ်သေးဘူး။ မဟုတ်သေးတဲ့အတွက်ကြောင့် အနည်းဆုံးတော့ vocation training ခြောက်လတန်သည်။ တစ်နှစ်တန်သည် ကျနော်တို့ ပြန်ပြီးတော့ ပေး ရမှာဖြစ်ပါတယ်။ အဲဒီတော့ တိုင်းပြည်ဖွံ့ဖြိုးတိုးတက်ဖို့အတွက် ကျနော်တို့မှာ ဘာတွေလိုအပ်သလဲ။ အင်ဂျင်နီယာတွေ အများကြီးလိုအပ်နေလား။ ဆရာဝန်တွေ အများကြီးလိုနေလား။ အဲဒီတော့ တက္ကသိုလ်ကနေ မွေးထုတ်ပြီးတော့ ဘွဲ့ရတဲ့ကလေးတွေဟာ တိုက်ရိုက်လုပ်ငန်းခွင့်မှာဝင်ပြီးတော့ အကျိုးပြုနိုင်တဲ့ ပညာရေးမျိုး ဖြစ်သင့်တယ်။ ဒီပညာရေးမျိုးဖြစ်အောင် ကျနော်တို့ ဒီကနေ့ ကြိုးပမ်းဆောင်ရွက်နေတယ်လို့ ပြောရမှာပါဖြစ်ပါတယ်။

ဦးသန်းလွင်ထွန်း။         ။ ပညာရေးနဲ့ တဆက်ထဲပဲ အခု ဒီမှာရောက်နေတဲ့ ပညာတော်သင်ထဲကပဲပေါ့နော်၊ Humphrey Fellow ပေါ့၊ သူက ဒေါ်မာမာသွင်ပါ။ သူကလည်း အလားတူ မေးခွန်းလေးပဲ မေးထားတော့ သူ့ရဲ့မေးခွန်းကို ဖတ်ပြလိုက်ပါ့မယ်။ လောလောဆယ် နိုင်ငံရပ်ခြားမှာ ပညာတော်သင် ကိစ္စတွေနဲ့ ပတ်သက်ပြီး Exchange Program တွေကို သမ္မတကြီး ဒီမှာရှိနေတဲ့ အချိန်မှာ ဘာတွေမှာ ထူးထူးခြားခြား လုပ်ဆောင်ဖို့ ရှိပါသလဲ ခင်ဗျ။ အထူးသဖြင့် မနက်ဖြန်ဆိုလို့ရှိရင်လည်း ၀ါရှင်တန်မှာရှိတဲ့ Johns Hopkins မှာ သွားရောက်ပြီးတော့ စကားပြောမယ်၊ တွေ့ဆုံဖို့တွေ ရှိတယ်ဆိုတော့ အထူး အစီအစဉ်လေးတွေများ မြန်မာနိုင်ငံကနေပြီးတော့ အဆင့်မြင့် ပညာတွေကို လာပြီးတော့ သင်ဖို့ကိစ္စလေးတွေများ အစီအစဉ် ရှိပါသလား။

သမ္မတဦးသိန်းစိန်။          ။ ဒီတော့ ဒီကိစ္စက အမေရိကန်နိုင်ငံတင် မဟုတ်ပါဘူး။ ကျနော်တို့ရောက်ခဲ့တဲ့ နိုင်ငံတိုင်းမှာ ပညာရေးနဲ့ ပတ်သက်ပြီးတော့ ကျနော်တို့ ခုနကလို ထိုက်သင့်တဲ့ ပူးပေါင်း ဆောင်ရွက်မှုတွေ ပြုပေးဖို့။ အထူးသဖြင့်တော့ ကျနော်တို့ဆီက ပညာတော်သင်တွေကို လက်ခံဖို့။ နောက်တခုကလည်း ပညာတော်သင်တွေကို လက်ခံပေးတယ်ဆိုရင်လည်း သူတို့က သင်ပေးပေမယ့် စရိတ် စကတို့ ဘာတို့ နေရေးအတွက်၊ စားရေးအတွက် ဒါကတွေကလည်း ရှိနေတော့ ၀န်ထုပ် ၀န်ပိုး ဖြစ်ပါတယ်။ ဖြစ်နိုင်လို့ရှိရင်တော့ နိုင်ငံခြားမှာရှိနေတဲ့ တက္ကသိုလ်မျိုး ကျနော်တို့ ပညာတော်သင်တွေကို လက်ခံပြီးတော့ သင်ပေးမယ့် တက္ကသိုလ်ခွဲတွေပေါ့၊ ဥပမာ ဆိုကြပါစို့ အခု Johns Hopkins တက္ကသိုလ်တို့ ဘာတို့ဆို ကျနော်တို့တွေ့ပါတယ်။ ဥက္ကဌတို့ ဘာတို့နဲ့လည်း တွေ့တယ်။ ခင်ဗျားတို့ဗျာ ကျနော်တို့ ဒီမှာလာပြီးတော့ တက်ဖို့ ပညာတော်သင်ကို လက်ခံပေးမယ်ဆိုရင်လည်း ကျနော်တို့မှာ ခုနကလို စားစရိတ်ကြီးတာတွေ၊ နေရေးထိုင်ရေးအတွက် စရိတ်ကြီးတာတွေ ဒါတွေက ရှိနေတယ်။ ကျနော်တို့ မလုပ်နိုင်ဘူး။ ဥပမာ လူဦးရေ သန်း ၆၀ ရှိတဲ့အနက်က ၂ ယောက်လောက် လွှတ်ပြီးတော့ သင်ယုံနဲ့က ဘာမှ ကျနော်တို့က အကျိုး မရှိနိုင်ဘူး။ ဖြစ်နိုင်လို့ရှိရင် ခင်ဗျားတို့ တက္ကသိုလ်ခွဲတွေ လာပြီးတော့ ထူထောင်ပေးပါ။ ကျနော်တို့မှာ ရှိပါတယ် နေရာတွေက အစ။ ဒါကို ကျနော်တို့ အဓိက အလေးအနက်ထားပြီးတော့ ပထမတော့ ကျနော်တို့ ပညာတော်သင်တွေကို။ များများ သင်ပေးနိုင်ဖို့အတွက်က ကိုယ့်ပြည်တွင်းမှာ လာပြီးတော့ ဌာနခွဲတွေကို လာရောက် ဖွင့်ပေးဖို့ဆိုပြီးတော့ ကျနော်တို့ ပြောဖို့ ရှိပါတယ်။ ကျနော်တို့ မနက်ဖြန်တွေ့တဲ့ ပြုတဲ့အခါမှာလည်း ပညာရေးနဲ့ ပတ်သက်လို့ တိုက်ဆိုင်လာရင် ဒီကိစ္စကို ပြောမယ်လို့ ကျနော်တို့ စိတ်ကူးထားပါတယ်။

ဦးသန်းလွင်ထွန်း။      ။    သမ္မတကြီးရဲ့ ခရီးစဉ်အတွင်းမှာ အားလုံး သေသေချာချာ အလေးအနက်ထားပြီးတော့ လေ့လာ ကြည့်ရှုနေကြတဲ့ အချက်ကတော့ အမေရိကန် - မြန်မာ ဆက်ဆံရေးပေါ့။ အမေရိကန် မြန်မာ ဆက်ဆံရေးမှာလည်း လောလောဆယ်အားဖြင့် အမေရိကန် မြန်မာ ဆက်ဆံရေးဟာ ပြန်ပြီး နွေးထွေးလာတယ်ဆိုတာ သမ္မတကြီးလည်း အစောပိုင်းက ပြောပြခဲ့ဘူးပါတယ်။ ဒါပေမယ့်လည်း အမေရိကန်နိုင်ငံ အနေနဲ့က လောလောဆယ် ပိတ်ဆို့ ကန့်သတ်ထားမှုတွေကို ချန်ထားတာလေးတွေ ရှိနေသေးတယ်ခင်ဗျ။ အကုန် မရုပ်သေးပဲနဲ့။ အဲဒီတော့ ဒီကန့်သတ်ချက်တွေကို သမ္မတကြီးရဲ့ ခရီးစဉ်အတွင်းမှာ လွှတ်တော်ပိုင်းကရော၊ ဥပဒေကြောင်းပိုင်းကရော ကြေကြေလည်လည် ရုပ်သိမ်းသွားရေး အောင်မြင်အောင် ဆောင်ရွက်သွားနိုင်မယ်လို့ ယူဆပါသလား။

သမ္မတဦးသိန်းစိန်။      ။ ကျနော်တို့ Sanction ကိစ္စနဲ့ ပတ်သက်လို့ကတော့ ခင်ဗျားတို့လည်း အားလုံး ကြားထားကြပြီးသား ဖြစ်မှာပါ။ အဲဒီတော့ ဒီကနေ့ ကျနော်တို့ရဲ့ ပြည်သူ အများစုကတော့ ၊ ပြည်သူအများအနေနဲ့ တူညီတဲ့ သဘောဆန္ဒ နှစ်ခုရှိပါတယ်။ တခုကတော့ ကျနော်တို့တိုင်းပြည် တည်တည်ငြိမ်ငြိမ် အေးအေးချမ်းချမ်းနဲ့ တရားဥပဒေ စိုးမိုးတဲ့ နိုင်ငံဖြစ်ဖို့ ဒါဟာ လူတိုင်းရဲ့ ဆန္ဒ သဘောထားပဲ ဖြစ်ပါတယ်။ ဒီဟာက ခုနကလို နိုင်ငံရေးနဲ့ သက်ဆိုင်တဲ့ ကိစ္စပေါ့။

အဲဒီတော့ နိုင်ငံရေးအရ ပြုပြင် ပြောင်းလဲမှုတွေလည်း ပြည်သူလူထုရဲ့ ဒီဆန္ဒတွေအပေါ် မူတည်ပြီးတော့ နိုင်ငံရေး တည်ငြိမ်အောင်၊ ကျနော်တို့ရဲ့ နိုင်ငံရေးလုပ်ငန်းစဉ်မှာ အားလုံး ပါဝင်နိုင်အောင်၊ ဒါတွေ ကျနော်တို့ လုပ်ပေးမှာပါ။ နိုင်ငံရေးအကျဉ်းသားတွေ လွတ်ပေးတာ ပြုပေးတာက အစပေါ့။ နောက်တခုကလည်း ကျနော်တို့ နှစ်ပေါင်း ၆၀ ကျော်လောက် ရှိကြခဲ့တဲ့ လက်နက်ကိုင် ပဋိပက္ခ။ လက်နက်ကိုင် ပဋိပက္ခနဲ့ ပတ်သက်ပြီးတော့ ပြည်သူတွေဟာ အင်မတန်မှကို ညည်းငွေ့နေကြပါတယ်။ တချို့ အတွင်းပိုင်းကျတဲ့ မြို့ကြီးတွေမှာ မသိသာပေမယ့်လည်း နယ်စပ်ဒေသတွေမှာ ဒါတွေကို ခါးစည်းပြီးတော့ ခံနေရတာပေါ့။ ဒါကြောင့် ငြိမ်းချမ်းရေးကို ကျနော်တို့ လိုချင်နေကြပါတယ်။ ဒီလက်နက်ကိုင် ပဋိပက္ခတွေ ချုပ်ငြိမ်းဖို့အတွက် ငြိမ်းချမ်းရေး တည်ဆောက်ဖို့အတွက် ကျနော်တို့ ကြိုးပမ်းနေတာ ခင်ဗျားတို့လည်း ကြားပါတယ်။ ခင်ဗျားတို့လည်း သိပါတယ်။
နောက်တခုကတော့ ခုနကလို ဒီမိုကရေစီရှင်သန်ဖို့အတွက် တိုင်းပြည်တည်ငြိမ်အေးချမ်းဖို့၊ လုံခြုံဖို့၊ တရားဥပဒေစိုးမိုးဖို့ လိုအပ်သလိုပဲ တဘက်ကလည်း လူမှုစီးပွားရေးတွေ ဖွံ့ဖြိုးတိုးတက်ဖို့ လိုအပ်ပါတယ်။ အဲဒီတော့ စီးပွားရေး ဖွံ့ဖြိုးရေး တိုးတက်ရင်ပဲ လူမှုရေးကလည်း ထပ်ချပ်မကွာ လိုက်လာတာဖြစ်ပါတယ်။ အဲဒီတော့ စီးပွားရေးဖွံ့ဖြိုးတိုးတက်တယ်၊ အလုပ်အကိုင်တွေ ရတယ်။ အလုပ်အကိုင်တွေရတဲ့အတွက်ကြောင့် ၀င်ငွေတွေ ရလာတယ်။ ၀င်ငွေတွေ ရတဲ့အတွက်ကြောင့် နေနိုင်တယ်၊ စားနိုင်တယ်။ ကလေးတွေကို ကျနော်တို့ ကျောင်းထားနိုင်တယ်။ နေထိုင်မကောင်းဖြစ်ရင် ကျနော်တို့ ဆေးဝါးကုသနိုင်တယ်။ အဲဒီတော့ စီးပွားရေးနဲ့ လူမှုရေးဟာ ဒွံတွဲပြီးတော့ ပါလာတယ်။ အဲဒီတော့ တိုင်းပြည်မှာ ကျနော်တို့ စီးပွားရေးကို ထိထိရောက်ရောက် ဖြစ်ဖြစ်မြောက်မြောက်ဖြစ်အောင် ထူထောင်ဖို့ကြတော့ ကျနော်တို့မှာ လိုအပ်ချက်တွေ ရှိတယ်။

လိုအပ်ချက်က တစ်အချက်ကဘာလဲဆိုရင် ကျနော်တို့မှာ ရင်းနှီးမြှုပ်နှံဖို့ အရင်းအနှီး ကျနော်တို့မှာ လုံလုံလောက်လောက်မရှိဘူး။ ပြည့်ပြည့်စုံစုံ မရှိဘူး။ နောက်တစ်ခုကတော့ နည်းပညာပိုင်းပေါ့။ နည်းပညာပိုင်းနဲ့ ပတ်သက်ပြီးတော့လည်း ကျနော်တို့က နောက်ကျနေတယ်။ တတိယ အချက်ကတော့ လူ့စွမ်းအားအရင်းအမြစ်တွေ။ လူ့စွမ်းအားအရင်းအမြစ်တွေ ကတော့ ခင်ဗျားတို့သိတဲ့အတိုင်းပဲ။ အခုပဲ နေရာအနှံ့မှာ တက္ကသိုလ်တွေ ထောင်ပြီးတော့ အခုမှ မွေးမြူနေရတဲ့ အနေအထားရှိတယ်။ အဲဒီတော့ အရေအတွက်တွေကတော့ အထိုက်အလျောက် ကျနော်တို့ရတယ်။ သို့သော်လည်း ဒီအရေအတွက်တွေကို အရည်အချင်းအဖြစ် ပြောင်းလဲဖို့ မှာ ကျောင်းကပြီးတာနဲ့ ကျနော်တို့ လုပ်ငန်းခွင်မှာဝင်ပြီးတော့ အလုပ်လုပ်နိုင်တဲ့ အရည်အချင်းတွေ ပြောင်းလဲဖို့အတွက် ဒါတွေလည်း ကျနော်တို့ ဆောင်ရွက်နေပါတယ်။ အဲဒီတော့ ကျနော်တို့မှာ အရင်းအနှီးမရှိဘူး။ နောက် နည်းပညာ နောက်ကျနေတယ်။ ဒီအတွက်ကြောင့် ကျနော်တို့က နိုင်ငံခြားရင်းနှီးမြှုပ်နှံမှုတွေကို ကျနော်တို့က ဖိတ်ခေါ်ရတာ။ နိုင်ငံခြားရင်းနှီးမြှုပ်နှံမှုတွေကို ဖိတ်ခေါ်ရတာ။

