လက်ထပ်ထိမ်းမြားခြင်း အပေါ် ဗုဒ္ဓဘာသာ အမြင်

 

ဗုဒ္ဓဘာသာတွင် လက်ထပ် ထိမ်းမြားခြင်း ဆိုသည်မှာ လူတဦးတယောက်တည်းနှင့်သာ သက်ဆိုင်သော ကိစ္စရပ်ဖြစ်ပြီး ဘာသာရေးဆိုင်ရာ တာဝန်တရပ် မဟုတ်ပေ။

လက်ထပ်ခြင်းဆိုသည်မှာ လူမှုရေး သဘောတူညီချက် တခုဖြစ်သည်။ ဘ၀ကို ကောင်းမွန်ပျော်ရွှင်စွာ နေထိုင်ရေးအတွက် လူသားက ဖန်တီးသော အဖွဲ့အစည်းတခု ဖြစ်သည်။ လူသားမျိုးနွယ်ကို တိရိစ္ဆာန်ကဲ့သို့သော အနေအထားမှ စည်းခြားလိုက်ခြင်းဖြစ်ပြီး မျိုးဆက်ပြန့်ပွားခြင်းကို စနစ်တကျနှင့် လိုက်လျောညီထွေစွာ ဖြစ်စေရန် ဖြစ်သည်။ ဗုဒ္ဓ၀ါဒ ကျမ်းစာများတွင် တလင်တမယားစနစ် သို့မဟုတ် မယားပြိုင်စနစ်ဟူ၍ ခွဲခြားသတ်မှတ်ခြင်းမျိုး မရှိသော်လည်း ဗုဒ္ဓဘာသာဝင် ယောက်ျားတို့သည် ဇနီးမယားတယောက်သာ ယူရန် မိမိဖာသာ သတ်မှတ်ထားကြသည်။ ဗုဒ္ဓက အိမ်ထောင်ပြုခြင်းနှင့် ပတ်သက်၍ စည်းကမ်းဥပဒေများ ချမှတ်ပေးခဲ့ခြင်း မရှိသော်လည်း အိမ်ထောင်သည်ဘ၀တွင် ပျော်ရွှင်စွာ နေထိုင်နိုင်ရေးအတွက် အကြံဥာဏ်များ ပေးခဲ့သည်။ ဗုဒ္ဓဟောကြားခဲ့သော တရားအမြောက်အများထဲတွင် ဇနီးမယား တယောက်ထဲကိုသာ သစ္စာရှိရှိ ပေါင်းသင်းရန်နှင့် ရမ္မက်တဏှာနောက်သို့ လိုက်ပြီး တခြားသောမိန်းမများ အတွက် ဇနီးမယားကို စွန့်ခွာခြင်းမပြုရန် ဆုံးမခြင်းများ ပါဝင်ခဲ့သည်။ ယောက်ျားတယောက်ကို ပျက်စီး ကျဆုံးစေသော အကြောင်များထဲတွင် မိမိ၏ ဇနီးမယားမှ အပဖြစ်သော တခြားမိန်းမများနှင့် ဖောက်ပြန်ခြင်းသည်လည်း  တကြောင်းဖြစ်သည်ဟု ဗုဒ္ဓက သတိပေး ဟောကြားခဲ့သည်။

ဆရာတော် ကေ သီရိ ဓမ္မာနန္ဒ မဟာထေရ် (Venerable K. Sri Dhammananda Maha Thera) ၏ What Buddhists Believe စာအုပ်ပါ Buddhist Views on Marriage ကို နိုင်မင်းသွင် ဘာသာပြန်ဆိုသည်။ သီရိလင်္ကာတွင် ဖွားမြင်သော ဆရာတော် ဒေါက်တာ ကေ သီရိ ဓမ္မာနန္ဒ မဟာထေရ်သည် မလေးရှားနိုင်ငံသို့ ကြွရောက် သီတင်းသုံးခဲ့ပြီး မလေးရှား ဗုဒ္ဓဘာသာ သာသနာပိုင်လည်းဖြစ်သည်။ ၂၀၀၆ ခုနှစ်တွင် ပျံလွန်တော်မူသည်။

အမျိုးသားများကလည်း ကြုံတွေ့ရမည့် အခက်အခဲနှင့် အမှုကိစ္စများကို ၀န်ထုပ်ဝန်ပိုး တခုသဖွယ် သဘောပေါက် လက်ခံကြသည့်အတွက် ဇနီးမယား တယောက်နှင့် အိမ်ထောင်စု တခုကိုသာ စောင့်ရှောက် ထိန်းသိမ်းခဲ့ကြသည်။ သို့သော်လည်း ကံအကြောင်းမလှသည့် အခါမျိုးတွင် ပြဿနာကို ကြီးအောင် ချဲ့သလိုဖြစ်နေသည်။ လူသားသဘာဝ၏ အားနည်းချက်ကို သိနားလည်သော ဗုဒ္ဓက သူ့ကိုဆည်းကပ်သူများအား အိမ်ထောင်ရေး ဖောက်ပြန်ခြင်းနှင့် မတရားသော လိင်မှုကိစ္စကို ရှောင်ကြဉ်ရန် တားမြစ်ခဲ့သည်။

လက်ထပ်ထိမ်းမြားခြင်းနှင့် ပတ်သက်သော ဗုဒ္ဓဘာသာ၏ အမြင်မှာ လွတ်လပ်သည်။ လက်ထပ်ထိမ်းမြားခြင်းကို လူတဦးတယောက်တည်းနှင့်သာ သက်ဆိုင်သော ကိစ္စရပ်တခု အဖြစ်သဘောထားပြီး ဘာသာရေးဆိုင်ရာ တာဝန်တရပ်ဟု မသတ်မှတ်ပေ။ ဗုဒ္ဓဘာသာတွင် လူတဦးတယောက်ကို လက်ထပ်ရန် သို့မဟုတ် လက်မထပ်ဘဲ ဗြဟ္မစရိယကျင့်ရန် အတင်းအကျပ် ဆောင်ရွက်သော ဥပဒေ သတ်မှတ်ချက်များ မရှိပေ။

ထို့နည်းတူပင် ဗုဒ္ဓဘာသာဝင် မိသားစုများ အနေဖြင့် ကလေး မဖြစ်မနေ မွေးရမည် သို့မဟုတ် ကလေး အရေအတွက် မည်မျှ မွေးရမည် စသည်ဖြင့် စည်းကမ်း ချမှတ်ထားခြင်းမျိုး မရှိပေ။ ဗုဒ္ဓဘာသာက ၎င်း၏ ဘာသာဝင်တိုင်းကို အိမ်ထောင်ပြုခြင်းနှင့် စပ်လျဉ်းသမျှကို လွတ်လပ်စွာ ဆောင်ရွက်ခွင့်ပေးထားသည်။

အိမ်ထောင်ပြုခြင်းကို ကန့်သတ် ပိတ်ပင်ထားသည့် ဥပဒေသများ မရှိသော်လည်း ဗုဒ္ဓဘာသာ ရဟန်းများ အဘယ်ကြောင့် အိမ်ထောင် မပြုကြသနည်းဟု မေးခွန်းထုတ်ရန် ရှိလာသည်။ ထင်ရှားစွာတွေ့ရသည့် အကြောင်းပြချက်မှာ ရဟန်းများသည် လူသားတို့ အကျိုးအတွက် ဆောင်ရွက်ပေးနိုင်ရန် ဗြဟ္မစရိယအကျင့်ကို ရွေးချယ်ခဲ့ကြခြင်းဖြစ်သည်။ ရဟန်းများသည် လောကီနှင့် စပ်ဆိုင်သော အိမ်ရာထူထောင်ခြင်းကို ရှောင်ရှားခြင်းအားဖြင့် စိတ်၏ငြိမ်းချမ်းမှုကို ထိန်းသိမ်းကာ အခြားသူများကိုလည်း စိတ်အနှောင်အဖွဲ့များမှ လွတ်မြောက်နိုင်ရန် ကူညီရေးအတွက် အိမ်ထောင်မပြုကြခြင်း ဖြစ်သည်။ ဗုဒ္ဓဘာသာ ဘုန်းတော်ကြီးများသည် လက်ထပ်မင်္ဂလာ အခမ်းအနားများနှင့် စပ်ဆိုင်မှုမရှိဟု ဆိုနိုင်သော်လည်း လက်ထပ်သူများကို ဘာသာရေးအရ ဆုံးမသြ၀ါဒပေးရန်နှင့် ၎င်းတို့၏ လှူဒါန်းမှုစသော ကောင်းမှုများကို ချီးမြှောက်ပေးရန် ကြွရောက် ပေးလေ့ရှိကြသည်။