အဲဒီတော့ နိုင်ငံခြား ရင်းနှီးမြှုပ်နှံဖို့ဆိုတာ ကျနော်တို့နိုင်ငံကို လာပြီးတော့ ရင်းနှီးမြှုပ်နှံချင်ကြပါတယ်။ ဘာဖြစ်လို့လဲဆိုတော့ ကျနော်တို့မှာ သဘာဝရဲ့ အခြေခံအရင်းအမြစ်တွေက ကျနော်တို့ အများကြီးရှိပါတယ်။ gas တွေ၊ oil တွေ၊ သစ်တောတွေ၊ သားငါးတွေရှိတယ်။ ရာဘာတွေရှိတယ်။ နောက်တခါ စားသုံးကုန်ပစ္စည်းတွေနဲ့ပတ်သက်ပြီးတော့လည်း အစားအသောက်မျိုးစုံ ထုတ်လုပ်နိုင်တဲ့ လယ်ယာကဏ္ဍ ဒါတွေ ကျနော်တို့မှာရှိနေတယ်။ ရင်းနှီးချင်တဲ့နိုင်ငံတွေက အများကြီးပါ။ အခုလည်းပဲ ခုနကလို တစ်ရက်ခြားနီးပါးလောက်က အမြဲတမ်း စီးပွားရေးလုပ်ငန်းရှင်တွေနဲ့ ထိတွေ့နေရတဲ့အနေအထား ရှိပါတယ်။ အဲဒီတော့ နိုင်ငံခြားသားက လာရောက်ပြီးတော့ ရင်းနှီးမြှုပ်နှံဖို့ ငွေထုပ်ကြီးကိုပိုက်ပြီးတော့ ကျနော်တို့နိုင်ငံကိုလာ ရင်းနှီးမြှုပ်နှံဖို့ဆိုတာ တကယ်တော့ ကျနော်တို့နိုင်ငံကို ချစ်လွန်းအားကြီးလို့၊ ကျနော်တို့ကို ဖွံ့ဖြိုးတိုးတက်စေချင်လို့ လာပြီးတော့ ရင်းနှီးမြှုပ်နှံတာမဟုတ်ပါဘူး။ ဒီရည်ရွယ်ချက်က နည်းပါတယ်။ အဓိက ကတော့ သူတို့အတွက် ဘာအကျိုးရှိမလဲ၊ အကျိုးအမြတ် ဘယ်လောက်ရနိုင် မလဲ။ နောက်တစ်ခု သူတို့ကို ဘယ်လိုအကာအကွယ်ပေးမလဲ။ နောက်တစ်ခုက သူတို့ရဲ့ မျှော်မှန်းချက်၊ ရည်မှန်းချက်တွေက ဘာတွေရှိလဲ ဒါတွေကို သူတို့ကြည့်မယ်။ ဒါတွေကို ကြည့်တဲ့အခါမှာ ဘာတောင်းလဲဆိုတော့ ပထမဆုံး Foreign Investment Law ကိုတောင်းတယ်။ အဲဒီတော့ Foreign Investment Law နဲ့ပတ်သက်ပြီးတော့ ကျနော်တို့မှာ ဥပဒေဟာ ပတ်ဝန်းကျင်မှာရှိနေတဲ့ ရင်းနှီးမြှုပ်နှံချင်သူတွေရဲ့ နိုင်ငံတွေနဲ့ လိုက်လျောညီထွေ မဖြစ်ဘူး။ မဖြစ်တဲ့အတွက်ကြောင့် ဒီ Foreign Investment Law ကို ပြီးခဲ့တဲ့နှစ်က ပြန်ပြီးတော့ ရေးဆွဲတယ်။ နိုင်ငံ လေး ငါး ခြောက်နိုင်ငံလောက်ကို စံနမူနာယူပြီးတော့မှ ဒီ law ကို ကျနော်တို့ ပြန်ရေးဆွဲတယ်။ ရေးဆွဲပြီးတော့မှ လွှတ်တော်ထဲမှာလည်း တော်တော်လေး အခြေအတင် ဆွေးနွေးကြ၊ ပြုကြနဲ့ ဒီလိုတွေ ကျနော်တို့ လုပ်ရပါတယ်။ အခုတော့ ခုနကလို နိုင်ငံခြားရင်းနှီးမြှုပ်နှံမှု ဥပဒေဟာ ကျနော်တို့ ပြဌာန်းပြီးဖြစ်ပါတယ်။ လာရောက်ပြီးတော့ ရင်းနှီးမြှုပ်နှံမယ့်နိုင်ငံတွေကလည်း ဘာပဲဖြစ်ဖြစ် ဒီဥပဒေကို သဘောကျပါတယ်။ ဒီအခက်အခဲတခုကတော့ ကျနော်တို့ ကျော်လွှားနိုင်တယ်။

နောက်ပြီးတော့ နောက်တစ်ခု ရင်းနှီးမြှုပ်နှံတာ။ စက်ရုံတွေဆောက်တယ်။ အလုပ်ရုံတွေဆောက်တယ်။ ကုန်ပစ္စည်းတွေထုတ်တယ်။ ထွက်လာတဲ့ ကုန်ပစ္စည်းတွေကို မ၀ယ်ဘူး၊ မပြုဘူး ပိတ်ပင်ထားတယ်ဆိုရင် ဘယ်သူမှလာပြီးတော့ ရင်းနှီးမြှုပ်နှံမှာ မဟုတ်ပါဘူး။ အဲဒီတော့ ဒုတိယအခက်အခဲကတော့ ဒီဟာက sanctions နဲ့သွားပြီးတော့ ဆိုင်ပါတယ်။ အဲဒီတော့ ကျနော်တို့ ဒီမိုကရေစီကိုလိုလားတယ်။ ခုနကလို ဒီမိုကရေစီစနစ် ရှေ့ကိုဆက်ပြီးတော့ ရှင်သန်ဖွံ့ဖြိုးစေချင်တယ်ဆိုရင် ဒါ ဒီမိုကရေစီနဲ့ နိုင်ငံရေး၊ ဒီမိုကရေစီနဲ့စီးပွားရေးဟာလည်း တခုနဲ့တခုဟာ ကွင်းဆက်လို ဖြစ်နေတဲ့အတွက်ကြောင့် မြန်မာနိုင်ငံမှာ စီးပွားရေးဖွံ့ဖြိုးတိုးတက်ဖို့အတွက် ဒါကို စာနာထောက်ထားသင့်တယ်။ ဒါတွေ အခက်အခဲအတားအဆီးတွေကို ဖယ်ရှားပေးသင့်တယ် ဆိုတဲ့ ဒါလေးကိုတော့ ကျနော် ပြောမယ်ပြောပါတယ်။

ဦးသန်းလွင်ထွန်း။         ။  သမ္မတကြီးဆိုလိုချင်တဲ့သဘောကတော့ အနောက်နိုင်ငံတွေရဲ့ ပိတ်ဆို့ထားမှုကို ရုတ်သိမ်းဖို့ အထူးလိုအပ်နေပြီ။ လိုအပ်နေတဲ့အချိန်မှာ လက်ရှိမှာ တဖက်မှာလည်း အလုံးစုံ မဖြေဖျောက်နိုင်သေးတဲ့ကိစ္စက မြန်မာနိုင်ငံရဲ့ ပြုပြင်ပြောင်းလဲတဲ့အပေါ်မှာ သူတို့ကြည့်ပြီးတော့ ဆုံးဖြတ်နေတယ်ဆိုတဲ့ သဘောပေါ့။ အဲလိုဆိုရင် မြန်မာပြည်ရဲ့ ပြုပြင်ပြောင်းလဲ့မှုလုပ်ငန်းတွေမှာ  ကြုံတွေ့နေရတဲ့ အတားအဆီးလေးတွေ၊ အခက်အခဲလေးတွေ၊ မပြေပျောက်နိုင်သေးတဲ့ အချက်လေးတွေရှိပါတယ်။ အဲဒါလေးတွေကို တချက်လောက်ပြန်ပြောပြပေး ပါလား။

သမ္မတ ဦးသိန်းစိန်။       ။ ကျနော်စောစောကပြောသလိုပေါ့။ ကျနော်တို့မှာသက်တမ်းအားဖြင့် ၂နှစ်ပဲရှိသေးတယ်။ ဒါအစိုးရဲ့ သက်တမ်း လွှတ်တော်ရဲ့ သက်တမ်းပေ့ါ။ နောက်ပြည်သူလူထုကလည်း ဒီမိုကရေစီနဲ့ ကင်းကွာနေတာ ကြာခဲ့ပြီ။ အတွေ့အကြုံနည်းတယ်။ အလေ့အကျင့်က နည်းတယ်ဆိုတဲ့အတွက်ကြောင့်၊ တစ်အချက်က လွတ်လပ်မှုအခွင့်အရေး ပိုင်းက ပေးသင့်သလောက် ကျနော်တို့ကပေးပြီးသွားပြီ။ တချို့ကိစ္စတွေ ကျတော့လည်း ကန့်သတ်မှုတွေ ကျနော်တို့ရှိခဲ့တယ်။ ပြည်သူအပိုင်းကလည်း တာဝန်ယူမှု၊ တာဝန်ရှိမှု၊ တာဝန်သိမှုက နည်းပါးသေးတယ်။ နည်းပါးသေးတဲ့အတွက်ကြောင့် တချို့ကိစ္စတွေမှာလည်း ကျနော်တို့ အရေးယူ ရတာတွေ ဆောင်ရွက်ရတာတွေ၊ ဒါတွေကျနော်တို့ရှိပါတယ်။ ဒါတွေကို အကြောင်းပြပြီး ဒီအပေါ်မှာ စောင့်ကြည့်နေတဲ့ စောင့်ကြည့်နေတဲ့ သဘောထားတွေရှိပါတယ်။ အဲတော့ ကျန်တာတွေကတော့ ကျနော်တို့ တက်နိုင်သလောက်တော့ ကျင့်သုံးတဲ့ စနစ်နဲ့ လိုက်လျောညီထွေဖြစ်အောင်လို့ ကျနော်တို့ များစွာပြောင်းလဲပြီး ပေးနေတယ်။ သို့သော်လည်းပဲ တချို့ကိစ္စတွေက ဥပမာ ကျနော်တို့ ဆိုကြပါစို့ ယုံမှားသံသယဖြစ်တဲ့ ကိစ္စတွေလည်း ကျနော်တို့ ရှိခဲ့ပါတယ်။ ဥပမာ မြောက်ကိုရီးယားနဲ့ လက်နက်ခဲယမ်းကိစ္စတွေနဲ့ ပတ်သက်ပြီးကျနော်တို့ ဆက်သွယ်တယ်တို့၊ သံသယတွေနဲ့ ကျနော်တို့ကို စောင့်ကြည့်နေတဲ့ သဘောပါပဲ။ မြန်မာနိုင်ငံမှာ အဏုမြူလုပ်နိုင်တဲ့အနေအထားလဲမရှိပါဘူး။ ပိုက်ဆံလည်းမရှိပါဘူး။ အတတ်ပညာလည်းမရှိပါဘူး။ သူများကလည်း ဘယ်သူမှ ကျနော်တို့ကို လာပြီးလုပ်ပေးမှာမဟုတ်ပါဘူး။  လုပ်ရင်လည်းကျနော်တို့ အကုန်လုံးဝိုင်းပြီးတော့ ကန့်ကွက်ကြမှာဖြစ်ပါတယ်။ သို့သော်လည်း မြောက်ကိုရီးယားကို ကျနော်တို့ ဆက်ဆံရတာတွေရှိပါတယ်။ ဟိုတုန်းက  ကျနော်တို့ အကုန်ပိတ်ဆို့ထားတဲ့အခါမှာ  ကျနော်တို့လည်း ကိုယ့်နိုင်ငံကို ကာကွယ်ဖို့အတွက်၊ ကိုယ့်ကို ကူညီနိုင်မယ့် နိုင်ငံကို ရှာရတာပါ။ သံတမန် ဆက်သွယ်မှုတော့ရှိခဲ့တယ်။ ဒီဘက်ပိုင်းမှာတော့ ကျနော်တို့ အစိုးရတက်လာတဲ့အခါမှာ စစ်ရေးအားဖြင့်ဆက်သွယ်မှုတွေလုံးဝမရှိပါဘူး။  သံတမန်ပဲရှိပါတယ်။ သို့သော်လည်း ဒီအပေါ်မှာ ကျနော်တို့ အနည်းလေး မယုံသင်ကာမှုတွေနဲ့ရှိတဲ့ သဘောမျိုးဖြစ်မယ်လို့ ကျနော်တို့ထင်ပါတယ်။ ခုနကလို ကျနော်တို့ကို sanction တွေရုတ်ပေးပါ၊ ရုပ်ပေးပါလို့ ပြောပေမဲ့လည်း၊ သူတို့ရဲ့ အခြေအနေက ဒီလိုကြည့်နေရတဲ့ အခြေအနေရှိနေတယ်လို့ ကျနော်ထင်ပါတယ်။ ဒါကြောင့်မို့ ကျနော်အတင်းအကြပ်တော့ မတောင်းဆိုပါဘူး။ သို့သော်လည်း ကျနော်တို့ ဒီမိုကရေစီစနစ် ရှင်သန်ဖွံ့ဖြို့ဖို့ဆိုရင် စီးပွားရေးဖွံ့ဖြိုးတိုးတက်ဖို့လိုတယ်။ အဲတော့ စီးပွားရေးဖွံ့ဖြိုးတိုးတက်ဖို့ဆိုရင် ဒီလို ပိတ်ဆို့တားဆီးမှုတွေက အဟန့်အတားတွေဖြစ်စေတယ်။ အဟန့်အတားတွေကို ကျနော်တို့က တတ်နိုင်သလောက်ဖယ်ရှားပေးဖို့ ဆိုတဲ့ ဒီသဘောလောက်ပါပဲ။

ဦးသန်းလွင်ထွန်း။         ။ ဟုတ်ကဲ့ သံသယတွေဖြေဖျောက်သွားပြီဆိုရင်တော့ မကြာခင်မှာရုတ်သိမ်းမှုတွေ လုပ်လာမှာပေါ့။ သမ္မတကြီးပြောသွားတဲ့ အထဲမှာ မြန်မာပြည်သူလူထုအနေနဲ့ လွတ်လပ်မှုတွေ အခုပိုပြီးရလာတဲ့ အချိန်မှာ တချို့လည်း ကျင့်သားမရသေးဘူးလို့ ပြောသွားပါတယ်။ ဒါနဲ့ပတ်သက်ပြီးတော့ ဒေါ်အတာ မေးထားတဲ့ မေးခွန်းလေးတခုကို ကျနော်တွေ့ပါတယ်။ ဒေါ်အတာကတော့ ဒီက ၀ါရှင်တန်ဒီစီမှာ လူငယ်ပိုင်းမှာ တော်တော်လေးကို တက်တက်ကြွကြွလုပ်ဆောင်တဲ့ အမျိုးသမီးတဦးပါ။ သူက မြန်မာနိုင်ငံရဲ့ တရားဥပဒေနဲ့ပတ်သက်ပြီးတော့ သမ္မတကြီးတို့အစိုးရအနေနဲ့ လုပ်ကိုင်နေတာလေးတွေနဲ့ ပတ်သက်ပြီးမေးချင်ပါတယ်လို့ပြောပါတယ်။

ဒေါ်အတာ။       ။ မင်္ဂလာပါရှင်။  သမ္မတကြီးကို ကျမအနေနဲ့ မေးချင်တာက လက်ရှိအခြေအနေက ရရှိထားတဲ့ ပါဝါအနေနဲ့ ကျမတို့ ဒီ ၂၀၀၈ဥပဒေဆိုတဲ့  လူတစု အတွက် ဖွဲ့စည်းထားတဲ့ အခြေခံ ဥပဒေဘယ်တော့ ပြင်မှာလဲဆိုတာကို ကျမအနေနဲ့ သိချင်ပါတယ်။ နောက်တခုက ကျမတို့ အခု လက်ရှိဖြစ်ပေါ်နေတဲ့ လက်ပံတောင်းတောင်မှာ တရုတ်ကိုလိုနီတွေအနေနဲ့ သိမ်းပိုက်နေတဲ့ လယ်ယာ ဘယ်တော့ ရပ်တန့်မှာလဲ။ အဲဒိရပ်တန့်မှုတွေအပေါ်မှာ လူထုအနေနဲ့ နှိုးကြွလာမှုတွေနဲ့ ပတ်သက်ပြီး ဆန္ဒပြမှုတွေ ဖြစ်လာတဲ့အခါမှာ ဆန္ဒပြမှုတွေကို မျက်လှည့်ပြတဲ့အနေနဲ့ ကျမတို့ ဒီနေ့ပဲ၊ နောက်အပတ်လောက် ဆိုရင်တော့ ဒီပဲရင်း ဆယ်နှစ်ပြည့်ပါတော့မယ်။ ဒီပဲရင်းကို လုပ်ကြံခဲ့တဲ့ လူတစုအနေနဲ့ ကျမတို့ ဗမာ ပြည်သူလူထုတွေကနေပြီးတော့ ကုလားနဲ့တိုက်ပြီးတော့ ဘာသာရေး အဓိကရုဏ်းလုပ်နေတဲ့ဟာကို သမ္မတကြီးအနေနဲ့ ဘယ်လိုများ ဖြေရှင်းနိုင်မလဲ၊ အရေးယူပေးနိုင်မလဲဆိုတာ သိချင်ပါတယ်။ 