ဗုဒ္ဓ၏ အဆုံးအမများကို တင်းကျပ်စွာ လိုက်နာကြသည့်အတွက် လက်ထပ်ပြီးမှ ကွာရှင်းပြတ်စဲခြင်းများ နည်းပါးသော်လည်း ဗုဒ္ဓဘာသာတွင် ကွာရှင်းပြတ်စဲမှုကို တားမြစ်ပိတ်ပင်ထားခြင်း မရှိပေ။ ယောက်ျားနှင့် မိန်းမသည် တယောက်နှင့် တယောက် သဘောထားချင်း တိုက်ဆိုင်မှု အမှန်တကယ် မရှိတော့လျှင် လွတ်လပ်စွာ ကွာရှင်းပြတ်စဲနိုင်ခွင့် ရှိသည်။ ကွာရှင်းပြတ်စဲလိုက်ခြင်းအားဖြင့် နောင်တွင် ဖြစ်ပေါ်ကြုံတွေ့လာနိုင်သည့် ပြဿနာ အခက်အခဲများမှ ရှောင်ရှားနိုင်မည် ဖြစ်သည်။ ဗုဒ္ဓက အသက်ကြီးရင့်သော ယောက်ျားများ အနေနှင့် ငယ်ရွယ်သော ဇနီးမယား မယူသင့်ကြောင်း အကြံပြုခဲ့သည်။ အသက်အရွယ် ကွာခြားမှုကြောင့် လိုက်ဖက်မညီဖြစ်ပြီး မလိုလားအပ်သော ပြဿနာများ ပေါ်ပေါက်လာနိုင်ကာ အိမ်ထောင်ရေးကို ပျက်စီးဆုံးရှုံးစေနိုင်သည်။

လူ့အဖွဲ့အစည်းသည် လူသားအချင်းချင်း အပြန်အလှန် ဆက်သွယ်မှု ကွန်ရက်မှတဆင့် ဖွံ့ဖြိုးတိုးတက်လာသည်။ ဆက်သွယ်မှုတိုင်းသည် မိမိတို့ အသိုင်းအ၀ိုင်းအတွင်းမှ အခြားသူများကို ထောက်ကူခြင်း၊ ကာကွယ်ခြင်းကို ရင်ထဲမှလာသော စိတ်အမှန်ဖြင့် ဆောင်ရွက်ခြင်း ဖြစ်သည်။ လက်ထပ်ထိမ်းမြားခြင်းသည် ကူညီလို၊ ကာကွယ်လိုသော ဆက်သွယ်မှု၏ အရေးပါသော အားကောင်းသည့် အစိတ်အပိုင်းတခု ဖြစ်သည်။

ကောင်းမွန်သော လက်ထပ်ခြင်း (အိမ်ထောင်ရေး) ဆိုသည်မှာ စစ်မှန်သော သစ္စာရှိခြင်းနှင့် နားလည်ခြင်းမှ အရှိန်မှန်မှန် ဖွံ့ဖြိုးလာခြင်းဖြစ်ပြီး တယောက်အလိုကို တယောက်က လိုက်လျောခြင်း သက်သက် မဟုတ်ပေ။ လက်ထပ်ထိမ်းမြားခြင်းကြောင့် လူ့အသိုက်အ၀န်းကိုလည်း ဖွံ့ဖြိုးတိုးတက်စေနိုင်သည်။ လူသားနှစ်ယောက် ပေါင်းစည်းခြင်းဖြင့် ပျော်ရွှင်ဖွယ်ကောင်းသော အသိုက်အမြုံတခုကို တည်ထောင်နိုင်ပြီး အထီးကျန်ခြင်း၊ ချို့ငဲ့ခြင်းနှင့် ကြောက်ရွံ့ခြင်းတို့မှလည်း ကင်းဝေးစေနိုင်၏။

လက်ထပ်ထိမ်းမြားခြင်းအားဖြင့် နှစ်ဦး နှစ်ဖက်လုံး၏ အခန်းကဏ္ဍကို မြင့်တက်စေနိုင်ပြီး ခွန်အားနှင့် သတ္တိများကို အပြန်အလှန် ပေးအပ်နိုင်ကြသည်။ တယောက်၏ စွမ်းရည်ကို တယောက်က ထောက်ကူပြီး အသိအမှတ်ပြုကာ ကျေနပ် လက်ခံနိုင်စေသည်။ ယောက်ျားနှင့် မိန်းမတွင် မည်သူကပို၍ သာလွန်ကြီးမြတ်သည်ဟူ၍ မရှိ။ တန်းတူညီမျှဖြစ်ခြင်း၊ ပွင့်လင်းသော ကြင်နာခြင်း၊ စိတ်သဘောထားကြီးခြင်း၊ စိတ်ကိုငြိမ်းအေးစေခြင်း စသည်တို့ဖြင့်  အပြန်အလှန် အမှီသဟဲ ပြုခြင်းမျိုးသာ ရှိသည်။

လူသားသည် မိသားစုကို ၎င်း၏ ကိုယ်ပိုင်အယူအဆဖြင့် စီစဉ် တည်ဆောက်နိုင်သော်လည်း ကိုယ်ဝန်ဖျက်ချ ခြင်းကိုမူ တရားမျှတမှုဟု မဆိုနိုင်ပေ။

ကလေးမွေးဖွားခြင်းကို ထိန်းချုပ်ကြပ်မတ်ရန် ဗုဒ္ဓ၀ါဒတွင် အကြောင်းပြချက်မရှိပေ။ ပဋိသန္ဓေ တားဆီးရာတွင်လည်း ခေတ်ဟောင်း ခေတ်သစ်နည်းများကို လွတ်လပ်စွာ သုံးစွဲခွင့်ရှိသည်။ ကလေးမွေးဖွားမှု ထိန်းချုပ်ခြင်းကို ဆန့်ကျင် ကန့်ကွက်ခြင်းသည် လိုက်နာကျင့်သုံးရမည့် ဗုဒ္ဓ၏ တရားများကို ဆန့်ကျင်ခြင်းပင်ဖြစ်ပြီး ၎င်းတို့၏ အယူအဆသည် ကြောင်းကျိုး ဆီလျော်မှု မရှိသည်ကို သတိပြုသင့်သည်။ ပဋိသန္ဓေ တားဆီးခြင်းဆိုသည်မှာ အသက်ရှင်သန်မှုတခု ဖြစ်ပေါ်မလာမီ ကြိုတင်တားဆီးခြင်းသာ ဖြစ်သည်။

ယင်းကိစ္စတွင် သတ်ဖြတ်ခြင်း မပါဝင်သကဲ့သို့ အကုသိုလ်လည်း မဖြစ်ပေ။ သို့သော် ဖြစ်လာပြီးသော ကိုယ်ဝန်ကို ဖျက်ချလျှင်ကား မှားယွင်းမှုဖြစ်သည်။ အဘယ်ကြောင့်ဆိုသော် မျက်လုံးဖြင့် မြင်ရသည်ဖြစ်စေ၊ မမြင်ရသည်ဖြစ်စေ ဘ၀တခုကို ဖျက်ဆီး ဖယ်ထုတ်လိုက်ခြင်း ဖြစ်သောကြောင့်ပင်။ ထို့ကြောင့် ကိုယ်ဝန်ဖျက်ချခြင်းသည် မတရားသောအမှု ဖြစ်သည်။

ဗုဒ္ဓ၏ အဆုံးအမများအရဆိုလျှင် ဖော်ပြပါ အကြောင်းငါးချက်နှင့် ငြိစွန်းပါက သူ့တပါးအသက်ကို သတ်ခြင်း မည်သည်။ ၎င်းတို့မှာ (၁) အသက်ရှိခြင်း၊ (၂) အသက်ရှိကြောင်းကိုသိခြင်း (သို့) သတိပြုမိခြင်း၊ (၃) သေစေလိုသော ဆန္ဒရှိခြင်း၊ (၄) သတ်ရန်အားထုတ်ခြင်း နှင့် (၅) အထက်ပါ အကြောင်းတို့ကြောင့် သေဆုံးရခြင်းတို့ ဖြစ်သည်။

အမျိုးသမီးတယောက် ကိုယ်ဝန်ရှိလာပါက သူ၏သားအိမ်တွင်းတွင် အသက်တခု ဖြစ်လာသည်။ ၎င်းက အမှတ်စဉ် (၁) အချက်နှင့် ကိုက်ညီသည်။ လအနည်းငယ် ကြာပြီးသည့်အခါ ကိုယ်အတွင်းတွင် ရှိနေသောအရာမှာ သက်ရှိဖြစ်သည်ကို သိလာသည်။ ၎င်းက အမှတ်စဉ် (၂) အချက်နှင့် ကိုက်ညီသည်။ ထို့နောက် အကြောင်းပြချက် တစုံတရာဖြင့် ကိုယ်ဝန်ကို ဖြစ်သည့်နည်းနှင့် ဖယ်ထုတ်ရန် ဆန္ဒရှိလာသည်။ ထို့ကြောင့် ဖျက်ချပေးမည့်သူကို ရှာဖွေပြီး ဖျက်ချပေးရန် ခိုင်းစေသည်။ ၎င်းက အမှတ်စဉ် (၃) အချက်နှင့် ကိုက်ညီသွား၏။