သမ္မတဦးသိန်းစိန်။        ။ ဒီမေးခွန်းနဲ့ပတ်သက်ပြီးတော့ တချို့ ကိစ္စတွေကလည်း တဖက်ကအမြင်ပဲဖြစ်ပါတယ်။ တဖက်ကအမြင်ဆိုတော့ အလုံးစုံတော့ မှန်ချင်မှ မှန်မယ်ပေါ့။ တဖက်ထဲက ကြည့်ရင်တော့ ၀ါးခြမ်းပဲ မြင်နေမှာပါ။ ဒီဘက်ကကြည့်ရင်လည်း ၀ါးခြမ်းပဲ မြင်နေမှာပဲ။ နှစ်ဘက်လုံးက လှည့်ပတ်ကြည့်မသာ ၀ါးလုံးပါလားဆိုပြီး သိရမှာမြင်ရမှာဖြစ်ပါတယ်။ အဲဒီတော့ ဖွဲ့စည်းပုံအခြေခံဥပဒေဟာ လူတစုအတွက် မဟုတပါဘူး။ လူအများထောက်ခံ အတည်ပြုထားတဲ့ ဖွဲ့စည်းပုံအခြေခံဥပဒေဖြစ်ပါတယ်။ နောက်ဖွဲ့စည်းပုံအခြေခံဥပဒေဆိုတာ သော့ခတ်ထားတဲ့ သံမဏိမျိုးဟုတ်ပါဘူး။ သူ့မှာ ပြင်ဆင်နိုင်တဲ့ amendment ပါပြီးသားဖြစ်ပါတယ်။ အဲတော့ ဖွဲ့စည်းပုံအခြေခံဥပဒေကို ပြင်ဆင်မယ်ဆိုရင် ဒီ amendment  သူ့မှာ လုပ်ထုံးလုပ်နည်းတွေရှိပါတယ်။ ဒီလုပ်ထုံးလုပ်နည်းတွေအတိုင်း ကျနော်တို့ ပြင်ဆင်လို့ရပါတယ်။
ဒီဟာက တချက်ပေါ့နော်၊ နောက် လက်ပံတောင်းတောင် ကိစ္စနဲ့ ပတ်သက်ပြီးတော့ ဆန္ဒပြနိုင်တဲ့ အခွင့်အရေးတွေ နိုင်ငံတော်ကနေပြီးတော့ တရားဝင်ဥပဒေနဲ့ ပြဌာန်း ပေးထားတာဖြစ်ပါတယ်။ တဖက်က ဒီဥပဒေနဲ့ အညီ ပြဖို့ ပြုဖို့လိုပါတယ်။ ဒီကိစ္စတွေဟာ ကျနော်တို့ အစိုးရဖြစ်လာတော့မှ ပေါ်ပေါက်လာတဲ့ ကိစ္စတွေမဟုတ်ပါဘူး။ အရင်တုန်းက စာချုပ်စာတမ်းအရ လုပ်ခဲ့ ပြုခဲ့ကြတဲ့ ကိစ္စ ကျနော်တို့က ၀င်ပြီး ဖြေရှင်းပေးတဲ့သဘောပဲဖြစ်ပါတယ်။ ဒီမှာ ကျနော်တို့ ရက်ရက်စက်စက် သတ်တယ်ဖြတ်တယ်ဆိုတာလဲ intentionally  လုပ်တာပြုတာမဟုတ်ပါဘူး။ ရဲကတော့ တရားဥပဒေထိန်းသိမ်းရေးအရ တကမ္ဘာလုံးမှာ လုပ်ရိုးလုပ်စဉ်ထိန်းသိမ်းနည်းတွေနဲ့ ထိန်းသိမ်းရတာဖြစ်ပါတယ်။ သို့သော်လည်းပဲ ဘုန်းကြီးရဟန်းတွေ ကျနော်တို့လည်း ဗုဒဘာသာ တဦးပါ။  ဘုန်းကြီးရဟန်းကို ရှိခိုးဦးခိုက်နေရပါတယ်။ ဒီဘုန်းကြီးရဟန်းတွေလည်း ကျနော်တို့ ဒီလို ဖြစ်ချင်တဲ့ ဆန္ဒတွေမရှိပါဘူး။ သို့သော်လဲ ကျနော်တို့ မမျှော်လင့်ပဲနဲ့ အခန့်မသင့်ပဲနဲ့ ဖြစ်သွားတဲ့ ကိစ္စတွေပါပဲ။  ဖွဲ့စည်းပုံအခြေခံဥပဒေနဲ့ပတ်သက်ပြီး ပြန်ပြောရမယ်ဆိုရင် ကျနော်တို့ ပြင်နိုင်ပါတယ်။ Amendment ကျနော်တို့ရှိတယ်။ လူတစုအတွက်ဆိုတာကတော့ စွပ်စွဲတာပဲဖြစ်တယ်။ ဘာကြောင့်လဲဆိုရင် ကျနော်တို့ ရာခိုင်နှုံးအားဖြင့် ပြောလို့ရတယ်။ ပြည်သူလူထု ဘယ်လောက်ထောက်ခံလဲ ဆိုတာ ဖွဲ့စည်းပုံအခြေခံဥပဒေရဲ့ ပထမ၊ ဒုတိယစာမျက်နှာတွေမှာ ကျနော်တို့ ပါပြီး ဖြစ်ပါတယ်။ သို့သော်လည်း ကျနော်တို့ဒါ သံမဏိစည်းမျဉ်းဟုတ်ဘူး။ သော့ခတ်ထားတာမဟုတ်ဘူး။ amendment ကျနော်တို့ ပေးထားတယ်။ လွှတ်တော်က ပြင်နိုင် တယ်။ ပြည်သူက ပြင်နိုင်တဲ့အနေအထားကျနော်တို့ရှိပါတယ်။

ဦးသန်းလွင်ထွန်း။         ။ ကျနော် ဖြည့်စွက်မေးချင်တာလေးတစ်ခုကတော့ အုပ်ချုပ်ပုံအခြေခံဥပဒေ ပြုပြင်ရေးနဲ့ ပတ်သက်လို့ပေါ့။ လာမယ့် ၂၀၁၅ ခုနှစ်မှာဆိုလည်း နောက်ထပ်ရွေးကောက်ပွဲတစ်ခု စပါမယ်။ ဒီနေရာမှာ မြန်မာနိုင်ငံရဲ့ ၂၀၀၈ ခုနှစ်၊ ဖွဲ့စည်းပုံအခြေခံဥပဒေနဲ့ ပတ်သက်လို့ ထောက်ပြနေကြတဲ့ ကိစ္စတစ်ခုကတော့ လွှတ်တော်ထဲမှာ စစ်တပ်က ၂၅ % ပါနေတဲ့ ကိစ္စပေါ့နော်။ အဲဒီကိစ္စကို ပြန်ပြီးတော့ သုံးသပ်ဖို့၊ ပြင်ဆင်ဖို့လည်း လွှတ်တော်ထဲမှာ ဆွေးနွေးနေကြတာတွေ၊ တင်ပြလာတာတွေလည်း ကျနော်တို့ ကြားရပါတယ်။ အဲဒါနဲ့ပတ်သက်လို့ သမ္မတကြီးတို့ အစိုးရပိုင်းရဲ့ သဘောထားကရော ဘယ်လိုရှိပါသလဲ၊ သိချင်ပါတယ်။

သမ္မတဦးသိန်းစိန်။        ။ ပွင့်ပွင့်လင်းလင်းပေါ့ဗျာ။ ကျနော်တို့ တပ်မတော်နဲ့ပတ်သက်ပြီးတော့ - ခင်ဗျားတို့လည်း သိပါတယ်။ လွတ်လပ်ရေးစပြီးတော့ ကြိုးပမ်းကတည်းက ဗိုလ်ချုပ်အောင်ဆန်းက တပ်မတော်ရဲ့ ခေါင်းဆောင်တစ်ဦးပါ။ ဗိုလ်ချုပ်အောင်ဆန်းက တပ်မတော်ကို ဖွဲ့ပေးလိုက်ပြီးတော့မှ ဒီ တပ်မတော်နဲ့ ပြည်သူလူထု ပူးပေါင်းပြီး လွတ်လပ်ရေးရအောင် ကြိုးပမ်းဆောင်ရွက်ခဲ့တာ ဖြစ်ပါတယ်။ ကျနော်တို့ရဲ့သမိုင်းကြောင်းမှာ တပ်မတော်ဟာ --- (၁း၀၁) အဖွဲ့အစည်းတစ်ခု ဖြစ်ပါတယ်။ ဒီဘက်ပိုင်းမှာလည်း လွတ်လပ်ရေးနဲ့ အတူ ပေါက်ဖွားလာတဲ့ လူမျိုးစု လက်နက်ကိုင် ပဋိပက္ခတွေနဲ့ တိုင်းပြည်ဟာ ဆူဆူပူပူဖြစ်ပြီးတော့ အစိုးရတောင်မှာ ရန်ကုန်အစိုးရ ဆိုပြီးတော့တောင်မှ ပြောတာ ဆိုတာ ခံရတာ ရှိပါတယ်။ အဲဒီတော့ တိုင်းပြည်က အခုနကလို သောင်းကြမ်းမှု အန္တရာယ်တွေနဲ့ ဒုက္ခသုက္ခတွေ ရောက်နေတဲ့အချိန်မှာ ကျနော်တို့ တပ်မတော်ကပဲ ဝင်ပြီးတော့မှ ဒီအခက်အခဲတွေ၊ အကျပ်အတည်းတွေ- ဒါတွေကို ဝင်ပြီး ဖြေရှင်း ဆောင်ရွက်ပေးတဲ့ အနေလည်း ရှိပါတယ်။ အဲဒီတော့ ကျနော် ပြောချင်တာက ကျနော်တို့ တပ်မတော်ဟာ ကျနော်တို့ သမိုင်းကြောင်း အခြေခံတွေက တခြား နိုင်ငံက တပ်မတော်တွေနဲ့ တူချင်မှ တူမယ်ပေါ့လေ။
လွတ်လပ်ရေး ကြိုးပမ်းမှု သမိုင်းမှာလည်း ပြည်သူနဲ့ပူးပေါင်းပြီးတော့ မှ ဆောင်ရွက်ခဲ့တာတွေ ရှိတယ်။ တိုင်းပြည်မှာ အခက်အခဲ အကြပ်အတည်းတွေ ဖြစ်ပေါ်လာတဲ့အခါမှာလည်း အခုနကလို တပ်မတော်ဟာ ကျရာ အခန်းကဏ္ဍကနေပြီး ပါဝင်ဆောင်ရွက်ပေးခဲ့တာ ရှိပါတယ်။  ဒါကြောင့်မို့လို့ မြန်မာ့နိုင်ငံရေးမှာ တပ်မတော်ကို ပစ်ပယ်ထားဖို့ မသင့်ဘူးလို့ကျနော် ဒီလို ထင်ပါတယ်။ တပ်မတော်ကို ပစ်ပယ်ထားလို့ မရပါဘူး။ ပြည်သူနဲ့ပေါင်းပြီးတော့ ဘာပဲဖြစ်ဖြစ် တပ်မတော် အခန်းကဏ္ဍတစ်ရပ်အနေနဲ့ ဆောင်ရွက်နေရမှာပါ။

အဲဒီတော့ လွှတ်တော်ထဲမှာ ပါနေတယ်ဆိုတဲ့ဟာက အမှန်ဖြစ်ပါတယ်။ အဲဒီတော့ နိုင်ငံရေးလုပ်ငန်းစဉ်မှာ တပ်မတော်က ပါဝင်ခွင့် မရှိဘူးလို့ ဒီလိုပြောလို့ ဒါတော့ မမှန်ဘူးလို့ ကျနော် ထင်ပါတယ်။ တဖြည်းဖြည်းနဲ့ ဒီမိုကရေစီ ရင့်ကျက်လာတဲ့အမျှ လွှတ်တော်ထဲက တပ်မတော်ရဲ့ကိုယ်စားလှယ်တွေဟာ လျော့ပါးသွားမှာ ဖြစ်ပါတယ်။ အင်ဒိုနီးရှားတို့ ဘာတို့ ပြောင်းသွားတာလည်း ဒီအတိုင်းပါပဲ။ တပ်မတော်က နိုင်ငံရေးနဲ့ ကင်းကွာလို့တော့ မရပါဘူး။ အစဉ်အလာ ရှိခဲ့ပါတယ်။  သမိုင်းကြောင်း ရှိခဲ့ပါတယ်။ တိုင်းပြည်မှာ အခက်အခဲတွေ အကြပ်အတည်းတွေ တွေ့တိုင်း၊ တွေ့တိုင်း တပ်မတော်ကနေ ဝင်ရောက်ပြီး ဆောင်ရွက်ခဲ့တာတွေ ရှိပါတယ်။ ၂၅ % ဆိုတာက လွှတ်တော်ထဲမှာ လောလောဆယ်မှာတော့ ရှိသင့်ရှိထိုက်တယ်၊ သို့သော်လည်းပဲ တဖြည်းဖြည်း ဒါတွေဟာ ကျနော်တို့ လျော့ပါးလာမယ်၊ နည်းပါးလာမယ်- ဒီလိုပဲ မြင်မိပါတယ်။

ဦးသန်းလွင်ထွန်း။         ။  မြန်မာနိုင်ငံမှာ လုပ်ဆောင်နေတဲ့  ကိစ္စတွေဟာ အင်မတန် အပြုသဘောဆောင်တဲ့ အကြောင်းအရာတွေအပေါ်ကို တစ်ခါ တစ်ခါ --- တဲ့ အမည်းစက်တွေ ရှိပါတယ်။ ရုပ်ဆိုးအကျည်းတန်တဲ့ ကိစ္စရပ်တွေပေါ့နော်။ အထူးသဖြင့် ရခိုင်ပြည်မှာ ဖြစ်ခဲ့တဲ့ ကိစ္စလိုမျိုး၊ ဘာသာရေးနဲ့ ပတ်သက်တဲ့ အဓိကရုဏ်းတွေပေါ့နော်။ ဒီကိစ္စတွေနဲ့ ပတ်သက်လို့ကတော့ တိုင်းပြည်တစ်ပြည်ရဲ့ အပြုသဘောဆောင်နေတဲ့ အခြေအနေတွေ ကြားထဲမှာ လက်ညှိုးထိုးပြစရာ အမြင်မျိုး ဖြစ်နေတယ်ဆိုတော့- ဒီကိစ္စနဲ့ ပတ်သက်ပြီးတော့ ဘာသာရေးအကြောင်းအရာနဲ့ ပတ်သက်ပြီးတော့ မေးမြန်းဖို့ ဆိုပြီးတော့ ဦးဝင်းအောင်ရှိနေပါတယ်။ ဦးဝင်းအောင်အနေနဲ့ ထပြီးတော့ မေးနိုင်ပါတယ်။ ဦးဝင်းအောင်ကတော့ အစောပိုင်းက ကျနော်တို့ ဗွီအိုအေရဲ့ ဌာန ဝန်ထမ်းဟောင်းပါပဲ။

ဦးဝင်းအောင်။    ။ ကျနော် ဝင်းအောင်ပါ။ ကျနော်တို့ ညီအကိုမောင်နှမ ၁၂ ယောက်ရှိတယ်။ မြန်မာပြည်က ထွက်လာပြီးတဲ့နောက် အနှစ် ၂၀ ကြာတဲ့အခါမှာ တော်တော်များများ ကွယ်လွန်သွားတာ - အခု ပြုပြင်ပြောင်းလဲမှုအရ ကျနော် မြန်မာပြည်ကို ပြန်ရောက်ပြီးတော့ လည်ပတ်ခွင့်ရတဲ့အခါမှာ  အသက်မသေ ရှင်ကျန်နေတဲ့ ညီအကို မောင်နှမတွေကို မသေခင်မှာ တွေ့ရတဲ့အတွက် သမ္မတကြီးကို ကျေးဇူးတင်ကြောင်း အရင် ပြောလိုပါတယ်။ ကျနော် ဗွီအိုအေမှာ ၁၅ နှစ်မလုပ်ခင် မြန်မာ့အသံမှာ အနှစ် ၂၀ လုပ်ခဲ့ပါတယ်။ ကျနော်ဟာ အင်္ဂလိပ် ကျွန်ခေတ်မှာ မွေးပါတယ်။ ဂျပန်ခေတ်ကိုလည်း ကြုံပါတယ်။ နောက် ပြည်တွင်းစစ် ဖြစ်တော့လည်းပဲ ကျနော်တို့ ကွန်မြူနစ် အုပ်စိုးတာတို့-ဘာတို့ ဖြစ်လာတော့ နောက် ကျနော် မြန်မာ့အသံမှာ အနှစ် ၂၀ လုပ်တဲ့အခါမှာ အိမ်စောင့်အစိုးရ- စသဖြင့် ခေတ်အဆက် ဆက် နောက်ဆုံး ခေတ်အဆက်ဆက်ကို ကျနော် ကြုံခဲ့ပါတယ်။ ကျနော်သတင်းစာဆရာပါ။ နှစ်ပေါင်း ၅၀ ကျော် ကလောင်ကိုင်ခဲ့တဲ့သူပါ။ အဲဒီတော့ကာ ဒီလို မြန်မာပြည်မှာပေါ့လေ- ပြုပြင်ပြောင်းလဲရေး ဖြစ်လာတဲ့ အတွက် အင်မတန်ကို ဝမ်းသာစရာ ဖြစ်ပါတယ်။ နောက် ကျနော်တို့ မြန်မာပြည်ကို ပြန်ကြည့်တဲ့အခါမှာ မြန်မာပြည်ကို ပြန်သွားချင်တဲ့ အခါမျိုးမှာ၊ အခုနက သမ္မတကြီး အမိန့်ရှိသလို ကျနော်တို့က အမြတ်ထုတ်ဖို့၊ Invest လုပ်ဖို့ မဟုတ်ပါဘူး။ ကျနော် အခုနက ပြောသလို ကျနော့် ညီအကို မောင်နှမအရင်းတွေ အဲဒီမှာ ရှိနေပါမယ်။ အဲဒီတော့ကာ မကြာသေးခင်က ဖြစ်နေတဲ့ ကိစ္စတွေ၊ အင်မတန် အကျည်းတန် အရုပ်ဆိုးတဲ့ ကိစ္စတွေ ဖြစ်နေတာက မြန်မာပြည်အတွင်းမှာ ဘယ်လောက်ထိ သိကြတယ်၊ မြင်ကြတယ်ဆိုတာကို မသိရပေမဲ့လို့ ပြည်ပမှာကတော့ သမ္မတကြီးလည်း သိတဲ့အတိုင်းပါပဲ။ ဒီကနေ့ ခေတ်ပေါ် တိုးတက်တဲ့ နည်းပညာတွေအရ သမ္မတကြီးအိမ်မှာ နေ့လည်စာ ဘာတို့စရာနဲ့၊ ဘာဟင်းနဲ့ စားလဲဆိုတာကိုတောင်မှ သိလို့ မြင်လို့ရတဲ့ အခြေအနေမျိုး ဖြစ်သွားပါပြီ။

ဦးသန်းလွင်ထွန်း။         ။ ဦးဝင်းအောင်ခင်ဗျာ။ ဘာသာရေးနဲ့ ပတ်သက်တဲ့ ဦးဝင်းအောင် မေးစရာရှိတာကို မေးပေးပါ။

ဦးဝင်းအောင်။    ။ ဒီလို ဘာသာရေး အကျည်းတန်၊ အရုပ်ဆိုးတဲ့ ဖြစ်ရပ်တွေကို ပြင်ပမှာ မြင်နေရတဲ့အတွက်က သမ္မတကြီး ဦးဆောင်တဲ့ ပြုပြင်ပြောင်းလဲရေး လုပ်ငန်းစဉ်ကို အင်မတန် အကျည်းတန် အရုပ်ဆိုးစေပါတယ်။ အထူးသဖြင့် ဒီ မုန်းတီးရေးကို ဖန်တီးနေတဲ့- ပြောင်ပြောင်တင်းတင်း လုပ်နေတာကို တရားဥပဒေစိုးမိုးရေးအရ ဘယ်လိုမှ ဘာကြောင့် အရေးမယူလဲဆိုတာ - ကျနော်ဟာ အစ္စလာမ်ဘာသာဝင် မူဆလင်တစ်ယောက်ပါ။ မွတ်ဆလင်တစ်ယောက် အနေနဲ့လည်း ကျနော် တော်တော် စိတ်မကောင်းဖြစ်ပါတယ်။ မြန်မာပြည် မှာ မွေးတဲ့ လူတစ်ယောက်အနေနဲ့လည်း ဝမ်းနည်းပါတယ်။ နောက် အနှစ် ၅၀ သတင်းသမားတစ်ယောက် အနေနဲ့လည်း ကျနော် အံ့သြမိပါတယ်။

ဦးသန်းလွင်ထွန်း။         ။ ဟုတ်ကဲ့၊ ကျေးဇူးတင်ပါတယ်၊ ဦးဝင်းအောင် ခင်ဗျ။ မေးချင်တဲ့သဘောတော့ ကျနော်နားလည်ပါတယ်။ ကျနော်နားလည်တာက လက်ရှိ မုန်းတီးရေးတွေ လှုံဆော်နေတာတွေကို ဘာကြောင့် အရေးမယူသလဲ၊ အရေးယူမှု ရှိသလားဆိုတာကို သိချင်တယ်။

သမ္မတဦးသိန်းစိန်။      ။ ကျနော် ပြောရမယ်ဆိုရင်တော့ ကျနော်တို့ နိုင်ငံရေးအရ ပြုပြင်ပြောင်းလဲမှုတွေလုပ်တယ်။ တခါ စီးပွားရေးအရ ပြုပြင်ပြောင်းလဲမှုတွေ လုပ်တယ်။ အဲတော့ အောင်မြင်မှုတွေလည်း ကျနော်တို့ အထိုက်အလျောက် ရပါတယ်။ အခက်အခဲတွေ စိန်ခေါ်မှုတွေ ဒါတွေလည်း ကျနော်တို့ တွေ့ရပါတယ်။ အဲတော့ ရခိုင်မှာဖြစ်တဲ့ ကိစ္စတွေက ဖြစ်ရိုးဖြစ်စဉ် ထပြီးတော့ ဖြစ်ကြတဲ့ ပုံစံမျိုးတော့ မဟုတ်ပါဘူး။ ရာဇ၀တ်ပြစ်မှုအပေါ်မှာ မူတည်ပြီးတော့ လူအုပ်စုတစုနဲ့ တစု မီးရှိုကြ အကြမ်းဖက်ကြနဲ့မှ ကြီးထွားလာတဲ့ ကိစ္စဖြစ်ပါတယ်။ ဒါနဲ့ပတ်သက်ပြီးတော့ စုံစမ်းစစ်ဆေးရေးကော်မရှင်ဖွဲ့ပါတယ်။ စုံစမ်းစစ်ဆေးရေးကော်မရှင်မှာ ဟိုဖက်က ဒေါက်တာ ပါပါတယ်။ ဒီကိစ္စနဲ့ပတ်သက်ပြီးတော့ ဒေါက်တာ နဲနဲလေး ဖြေပေးလိုက်ပါ။

ဒေါက်တာကျော်ရင်လှိုင်။        ။ အချိန်အရဆိုတော့ အများကြီးတော့ ကျနော် မပြောတော့ပါဘူး။ သို့သော် ခြုံပြီးပြောမယ်ဆိုရင် တဖက်နဲ့တဖက် ယုံကြည်မှုတွေ လျှော့ပါးနေတာတွေ၊ နောက်ပြီး မုန်းတီးမှုတွေ ရှိနေတာက မြန်မာပြည်မမှာရော ရခိုင်ပြည်နယ်မှာပါ အတော်ကြာကြာ ရှိနေပြီးသားပါ။ ပြုပြင်ပြောင်းလဲမှုတွေလုပ်လာတဲ့အခါ ပွင့်လာတဲ့အခါ မကျေနပ်မှုတွေကို ပိုပြီး ပြလာတဲ့ အခြေအနေမှာရှိတော့ ဖြစ်သွားတဲ့ ရာဇ၀တ်မှုပေါ် မူတည်ပြီးတဲ့အခါမှာ ရခိုင်ပြည်နယ်မှာ Community Level မှာပဲ အဓိက ဖြစ်ခဲ့တာပါ။ ဒါနဲ့ပတ်သက်လို့ Report ကိုလည်း လူပေါင်း နှစ်ထောင်ကျော်လောက်ကို အင်တာဗျူးပြီး ရေးခဲ့တာပါ။ ဒါနဲ့ ပတ်သက်လို့လည်း Online မှာ အင်္ဂလိပ်လိုရော မြန်မာလိုရော ရပါမယ်။ အဓိက ပြောချင်တာက မကျေနပ်မှုတွေ မုန်းတီးမှုတွေက အရမ်းများလာတဲ့အခါမှာ အခွင့်အရေးယူပြီး မြောက်ထိုးပင့်ကော်မှုတွေကလည်း အများကြီး  ပါလာတယ်။ အဲဒီ ပါလာတဲ့ အပိုင်းတွေက အခြေအနေတွေကို ပိုပြီး ဆိုးသွားစေတာပါ။ နောက် အစိုးရအနေနဲ့ အရေးယူမှုမပြုဘူးဆိုတာ အဲဒါတော့ မဟုတ်ပါဘူးဗျ။ မိတ္တီလာမှာ ပြီးပြီးတဲ့အချိန်မှာလည်း အရေးယူမှုတွေ အများကြီးလုပ်ပါတယ်။ ရခိုင်မှာလည်း ကျနော်တို့က အရေးယူမှုတွေ အများကြီးလုပ်ပါတယ်။ ရခိုင်မှာလည်း အရေးယူမှုတွေနဲ့ပတ်သက်ပြီး ကျနော်တို့ ကော်မရှင်အနေနဲ့က အားလုံးကို ကြည့်ခွင့်ရတဲ့အတွက် အရေးယူမှုတွေက အများကြီးလုပ်ထားပါတယ်။ နောက်ဆုံး တခု ပြောချင်တာက ဒီအစိုးရအနေနဲ့ ဘာမှ လုပ်မထားဘူးဆိုတာနဲ့ပတ်သက်လို့ Interfaith Dialogue တွေကို တနိုင်ငံလုံးအတိုင်းအတာနဲ့ လုပ်ဖို့ လုပ်နေပါတယ်။ ရခိုင်ပြည်နယ်နဲ့ပတ်သက်ပြီးတော့ ရခိုင်ပြည်နယ်တည်ငြိမ်ရေးနဲ့ ဖွံဖြိုးတိုးတက်ရေးတွေကနေ ဒါတွေကို လုပ်နေပါတယ်။ ရခိုင်ကော်မရှင်ကိစ္စ ပြီးသွားတော့ ဒီကိစ္စမှာ ပါဝင်ခဲ့တဲ့လူတွေနဲ့ ဆက်ပြီးလုပ်နေ ကျနော်တို့ အကြံပြုနေတယ် ၀င်ပြီး ကူညီနေတဲ့အချိန်မှာ ဒီ Interfaith Dialogue တွေကို ရန်ကုန်မှာလည်း လုပ်နေပါတယ်။ ရခိုင်မှာလည်း အဖွဲ့တွေက အစ္စလာမ်ဘာသာဝင်တွေ ဗုဒ္ဒဘာသာဝင်တွေ အတူတွဲသွားပြီးတော့ ကျယ်ကျယ်ပြန့်ပြန့်လုပ်ဖို့ ၀ိုင်းပြီးလုပ်နေကြပါပြီ။ အားလုံးကို ကျေးဇူးတင်ပါတယ်။

သမ္မတဦးသိန်းစိန်။      ။ ကိုသန်းလွင်ထွန်းရေ ကျနော်ကို ခွင့်ပြုပါ။ ကျနော် အစီအစဉ်လေးတခုရှိနေလို့ ။ ကျန်တဲ့မေးခွန်းတွေကို ဖြေမယ့် ပုဂ္ဂိုလ်တွေ ရှိပါတယ်။ အားလုံးပဲ ကျနော့်ကို ခွင့်လွှတ်ပါ။

ဦးသန်းလွင်ထွန်း။       ။ ဟုတ်ကဲ့ သမ္မတကြီး။ ကျေးဇူးတင်ပါတယ်ခင်ဗျ။

(မူရင်း ဗီအိုအေ မြန်မာဌာန http://burmese.voanews.com/content/thein-sein-voa-05-19-13/1664169.html မှ ကူးယူဖော်ပြသည်)

Read More

ဦးဝီရသူနှင့်တွေ့ဆုံခြင်း

မွတ်စလင်ဆန့်ကျင်ရေး ဟောပြောမှုများဖြင့် နာမည်ကျော်ကြားလာပြီး လတ်တလော ဗုဒ္ဓဘာသာဝင်တို့၏ သင်္ကေတအဖြစ် ၉၆၉ ကို အမှတ်တံဆိပ်ကို သတ်မှတ်ရေး ဦးဆောင်ဟောပြောနေသည့် မန္တလေး၊ မစိုးရိမ်ကျောင်းတိုက်မှ သက်တော် ၄၅ နှစ် အရွယ်ရှိ ဦးဝီရသူသည် ဘာသာရေး၊ လူမျိုးရေး အဓိကရုဏ်းများ ဖြစ်ပွားစေသော စာရွက်စာတမ်းများ ဖြန့်သည်ဟုဆိုကာ ၂၀၀၃ ခုနှစ်တွင် အဖမ်းခံခဲ့ရပြီး ထောင်ဒဏ် ၂၅ နှစ် အပြစ်ပေးခံခဲ့ရသည်။ ၂၀၁၂ ခုနှစ် ဇန်နဝါရီလတွင် လွတ်ငြိမ်းချမ်းသာခွင့်ဖြင့် မြစ်ကြီးနား အကျဉ်းထောင်မှ ပြန်လည်လွတ်မြောက်လာပြီး မတ်လတွင် အကျဉ်းကျနိုင်ငံရေး ဘုန်းတော်ကြီးများ လွတ်မြောက်ရေး ဆန္ဒပြပွဲ၊ အောက်တိုဘာလတွင် အစ္စလမ်မစ် ပူးပေါင်းဆောင်ရွက်မှုအသင်း ဆန့်ကျင်ရေးဆန္ဒပြပွဲများကို ဦးဆောင်ခဲ့သည်။ လက်ရှိဖြစ်ပွားနေသော ဘာသာရေးပဋိပက္ခများနှင့် စပ်လျဉ်းပြီး ဧရာဝတီ အထူး အကြီးတန်း သတင်းထောက် သာလွန်ဇောင်းထက် ဆက်သွယ်မေးမြန်းထားပါသည်။

မေး။   ။ မိတ္ထီလာပဋိပက္ခမှာ သေဆုံးမှုက ၄၂ ဦးထိရှိလာပြီလို့ အစိုးရက တရားဝင်သတင်းထုတ်ပြန်တယ်။ အရှင်ဘုရားကလည်း မိတ္ထီလာကို သွားရောက်ပြီး တားမြစ်ခဲ့တာတွေလုပ်ခဲ့တော့ ဘာကြောင့် ဒီလောက်အထိ အသေအပျောက်တွေ များလာရတယ်လို့ ထင်ပါသလဲ။

ဖြေ။   ။အသေအဆုံးများတာက ဒုတိယနေ့(မတ် ၂၁) ပိတ်မိနေတဲ့ မွတ်စလင်တွေ၊ အဲဒီအကြောင်းပြောရရင်တော့ ဖြစ်ပြီးလို့ မီးတွေဘာတွေရှို့ကြတဲ့အခါမှာ ရှောင်တိမ်းနေတဲ့ မွတ်စလင်တွေ၊ အဲဒီမွတ်စလင်တွေက ကျောင်းသားတွေများတယ်။ အာရဗီစာသင်ကျောင်းက ကျောင်းသားတွေများတယ်။ အရပ်သားတွေလည်း ပါတယ်။ သူတို့တတွေကို ရယက ဖွက်ပေးထားတယ်။ လုံခြုံရေးလည်း ချပေးထားတယ်။ နောက်တနေ့ မနက် ၄ နာရီ လုံခြုံရေးတွေ ရုပ်သွားတဲ့အခါကျတော့ ပုန်းအောင်းနေတဲ့ မွတ်စလင်တွေ သွေးကြွသွားပြီးတော့ ကြွေးကြော်သံတွေ ကြွေးအော်တယ်။ ကျန်တဲ့သူတွေက သံပြိုင်အော်ကြတယ်။ အဲဒီတော့မှ မြို့လူထုက မွတ်စလင်တွေ ဒီမှာရှိတယ်ဆိုပြီးတော့ သိသွားကြတယ်။ သိသွားတဲ့အချိန်မှာ လာဝိုင်းကြတယ်။ ၀ိုင်းတဲ့အချိန်မှာ သူတို့က ဘေးပတ်လည်လည်မှာဆိုရင် ဒီဘက်ဘေးမှာဆိုရင် ဗလီရှိတယ်။ ညာဘက်မှာဆိုရင် မီးလောင်ပြင်ရှိတယ်။ သူတို့ရဲ့ မျက်နှာချင်းဆိုင်တည့်တည့်မှာဆိုရင် ကုန်းမြင့်ကြီးရှိတယ်။ သူတို့က မပြေးသာတော့ဘူး။ အဲဒီမှာ ၀ိုင်းတဲ့အချိန်မှာ မွတ်စလင်ထဲက တယောက်က လေးခွနဲ့ သံဃာတပါးကို ပစ်တယ်။ အဲဒီမှာ ဗမာလူအုပ်က သွေးကြွလာတယ်။ ဗမာလူအုပ် နီးသထက်နီးလာတဲ့အချိန်မှာ အက်ဆစ်ထုပ်တွေ ဘာတွေပစ်တယ်။ အဲဒီအချိန်အထိ တိုက်ခိုက်မရှိတာဘူး။ ဗမာလူအုပ်ကလည်း ရပ်ကြည့်နေတယ်။ သူတို့တွေကလည်း ထွက်မလာဘဲ ဟိုဟာနဲ့ ဒီဟာနဲ့ ပစ်တယ် ဒါပါပဲ။ အဲဒီနေ့ မိတ္ထီလာကို ဦးဇင်းရောက်နေတာ။ ဦးဇင်းက ၂၀ ရက်နေ့ ညကတည်းက ရောက်နေတာ။ အဲဒီအချိန်မှာ ဦးဇင်းရော၊ ရွှေည၀ါရော၊ မင်းကိုနိုင်တို့တောင်ရောက်နေပြီ။ အဲလိုဖြစ်နေတဲ့ အချိန်မှာ အယောက် ၂၀ လောက်က ဗမာလူအုပ်ကြီးကို အသေခံပြီးထွက်တိုက်တယ်။ အဲဒီမှာ ကျဆုံးကြတယ်။ တနေရာတည်းကို ၉ လောင်း၊ ၁၀ လောင်း၊ ၁၁ လောင်းလောက်ကျတယ်။ အဲဒီလို တိုက်ခိုက်နေတဲ့အချိန်မှာ လုံခြုံရေးတွေက ကျန်တဲ့သူတွေကို ဖော်ထုတ်ကယ်တင်သွားတယ်။ အဲဒါ အကျအဆုံး အများဆုံးပဲ။ တနေရာတည်းမှာ။ ကျန်တာတွေကတော့ အပြန်အလှန်မီးရှို့ကျတယ်။ ဟိုနေရာ တယောက်ကျ၊ ဒီနေရာ တယောက်ကျ။ အစုလိုက်အပြုံလိုက်ကတော့ အဲဒီနေရာမှာပဲကျတာ။

မေး။   ။ ကုလသမဂ္ဂ မြန်မာနိုင်ငံဆိုင်ရာ အထူးကိုယ်စားလှယ် ဗီဂျေနမ်ဘီးယားနဲ့ နိုင်ငံတကာ သတင်းဌာနတွေက မိတ္ထီလာ အဓိကရုဏ်းက စနစ်တကျ စီစဉ်ထားတဲ့ ရက်စက်တဲ့ လူသတ်အကြမ်းဖက်မှုကြီးလို့ ရေးသားနေကြပါတယ်။ အဲဒီအပေါ်မှာ ဆရာတော်ရဲ့ အမြင်လေးသိချင်ပါတယ်။

ဖြေ။    ။ ပထမနေ့နဲ့ ဒုတိယနေ့မှာ ဘယ်သူမှ စနစ်တကျမရှိပါဘူးဗျာ။ တကယ်တန်းစနစ်တကျရှိတာက ပထမနေ့မှာ ကုလားရပ်ကွက်ထဲမှာရှိတဲ့ မွတ်စလင်တွေကမှ စနစ်တကျရှိတာ။ သူတို့က တုတ်တွေ၊ ဒုတ်တွေ၊  ဓါးတွေလက်နက်တွေ အကုန်ကိုင်ဆောင်ပြီးတော့ ဗမာမှန်သမျှကို အကုန်ခုတ်တာ။ သံဃာတပါးအသတ်ခံရတယ် ကြားတဲ့အခါမှာ ဗမာလူအုပ်ကြီးက ကုလားရပ်ကွက်ထဲကို တိုးဝင်သွားတာ။ တကယ်တန်းကျတော့ သူတို့မှာ ဘာလက်နက်မှ မရှိဘူး။ ၁၀ ယောက်မှာ ၁ ယောက်ပဲ   တုတ်ပါတယ်။ အဲဒီတုတ်ကလည်း အိမ်ဖျက်ဆီးထားတဲ့နေရာကနေ ပါလာတဲ့တုတ်။ အဲဒါပဲ။ ကိုယ်က တုတ်ပဲ ပါတယ်။ ဘာလက်နက်မှ မပါဘူး။ ဟိုကလူတွေက ဓားတွေနဲ့ ဆီးခုတ်တယ်ဆိုတော့ အတုန်းအရုန်း ကျတယ်ဗျ။ ၂ ယောက်သေပြီးတော့ ၁၆ ယောက်လောက် ဒဏ်ရာရတယ်။ ဓားခုတ်ဒဏ်ရာနဲ့ တကယ့်ပြင်းထန်တဲ့ဒဏ်ရာပေါ့။ အဲဒီလိုစီစဉ်ထားတာက မွတ်စလင်ရပ်ကွက်ထဲကဖြစ်တယ်။ ဒုတိယနေ့ကလည်း ဘယ်သူမှ မစီစဉ်ဘူး။ အသံကြောင့် ဖားသေဖြစ်သွားတာ။