ကိုယ်ဝန်ဖျက်ချသူက ၎င်း၏အလုပ်ကို ဆောင်ရွက်လိုက်သည့် အခါ အမှတ်စဉ် (၄) အချက်နှင့် ကိုက်ညီသွားပြီး နောက်ဆုံးတွင် သူတပါးအသက်ကို သတ်ခြင်း ဖြစ်သွားတော့သည်။ ယင်းသို့ဆိုလျှင် “သူ့အသက်ကို မသတ်ရာ” ဆိုသည့် ပထမဆုံးသော သီလ (ပါဏာတိပါတာ) ကို ကျူးလွန်ဖောက်ဖျက်ခဲ့ပြီဖြစ်၍ လူ့အသက်ကို သတ်ရာရောက်ပေသည်။ ဗုဒ္ဓဘာသာတွင် အခြားသူတဦး တယောက်၏ အသက်နှင့်ဘ၀ကို ဖျက်ဆီးခွင့် ပေးအပ်ထားခြင်း လုံးဝ မရှိပေ။ တိကျသော အခြေအနေတခု၏ အောက်တွင် လူတို့သည် မိမိတို့အတွက် အဆင်ပြေရာကို လုပ်ရန်အတွက် အတင်းအကြပ် တားဆီးထားသလို ခံစားကြရသည်။ သို့သော်လည်း ကိုယ်ဝန်ဖျက်ချခြင်း ကဲ့သို့သော အမှုကို ကျူးလွန်ပါက အပြစ်မှ ကင်းလွတ်ခွင့် မရသင့်သလို အခြားနည်းလမ်းအားဖြင့်လည်း ဆိုးဝါးသည့် ကံကြမ္မာနှင့် ကြုံဆုံနိုင်သေးသည်။ အချို့ သော နိုင်ငံများတွင် ကိုယ်ဝန်ဖျက်ချခြင်းကို တရားဝင် ခွင့်ပြုထားသည်။ သို့သော် ခွင့်ပြုထားသည့်အတွက် ပြဿနာများလည်း ရှိနေသည်။ ဘာသာရေး စည်းမျဉ်းစည်းကမ်းများသည် လူသားတို့၏ စိတ်ဆန္ဒကို နေရာတိုင်းတွင် အလျှော့ပေးနေ၍ မဖြစ်နိုင်ပေ။ စည်းကမ်းဆိုသည်မှာ လူသားမျိုးနွယ်တခုလုံး၏ ချောင်ချိမျှတမှုအတွက်သာ ရပ်တည်ရမည်ဖြစ်သည်။

မည်သည့် အခြေအနေအရဖြစ်စေ တစုံတယောက်၏ အသက်ကို ရယူခြင်းသည့် လူ့ကျင့်ဝတ်အရရော ကိုးကွယ်ရာ ဘာသာတရား အတွက်ပါ မှားယွင်းသောအမှု ဖြစ်သည်။ တစုံတယောက်၏ အသက်ကို ဖျက်ဆီး နှောက်ယှက်သူသည် ပြင်းထန်သော ၀ဋ်ကြွေးကို ခံစားရမည် ဖြစ်သည်။ 

http://burma.irrawaddy.org/archives/44071

Read More

အောင်မြင်နေတဲ့ စာရေးဆရာ မင်းဒင်

"မြန်မာ့ ဒီမိုကရေစီ ခေါင်းဆောင်  ကိုယ်တိုင် ´မင်းဒင်ရဲ့ သက်ခိုင်´ကို ဖတ်ချင်သည် ဆို၍ ရန်ကုန်မြို့ကို ရောက်အောင် ပို့ပေးခဲ့ရခြင်း ဖြစ်သည် ....."

 (က)
၂ဝ၁၂ ခုနှစ် မေလ ၁၆ ရက်နေ့ ညဦးပိုင်း။

ထိုင်းနိုင်ငံ ဘန်ကောက်မြို့တော်၏ အမြင့်ဆုံး အဆောက်အအုံကြီးတခုဖြစ်သော ဘိုင်းယောင့်အဆောက်အအုံနားက ဂျူးလဒစ်ဟိုတယ်၏ ၁၄ ထပ် သူတည်းခိုရာအခန်းတွင် ကျနော့မိတ်ဆွေက အခုလိုပြောသည်။

´ဗိုလ်ဌေး။ ကျနော်လည်း မထင်မှတ်ဘဲနဲ့ အလုပ်ကြီးတခုကို လုပ်မိလျှက်သား ဖြစ်နေပြီဗျာ´ ဟု သူက ဆိုသည်။

အခုအချိန်မှာ သူဟာ အရင်ကလို ဖူးကက်မြို့က မြန်မာပစ္စည်းရောင်းတဲ့ ကုန်သည် သက်သက် မဟုတ်တော့။ အွန်လိုင်းပေါ်မှာရော ပုံနှိပ်စာပေလောကမှာပါ အုတ်အော်သောင်းနင်း အောင်မြင်တဲ့ စာရေးဆရာတယောက် ဖြစ်နေချေပြီ။

´မထင်မှတ်ဘဲလုပ်မိတယ်ရယ်တော့ ဘယ်ဟုတ်ပါ့မလဲ ဆရာဒင်။ ခင်ဗျားစာအုပ်က ခေတ်တခေတ်ကို ပြတင်းပေါက်က လှမ်းကြည့်လို့ မြင်ရသလိုမျိုး မြင်အောင်ရေးထားတာ မဟုတ်လား။
 ပြီးတော့ ဇာတ်ကောင်တွေကလည်း သက်ရှိ ဇာတ်ကောင်တွေ ပါနေတယ်လေ။ ကာလ ဒေသ အခြေအနေကလည်း ဒီနေ့ လူလတ်ပိုင်းတွေ အဲဒီအချိန်မှာ ခင်ဗျား ဇာတ်ကောင် သက်ခိုင် ကျင်လည်ခဲ့တဲ့ အခင်းအကျင်းမျိုးမှာ တနည်းမဟုတ်တနည်း ပတ်သက်နေခဲ့တော့ သူနဲ့တူသလိုလို ကိုယ်နဲ့ပဲ ဆင်သလိုလို ထင်မိယောင်မှားတွေလည်း ခံစားလို့ရတာပေါ့။
ဒါကြောင့် လူကြိုက်များတာပေါ့ဗျာ´ ဟု ကျနော်က သူ့ကို ပြန်ပြောသည်။

သူသည် ´မင်းဒင်ရဲ့သက်ခိုင်´ အမည်ရှိ ဇာတ်လမ်းတွဲ ဝတ္တုရှည်ကြီးတပုဒ်ကို ရေးသား ထုတ်ဝေခဲ့သူ နာမည်ကျော် စာရေးဆရာမင်းဒင် ဖြစ်၏။
သူနှင့်ကျနော်ကား ´သက်ခိုင်´ ကို မရေးသားမီ အချိန်ကပင် မိတ်ဆွေဖြစ်ခဲ့ကြသည်။ ထို့ကြောင့် သူက မထင်မှတ်ဘဲ အလုပ်ကြီးတခုကို လုပ်မိလျက်သား ဖြစ်နေပြီဗျာဟု ဆိုခြင်းဖြစ်သည်။

(ခ)
၂ဝဝ၈ ခုနှစ် နှစ် နှစ်ဦးပိုင်း။

ထိုစဉ်က ကျနော်သည် ဘန်ကောက်မြို့ ဘန်ဘော်အရပ်ရှိ ဧကချိုင်လမ်းမကြီးရဲ့ လမ်းသွယ် ၈၃ တွင် နေထိုင်ရင်း ရခိုင်အမျိုးသား သတင်းစာကို ထုတ်ဝေလျက်ရှိသည်။

တနေ့တွင် ကိုမင်းဒင်က ကျနော့ကို ´ဗိုလ်ဌေး ကျွန်တော် စာရေးဖို့  ကြိုးစားနေတယ်။ ဝတ္ထုရေးဖို့ပေါ့။ အရင်က နည်းနည်းပါးပါး ရေးဖူးတယ်။ ကျနော့လက်ရာကို ခင်ဗျား နည်းနည်း မြည်းစမ်းကြည့်ပြီး ဝေဖန်ပေးပါဗျာ။ ခင်ဗျားက တက္ကသိုလ်က မြန်မာစာနည်းပြဆရာဟောင်းဆိုတော့´ လို့ ဆိုလာသည်။

သူစပြီး မြည်းခိုင်းသည့်စာက သက်ခိုင်စာအုပ်မဟုတ်သေး။ သူ့အရင်ရေးပြီး အခုရက်ပိုင်းအတွင်းထွက်ရှိလာတဲ့ ´ဖြစ်ပျက် ရှာပုံတော်´ ဝတ္ထုရှည်ပါ။
ဇာတ်လိုက်ကျော်ကတော့ သက်ခိုင်ပါပဲ။ သူပေးလာတုန်းက အစအဆုံးရေးထားတဲ့ ဝတ္ထကြီး မဟုတ်သေး။ ဖြစ်ပျက်ရှာပုံတော်ကို စတည်ခါစ ဖြစ်သည်။ ဖြစ်ပျက်ကိုမြည်းကြည့်တော့ ကျနော့မိတ်ဆွေမှာ မှော်ကလောင်တချောင်း ရှိနေပါလားဆိုတာကို  သိလိုက်ရသည်။
ဒါကြောင့် ´ကိုယ့်ဆရာ ခင်ဗျား လက်ရာမိုက်တယ်။ ခင်ဗျား သေချာပေါက်အောင်မြင်တဲ့ စာရေးဆရာတယောက် ဖြစ်ကိုဖြစ်မယ်´လို့ အားပေးတာလည်းဟုတ် အနာဂတ်ကို ကြိုဟောတဲ့ သဘောလည်းပါတဲ့စကားကို စိတ်ထဲက အရှိအတိုင်း ပြောချလိုက်သည်။

သူစာစရေးတုန်းက မိုင်ပေါင်းများစွာဝေးကွာသော ဖူးကက်နှင့် ဘန်ကောက် မြို့များမှာနေထိုင်ကြတဲ့ ကျနော်တို့ နှစ်ယောက်သည် တခါတခါ အွန်လိုင်းပေါ်မှာ။ တခါတလေလည်း တယ်လီဖုန်းနဲ့ စာပေအကြောင်း ဆွေးနွေးကြ ငြင်းကြ ခုန်ကြသည်။

(ဂ)
ရေးပြီးတဲ့စာမူများကို သူ့၏ကိုယ်ပိုင်ဘလော့ဂ်မှာ တင်သည်။ ဖတ်ပြီး ချီးမွမ်းတဲ့လူလည်းရှိသလို ´ခင်ဗျား စာမရေးတတ်ပါဘူးဗျာ။ ရေးမနေပါနဲ့´လို့ ထောပနာ ပြုသူလည်းပြု။ ´မင်းသိင်္ခ´လိုလို ´ရွှေဥဒေါင်းလိုလိုလို့ ငေ့ါသူကငေါ့။
´ခင်ဗျား ရောင်ကြီးဗွေ ဇာတ်လမ်းကြီး မပြီးသေးဘူးလား´ ဆိုပြီး ခနဲ့သူကခနဲ့။ ဒီကြားထဲ မင်းဒင်ကလောင်က ဈာန်ဝင်ကာ တခန်းပြီးတခန်း ဆက်ရေးနေသည်။

ကျနော်တို့ကား လူပုစိတ်တိုဟုသာ ကြားဖူးသည်။ ဒါပေမဲ့ ကျနော့မိတ်ဆွေကတော့ အရပ်ခြောက်ပေနီးပါးရှည်ပြီး ကီလို ၈ဝ ကျော်ရှိတဲ့ လူရှည်စိတ်တို အမျိုးအစားထင်ပါရဲ့။
 တခါတခါ ရှူးရှူးရှားရှား လုပ်တတ်သည်။ ထို့ကြောင့် ကျနော်က သူ့ကို အခုလို ဖျောင်းဖျပေးခဲ့ဖူး၏။

´ဟေ့လူ ဒါများ တင်းစရာလားဗျာ။ ဆရာကြီး ရွှေဥဒေါင်းလို ဂန္တဝင် ဆင်ကလောင်နဲ့ နှိုင်းပြောခံရတာ။ မင်းသိင်္ခလို တိုင်းကျော် ပြည်ကျော်နဲ့ နှိုင်းပြောခံရတာ ကျနော်ဖြင့် ခင်ဗျားအစား ဂုဏ်ယူတယ်ဗျာ။ ပြောတဲ့လူတွေက ရွှေဥဒေါင်းရဲ့ စာမျိုးရေးဖို့အသာထား စဉ်းစားဖို့တောင် ခေါင်းရှိမယ်မထင်ပါဘူး။ ဒီလိုဘဲ မင်းသိင်္ခဆိုတာလည်း မြန်မာပြည် စာပေလောကမှာ အထင်ကရ ဘက်ဆဲလားဗျာ။ ဘယ်အရာမဆို အစမှာတော့ ဒီလိုဘဲ မလိုတမာတွေ ပြောကြမှာပေါ့။ နောက်တော့ ဒါတွေအားလုံးဟာ လေထဲမှာလွင့်ကျန်ရစ်ပြီး မင်းဒင် မင်းဒင် ဖြစ်နေမှာ မြင်ယောင်သေး´ ဟု သူ့ကို ပြောဖြစ်သည်။

´ဖြစ်ပျက်ရှာပုံတော်´ ကို ဖတ်ရှုရတဲ့ အွန်လိုင်းပရိသတ်တွေက စာတွေဆက်ရေးဖို့ ပူဆာကြသည်။
နေ့စဉ် ပို့စ်အသစ်တွေ တင်ဖို့ တွန်းလာကြသည်။
သူလည်း စာပေဈာန် အတော်ဝင်သွားပြီး ဖြစ်သည်။
အစကနဦးကလို မိမိလက်ကို မယုံမရဲ မဟုတ်တော့ဘဲ ကလောင်ဝင့်လာသည်ကို တွေ့ရသည်။
သူက ... ´ဗိုလ်ဌေး ခင်ဗျားပြောတာ မှန်တယ်ဗျ။ ခုလောက်ဆို ကျနော့်လက်က စာကောင်းကောင်းရေးနိုင်ပြီဆိုတာ ယုံသွားပြီ။
ခင်ဗျား နိမိတ်ဖတ်ပေးတာ အားပေးတာ ကျေးဇူးတင်တယ်ဗျို့။ ပြီးတော့ ကျနော်စာစရေးတုန်းက ဝေဖန်ပေး၊ လိုတာကို ပြောပေးဆိုပေးတာလည်း တကယ်ကျေးဇူးတင်တယ်´ဟုလည်း ဆိုသည်။

ထို့နောက် သူ့ဘဝအတွေ့အကြုံတွေကို အခြေခံပြီး စာတအုပ် ရေးမယ်လို့ ဆုံးဖြတ်လိုက်ပြီဟုပြောပြီး မကြာခင်မှာ ´မင်းဒင်ရဲ့သက်ခိုင်´ကို သူ့ဘလော့ဂ်တွင် စမြင်ရသည်။

သက်ခိုင် အခန်း ၂၅ လောက်ထိတော့ သူနဲ့ ကျနော် အဆက်အသွယ် သိပ်မပြတ်။ အသစ်တင်တိုင်း ကျနော်နဲ့ အချီအချ ပြောကြသည်။
အခန်း ၂၅ နောက်ပိုင်းမှာတော့ သူ့မှာ ပရိသတ်တွေ အုံခဲလာသည်။
ကမ္ဘာအရှေ့ခြမ်းက စာဖတ်သူမှ သည် ကမ္ဘာအနောက်ခြမ်းထိ။ မြောက်ခြမ်းမှ တောင်ခြမ်းထိ။ အွန်လိုင်းဖြန့်ကျက်ရာ ဒေသအသီးသီးမှ မြန်မာစာဖတ် ပရိသတ် အထောင်အသောင်းနှင့် ပြောနေဆိုနေရတာ များလာသည်။

ကျနော်လည်း ထိုစဉ်က အလုပ်လုပ်နေသော ဧရာဝတီ သတင်းထောက်ဘဝမှ ရုတ်တရက် ပြုတ်သွားသဖြင့် စားဝတ်နေရေးခက်ခဲကာ သူ့စာကို နောက်ပိုင်းတွင် အရင်လို မဖတ်အားတော့။ အလျဉ်းသင့်သည့်အခါ ကြည့်ဖြစ်ရုံမျှသာ။ သူ့ကို လည်း ဝေဖန်ထောက်ပြစရာ မလိုတော့ပါ။
ဆင်ကလောင် မြန်မာစာရေးဆရာများ ကမ္ဘာအနှံ့ ကျော်ကြားသော မြန်မာပြည်ဘွားများက ဘရာဗို ချီးယားစ် ကွန်ကရက် ကျူးလေးရှင်း လုပ်ခံနေရချိန်မှာ ကိုယ်က ဝမ်းသာအားရ လက်ခုပ် တီးရုံကလွဲပြီး မိတ်ဆွေကြီးကို အကြံပြုစရာ လိုမှမလိုတော့တာ။

မင်းဒင် ရေးသားတဲ့ သက်ခိုင်နဲ့ ဂူတင်ဘတ် မိတ်ဆွေဖြစ်သွားတဲ့အကြောင်း ဧရာဝတီဘလော့ http://blog.irrawaddy.org/2010/12/blog-post_6978.html မှာ ဖတ်နိုင်ပါတယ်

(ဃ)
နောက်ပိုင်း ကြားရတာက သူ့စာကို ပရင့်ထုတ်ပြီး မိတ္တူပွားကာ ဖတ်နေကြကြောင်း။ စင်္ကာပူမှာဆိုရင် မိတ္တူပွားထားတဲ့ စာကို အားရပါးရ ဝယ်ဖတ်နေကြသည်ဟုလည်း သိရသည်။

ထို့ပြင် ရန်ကုန်မြို့မှာလည်း ဒိုင်လျှို မိတ္တူကူးကာ အချင်းချင်း ဖြန့်ဝေနေကြသဖြင့် ခေတ်ပျက် သူဌေးများနှင့် အာဏာပိုင် အသိုင်းအဝန်းကြားတွင် ´ခင်ဗျား ရုတ်ရုတ် ရုတ်ရုတ် မလုပ်နဲ့ မင်းဒင်ကို ပြောလိုက်ရမလား´ ဟူသော ရွှတ်နောက်နောက် စကားတခွန်း ပေါ်ပေါက်ရသည်ထိ သက်ခိုင်စာအုပ်က ပေါက်နေသည်။