မေး။  ။ အခု နိုင်ငံတကာသတင်းဌာနတွေက ၉၆၉ နဲ့ပတ်သက်လို့ ဗုဒ္ဓဘာသာ အစွန်းရောက်တွေဆိုပြီး ရေးလာကြတာတွေ ရှိနေပါတယ်။ အဲဒါ ဆရာတော်အနေနဲ့ ၉၆၉ အဓိပ္ပာယ်ကို နည်းနည်းလေး သိအောင်ရှင်းပြပေးပါလား။

ဖြေ။  ။ ရှင်းပြလို့ရပါတယ်။ ပထမအစ ဂဏန်း ၉ က ဘုရားဂုဏ်တော်ကိုးပါးရည်ရွယ်တယ်။ ဒုတိယ ဂဏန်း ၆ က တရားဂုဏ်တော် ၆ ပါးကို ပြောတာ။ တတိယ ဂဏန်း ၉ က သံဃာ့ဂုဏ်တော် ၉ ပါးကို ရည်ရွယ်တာ။ ဘုရားတရားသံဃာ ရတနာ ၃ ပါးရဲ့  ဂုဏ်တော်တွေဖြစ်ပါတယ်။ ဟိုးအရင်တုန်းက ဗုဒ္ဓံသရံဏံ၊ အရဟံတို့ ဓမ္မစကြာတို့ စသည်ဖြင့် အဲဒါတွေက ဗုဒ္ဓဘာသာဝင်တွေရဲ့သင်္ကေတဖြစ်သလို ၉၆၉ က ဗုဒ္ဓဘာသာဝင်တွေရဲ့ သင်္ကေတဖြစ်တယ်။ ၉၆၉ ကို မဆီမဆိုင်ဆွဲထည့်တာကတော့ တရားခံရှာမရလို့ တွေ့ရာမြင်ရာလူကို ထုထောင်းရိုက်နှက်ပြီးတော့ တရားခံလုပ်သလိုမျိုးပေါ့နော်။ ဘာဖြစ်လို့လဲ ၉၆၉ က မိတ္ထီလာမှာ တရွက်မှ မရောက်ဘူးဗျ။ ဘယ်သူမှလည်း လာမဖြန့်ဘူး။ ဦးဇင်းတရားဟောတုန်းက အဲဒီမှာ စတေကာတွေ ၂၅ လောက် ဖြန့်ခဲ့တယ်။ အဲဒီစတေကာကလည်း Save Our Future အဲဒါလေးပါပဲ။ အဲဒါကို မဆီမဆိုင် ၉၆၉ ကို တရားခံ လုပ်နေတာကြီးက  တခြားစီပါဗျာ။ တကယ်တန်းတော့ ဘုရားတရားသံဃာ ဂုဏ်တော်တွေပါ။ တကယ်အပြစ်ကင်းပါတယ်။

မေး။   ။ပဲခူးတိုင်းဒေသကြီးမှာ မွတ်စလင်တွေရဲ့ ဗလီတွေ၊ နေအိမ်တွေနဲ့ ဈေးဆိုင်တွေ အဖျက်ဆီးခံရတယ်။ ကြို့ပင်ကောက်က အဖျက်ဆီးခံရတဲ့ နေအိမ်နဲ့ ကားတွေပေါ်မှာ ၉၆၉ ဆိုတဲ့ အမှတ်တံဆိပ်ကို မင်အစိမ်းနဲ့  ရေးတာတွေရှိနေပါတယ်။ ဆရာတော်အနေနဲ့ ဗလီတွေကို ဖျက်ဆီးနေတာတွေ၊ ဖျက်ဆီးထားတဲ့အပေါ်မှာ ၉၆၉ ရေးထိုးသွားတာတွေနဲ့ပတ်သက်လို့ ဘယ်လိုမှတ်ချက်ပြုချင်ပါသလဲ။

ဖြေ။   ။ဒကာကြီး ပဲခူးတိုင်းဖြစ်ပျက်နေတဲ့ နေရာတော်တော်များများမှာ ဦးဇင်းက မြို့ခံတွေနဲ့ အဆက်အသွယ် မရှိတဲ့အခါကျတော့ အဲဒီအကြောင်းအရာကို ဘာမှ မသိရဘူး။ ဦးဇင်းတို့ ဖွဲ့စည်းထားတဲ့နေရာတွေမှာတော့ ဦးဇင်းမူဝါဒ၊ လမ်းစဉ်အတိုင်း အလုပ်လုပ်ကြတဲ့အတွက်ကြောင့် ဘာပြသနာမှမဖြစ်ဘူး။ ဦးဇင်း အခု အမှုတွေ အများကြီးကိုင်တွယ်ထားတယ်ပေါ့။ မွတ်စလင်နဲ့ ဗမာတွေနဲ့ ဖြစ်တဲ့အမှုတွေ။ မုဒိမ်းမှုတွေ၊ အရွယ်မရောက်သေးတဲ့ ၄ တန်းကျောင်းသူ၊   ၇ တန်းကျောင်းသူ၊ ကျောင်းသူတွေကို ပြုကျင့်တဲ့ အမှုတွေများတယ်။ နောက် ကာယကံအလျောက် ထိုးကြိတ်စော်ကားတဲ့ အမှုတွေများ၊ ဘာသာ သာသနာကိုစော်ကားတဲ့အမှုတွေ များတယ်။ နောက်ဆုံးဗျာ ရဟန်းသံဃာကို ပက်ပက်စက်စက် မိုက်မိုက်ရိုင်းရိုင်း ဆဲတဲ့အမှုတောင်ပါတယ်။ တရားမ၀င် ဗလီတွေပါတယ်။ ကျူးကျော် ဗလီတွေပါတယ်။ မွတ်စလင်သချိုင်းတွေပါတယ်။ ဒီအမှုတွေအားလုံးကို ဦးဇင်းဆီမှာ ၅၀ ကျော် လက်ခံထားပြီးတော့ တယ်လီဖုန်းနဲ့ ဖြေရှင်းပြီးတော့ အကြံဥာဏ်ပေးရတာပေါင်းရင် ၁၀၀ ကျော်ရှိနေပြီ။ သိတာအကုန်လုံးကို ဦးဇင်းက ဥပဒေဘောင်ထဲကနေ ဖြေရှင်းဖို့ဆိုပြီးတော့ ဆုံးမ သြ၀ါဒပေးတဲ့အတွက် ဦးဇင်းထက် ကြီးတဲ့ သံဃာတွေရော၊ လူတွေရော ဦးဇင်းစကား နားထောင်ကြတယ်။ ဥပဒေဘောင်ထဲက ဖြေရှင်းတဲ့အတွက် ဘာပြသနာမှ မရှိဘူး။ ဦးဇင်းတို့နဲ့ နီးစပ်တဲ့ အသိုင်းအ၀ိုင်းမှာ တကယ် ၉၆၉ ဆိုတာ အကြမ်းမဖက်ဘူး။

မေး။  ။နေပြည်တော် သာသနာရေးဝန်ကြီးဌာနက ၉၆၉ အမှတ်တံဆိပ်က ဗုဒ္ဓဘာသာရဲ့ တရားဝင်သင်္ကေတအဖြစ် အသိအမှတ်ပြုထားတာမရှိပါဘူးလို့ ပြောပါတယ်။ အကြောင်းကြားပါတယ်။ အဲဒါနဲ့ ပတ်သက်လို့ အမြင်လေးသိချင်ပါတယ်။

ဖြေ။  ။ဟုတ်ပါတယ်။ ဦးဇင်းတို့ သိသလောက် မှတ်သလောက် တတ်သလောက်ပဲ လိုက်လံဖြန့်ဖြူးနေကြတာလေ။ ဒါကြီးကို တရားဝင်မှတ်ပုံတင်ပြီးတော့ ဖြန့်ဖြူးနေတာမဟုတ်ဘူးပေါ့။ ဥပမာဆိုကြပါစို့၊ ဒီဟာကို ပြင်ဆင်တဲ့သူက ပြင်ဆင်တယ်။ လှူဒါန်းတဲ့သူက လှူဒါန်းတယ်။ လိုက်ဖြန့်တဲ့သူက လိုက်ဖြန့်တယ်။ အစိုးရဆီမှာ တရားဝင်မှတ်ပုံတင်ပြီးတော့ ဒါတွေကို ရောင်းဝယ်ဖောက်ကားတာမဟုတ်ဘူး။

မေး။  ။ဆရာတော်ရဲ့ အမျိုးသားရေး ပေါ့ပေါ့မတွေးနဲ့ ဆိုတဲ့ တရားဟောပြောမှုမှာ ဒေါ်အောင်ဆန်းစုကြည်နဲ့ မင်းကိုနိုင်က ဘာမှမလုပ်နိုင်ဘူး။ NLD က ခွပ်ဒေါင်းမဟုတ်ဘူး။ မွတ်စလင်တွေရဲ့ မွတ်ဒေါင်းလို့ ဆိုထားပါတယ်။ အဲဒါနဲ့ပတ်သက်လို့ ရှင်းပြပေးပါ ဘုရား။

ဖြေ။  ။ဦးဇင်းက ဒေါ်အောင်ဆန်းစုကြည်ကို တလျှောက်လုံးထောက်ခံခဲ့တယ်။ ဒါပေမယ့် ရခိုင်အရေးဖြစ်လာတဲ့အခါမှာ ဒေါ်အောင်ဆန်းစုကြည်က တကယ်တန်းကျတော့ ဘာမှ အားမကိုးလောက်ဘူး။  အဲဒါကြောင့်မို့လို့ ဒေါ်အောင်ဆန်းစုကြည် ဘာကြောင့် ဒီလိုနှုတ်ဆိတ်သွားသလဲဆိုတာကို ဒေါ်အောင်ဆန်းစုကြည် နားရောက်နေတဲ့သူတွေကြောင့် ဖြစ်နိုင်တယ်လို့ ယူဆတယ်။ ပြီးတော့ မြို့တွေတော်တော်များများရဲ့ NLD ရုံးတွေမှာ ရုံးထိုင်တာက မွတ်စလင်တွေများတယ်။ သူတို့တတွေကြောင့် ဗမာတွေက NLD ရုံးကိုသွားပြီးတော့ လှည့်ပြန်လာရတယ်။ အချို့မြို့တွေမှာဆိုလိုရှိရင် မွတ်စလင်အိမ်ကိုငှားပြီး ရုံးဖွင့်ရတဲ့အတွက်ကြောင့် မွတ်စလင်မျက်နှာကိုကြည့်ပြီး အာဇာနည်နေ့လိုမျိုးတောင်မှ ဗိုလ်ချုပ်အောင်ဆန်း အထိမ်းအမှတ် နေ့မျိုးမှာ ဆွမ်းကပ်ဖို့ အိမ်ရှင်က တားမြစ်လို့ ဆွမ်းမကပ်ရဘူး။ အဲဒါကြောင့်မို့လို့ ခွပ်ဒေါင်းက ခွပ်ဒေါင်းအသွင်မဆောင်ဘဲ မွတ်ဒေါင်းအသွင်ဆောင်လာပြီလို့ ဦးဇင်းဟောတာလေ။

မင်းကိုနိုင်တို့ ၈၈ အဖွဲ့  ကို ဦးဇင်းက ဒုတိယအင်အားအကြီးဆုံးအဖွဲ့ဆိုပြီးတော့ တအားအားကိုးတယ်။ အနာဂတ်အတွက် အများကြီးမျှော်လင့်ထားတာ။ ဒါပေမယ့်သူတို့လည်း ရခိုင်အရေး အခင်းမှာ ပြည်သူလူထု ပြောပလောက်အောင် အားကိုးစရာမရှိဘူး။ အဖွဲ့အစည်းတရပ်အနေနဲ့  ပြည်သူ့ဘက် ရပ်တည်တာမျိုးမရှိဘူးပေါ့ဗျာ။ လူပုဂ္ဂိုလ်အနေနဲ့ တဦးတယောက် ထပြောတယ်။ ရခိုင်ဒုက္ခသည်တွေကူညီပြီး အပြန်မှာ သတင်းစာရှင်းလင်းပွဲလုပ်တယ်။ ဒါပဲ။ ကြေညာချက်တရပ်ထုတ်ပြီးတော့ သတ်သတ်မှတ်မှတ် ရိုဟင်ဂျာက တိုင်းရင်းသားမဟုတ်ပါဘူးတို့၊ အခုလို ဘင်္ဂလီတွေက ရခိုင်တွေ အတုံးအရုံးသတ်ဖြတ်နေတာကို လုံးဝ ရှုတ်ချပါတယ်ဆိုတဲ့ ပုံစံမျိုးတွေ မတွေ့ရဘူး။ အဲဒါကြောင့်မို့ ဓမ္မနဲ့ အဓမ္မမှာ အမြဲတမ်း ဓမ္မဘက်က ရပ်တည်နေပါတယ်ဆိုတဲ့ မင်းကိုနိုင်က ပထမ ရခိုင်အရေးအခင်းမှာ တကယ်တန်းကျတော့ ဓမ္မဘက်မှာ ရပ်တည်တာ မတွေ့ရတော့ဘူး။ အဲဒါကြောင့် အဲဒါကို ထည့်ဟောတာ။

မေး။  ။ဆရာတော်ရဲ့ ဟောပြောချက်တွေမှာ အစ္စလမ်ဘာသာဝင်တွေရဲ့ ၇၈၆ အမှတ်တံဆိပ်ရေးထားတဲ့ ဆိုင်တွေမှာ အားမပေးရဘူးလို့ ပါနေတော့ ဘာသာရေးနဲ့ လူမျိုးရေး ခွဲခြားမှုတွေဖြစ်ပြီး လူ့အဖွဲ့အစည်း ကြားမှာ မယုံကြည်မှုတွေ၊ မုန်းတီးမှုတွေ မဖြစ်စေနိုင်ဘူးလားဘုရား။

ဖြေ။  ။အော် ဒကာကြီးရဲ့။ အဲဒါက ဗမာနည်းမဟုတ်ဘူး။ အဲဒါ မွတ်စလင်နည်းလေ။ မွတ်စလင်တွေ အဲဒီအတိုင်း ကျင့်သုံးတာ။ ဒကာကြီး မြို့ထဲလှည့်ကြည့်လေ မွတ်စလင်တွေက ဗမာဆိုင် အားပေးတာ ဘယ်နှယောက်ရှိသတုန်း။ သူတို့က သူတို့ဆိုင်တွေကို အားပေးရင် ဦးဇင်းတို့ကလည်း ဦးဇင်းတို့ ဆိုင်ကို အားပေးရမှာပေါ့။ ဆိုတော့ ဦးဇင်းဘာသာဝင်တွေရဲ့ ဆိုင်တွေသာ ဦးဇင်းတို့အားပေးရင် ဒီလိုစော်ကားခံရတာ တွေ မရှိနိုင်ဘူးလေ။ ကိုယ့်အချင်းချင်း ပြသနာဖြစ်တယ် ဒီလောက်တော့ မပိုဘူးပေါ့ဗျာ။ အမျိုးသားရေး ပြသနာအဆင့်မရောက်နိုင်ဘူး။ ကိုယ့်အချင်းချင်းဆိုင် မ၀ယ်ဘဲ ရွှေဆိုင် မွတ်စလင်ဆိုင်ကို  သွားတော့ အစော်ကားခံရတာပေါ့။ အခုလို စော်ကားခံရတော့ အမျိုးသားရေးပြသနာအဆင့်ရောက်သွားတာပေါ့။ အဲဒါကြောင့်မို့ ဈေးဝယ်တာနဲ့ပတ်သက်လို့ သွေးခွဲရာမရောက်ပါဘူး။ ကိုယ့်လူကာကွယ်ရာတောင် ရောက်တယ်။ ကိုယ့်လူမျိုးကို ကိုယ်ပြန်ကာကွယ်ရာရောက်တယ်။

မေး။  ။အခု ပဋိပက္ခတွေ ပျံ့နှံ့မှုကြီးလာတော့ လူ့အဖွဲ့အစည်းတွေကြားမှာ စိုးရိမ်မှုတွေ၊ ကြောက်ရွံ့မှုတွေဖြစ် လာနေပြီ။ ဒါတွေ ချုပ်ငြိမ်းအောင် ဘယ်လိုလုပ်သင့်တယ်လို့ ဆရာတော်အကြံပြုချင်ပါသလဲ။

ဖြေ။  ။ကျုပ် အမြဲတမ်းအကြံပြုနေတယ်။ ထောင်ကထွက်ကတည်းက မွတ်စလင်အသိုင်းအ၀ိုင်းကို အကြံပြုနေတယ်။ အခုလည်း အကြံပြုနေတယ်။ မနေ့ညကလည်း အကြံပြုနေတယ်။ ဦးဇင်းတို့တွေက ပူးပေါင်းပြီးတော့ ဖြေရှင်းမှဖြစ်တော့မယ်။ မွတ်စလင်တွေကလည်း မြို့ရွာတွေမှာ ရပ်မိ၊ ရပ်ဖအသင်းဖွဲ့ပါ။ ဗမာတွေကလည်း ကိုယ့်မြို့ကိုယ့်ရွာမှာ ရပ်မိရပ်ဖ အသင်းဖွဲ့ပါ။ အဲဒီအဖွဲ့ ၂ ဖွဲ့က ပြသနာဖြစ်လာတဲ့အခါမှာ ကိုယ့်လူကိုယ် ထိရောက်စွာအရေးယူရမယ်။ အဲဒီလို ကိုယ့်လူကိုယ် ထိရောက်စွာ အရေးယူတဲ့အချိန်မှာ တဖက်လူက အင်အားသုံး ဖြိုခွင်းသလိုမျိုး လုပ်ခဲ့လို့ရှိရင် ကိုယ့်လူကပဲ ဖြိုးခွင်းလို့မရအောင် ရှေ့မှာ မားမားရပ်တည်ပြီးဖြေရှင်းပါ။ အဲဒီပုံစံလိုမျိုးနဲ့သွားမယ်ဆိုရင် တကမ္ဘာလုံး ငြိမ်းချမ်းမှာပါ။