ဒီကြားထဲမှာ သူနဲ့ ဖုန်းပြောဖြစ်တိုင်း စာအုပ်အဖြစ် ထုတ်ဝေရန် ကျနော်က သူ့ကိုတွန်းသည်။
ဘာကြောင့်လဲဆိုတော့ ပြည်ပမှာ ထုတ်ဝေကြတဲ့ စာပေအများစုက အလှူ့ရှင်ပိုက်ဆံနှင့် ထုတ်ကြသော သုတစာပေများ အစီရင်ခံစာများ မှတ်တမ်းများသာ များသည်။
ရသစာပေ လုံးချင်းဝတ္ထုကြီးတအုပ်ကို ဈေးကွက်တင်ရောင်းသည့် မြန်မာစာအုပ်မျိုး ကျနော် မကြားဖူးသေး။ ရှိတော့ ရှိပါလိမ့်မည်။ ခေတ်ပြိုင် ဝက်ဘ်ဆိုဒ်တွင် ဆရာမောင်သာရ ကြော်ငြာများကို တွေ့ဘူးသည်။ သို့သော် ဈေးကွက်အရ အဘယ်မျှ ပေါက်ရောက်သည်ကို ကျနော်မသိ။

မင်းဒင်ရဲ့ သက်ခိုင်ကိုတော့ ကျနော်လုံးဝယုံသည်။ ထို့ပြင် ဆရာမင်းဒင်ကိုယ်တိုင်ရဲ့ မိတ္တဗလကို ပိုပြီးယုံသည်။ ထို့ကြောင့် ဇွတ်တွန်းခဲ့သည်။
သူ့စာအုပ်ကို ထုတ်ဝေလိုသူများက ကမ်းလှမ်းမှုတော့ ရှိသည်ဟု သဲ့သဲ့ကြားရသည်။ သို့သော် ဆရာ မင်းဒင်က သူ့စာအုပ်ကို  သူကိုယ်တိုင်သာ ထုတ်လိုကြောင်း နောက်ဆုံးတွင် ကျနော့အား ဆိုလာသည်။

´ဗိုလ်ဌေး။ သက်ခိုင်ကိုထုတ်ဖို့ အမေရိကန်ကတယောက် ကမ်းလှမ်းတယ်ဗျ။ ဒါပေမဲ့ ကျနော့စာမူကို ကျနော်ပဲ မူပိုင် ထားချင်တာ။
ကျနော်မရှိတဲ့တနေ့မှာ ကျနော့ရဲ့ တဦးတည်းသော သမီးလေးအတွက် မူပိုင်ခွင့် အမွေပေးခဲ့ချင်တာ။ ဒါကြောင့် လုပ်ဖြစ်ရင် ကိုယ့်ပိုက်ဆံနဲ့ ကိုယ်ချမယ်ဗျာ´ ဟု သူကပြောသည်။

ဒါကြောင့် သူဟာ မဲဆောက်က စာပေမိတ်ဆွေများနှင့် တိုင်ပင်ပြီး စိစစ်တာ တည်းဖြတ်တာ ဒီဇိုင်းဆင်တာတွေကို ကိုယ်တိုင်ဘေးမှနေ၍ ကြီးကြပ်ပြီး စာမျက်နှာ ၇ဝဝ ကျော်ရှိသော စာအုပ်ကို သုတ်သင် တည်းဖြတ်၍ ပြီးစီးကြောင်း သတင်းပို့လာသည်။

ကျနော် အင်မတန်ဝမ်းသာပါသည်။ ကျနော့မိတ်ဆွေကြီး ရေးသားသော မဆလခေတ် နဝတခေတ် နအဖခေတ် နောက်ခံနှင့် သက်ရှိ ဇာတ်ကောင်များ ပါဝင်သော ခေတ်ပြိုင် သမိုင်းဇာတ်လမ်းတွဲကြီး သို့မဟုတ် မင်းဒင်ရဲ့ သက်ခိုင် ဝတ္ထုကြီး အမှန်တကယ် မြန်မာစာပေလောကတွင် ပေါ်ထွက်လာတော့မည်ဟု။

(င)
၂ဝ၁ဝ ကုန်ခါနီး ကာလလောက်ထင်သည်။
ကိုမင်းဒင် ကျနော်ရှိရာ ဘန်ကောက်မြို့ ဖက်လန်ဆောင် စွယ် ၆၆ သို့ တက္ကစီစီးပြီး ပေါက်ချလာသည်။

´ဗိုလ်ဌေး စာအုပ်ထုတ်မယ်။ ပုံနှိပ်စက်အပ်မယ်။ ခင်ဗျား အပ်နေကျ ပုံနှိပ်တိုက် သွားမယ်ဗျာ။ ခင်ဗျားမဒမ်က ထိုင်း စကား တတ်တယ်မဟုတ်လား´ ဟု ဆိုပြီး ကျနော့ဇနီးကိုပါ ချောဆွဲလေသည်။

သူသည် ပုံနှိပ်တိုက်ပိုင်ရှင်နှင့် အသေးစိပ် ဆွေးနွေးပြီးနောက် ဈေးစကားပြောကြတော့ ပုံနှိပ်တိုက်က ဘတ် သုံးသိန်းနီးပါး ကျမည်ဟု ပြောသည်။
 ကိုယ့်ဆရာ တွေသွားသည်။ ပုံနှိပ်တိုက်မတင်ခင် ကုန်ကျစရိတ်များနှင့်ပါဆိုလျှင် စာအုပ်တအုပ်ကို ဘတ် သုံးရာကျော်တော့မည်။
တအုပ်သုံးရာဆိုလျှင် အရင်းသက်သက်ပင် ဘတ် သုံးသိန်းအထက် ကုန်တော့မည်။ ထို့ကြောင့် ရန်ကုန်က ဇနီးနှင့် စင်္ကာပူက သမီးကို အခြေအနေအား ရှင်းပြသည်။
အံ့ဖွယ်ကောင်းလိုက်သည့် ဇနီးနှင့် သမီးပါပဲ။

စာရေးဆရာကတော်က´ရှင် သိပ်ထုတ်ချင်နေတဲ့ စာအုပ်ကို ထုတ်သာထုတ်။ ဘာမှ နောက်မတွန့်နဲ့။ မတွေဝေနဲ့´ တဲ့။

သမီးဖြစ်သူကလည်း ´အဖေ နောက်မဆုတ်နဲ့ လိုတာအကုန် သမီးပေးမယ်။ သမီးဟာ အဖေ့သမီး။ စာရေးဆရာ မင်းဒင် သမီး ဖြစ်ရတာကို အရမ်းဂုဏ်ယူမိတယ် အဖေ။ အဖေ လုပ်စရာရှိတာ ဆက်လုပ်´ ဟု   ရာနှုန်းပြည့် ထောက်ခံအားပေးခဲ့သည်။

ထို့ကြောင့် ကောင်းကင် အွန်လိုင်းတွင်သာ ကျော်ကြားမင်းမူခဲ့သော ´မင်းဒင်၏ သက်ခိုင်´ သည် ဤကမ္ဘာမြေပေါ်သို့ စက္ကူဖြင့် ချုပ်လုပ်ထားသော ခန့်ငြားသည့် စာအုပ်အဖြစ်ဖြင့် ရောက်လာခဲ့ရသည်။

စာအုပ်အပ်ပြီး တပတ်အတွင်း ဘန်ကောက်မှ ဖူးကက်သို့ သက်ခိုင်စာအုပ်များ ရောက်ရှိသွားတော့သည်။ မင်းဒင်၏လက်ရာ သက်ခိုင်ကား ၆လလောက် အကြာတွင် လက်ကျန် အနည်းငယ်သာ ကျန်သည့်အဆင့်သို့ ရောက်လာသည်။

သက်ခိုင်စာအုပ်များကို တိုကျို။ ဆိုးလ်။ ဆစ်ဒနီ။ လန်ဒန်။ ဝါရှင်တန်။ အော့တဝါ။ ကာတာ။ ဆိုက်ပရပ်စ်။ ကွာလာလမ်ပူ အစရှိသော ကမ္ဘာ့မြို့ကြီးများနေ မင်းဒင်ပရိသတ်များက အလုအယက် မှာယူကြသည်။
ရန်ကုန် မန္တလေးကလည်း သူ့ အဆက်အသွယ်နှင့်သူ မှာယူဖတ်ရှုကြသည်။
ထိုင်းနိုင်ငံ ဘန်ကောက် ချင်းမိုင် မဲဆောက်မြို့များကလည်း အားပေးကြသည်။

သက်ခိုင်ကို မွေးဖွားရာ ဖူးကက်တွင်တော့ သိပ်စွံပုံမရ။ အထူးသဖြင့် စာအုပ်ဈေးကြီး၍လား ဒါမှမဟုတ် စာဖတ်အား နည်း၍လား မပြောတတ်။
ရွှေ့ပြောင်းအလုပ်သမားများက ဝယ်ယူအားပေးမှု အနည်းအကျဉ်းသာ ရှိပါသည်။

စာအုပ်ထွက်ပြီး တနှစ်ခန့်အကြာတွင်တော့ အမှတ်တရ သိမ်းဆည်းထားရန် သက်ခိုင်စာအုပ်မှာ ခုဂဏန်းမျှသာ လက်ကျန်ရှိတော့ကြောင်း သူက ပြောလာသည်။

(င)
လူတယောက်၏ ဘဝကံကြမ္မာသည် ကြိုတင်မှန်းဆ၍ မရစကောင်းပါ။ သီချင်းတခွေတည်းနှင့် ပေါက်ခဲ့သူများအဖြစ် အဆိုတော် ဖိုးချို၊ ထူးအိမ်သင် စသည့် နိုင်ငံကျော်များကို တွေ့ဖူးပါသည်။
စာအုပ်တအုပ်တည်းနှင့် ပေါက်သည့် မြန်မာ ဝတ္ထုရေးဆရာက ဆယ်စုနှစ် တခု၊ နှစ်ခုတွင် တယောက်ပေါ်ထွန်းချင်မှ ပေါ်ထွန်းပါမည်။

ထို့ပြင် ရသစာပေရေးသားခြင်း ဆိုသည်က အခက်တကာ့ အခက်ခဲဆုံး အလုပ်ထဲက တခု ဖြစ်၏။
ယင်းအခက်အခဲကို ကျော်ဖြတ်ကာ နတ်မောက်သား မင်းဒင်သည် ဖူးကက်ကျွန်းမှတဆင့် အွန်လိုင်းမှ စတင်ပေါ်ထွန်းပြီး ယခုအခါ စာပေလောကထဲတွင် အထင်ကရ ကလောင်တချောင်းအဖြစ် အောင်မြင်ခဲ့ပေပြီ။
ယင်းသို့ အောင်မြင်လာခြင်းမှာ အလွယ်တကူ အောင်မြင်လာခြင်းတော့မဟုတ်။ ဤစာအုပ်ကို သုံးနှစ်သုံးမိုး အပတ်တကုတ် ရေးသားခဲ့ခြင်း ဖြစ်သည်။

နိုင်ငံတွင်းက စာရေးဆရာများကဲ့သို့ ဖြစ်စေ၊ အင်္ဂလိပ်ဘာသာဖြင့် ရေးသားသော စာရေးဆရာများကဲ့သို့ စာအုပ် ထုတ်ဝေရန်လည်း ကနဦးက တင်ကူး ရည်ရွယ်ချက်ရှိ၍လည်း မဟုတ်။ သူ့ရင်ဘတ်ထဲတွင် အောင်းနေသော သက်ခိုင်ကို မွေးဖွားခဲ့ခြင်းသာ ဖြစ်သည်။

လူများစွာတို့သည် ပိုက်ဆံရသော အလုပ်များကိုတောင် နှစ်ရှည်လများ ဇွဲနပဲနှင့်မလုပ်ဘဲ မျောက်လွှဲကျော်ပမာ ဟိုက သည်ကူး သည်ကဟိုကူးဖြင့် ကျင်လည်နေကြ၏။
ကုန်သွယ် စီးပွားအလုပ်ကို လုပ်နေသူ ကုန်သည် ကိုမင်းဒင်အဖို့မှာတော့ တဘက်က အရောင်းအဝယ်လုပ်ရင်း ကျန်သည့် အချိန်တိုင်းတွင် သက်ခိုင်ကို ဖန်တီးနေခဲ့သည်။

ထို့ကြောင့်ထင်၏။ ချင်းမိုင်တွင် ပြုလုပ်သော မြန်မာ့သတင်းသမဂ္ဂ ညီလာခံသဘင်တွင် သူ့ကို တနှစ်တာ အကောင်းဆုံး ရသစာပေ ကလောင်ရှင်အဖြစ် ဆုပေးကာ ဂုဏ်ပြုခဲ့ပါသည်။ ထို့ထက် ကြီးမားသော ဆုတခု ကျန်ပါသေးသည်။ ယင်းကား အခြားမဟုတ်။ မြန်မာ့ ဒီမိုကရေစီ ခေါင်းဆောင်  ကိုယ်တိုင် ´မင်းဒင်ရဲ့ သက်ခိုင်´ကို ဖတ်ချင်သည် ဆို၍ ရန်ကုန်မြို့ကို ရောက်အောင် ပို့ပေးခဲ့ရခြင်း ဖြစ်သည်။
ယင်းစာအုပ်ကို ရန်ကုန်သို့သွားမည့် ဗိုလ်မှူး သောင်းထိုက်လက်သို့ ဘန်ကောက်မြို့ စယမ် မိုးပျံရထားဘူတာတွင် ကျနော်ကိုယ်တိုင် ထည့်ပေးခဲ့ပါသည်။

(စ)
ဖူးကက်မြို့မှ အာမခန်အရပ်သည် ဆိတ်ငြိမ်ရပ်ကွက်တခု ဖြစ်၏။ စီးပွားရေး ပြေလည်သူများနေသည့် အရပ်ဖြစ်သောကြောင့် လူသွားလူလာနည်းပါးကာ တခါတရံ ကားနှင့် ဆိုင်ကယ်များ ဖြတ်မောင်းသွားသည့် အသံမှလွဲ၍ နေ့ခင်း နေ့လည်များဆိုလျှင် တိတ်တိတ်ဆိတ်ဆိတ် ရှိလှသည်။

သူသည် ယင်းဆိတ်ငြိမ်ရပ်ကွက်အတွင်းရှိ နှစ်ထပ်တိုက်အိမ်၏ အပေါ်ထပ်တွင် အွန်လိုင်းပြတင်းပေါက်ကတဆင့် ကမ္ဘာအနှံ့မှ မိတ်ဆွေများနှင့် စကားပြောနေသည်။
မင်းဒင်ရဲ့သက်ခိုင်ကား ယခုစာရေးနေချိန်တွင် ပဉ္စမအကြိမ်မြောက် ရိုက်နှိပ်နေလေပြီ။ စာပေဝေဖန်ရေး ဂုရုကြီး ဆရာအောင်သင်းကလည်း မင်းဒင်ရဲ့ သက်ခိုင်ကို အားရလှသည် ဟု ဆိုသည်။ တက္ကသိုလ်စိန်တင်လိုပုဂ္ဂိုလ်မျိုးကလည်း မြန်မာစာကို ချောမွေ့ပြေပြစ်အောင် ရေးနိုင်စွမ်းသူဟု ဆိုပြန်သည်။
 မင်းဒင်ရဲ့ သက်ခိုင်အပေါ် ချီးကျူးကြသည့် ရီဗျူးများ ပြည်တွင်းထုတ် မဂ္ဂဇင်းဂျာနယ်များတွင် နေရာယူနေလျက်ရှိနေပြီ။
သူ၏ ဒုတိယမြောက် လုံးချင်းလက်ရာ ဖြစ်ပျက်ရှာပုံတော်ခရီးသည်ကို ထုတ်ဝေနိုင်ခဲ့ပြီ။

သူသည် ကျနော့်အား မထင်မှတ်ဘဲ အလုပ်ကြီးတခုကို လုပ်မိလျက်သား ဖြစ်နေပြီဟု ဆိုခဲ့သည်။
သို့သော် ယင်းအလုပ် ကား နှယ်နှယ်ရရမဟုတ်။ သူ့ဘဝကိုလည်း အောင်မြင်သော စာရေးဆရာဖြစ်စေခဲ့သလို ကိုယ်တိုင် ဖြတ်သန်းခဲ့သော ခေတ်ပြိုင်သမိုင်းကိုလည်း နောင်အခါ ဂန္ထဝင်တင်ခံရမည့် စာအုပ်တအုပ်ကို ရေးမိလျက်သား ဖြစ်နေခဲ့ခြင်းပင်တည်း။  


ဧရာဝတီ Facebook / ဧရာဝတီ Twitter

Read More

ထမင်းရောင်းနေတဲ့ ဗိုလ်ချုပ်ဟောင်း ဦးလွန်းမောင်

 

စစ်စွပ်ကျယ်၊ ပုဆိုးခါးတောင်းကျိုက်နဲ့ ရေသန့် ၆ ဘူးတကတ်တွဲ ၂ တွဲကို လက်တဘက်တချက် ကိုင်ထားရင်း နဖူးကချွေးတွေကို လက်မောင်းရင်းနဲ့ ခပ်ကြမ်းကြမ်း သုတ်လိုက်သူကတော့ တချိန်က စစ်အစိုးရလက်ထက် တနိုင်ငံလုံးရဲ့ စာရင်းစစ်ချုပ် ရာထူးကို ပိုင်ဆိုင်ခဲ့ဖူးသူ အရင်က ဗိုလ်ချုပ်လွန်းမောင် ဆိုပြီး နာမည်ကျော်ခဲ့သူပဲ ဖြစ်ပါတယ်။

ရေသန့်ဘူးတွေကို ရေခဲသေတ္တာထဲ အစီအရီ ထည့်ဖို့ပြင်နေတဲ့ အသက် ၆၀ ကျော်အရွယ် ဦးလွန်းမောင်ရဲ့ ပုံစံဟာ တချိန်က ဘုန်းမီးနေလ ထွန်းတောက်ခဲ့သူ သူတဦးလို့ ထင်စရာ မရှိပါဘူး။ လက်ရှိအချိန်မှာတော့ ထမင်းဆိုင်ပိုင်ရှင် ဦးလွန်းမောင် အဖြစ်နဲ့ မွန်ပြည်နယ် ဘီးလင်းမြို့မှာ အခြေချနေပါပြီ။