မေး။   ။ သမ္မတအနေနဲ့ မနေ့က မိတ္ထီလာပဋိပက္ခနဲ့ပတ်သက်လို့ ပြောတဲ့ မိန့်ခွန်းမှာ မွန်မြတ်တဲ့ ကိုးကွယ်ယုံ ကြည်မှုကို ခုတုံးလုပ်ပြီး အလွဲသုံးတဲ့ အယူသီး အစွန်းရောက်လုပ်ရပ်တွေ၊ မတူညီတဲ့ ဘာသာတရားတွေကြားမှာ အမုန်းတရားတိုးပွားအောင် လုပ်ဆောင်မှုတွေကို တည်ဆဲဥပဒေနဲ့ ထိထိရောက် ရောက် အရေးယူမယ်လို့ ပြောထားတယ်။ အဲဒီအပေါ်မှာ ဆရာတော်အမြင်လေးသိချင်ပါတယ်။

ဖြေ။   ။အဲဒါအရေးယူရမယ်။ ပေါ်ပေါ်တင်တင်လုပ်တဲ့သူကို အရေးယူတာထက်၊ နောက်ကွယ်ကနေ သွေးထိုးပြီးတော့ သပ်လျှိုနေတဲ့သူတွေကို အရေးယူတာက ပိုပြီးထိရောက်တယ်။ ဥပမာအားဖြင့်- မော်လ၀ီ ဆရာတွေပေါ့။  သူတို့တွေက ကလေးလေးတွေကို စာသင်ပေးတယ်။ သူတို့တွေက သွေးခွဲစကားတွေကို ပြောပြီးတော့ သွေးခဲတာများတယ်။ ကလေးလေးတွေက ရဟန်းသံဃာတွေကို ကြည့်တဲ့ အကြည့်က တကယ့်ရန်သူလိုပဲ။ ဗမာတွေကို ကြည့်တဲ့ အကြည့်က တကယ့်ရန်သူကြီးတွေလို။ အဲဒီလိုဖြစ်နေတယ်။ အဲဒီတော့ သွေးခွဲတဲ့သူတွေ၊ အထူးသဖြင့် ကလေးတွေကို မှိုင်းတိုက်ပြီးတော့ သွေးခွဲနေတဲ့နေတဲ့သူတွေကို အရေးယူနိုင်အောင်ကြိုးစားရမယ်။     ။ 

http://burma.irrawaddy.org/archives/36663

Read More

“အနာဂတ်တွေကို မဖျက်ဆီးကြပါနဲ့”

ကလေးစစ်သားအဖြစ် အဓမ္မ စုဆောင်းခံခဲ့ရပြီး တပ်မတော်တွင်း ၄ နှစ်ဝန်းကျင် တာဝန်ထမ်းဆောင် ခဲ့ပြီး နောက် ထွက်ပြေးလွတ် မြောက်ကာ ထိုင်းနိုင်ငံ မယ်ဟောင်ဆောင် ခရိုင်ရှိ ကရင်နီ ဒုက္ခသည် စခန်း၌ ကျောင်း ဆရာ လုပ်ကိုင်နေသည့် အသက် ၂၅ နှစ်အရွယ် ကိုရဲလင်း ခေါ် ကိုမင်းမင်းထွန်း ကို ဧရာဝတီ သတင်းထောက် ခင်ဦးသာက တွေ့ဆုံ မေးမြန်းထားပါတယ်။ ကိုမင်းမင်းထွန်း ဇာတိက ပဲခူးတိုင်း ကြို့ပင်ကောက်မြို့ ဖြစ်ပြီး ဗမာလူမျိုး ဖြစ်ပါတယ်။

မေး။     ။ ကလေးစစ်သား ဘယ်အရွယ်မှာ ဖြစ်ခဲ့တယ်၊ ဘယ်လိုဖြစ်ခဲ့ရတယ်ဆိုတာ ပြောပြပေးပါ။

ဖြေ။     ။ ကလေးစစ်သားဖြစ်တုန်းက ၁၃ နှစ်ပဲရှိသေးတယ်၊ စစ်သားဖြစ်ရတဲ့ တစ် အချက်က ကျနော်က ဗီဒီယို ကြည့်တာ တအား ၀ါသနာပါတယ်၊ မိသားစု စီးပွားရေးလည်း အဆင်မပြေတော့ စိတ်လေပြီး ဗီဒီယို သွား ကြည့်ရင်း စစ်သားစုဆောင်းတဲ့ ရဲဘော် ၃ ယောက်နဲ့ ဆုံပြီး အဖမ်းခံရတယ်၊ ညက တအားမှောင်နေ တော့ မသင်ကာတဲ့ အမှုနဲ့ဖမ်းတာပေါ့။ ပြီးရင် ခြိမ်းခြောက်တာပေါ့၊ မှောင်ရိပ်ခိုမှုနဲ့ ထောင်ချမယ်၊ ထောင်ချ မခံချင်ရင် စစ်တပ်ထဲ ၀င်ရင် ထောင်မကျဘူးလို့ ပြောကြတယ်။

ကျနော်ကလည်း ငယ်သေးတော့ ကြောက်တာပေါ့၊ မိဘတွေကလည်း ဆုံးမဖူးတာရှိတယ် ထောင်ကျ တာ မကောင်းဘူးပေါ့၊ ရာဇ၀င်ပါသွားမယ်ပေါ့၊ အဲဒီတော့ ထောင်ကျ မခံဘဲ စစ်သားပဲလုပ်ဖို့ ဆုံးဖြတ်လိုက်တယ်။ အဲဒီ အချိန်တုန်းက ကျနော်က ကျောင်းထွက်ပြီး အမေ့ကိုကူပေးနေတာပါ။

မေး။     ။ ငယ်ငယ်လေးနဲ့ကျောင်းထွက် အလုပ်လုပ်ပြီး အမေနဲ့မိသားစုကို ကူညီခဲ့တယ်ဆိုတော့ အမေကို ကူညီခဲ့တာတွေ ပြောပြ ပေး ပါ။

ဖြေ။     ။ ကျနော်တို့မှာက မိသားစု ငါးယောက်ရှိတယ်၊ ကျနော်က အငယ်ဆုံးပေါ့၊ ကျနော်တို့မှာက အိမ်ပိုင် မရှိတော့ အိမ်ငှားနေရ တယ်၊ တရက်လုပ်မှ တရက်စားပေါ့၊ အိမ်လခလည်းပေးရတော့ ငွေကအပိုမရှိဘူးပေါ့၊ အဲဒီတော့ အကုန် အလုပ်လုပ်ရတယ်၊ အဖေ က ဆိုက်ကားနင်းတယ်၊ တခါတလေ စီးပွားရေး အဆင်မပြေရင် ကန်စွန်းဥလည်း ပြုတ်စားရတဲ့အခါ ရှိတယ်၊ ဆန်ပြုတ်လည်း သောက်ရတဲ့အခါ ရှိတယ်ပေါ့။

အဆိုးဆုံးကတော့ ကျနော် ၉ နှစ်သားအရွယ် လေးတန်းတက်မယ့် အချိန်မှာ အဖေက ဆုံးသွားတယ်၊ ဒီဟာက ကျနော့်အတွက် ဆုံးရှုံးမှုကြီး တခုလည်းဖြစ်တယ်၊ အမှတ်တရ သတိထားစရာတခုလည်း ရသွားတယ်။

မေး။     ။ အမှတ်တရ သတိထားစရာ တခု ရသွားတာက ဘယ်လိုကိစ္စမျိုးပါလဲ။

ဖြေ။     ။ ဘာကြောင့်လည်း ဆိုတော့ အဖေသေတာက ရိုးရိုးသေတာ မဟုတ်ဘူးလေ၊ သူ့ရဲ့အရင်း နှီးဆုံးသူ ငယ်ချင်းတွေက သတ်ပစ်လိုက်တဲ့အတွက်ပါ၊ အဲဒါကြောင့် လောကကြီးမှာ ဘယ်သူ့ကိုမှ မယုံရပါလားဆိုတဲ့ အသိတခုကို သတိထားစရာ အဖြစ် ကျနော်ရလိုက်တယ်။သူနဲ့အမြဲတမ်းပေါင်းသင်းနေတဲ့ သူငယ်ချင်း ၃ ယောက်က ပြန်သတ်လိုက်တယ်ဆိုတော့ လောကမှာ သူများယုံဖို့နေနေသာသာ ကိုယ့်ဒူးတောင် ကိုယ်မယုံ ရ ဘူးဆိုတာကိုလည်း သင်ခန်းစာရလိုက်တယ်။

နောက်အဖေသေတဲ့ အချိန်မှာ ကျနော့်အမေမှာ ကိုယ်ဝန်နေ့စေ့ လစေ့နဲ့ပေါ့၊ ကျနော့်အောက်က ကျနော့် ညီလေးမွေးဖို့ တပတ်ပဲ လိုတဲ့ အချိန်ပါ။ တပတ်နေပြီး ညီလေးကိုမွေးတယ်။ အမေက ဘာမှ မလုပ်တတ်တော့ မွေးပြီး တလကြာတာနဲ့ဈေးရောင်းတယ်။ ညနေ ၄ နာရီဆို ကျနော်က အမေ့ဆီသွားပြီး ဈေးတောင်း ကူ သယ် ပေးတယ်။ ဈေးသိမ်းပေးတယ်။

မေး။       ။ ကလေးစစ်သား အဖြစ် အဖမ်းခံရတဲ့ညမှာ ဘယ်နေရာ၊ ဘယ်စစ်တပ်ကို အပို့ခံလိုက်ရတာလဲ။

ဖြေ။     ။ ကျနော့်ကိုဖမ်းတဲ့ည ၁၂ နာရီလောက်မှာ ညတွင်းချင်းပဲ မီးရထားနဲ့ရန်ကုန်ကို ခေါ်သွားတယ်၊ ရန်ကုန် ရောက်တော့ ဒညင်းကုန်း စစ်သားစုဆောင်းရေးတပ်ကို ပို့တယ်၊ အဲဒီမှာ တချို့ဆို အကြာကြီးနေကြရတယ်၊ ကျနော်ကတော့ တပတ်ပဲနေခဲ့ရတယ်၊ ကံကောင်းတာက ကျနော်က စစ်သားအဖြစ် တာဝန်ပေးဖို့ ဆေးစစ် တော့ ဆေးမအောင်ဘူး၊ အဲဒါနဲ့ ကျနော်တို့ကို တာဝန်ယူပေးတဲ့ ဆရာကြီးက သူ့အသိဆေးခန်းက သူတွေ ပိုက်ဆံပေးပြီး ကျနော့်ကို ဆေးအောင်လက်မှတ်လုပ်ပေးလိုက်ပြီး စစ်သားအဖြစ် အသိအမှတ်ပြုလိုက်တယ်။ ကျနော်လိုမျိုး ကလေးစစ်သားတွေ အများကြီးရှိနေတာတွေ့ခဲ့ရတယ် စစ်တပ်တွေထဲမှာ။

မေး။     ။ စစ်သားဖြစ်ပြီးတော့ ဘယ်တပ်တွေမှာ တ၀န်ထမ်းဆောင်ခဲ့ရလဲ၊ တာဝန်ထမ်းဆောင်စဉ်မှာ ကြုံတွေ့ ခဲ့ရတာ၊ လုပ်ခဲ့ရ တာတွေ၊ ဘယ်လိုနေထိုင် စားသောက်ခဲ့ရတယ်ဆိုတာတွေ နည်းနည်းရှင်းပြပေးပါ။

ဖြေ။     ။ စစ်သားဖြစ်ပြီး တပတ်ကြာတာနဲ့ ကျနော့်ကို ရှမ်းပြည်နယ်ဘက်ပို့ လိုက်တယ်။ စစ်သား သင်တန်း တက် ဖို့ပေါ့။ အစား အသောက်တွေကတော့ တအားဆိုးတယ်၊ ကိုယ်က စစ်သားဖြစ်နေပြီ ဆိုတော့ မထူး တော့ဘူး ဆိုပြီး ခံနိုင်ရည်ရှိအောင် ကြိုးစားရတာပေါ့။ နောက် ကျနော့်ကိုယ် ကျနော်လည်း တိုင်းပြည် ကာကွယ်ဖို့ စစ်သား လုပ်တာပဲလို့ ခံယူလိုက်တယ်။

တိုင်းရင်းသား ပြည်နယ်တွေမှာ စိတ်မကောင်းစရာ ကြုံတွေ့ခဲ့ရတာကတော့ စစ်သားတွေ လာတာ မြင်တာနဲ့ ထွက်ပြေးကြတယ်၊ တအားကြောက်ကြတယ်။ မော်ချီး၊ ရှားတော ဘက်တွေ နယ်စပ်ဘက်တွေမှာ စစ်သား ဆိုရင် အရမ်းကြောက်ကြတယ်။ ကရင်နီနဲ့ ရှမ်းပြည် နယ်စပ်ဒေသတွေပေါ့။

ကျနော်တပ်ထဲရောက်တုန်းက သေနတ်တောင် ကောင်းကောင်းမနိုင်သေးဘူး၊ နောက် ကျနော်ရောက်တဲ့ တပ်ရင်းကလည်း တည်ထောင်ခါစ၊ ၁၃၅ တပ်ရင်းပေါ့။ တပ်ရင်းဆောက်ဖို့ ခြုံတွေရှင်းရ၊ အဆောင်တွေ ဆောက်ရတော့ အတွေ့အကြုံကလည်း မရှိတော့ ငှက်ဖျားမိသွားပြီး ဆေးရုံတင်လိုက်ရသေးတယ်။

မေး။     ။ ကျန်းမာရေး စောင့်ရှောက်မှုအတွက် တပ်ထဲမှာ ဘယ်လိုတာဝန်ယူပေးလဲ။ကလေးစစ်သား တဖြစ်လဲ ကျောင်းဆရာလေး ကိုရဲလင်းေ

ဖြေ။     ။ ငှက်ဖျား တနှစ်ကျော်လောက်အထိ မိတယ်၊ ကျန်းမာရေးမကောင်းပေမယ့် မနားရဘူး၊ ညနေ ကင်း စောင့်ရတယ်၊ မလုပ်နိုင်ရင် နှိပ်စက်ခံရတယ်။ နေမကောင်းတဲ့ အချိန်မှာ ကိုယ့်ကိုပြုစုမယ့်သူ မရှိတဲ့အပြင် ကောင်းကောင်းလည်း မနေရဘူး၊ အထက် အမိန့်အရဆိုပြီး ကျနော်နဲ့ကျနော့်သူငယ်ချင်း တယောက်ကို ပစ္စည်း တွေ သွားသယ်ဖို့ အမိန့်ပေးတယ်၊ အမိန့်အရဆိုတော့ မလုပ်လို့လည်း မရတော့ကျနော်တို့ အတော့်ကို စိတ်ဓာတ်ကျသွားတယ်။

စိတ်ဓာတ်ကျပြီး ကျနော်တို့ နှစ်ယောက် ကိုယ့်ကိုယ်ကိုယ် ပစ်သတ်ဖို့အထိ ကြံစည်ခဲ့သေးတယ်၊ ဒါပေမယ့် မလုပ်ဖြစ်ခဲ့ဘူး။ ကျနော်စဉ်းစားတာပေါ့၊ ကျနော့်အမေကို နောက်ဆုံးတွေ့ချင်သေးတယ်၊ အမေကို ပြုစုလုပ် ကျွေးချင်သေးတယ်၊ သေလို့မဖြစ်သေးဘူးပေါ့။ ဒါပေမယ့် ကျနော့်စိတ်က စစ်သားဖြစ်ချင်တဲ့ စိတ်က လုံးဝ မရှိ တော့ မနေချင်ဘူး၊ အဲဒါကြောင့် ၂၀၀၃ ခုနှစ်မှာ တခေါက်ထွက်ပြေးခဲ့သေးတယ်။ တပ်က ပြန်မိသွား တာပေါ့။

မေး။     ။ ကိုယ့်ကိုယ်ကိုယ် ပစ်သတ်ဖို့ ကြံစည် ကြတယ်ဆိုတော့ တပ်ထဲမှာ အဲဒီလိုမျိုး သတ်သေသွားတဲ့လူ ရှိလား။

ဖြေ။     ။ ကျနော်တို့အရွယ်တွေ၊ ၁၃၊ ၁၄၊ ၁၅ နှစ် ကလေးစစ်သား ၃ ယောက်လောက် ကိုယ့်ကိုယ်ကိုယ် သတ်သေ သွားတာရှိတယ်။ တချို့ကတော့ ပါးစပ်ထဲကို သေနတ်ပစ်ဖောက်ပြီး သေကြောင်း ကြံသွားကြတယ်။ တယောက် ဆိုရင် ဆရာကြီးနဲ့ စကားများတယ်၊ စကားများတာကို ဘယ်ဘက်ကပဲ ကြည့်ကြည့် ဆရာကြီးဘက်ကပဲ မှန်တယ်ပေါ့၊ နောက်ဆုံး စိတ်ညစ်တော့ သေနတ်ကိုပါးစပ်နဲ့ငုံ ပစ်သတ်ပြီး သေကြောင်းကြံသွား တယ်။ နောက်တယောက်ကတော့ ဗိုက်မှာသေနတ်ချိန်ပြီး ပစ်သေတယ်။ အသက် ၁၈ နှစ် အောက်တွေပါ။