ဦးလွန်းမောင်ဟာ ရေခဲသေတ္တာထဲကို ရေသန့်ဘူးတွေ အစီအရီထည့်ပြီး မကြာခင်မှာပဲ ထမင်းစားပွဲခုံ အလုံး ၄၀ ကျော်ကို ရေစိုအ၀တ်နဲ့ လိုက်လံ သုတ်နေပြန်ပါတယ်။ ဘေးက ကြည့်နေသူတွေကတော့ သူ့အသက်အရွယ်နဲ့ မလိုက်အောင် လုပ်ကိုင်နေပုံကို အံ့သြနေပုံရပါတယ်။

အင်တာနက်စာမျက်နှာ ပေါ်မှာ ဗိုလ်ချုပ်ဟောင်း လွန်းမောင်တယောက် ထမင်းဆိုင် ဖွင့်ထားတယ်၊ ရိုးစင်းတဲ့ ဘဝကို ဖြတ်သန်းနေတယ် စသည်ဖြင့် သတင်းတွေနဲ့အတူ သတင်းတချို့မှာ ရေးသားထားတဲ့ “ဦးလွန်းမောင် တယောက် မှန်လွန်းတဲ့အတွက် ရွာပြင်ထုတ် ခံခဲ့ရတယ်” ဆိုတဲ့ အချက်နဲ့ ပတ်သက်လို့ စိတ်ဝင်စားမိတာနဲ့ ရန်ကုန်ကနေ ဘီလင်းအထိ ခြေဆန့်လာခဲ့တာပါ။ တမြို့လုံးမှာ သေသေချာချာ ရှာဖွေ ရေကြည့်လို့ လက် ၃ ချောင်းတောင် မပြည့်တဲ့ တည်းခိုခန်း အခက်အခဲကို ဖြစ်သလို ကျော်ဖြတ်ရင်း ၂ ရက်ကြာအောင် ဦးလွန်းမောင်ရဲ့ နေ့စဉ်ဘ၀ ဖြတ်သန်းမှုကို လေ့လာကြည့်ခွင့် ရခဲ့ပါတယ်။

သူ့တနေ့တာ ဖြတ်သန်းမှုကို ၂ ရက်အကြာ လေ့လာပြီးချိန်မှာတော့ သူ့ကို မိတ်ဖွဲ့ရင်း စကားပြောခွင့် ရပါပြီ။

“တနေကုန် အလုပ်နဲ့ လက်နဲ့ မပြတ်ဘူး။ ဗိုလ်ချုပ်ဘ၀ကတောင် ဂေါ့ဖ်ရိုက်ဖို့ အချိန်ဆိုတာ ရှိသေးတယ်။ ဒီမှာကျတော့ ဂေါ့ဖ်ရိုက်ဖို့ မပြောနဲ့ ကိုယ်ပိုင်အချိန်တောင် တော်တော်ကလေး ရှားတယ်။ ဒါပေမယ့် ဒီဘ၀လေးက ရိုးစင်းပါတယ်” လို့ ဦးလွန်းမောင်က စကားစပါတယ်။

တချိန်က လွတ်လပ်ရေး မရခင်မှာ ဂျပန်တပ်တွေ အခိုင်အမာတပ်စွဲခဲ့လို့ ဂျပန်တောင်ဆိုပြီး နာမည်ကြီးခဲ့တဲ့ နေရာက တပ်ရင်းမှာ တာဝန် ထမ်းဆောင်ချိန်က သူတည်ခဲ့တဲ့ ဂျပန်တောင်ဘုရား ခြေတော်ရင်းမှာ ထမင်းဆိုင်ဖွင့်ဖို့ စိတ်ကူးရခဲ့ သူကတော့ သူ့ဇနီးသည်ပါပဲလို့ ပြောရင်း အခုလို ရိုးစင်းစွာ ဖြတ်သန်းနေရတဲ့ သူ့ဘ၀ကို ကျေနပ်တယ်လို့ ဆိုပါတယ်။

“ကျနော်က ငယ်ငယ်ကတည်းက ဆင်းရဲခဲ့တဲ့ မိသားစုက ဆင်းသက်လာသူပါ။ ဒီအချိန်က ငယ်ငယ်က ဘ၀ကြမ်းသလောက် မကြမ်းပါဘူး။ ပျော်ပါတယ်။ အံဝင်ခွင်ကျ ရှိတယ်ဆိုတာထက် လူတိုင်းက သူရတဲ့ဘ၀မှာ နေပျော်ဖို့ လိုပါတယ်” လို့လည်း ဘုရားဒါယကာ ဦးလွန်းမောင်က ဆက်ပြောပါတယ်။

အနှစ် ၄၀ လောက် လျှမ်းလျှမ်းတောက် အာဏာရှိခဲ့သူ၊ စစ်တပ်မှာ ရာထူးကြီးကြီးနဲ့ တာဝန်ထမ်းဆောင်ခဲ့သူ အဖြစ်ကနေ ဒီလို ဈေးသည်တယောက် အနေနဲ့ ကျန်ရှိတဲ့ ဘ၀ကို ဖြတ်သန်း နေတာကတော့ ဘေးလူတွေအမြင် အံ့သြစရာ ဖြစ်နေပုံပါပဲ။

အောင်ပြည့်စုံ ဆိုတဲ့ နာမည်နဲ့ ဘီ်းလင်းမြို့အ၀င်မှာ ထမင်း၊ ဟင်းနဲ့ တခြား စားသောက်စရာတွေ ရောင်းချနေတဲ့ ဦးလွန်းမောင်ရဲ့ ဆိုင်ကို ကြည့်လိုက်တာနဲ့ ရင်းနှီးထားတဲ့ ပမာဏ မနည်းလောက်ဘူး ဆိုတာ ဘယ်သူမဆို ခန့်မှန်းနိုင်ပါတယ်။

မနက် ၁၀ နာရီကနေ နောက်တနေ့ မနက် ၃ နာရီအထိ ထမင်း၊ ဟင်းနဲ့ တခြား စားသောက်ဖွယ်ရာတွေကို ရောင်းချသလို ည ၉ နာရီကနေ စတင်ပြီး စင်တင်ဂီတပါတဲ့ စားသောက်ဆိုင်ကိုလည်း အောင်ပြည့်စုံ ထမင်းဆိုင်ဝန်းထဲမှာ ဆိုင်တဆိုင် ခွဲလို့ ရောင်းချနေတာ တွေ့ခဲ့ရပါတယ်။

“ကျနော် လည်ပင်း ကင်ဆာဖြစ်တော့ အမျိုးသမီးက ကလေးတွေ ရှေ့ရေးအတွက် ဒီမှာ ၀ါးတဲလေး စထိုး ဈေးရောင်းခဲ့ တာပေါ့။ နောက်ပိုင်းကျမှ အခုလို ဖြစ်လာခဲ့တာပါ” လို့ ဦးလွန်းမောင်က ပြောပြပါတယ်။

လွန်ခဲ့တဲ့ ၁၂ နှစ်တာ ကာလကတည်းက စတင်ဖွင့်လှစ်ခဲ့တဲ့ ဒီဆိုင်ဟာ သူ့ဇနီး ဒေါ်မြမြစိန်ရဲ့ စိတ်ကူးနဲ့ တည်ဆောက်ခဲ့တာ ဖြစ်တယ်လို့ သူက ဂုဏ်ယူစွာနဲ့ ဆိုပါသေးတယ်။

စိတ်တူကိုယ်တူ ဇနီးမောင်နှံတွေ ဖြစ်တာကြောင့် လက်ရှိ ဖြတ်သန်းနေရတဲ့ ဘ၀ကို ဇနီးသည်ဖြစ်သူကလည်း ကျေနပ်နေ တယ်လို့ ဦးလွန်းမောင်က ပြောပြနေချိန်မှာ အပွင့်ကျဲကျဲ ပါတိတ်ထမီ၊ လိမ္မော်ရောင် ဘလောက်စ် အင်္ကျီ ၀တ်ဆင်ထားတဲ့ ဒေါ်မြမြစိန်က လက်ကြားမှာ စီးကရက်ညှပ်ထားရင်း စကားဝိုင်းထဲ ၀င်ရောက် လာခဲ့ပါတယ်။

“အန်တီတို့က ပွင့်ပွင့်လင်းလင်းပဲ၊ ဘယ်သူ့ကိုမှလည်း ဒေါသမဖြစ်ဘူး။ ဒီဘ၀ကိုလည်း ကျေနပ်တယ်၊ ကိုယ့်ကို လုပ်သွားတဲ့ သူကိုလည်း ခွင့်လွှတ်တယ်။ ဘာပဲပြောပြော ၀ဋ်ရှိလို့ခံရတယ်ပဲ မှတ်တယ်။ တရားနဲ့ဖြေလို့ အခုလို နေနိုင်တာ။ နို့မို့ မဖြေနိုင်ရင် ဘယ်လွယ်မလဲ” လို့ ဗိုလ်ချုပ်ဟောင်းရဲ့ ဇနီးသည်က ဆိုလာပါတယ်။