မေး။     ။ ဘယ်အချိန်မှာ စစ်တပ်က ထွက်ပြေးလွတ်မြောက်ပြီးတော့၊ ဒီကရင်နီ ဒုက္ခသည် စခန်းရောက်လာတာလဲ။

ဖြေ။     ။ စစ်တပ်က ပထမ တခေါက်ထွက်ပြေးတယ်၊ ပြန်မိသွားတယ်၊ နောက်တခေါက်ထပ်ပြေးတယ်၊ မော်ချီး မှာပေါ့၊ ပြန်မိသွားတယ်၊ မိတော့ လက်နှစ်ဘက် ကြိုးတုပ်ထားပြီးတော့ ရင်ဘတ်တွေကို ထိုးတယ်၊ ကန် တယ်၊ ကျောက်တယ်၊ ပြီးရင် အချုပ်ခန်းထဲမှာထည့်ထားပြီး အ၀တ်အစားလုံးဝ ပေးမ၀တ်ဘူး။ တမံတလင်း ဆိုတော့ တအားအေးတယ်လေ၊ အတွင်းခံဘောင်းဘီနဲ့ပဲ ညအိပ် ခိုင်း တာပေါ့။

တည အိပ်ပြီးတော့ စောင့်တဲ့ဆရာတွေက သဘောနည်းနည်းကောင်းတော့ မကြည့်ရက်ဘူးထင်တယ်၊ အ၀တ်အစားပြန်ဝတ် ခိုင်း တယ်။လက်ကိုတော့ ကြိုးတုပ်ပြီး အိပ်ရတာပေါ့။ပြန်မိလို့ စစ်သားပြန်မလုပ်ချင်ရင် ထောင်တနှစ်ချတယ်၊ ဒါပေမယ့် စစ်ပြေးမှု မဟုတ်ဘဲ အမြင်ကတ်ပုဒ်မနဲ့ မုဒိန်းမှုတို့ လိုမျိုးနဲ့ချလေ့ ရှိတော့ ကြောက်တာပေါ့။

နောက်ဆုံးလွတ်မြောက်တာက ၂၀၀၆ ခုနှစ်၊ တလပိုင်းမှာပါ။ ချားတောမြို့နယ်၊ တပ်ရင်း ၁၃၅ ကနေ ထွက်ပြေး လွတ်မြောက်လာတာပေါ့။ ထွက်ပြေးဖို့ စီစဉ်ထားတာက ၆ ယောက်ရှိတယ်၊ ၁၅ ၊ ၁၆ ကလေး စစ်သားတွေပေါ့၊ ဒါပေမယ့် သတ်မှတ်တဲ့ ရက်ပြောင်းလိုက်တော့ ပြေးခါနီးမှာ ၃ ယောက်က စိတ်ပြောင်း သွားပြီး ထွက်မပြေး တော့ဘူးလို့ပြောတယ်။ အဲဒီတော့ သူတို့ကိုလည်း ကျနော်မယုံတော့ဘူး ဆိုတော့ ရက်ပြောင်းပြီး ထွက် ပြေး ဖို့ စဉ်းစားကြရတယ်။

ထွက်ပြေးမယ့်ရက် မနက် ၂ နာရီမှာ ၁၃၅ တပ်ရင်းရဲ့ရှေ့တန်း တပ်စခန်းက ထွက်ပြေးကြတာပေါ့။ မနက် ၉ နာရီ၊ ၁၀ နာရီလောက် မှာတော့ ကရင်နီ အမျိုးသား တိုးတက်ရေးပါတီ(KNPP)တပ်တွေရှိတဲ့ နယ်စပ်က တောင်ကျောတွေဆီ ရောက်သွားတယ်။ အဲဒီအချိန်မှာ စစ်တပ်ကသိသွားတော့ ဗမာစစ်တပ်ကလည်း လိုက် ရှာတယ်၊ ထိုင်းစစ်တပ်ကလည်း လိုက်ရှာတယ်။ ညနေ လောက်မှ ကရင်နီတပ်ဖွဲ့ဝင် တချို့နဲ့ အဆက်အသွယ် ရပြီး သူတို့ စခန်း ခေါ်သွားတယ်။

မေး။     ။ လက်နက်တွေပါကြလား။ KNPP က ဘာတွေပြောလဲ။

ဖြေ။     ။ လက်နက်တွေ ပါလာကြတယ်၊ လက်ပစ်ဗုံးတွေလည်း ပါလာတယ်။ ၃ ယောက်စလုံးမှာပါ။ အဲဒီ အချိန်မှာ ကျနော် ၁၇ နှစ်ရှိပြီပေါ့။ KNPP က မေးတယ်၊ မေးတို့ ဘာလုပ်ကြမလဲ၊ ရဲဘော်လုပ်မလား၊ ကျောင်းတက် မလားပေါ့။ ကျနော်လည်း မခံချင်စိတ်က ရှိတော့ ရဲဘော်လုပ်မယ်လို့ ပြောလိုက်တယ်။ အဲဒီ အချိန်မှာပဲ ကိုထွန်းထွန်းဆိုတဲ့ ကရင်နီ အကိုတယောက်က ကျနော့်ကို သူ့ညီတယောက်လို သဘောထားပြီးတော့ ပြောတယ်၊ ငါ့ညီ ရဲဘော် ပြန်မလုပ်နဲ့ အသက်က ငယ်ငယ်လေးရှိသေးတော့ ကျောင်းပဲတက်ပါ ဆိုပြီး တိုက်တွန်း တော့ ကျနော် ကျောင်းတက်ဖို့ ဆုံးဖြတ်လိုက်တယ်။ သူ့အိမ်မှာပဲ ခေါ်ထားလိုက်တာပေါ့။

အဲဒီအချိန်မှာ ကျနော်က အသက် ၁၇ နှစ်ရှိပြီ ဖြစ်ပေမယ့် ကရင်နီ ဒုက္ခသည်မှာ ဖွဲ့ထားတဲ့ကျောင်းမှာပဲ ကျနော် ၆ တန်းက ပြန်တက်တယ်။ ဆယ်တန်းပြီးတဲ့အခါကျတော့ KNPP ကဖွင့်ထားတဲ့ Social ကျောင်းမှာ ၂ နှစ်ထပ် တက်ရတာပေါ့။ အဲဒီကျောင်းပြီးတော့ ဒီကျောင်းမှာပဲ အလယ်တန်းကျောင်းသားတွေကို စာပြန်သင် ပေးနေတယ်၊ တဘက်ကလည်း ဒီကျောင်းရဲ့ စည်းကမ်းထိန်းသိမ်းရေးတာဝန်ခံ လုပ်နေပါတယ်။ ဥပဒေ ပညာ ကိုလည်း လေ့လာနေတယ်။

မေး။     ။ ဥပဒေပညာကိုလည်း လေ့လာနေတယ်ဆိုတော့၊ အနာဂတ်မှာ ဘာတွေလုပ်သွားမယ် ဆိုတာမျိုး ရည်ရွယ်ထားတာ ရှိရင် ပြောပြပါဦး။

ဖြေ။     ။ အဓိက ရည်ရွယ်ချက်က အမေနဲ့ပြန်တွေ့ချင်တယ်၊ ပြီးရင် ကျနော်တို့ ပတ်ဝန်းကျင်က ကလေး သူငယ် တွေကို ကာကွယ်ပေးချင်တယ်၊ ၁၅ နှစ်အောက်ကလေးတွေပေါ့။ သူများဆီမှာ အလိမ်မခံရ အောင်ပေါ့၊ သူတို့ ဘ၀တွေက မလုံခြုံဘူး၊ လမ်းဘေး တွေမှာ ပလတ်စတစ် လိုက်ကောက်နေတာတွေ၊ ချို့တဲ့ဆင်းရဲတဲ့ ကလေးတွေကို ကာကွယ်ပေးချင်တဲ့ အတွက် ကျနော်က ရှေ့နေ တယောက်ဖြစ်ချင်တယ်။

ဒုက္ခရောက်နေတဲ့ ကလေးစစ်သားတွေလည်း အများကြီးရှိနေသေးတယ် ဆိုတော့ ကူညီချင်တယ်။ အဓိက BLC (Burma Lawyers Council)ကို ကျနော် စိတ်ဝင်စားတယ်။ နောက်တခုက ဒီစခန်းက ကလေးတွေကို လည်း ပိုပြီးတော့ သူတို့ရဲ့ စိတ်နေ စိတ်ထားတွေ ပြောင်းလဲစေချင်တယ်။ ကိုယ့်ကိုယ်ကိုယ် ယုံကြည်မှုတွေ ရှိ လာအောင်၊ တိုးတက်လာအောင် ကြိုးစားဖို့ လုပ်ပေးချင်တယ်။

မေး။     ။ နောက်ဆုံးမေးချင်တာက မြန်မာနိုင်ငံမှာ ကလေးစစ်သား စုဆောင်းတဲ့ ပြဿနာက ကြီးမားနေဆဲ ဆိုတော့ ကလေး စစ်သား ဖြစ်ခဲ့သူ တဦးအနေနဲ့ ကလေးတွေကို အဓမ္မစုဆောင်းတဲ့ အပေါ်မှာ ဘာပြောချင်လဲ။

ဖြေ။     ။ ဒီပြဿနာဟာ ကြီးမားပါတယ်၊ ဘာကြောင့်လည်းဆိုတော့ တပ်ထဲမှာ မလုပ်ချင်ဘဲ စိတ်ညစ်ခံ လုပ်နေရတဲ့ ကလေး စစ်သား တွေ အများကြီးပါ၊ တချို့ဆို အသက် မပြည့်ဘဲ ငယ်ငယ်လေးနဲ့ ရှေ့တန်းမှာ တိုက်ပွဲ ကျပြီး သေသွားတာတွေရှိတယ်။ ဒီတော့ လူကြီးတွေကို ပြောချင်တာက ကလေးဆိုတာ နောင်တချိန်မှာတိုင်း ပြည်ကို ခေါင်းဆောင်မယ့်လူတွေ၊ တိုင်းပြည်ကို အုပ်ချုပ်မယ့် လူတွေဆိုတော့ သူတို့ကို လွတ်လပ်စွာနေထိုင် ခွင့်ပေးပါ၊ ရှင်သန်ခွင့် ပေးပါ၊ သူတို့ရဲ့လွတ်လပ်မှုတွေ၊ အနာဂတ်တွေကို မဖျက်ဆီးကြပါနဲ့လို့ ပြောချင်ပါ တယ်။     ။ 

http://burma.irrawaddy.org/archives/35774

Read More

“ကောင်းတဲ့ ပယောဂ”သမား (သို့မဟုတ်) ဟန်ဝင်းအောင်

 

လက်ပံတောင်းတောင် ကြေးနီစီမံကိန်းဆန္ဒပြ လှုပ်ရှားမှုများတွင် နောက်ကွယ်မှ ကြိုးကိုင်နေပြီး ဒေါ်အောင်ဆန်းစုကြည်အား ဆန့်ကျင်နေသော ခေတ်သစ်ဦးစောဟု ဆိုရှယ်မီဒီယာ ဖေ့ဘွတ်စာမျက်နှာများတွင် စွပ်စွဲပြောဆိုနေကြသည့် နိုင်ငံရေး အကျဉ်းသား မိသားစုများ ကူညီစောင့်ရှောက်ရေး ကော်မတီမှ တာဝန်ခံ ကိုဟန်ဝင်းအောင်ကို  အစီရင်ခံစာအပေါ် သဘောထား၊ စွပ်စွဲမှုများအပေါ် ထင်မြင်ချက်၊ ရှေ့ဆက်လုပ်မည့် အနေအထားတို့အား ရန်ကုန်အခြေစိုက် ဧရာဝတီသတင်းဌာန သတင်းထောက် မေစစ်ပိုင်မှ မေးမြန်းထားပါသည်။

မေး။    ။ ဖေ့ဘွတ်ခ် စာမျက်နှာတွေထက်မှာ တချို့ ဘလော့တွေမှာ ကိုဟန်ဝင်းအောင်ကို ခေတ်သစ် ဦးစော လို့ ပြောနေကြတယ်၊ ဘယ်လိုမြင်ပါသလဲ။

ဖြေ။ ဒါဟာ စစ်အာဏာရှင်စနစ် ထောက်ခံပြီး စစ်အကျိုးစီးပွားကို လိုလားတဲ့ ထောက်လှမ်းရေးသမားတွေနဲ့ ဦးပိုင် ကုမ္ပဏီဘက်ကို လိုက်ပြောတဲ့ သူတွေက ပြောတဲ့ အပြောတွေလို့ ပဲ သတ်မှတ်ပါတယ်။ ဘာကြောင့်လဲဆိုတော့ အကြောင်းအရင်း အားလုံး မှားယွင်းနေတဲ့အတွက်ကြောင့်ပါ။ ပထမ တချက်က ဒေါ်အောင်ဆန်းစုကြည် က တုံရွာ၊ ဆည်တည်းရွာ၊ မိုးကြိုး ပြင်ရွာတွေမှာ ဖြစ်ခဲ့တဲ့ ပြဿနာတွေက  ကျနော် နောက်ကနေ ရှိနေတယ်လို့ ပြောတာ စွပ်စွဲပြောဆိုချက်တွေပါ။  အဲဒါဟာ ထောက်လှမ်းရေးနဲ့ ဦးပိုင် အလိုတော်ရိတွေက ပြောတယ်လို့ ယူဆပါတယ်။

မေး။     ။ ဖြစ်ခဲ့တဲ့ပြဿနာတွေက ကိုဟန်ဝင်ေးအာင် ကြိုးကိုင်နေတာ ဆိုပြီး ပြောနေကြတယ်။

ဖြေ။    ။ ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ ဒီမိုကရေစီ အရေးဆောင်ရွက်နေတဲ့ အင်အားစုတွေကို ထိခိုက်အောင် လုပ်ဆောင်ချင်တဲ့ စစ်ဘက် ထောက်လှမ်းရေးတွေရဲ့ ပြောဆိုချက်တွေပါ။  အသိပညာနိမ့်ပါးတဲ့ သူတချို့ရဲ့ ဝေဖန်ချက်တွေပါ။  အဲ့အချိန်မှာ ကျနော် နိုင်ကျဉ်းက ကိုသက်ဦးနဲ့ ရွာတရွာမှာရှိနေခဲ့တာပါ။ ဒေါ်စုကို လမ်းဆင်းလျှောက်ပါ၊ ဓားမြှောင်နဲ့ ထိုးမယ်လို့ ကျနော်က ပြောတယ် ဆိုပြီး ပြောဆိုနေခဲ့ကြပါတယ် ။ တော်တော်အခြေအနေ ရှုပ်ထွေးပါတယ်။ ဒါဟာ  ဝါဒဖြန့်တာ၊ ဒေါ်စုကိုလည်း သိက္ခာကျစေ၊ ကျနော့်ကိုလည်း သိက္ခာကျစေဆိုပြီး ကောလဟလ လွှင့်ခဲ့ကြတာပါ။  ဖြစ်နေနိုင်တာတခုက စနစ်ကျသော အဖွဲ့အစည်းတွေနဲ့ နိုင်ငံရေးအဖွဲ့ တချို့ ပါလာနေပြီ။ ဒီမိုကရေစီအရေးဆောင်ရွက်နေတဲ့ အင်အားစုတွေကို သွေးခွဲဖို့အရေး လှုံ့ဆော်နေတဲ့ ကိစ္စတခုလို့ပဲ မြင်ပါတယ်။

မေး။    ။ ဆည်တည်းရွာမှာ ကိုဟန်ဝင်းအောင်တို့က ဒေါ်အောင်ဆန်းစုကြည်ကို ခြိမ်းခြောက်မှုတွေ လုပ်ခဲ့တယ်ဆိုတာကော ဟုတ်လား။။

ဖြေ။     ။ တကယ်တန်း ပြဿနာတွေ ဖြစ်တဲ့အချိန်မှာ ကျနော် နိုင်ငံရေးအကျဉ်းသားကော်မတီက ကိုသက်ဦး၊ ABSDF က ကိုရဲမြင့် အပါအဝင် တခြား နိုင်ငံရေးသမားအချို့နဲ့ ရွာလေးတရွာမှာ စကားပြောနေတာပါ။ ဒီလူတွေကို အချိန်မရွေး ဆက်သွယ်ပြီး မေးလို့လည်းရတယ်။ ဆည်တည်းရွာမှာ ဖြစ်ပွားတဲ့ကိစ္စက အဆိုတော်ကိုလင်းလင်းရဲ့ ဖေ့ဘုတ် စာမျက်နှာပေါ် တင်လိုက်တဲ့ အချက်အလက်ပေါ့ဗျာ။ ကျနော်အပါအဝင် ငါးယောက်က ဓားမြှောင်နဲ့ထိုးဖို့ ဆိုပဲ။  အဲဒီအချိန်မှာ တခြားရွာတရွာမှာ ရန်ကုန်က လာတဲ့ဧည့်သည်တွေနဲ့ တွေ့နေတာပါ။   ဒေါ်အောင်ဆန်းစုကြည်က အင်မတန် ချစ်ခင်လေးစားစရာ ရေကာင်းပါတယ်။ တလှေတည်းစီး တခရီးတည်း သွားနေတဲ့သူတွေပါ။ သဘောထားကွဲလွဲစရာ ကန့်ကွက်စရာမရှိဘူး။ ဒေသခံတွေကတော့ စိတ်ဒဏ်ရာတွေဖြစ်နေတော့ ထိထိရောက်ရောက် မဖြေရှင်းနိုင်တော့ စိတ်ကွက်မှုလေးတွေရှိတယ်။ ဒေါ်စုကို ကန့်ကွက်ခိုင်းတာမဟုတ်ဘူး၊ ဦးပိုင် စီမံကိန်းဖျက်သိမ်းရေးကိုပဲ တောင်းဆိုကြတာပါ။ ဒေသခံတွေထဲက ဘယ်သူ့ကိုမဆို မေးနိုင်တယ်။ သူတို့ကို ကျနော်က ဓားနဲ့ထိုးမယ်ပြောတာ တကယ်သက်သေရှိသလား။

မေး။     ။ လက်ပန်းတောင်းတောင် ဆန္ဒပြမှု အစကတည်းက ဝင်ပါခဲ့တယ် မဟုတ်လား။

ဖြေ။     ။ ဟုတ်ပါတယ်၊ ဒီလို ပြောဆိုနေကြတဲ့အပေါ် ဝမ်းသာစွာ ကြိုဆိုပါတယ်။ နှစ် နှစ်ကျော်ကာလကြာ ပြည်သူတွေက ဘယ်သူမှ မသိဘဲ ဖိနှိပ်ခံခဲ့ရတာပါ။ မိုးကြိုးဆာလဖျူလစ်အက်ဆစ် စက်ရုံဆိုတာလည်း နိုင်ငံတော်အဆင့်တွေက ဘယ်သူမှ ခွင့်ပြုချက်မရှိဘဲ ခိုးပြီး လုပ်နေကြတာတွေ ဖြစ်တယ်။ ပြည်သူတွေရဲ့နစ်နာချက်ကို  ကျနော် သိသိချင်း လက်ပံတောင်းကို သွားတယ်။ ဆန္ဒတွေ ထုတ်ဖော်မှုတွေ လုပ်ခဲ့တယ်။ ဟုတ်တယ်၊ အဲ့ဒါကို ကျနော်ဝန်ခံတယ်။ အပြစ်မဲ့ပြည်သူတွေဘက်က ဆန္ဒထုတ်ဖော်ရင်း ရပ်တည်မှာပါ။ ဖိနှိပ်ခံရတဲ့ပြည်သူဘက်က ရပ်တည်ခဲ့တာ ကျွန်တော်ဝန်ခံတယ်။

မေး။     ။ လက်ပံတောင်းတောင် အစီရင်ခံစာကို ဘယ်လိုမြင်ပါသလဲ။

ဖြေ။     ။ အစီရင်ခံစာက ဦးပိုင်ကို အပြီးအပိုင် ဖျက်သိမ်းအောင်တော့ မလုပ်နိုင်ပါဘူး။ ရက်ပေါင်းများစွာ ပြည်သူတွေရဲ့ လှုပ်ရှားမှုတွေကြောင့် နှစ်ပေါင်းများစွာ ဖိနှိပ်ခံခဲ့ရတာတွေကို ဖော်ထုတ်နိုင်ခဲ့တာကို ကြိုက်တယ်။ အနိုင်ကျင့်ခံနေရတဲ့အပေါ် သေချာ မဖြေရှင်းနိုင်သေးတာကိုတော့ ကျနော် အားမရသလို ဒီက ပြည်သူတွေလည်း အားမရဘူး။

မေး။    ။ ဆန္ဒပြမှုတွေက အရပ်ဘက်အဖွဲ့အစည်းတွေ ရောက်လာပြီးမှ စတင်ခဲ့ကြတယ်လို့ အစီရင်ခံစာမှာ ရေးသားထားတဲ့ အပေါ်ကိုရော ဘယ်လိုမြင်လဲ။

ဖြေ။    ။ အပြစ်တော့ သိပ်မပြောချင်ဘူး။ ဒေသကို သေချာမရောက်ဘူးတဲ့သူတွေကြောင့်လို့ပဲ ထင်ပါတယ်။ ဒေသခံတွေက သူတို့မြေတွေစသိမ်းတယ်ဆိုကတည်းက ၁၂ ရက် ၁၂ လ  ၂၀၁၀ ခုနှစ်ကတည်းက ဆန္ဒပြမှုတွေဖြစ်ခဲ့တာပါ။ ဘယ်နိုင်ငံရေးသမားမှ မရှိခင်ကတည်းကပါ။  ဘယ်သတင်းဌာန၊ ဘယ်နိုင်ငံရေးသမားမှ မပါဘူး။ ဦးပိုင်က ဖိနှိပ်တယ်၊ ဆားလင်းကြီး ရဲစခန်းက ဘာမှမလုပ်ပေးဘူး။ ဒါကြောင့် ၈၈ ကျောင်းသား ကိုမျိုးသန့်က ဝက်မှေးရွာ က မသွဲ့သွဲ့ဝင်းတို့ နဲ့အတူ ကျနော့်ကို လာရောက်ကူညီပါဦးလို့ ဖိတ်ခေါ်တဲ့အတွက်ကြောင့် လက်ပန်းတောင်း ကိုရောက်သွားခဲ့တာပါ။ ကျနော်ရောက်ခဲ့တဲ့အချိန်မှာ ကိုမင်းကိုနိုင်တို့ ကိုဒီငြိမ်းလင်းတို့တွေ ရောက်ခဲ့ပြီးပြီ။ ဖိနှိပ်မှုတွေရှိခဲ့တဲ့အတွက် သူ့သဘာဝအလျောက် ဆန္ဒထုတ်ဖော်မှုတွေဖြစ်တယ်။ ဒီမိုကရေစီအင်အားစုတွေက ပြည်သူတွေဘက်က ရပ်တည်ခဲ့ကြတာဟာ ပယောဂ မဟုတ်ဘူး၊ ပယောဂဆိုရင်တောင် ကောင်းတဲ့ပယောဂတခုပဲ ဖြစ်ခဲ့လိမ့်မယ်။ ကျနော်တို့ လှုပ်ရှားခဲ့ကြတယ်ဆိုတာ သံဃာတော်တွေကို  မီးလောင်တိုက်သွင်းဖို့ မဟုတ်ဘူး။ ပြည်သူကိုဖိနှိပ်တဲ့ ဦးပိုင်စစ်ကုမ္ပဏီဘက်က မရပ်တည်ဘူး။ ဒီနေ့အချိန်ထိ တောက်လျှောက် ဒေသခံတွေနဲ့အတူ တိုက်ပွဲဝင်နေကြတာပါ။ ဒါကို မကူညီသင့်ဘူးလား၊ မဆောင်ရွက်သင့်ဘူးလား။ ဒေသခံတွေက သိပ်နာကျင်လွန်းတာကြောင့် ဆန္ဒပြမှုတွေဖြစ်လာတာပါ။

မေး။     ။ ဆန္ဒပြမှုတွေကို ပြည်ပက နောက်ကွယ်က ထောက်ပံ့ပေးမှုတွေရှိနေတယ်လို့ သုံးသပ်ကြတဲ့အပေါ်ကော။

ဖြေ။    ။ မိုးသီးဇွန်၊ ဒေါက်တာနိုင်အောင်၊ မခင်ဥမ္မာ၊ ဒေါက်တာကျော်သူ၊ ကိုဘိုကြည်တို့က ထောက်ပံ့တယ်လို့ ပြောနေကြတယ်။ ကျနော်ပြောမယ်၊ သူတို့နဲ့ ငါးပြားမှ မပတ်သက်ခဲ့ဘူး။ သူတို့ လုပ်ခိုင်းလို့ ဒီကိစ္စ ဖြစ်ရောလား။ မေးလို့ရတယ် ဖြေလို့ရတယ်။ စွပ်စွဲမှုတွေ ကြည့်လုပ်ကြဦး။

မေး။    ။ နောက်ထပ် လှုပ်ရှားမှုတွေရော ဆက်လုပ်သွားဖို့ ရှိလား။

ဖြေ။    ။ တိုက်ပွဲတွေမှာ တတ်နိုင်တဲ့ ဘက်က ကူညီဦးမှာပါ။ ဘယ်သူတွေ ကန့်ကွက် ဆန့်ကျင်ပါစေ၊ ဘယ်လိုပြောပြောပါ။ ကျနော် အဖိနှိပ်ခံ ပြည်သူဘက်က ဆက်ပြီး ရပ်တည်နေမှာပါ။     ။ 

http://burma.irrawaddy.org/archives/35840

Read More

"လူထုက မကြောက်တော့ဘူး"

SNLD ဥက္ကဋ္ဌ ခွန်ထွန်းဦး

ရှမ်းတိုင်းရင်းသားများ ဒီမိုကရေစီ အဖွဲ့ချုပ် (SNLD) ဥက္ကဋ္ဌ ဦးခွန်ထွန်းဦးနဲ့ အဖွဲ့ တောင်ကြီးမြို့ကို မကြာသေးခင်က ရောက်ရှိပြီး ဒေသခံနိုင်ငံရေးအင်အားစုများနဲ့ ဆွေးနွေးခဲ့ပါတယ်။

ဂျွန်ချစ်ငြိမ်း (တောင်ကြီး)က ဦးခွန်ထွန်းဦးနဲ့ တွေ့ဆုံပြီး သူတို့ရဲ့ ခရီးစဉ်အကြောင်း နဲ့ လက်ရှိ ပြည်တွင်းရေးအခြေအနေတချို့ကို မေးမြန်းထားပါတယ်။

မေး။    ။ တောင်ကြီးကို SNLD  လာရတဲ့ ရည်ရွယ်ချက် သိလိုပါတယ်..။

ဖြေ။   ။    တောင်ကြီးမှာ ကျနော်တို့ ပါတီ ရုံးခွဲဖွင့်မယ်..၊ ပြီးတော့ Trust Building ယုံကြည်မှု တည်ဆောက်ဖို့ တွေ့ဆုံပွဲ လုပ်မယ်၊ 

ပြီး ... သည်ဘက်ပိုင်းပေါ့ဗျာ... (ရှမ်းပြည်) တောင်ပိုင်းကသူတွေရဲ့ အသံကို နားထောင်ဖို့ပါ။ သူတို့ ဖတ်ခဲ့တဲ့ စာတမ်းတွေ၊ ဟောပြောချက်တွေကိုလည်း ကျနော်တို့ ယူသွားမှာပါ။ 

လူမျိုးကြီး ၀ါဒတွေ တိုင်းရင်းသားဒေသတွေမှာ လွမ်းမိုးခဲ့တာတွေရှိတယ်၊  ကြားနေရတယ်၊ မြင်နေရတယ်၊ 

ဒီတော့ တစ်ဦးနှင့် တစ်ဦး ယုံကြည်မှု တည်ဆောက်ဖို့ အရင်လုပ်ရမယ်၊ ဒါကိုနိုင်ငံတော် သမ္မတကြီး ကိုယ်တိုင်က ကျနော်တို့ကို ဖိတ်တယ်။ ရန်ကုန်မှာ ရှမ်းတိုင်းရင်းသားတွေအတွက် ယုံကြည်မှု တည်ဆောက်ခြင်း ဆွေးနွေးပွဲ သုံးရက်တိုင် ကျနော်တို့ လုပ်ခဲ့တယ်၊ 

အခုလည်းပဲ ပြည်ထောင်စု ညီလာခံကြီးပဲ ခေါ်ခေါ်၊ ဒုတိယ ပင်လုံညီလာခံပဲ ခေါ်ခေါ် တစ်တိုင်းပြည်လုံးမှာရှိတဲ့ တိုင်းရင်းသားအားလုံး ပါဝင်နိုင်တဲ့ ညီလာခံကြီး တစ်ရပ် ပေါ်ပေါက်လာဖို့ ကျွန်တော်တို့ စီစဉ် ဆောင်ရွက်သွားပါမယ်..။  

အခုက ရှမ်းတောင်မှာ လုပ်မယ်ဆိုတော့ ကယားပြည်နယ်ဘက်ကလည်း သူတို့လည်း ပါချင်ပါတယ်လို့ ကျနော်တို့ကို ပြောတော့ ရှမ်း ကယား ပေါင်းပြီး လုပ်လိုက်တာပါ။

 ယုံကြည်မှုတည်ဆောက်ရာမှာလည်း ကျနော်တို့မူအတိုင်းပဲ သွားပါမယ်။ မူ ဆိုတာက ဘာကိ်ုပြောတာလဲ ဆိုတော့ဗျာ....ငြိမ်းချမ်းရေးအတွက် ယုံကြည်မှုတည်ဆောက်ခြင်းကိုပြောတာပေါ့ဗျာ။

မေး။     ။ ရှမ်းပြည်နယ်နေ့အပြီး နောက်တရက်မှာ ကျင်းပခဲ့တဲ့ ငြိမ်းချမ်းမှုအတွက်ယုံကြည်မှု တည်ဆောက်ခြင်းပွဲကိုကော SNLD ကကျေနပ်အားရမှုရှိခဲ့ပါသလား။ အတိုင်းတာဘယ်လောက်ထိအောင်မြင်ခဲ့ပါသလဲ။ 

ဖြေ။     ။ရှိတာပေါ့ ကျေနပ်မှု အပြည့်ရှိတယ်၊ ဘာလို့လဲ ဆိုရင် တောင်ကြီးကလူတွေလည်း ပံ့ပိုးပေးတယ်။

 လူထုထဲ မဆင်းရပေမယ့် ရှမ်းပြည်လူထုအတွက် ကျနော်တို့ လုပ်နေတာပဲလေ၊ အောင်မြင်တယ်ပြောရမှာပေါ့။

တိုင်းရင်းသားလူမျိုး (၃၃ ) မျိုးရှိတယ်လို့ သူတို့ပြောတယ်၊ ရှာမတွေ့သေးဘူး၊ ဒီတော့ ၃၃ မျိုး ပြည့်အောင် လို့ရှာရမယ်။

 ပြီးတော့ ... အပစ်အခတ် ရပ်စဲထားတဲ့ တိုင်းရင်းသား အဖွဲ့တွေရယ်၊ ရှမ်းပြည်ပါတီတွေ အားလုံး စုစုပေါင်း (၁၆) ဖွဲ့ခန့် ရှိမယ်၊ မတ်လ လားရှိုးမှာလုပ်မယ့်ပွဲကို အားလုံး ပါအောင်လို့ ခေါ်သွားမယ်။

မေး။         ။  အပစ်အခတ်ရပ်စဲထားတဲ့ အဖွဲ့အစည်းတွေ နဲ့ အစိုးရတပ်တွေ  မကြာခဏ တိုက်ပွဲတွေပြန်ဖြစ်နေတယ်၊ အဲဒီဖြစ်ရပ်ကိုလည်း သုံးသပ်ပြောကြားပေးပါဦးဗျ။

ဖြေ။   ။အဲဒါက ကျနော်လည်း အမြဲတမ်းပြောနေတာပဲ၊ ဦးအောင်မင်းတို့နှင့် တွေ့တိုင်းလည်း ကျနော် တင်ပြတယ်၊ အဲဒီမှာ သူဘာပြန်ပြောသလဲဆို ဟုတ်ပါတယ်၊ စစ်တပ်ကလည်း ကာကွယ်ရေး ဦးစီးချုပ်အမိန့် နဲ့ လုပ်တယ်၊ သမ္မတကြီးရဲ့လုပ်ပိုင်ခွင့် မဟုတ်ဘူးလို့ ပြန်ပြောတယ်။ အဲဒါ အခြေခံဥပဒေအရ ဖြစ်လိမ့်မယ်၊ အဓိကကတော့ အခြေခံဥပဒေရဲ့ လိုအပ်ချက်လေးတွေ ဖြစ်ပါလိမ့်မယ်။

မေး။       ။ ကချင်မှာဖြစ်နေတဲ့ စစ်ပွဲ အပေါ်မှာရော ဘယ်လိုမြင်ပါသလဲ။

ဖြေ။    ။      ကချင်ကိစ္စကတော့ဗျာ...  သူတို့ အရင်လူတွေလုပ်ခဲ့တာကို အခုလူတွေက မကြိုက်ဘူး ဆိုတာတော့ မကောင်းဘူးပေါ့ဗျာ၊ နောက်တမင်း ပြောင်းရင် ပျက်ပြန်ပြီလားပေါ့။ ဗိုလ်ချုပ်ခင်ညွန့် လုပ်ခဲ့တာ ( ၁၇) နှစ်လုံး တည်တံ့လာပြီးမှ သူတို့ အစိုးရတက်မှ   Road Map လမ်းပြမြေပုံကြောင့် ကွဲပြဲကုန်တယ်၊ အံမ၀င်တော့ဘူး။ 

မေး။     ။  လွှတ်တော် ပြင်ပအဖွဲ့အစည်းတွေအပေါ် ဘယ်လိုမြင်ပါသလဲ၊ နည်းနည်း ပြောပြပေးပါ။

ဖြေ။     ။   အင်း .... ဒီမိုကရေစီ စနစ်မှာတာ့ အရပ်ဖက်အဖွဲ့အစည်း ရှိမှာပဲ၊ ဥပမာ .... လိုက်ပြီး သီချင်း ဆိုကြတဲ့သူတွေလည်း ဒါသူတို့ ယုံကြည်မှုနဲ့ပဲ လုပ်တာပဲ၊ သန်ရာသန်ရာ လုပ်ကြတာပဲ၊ တနေ့ .....  နိုင်ငံရေးထဲ ၀င်လာမှာပါပဲ၊ အားလုံး မဟုတ်တောင် တချို့ကတော့ ၀င်လာကြမယ်။  

လူထုနဲ့ ထိတွေ့တာလည်း ကောင်းပါတယ်၊ လူထုက မကြောက်တော့ဘူး၊ နိုးကြားလာတယ်၊ အကြောက်တရား ဖယ်ရှားပေးတာ ကောင်းပါတယ်။

အချိန်ယူဖြေကြားပေးတဲ့ ဦးခွန်ထွန်းဦးကို ကျေးဇူး တင်ပါတယ်။

http://blog.irrawaddy.org/2013/02/blog-post_5696.html

  

Read More