ဦးလွန်းမောင်တယောက် စာရင်းစစ်ချုပ် ဘဝကနေ အငြိမ်းစားပေးခံရစဉ် ကာလကို ဒေါ်မြမြစိန်က ရည်ရွယ်ဟန် တူပါတယ်။ ဦးလွန်းမောင်ဟာ နိုင်ငံတော် စာရင်းစစ်ချုပ်အဖြစ် စစ်အုပ်ချုပ်ရေးကာလ ဗိုလ်ချုပ်လွန်းမောင် ဘဝ ကတည်းက တာဝန် ထမ်းဆောင်ခဲ့သူ ဖြစ်ပါတယ်။ သမ္မတ ဦးသိန်းစိန် အစိုးရ လက်ထက်မှာလည်း ဦးလွန်းမောင် အဖြစ် စာရင်းစစ်ချုပ် တာဝန်ကို ဆက်ယူခဲ့ရသူပါ။ လက်ရှိအစိုးရ လက်ထက်မှာ ၁ နှစ်ကျော်ကာလ တာဝန်ထမ်းဆောင်ပြီး သူ့ရဲ့ စာရင်းစစ်ချုပ် သက်တမ်း ၉ နှစ်ပြည့်ချိန်မှာတော့ ၂၀၁၂ သြဂုတ်လ ၂၈ ရက်နေ့မှာ သမ္မတက သူ့ကို အငြိမ်းစား ပေးလိုက်တာ ဖြစ်ပါတယ်။

ဒေါ်မြမြစိန်ရဲ့ စကားက ဘာကိုရည်ရွယ်သလဲ ဆိုတာ တွေးနေမိစဉ်မှာပဲ ဦးလွန်းမောင်က သောက်လက်စ ရေနွေးခွက်ကို လက်ကနေချရင်း ပြုံးပြီး “ ဒီကိစ္စတွေကို ပြန်မပြောချင်တော့ဘူး။ စေတနာ အမှားပေါ့။ တချို့သော သူတွေက ကိုယ့်စေတနာကို ကိုယ်ကျိုးအတွက် သုံးခဲ့ကြတော့ ကိုယ်က ခံရတာပေါ့။ ဒီအပေါ် ဘာအာဃာတမှ မထားဘူး။ သမ္မတ ဘက်က ကြည့်တော့ မှန်တာပေါ့” လို့ ဖြည့်စွက်ပြန်ပါတယ်။

စကားလက်ဆုံကျနေရင်း ဆိုင်မှာ အလုပ်လုပ်နေတဲ့ ကလေးမလေးက “ဘဘ … ဓာတ်မီး” လို့ ပြောလိုက်ချိန်မှာ ဦးလွန်းမောင်က အကြားလွဲပြီး “ညစာ ထမင်းမစားရသေးဘူး၊ ၈ နာရီမှ စားတာပေါ့။ ကန်စွန်းရွက် ကြော်ခိုင်းထားလိုက်လေ” လို့ ပြောလိုက်တဲ့ အတွက် ဆိုင်မှာ ရှိနေတဲ့ အလုပ်သမား မိန်းကလေးတွေအားလုံး ၀ါးလုံးကွဲ ရယ်မော ကြပါတော့တယ်။

ရယ်တာကို ဘာမှ မာန်မဲမနေဘဲ “ဘာလို့ ရယ်နေတာလဲ” လို့ ဦးလွန်းမောင်က မသိနားမလည်တဲ့ ပုံစံနဲ့ ပြန်မေးတာကို အလုပ်သမားတွေ ဆက်လက် ရယ်မောနေကြ ပြန်ပါတယ်။

သူ့ရဲ့အဖြေ အလွဲကို သူဘာသာ သိသွားတဲ့ ဦးလွန်းမောင်ကတော့ “ဒီလို ဘ၀မျိုးကို ရခဲတယ်လို့ ပြောရမယ်၊ အရင်ကဆို ကိုယ့်ကို ဘယ်သူမှ ပြန်မပြောရဲဘူး။ အခုတော့ ကိုယ်က ကလေးလိုပဲ။ ကလေးတွေနဲ့ နောက်ပြောင်နေတော့ အသက် ရှည်တယ်” လို့ ဆိုပါတယ်။

အာဏာဆိုတာ ဘိန်းလိုပဲဆိုတဲ့ တချိန်က အငြိမ်းစား ညွှန်ကြားရေးမှူး တဦးရဲ့ အပြောကို သတိရမိတာကြောင့် ဦးလွန်းမောင် တယောက် ဒီဘိန်းနဲ့တူတဲ့ အာဏာရှင်စိတ်ကို ဘယ်လို ဖြတ်ခဲ့လေသလဲလို့ စဉ်းစားမိပါတယ်။

ဗိုလ်ချုပ်ဟောင်းတဦးရဲ့ ပိုင်ဆိုင်မှုဆိုတာကလည်း တော်တော် စိတ်ဝင်စားဖို့ ကောင်းတယ်၊ လက်ရှိမှာ ရာဘာခြံတွေ ပိုင်ဆိုင်ထားတယ် ဆိုပေမယ့် ပိုင်ဆိုင်ထားတဲ့ ဧကဟာ အရေအတွက် ၂၀ မပြည့်ဘူးလို့ ဘီလင်းမြို့ခံ တဦးက ဆိုပါတယ်။

“စိတ်ဝင်စားစရာပဲ။ သူ့ ပိုင်ဆိုင်မှုတွေကိုပဲ ဖွက်ထားနိုင်တာလား၊ တကယ်ပဲ မရှိတာလားတော့ မသိဘူး။ သူရောက်နေတာ ၁ နှစ်ကျော် ၂ နှစ် နီးပါး ဆိုပေမယ့် ဒီအတိုင်းပဲ။ စ ရောက်လာတဲ့ အချိန်နဲ့ ဘာမှမထူးဘူး။ သူပိုင်လို့ ပြောရရင် အခု အောင်ပြည့်စုံ ထမင်းဆိုင် ၀န်းရယ်၊ သူ့သား လုပ်နေတဲ့ ရာဘာခြံရယ်၊ တောင်းအေ့စ်လိုလို ကားတစီးရယ်၊ ဆိုင်ကယ်ရယ် ဒါပဲ တွေ့တယ်။ ဦးလွန်းမောင် မြို့ထဲလာတာလည်း နည်းတယ်” လို့ သူက ဆက်ပြောပါတယ်။

ဦးလွန်းမောင်နဲ့ တော်တော်လေး ရာထူးကွာခြားတဲ့ စစ်တပ်အရာရှိ ဒုတိယ ဗိုလ်မှူးကြီး အဆင့်လောက်သာရှိသူ၊ နိုင်ငံတော် လုံခြုံရေးနဲ့ ရာဇ၀တ်သားတွေ ဖော်ထုတ် ကာကွယ်နေတဲ့ အဖွဲ့အစည်းက ပုဂ္ဂိုလ်တဦးရဲ့ မော်လမြိုင်ဘက်မှာ ပိုင်ဆိုင်ထားတဲ့ ရော်ဘာခြံတွေဟာ ဧက ၄၀ လောက် ရှိတယ်လို့ သိထားဖူးတော့ တကယ်ပဲ ဦးလွန်းမောင် ရိုးသားခဲ့ လေသလား၊ လျှို့ဝှက် နာမည်ဝှက်တွေနဲ့ပဲ ပိုင်ဆိုင်မှုတွေ ထားလေသလား ဆိုတာကိုတော့ ကာယကံရှင်ကပဲ သေသေချာချာ သိနိုင်မှာပါ။

တချိန်က စစ်ဗိုလ်တဦးရဲ့ မာန်ကို သူ ဘယ်လိုများ ချခဲ့လေမလဲဆိုတာ သိချင်လို့ မေးမိတော့ အာဏာအတွက် ဆန္ဒ ရှိနေသူတွေကြောင့် သူ့အနေနဲ့ ဘာခံစားချက်မှ မရှိခဲ့သလို၊ ဘ၀နာခဲ့တဲ့ ကိုယ့်ဘ၀ကို မမေ့ခဲ့ဘူးလို့ ဆိုပါတယ်။ ဗမာစကား တလုံးမှ မတတ်တဲ့ ရှမ်းတိုင်းရင်းသား မိဘတွေက ဖွားမြင်ခဲ့တဲ့ သူဟာ ဗမာစကားသင်ပြီး ကျောင်းတက်ဖို့တောင် ခက်ခဲ ခဲ့ပါတယ်လို့ ပြောပြတယ်။ ဗမာစာ သင်ချိန်မှာ ကိုယ်ပိုင် တိုင်းရင်းသားစာပေကို မေ့သွားမှာစိုးတဲ့အတွက် မိဘ အရိုက် ခံခဲ့ရသေးတယ် ဆိုတဲ့အကြောင်း၊ ဗမာပြည်မှာ နေတဲ့ တိုင်းရင်းသား တယောက်ရဲ့ ဘ၀ခက်ခဲမှုက ဗမာတွေ ကလည်း တိုင်းရင်းသားကို လူထူးဆန်းလို့ တွေးသလို၊ တိုင်းရင်းသား အချင်းချင်း ကလည်း ဗမာဖြစ်ချင်သူလို့ မြင်တာမျိုးတွေ ရှိခဲ့၊ ကြုံခဲ့ရကြောင်း ဦးလွန်းမောင်က ဆိုပါတယ်။

စကားပြောနေရင်း ခရီးသည် ကားတစင်း ၀င်လာချိန်မှာတော့ ဦးလွန်းမောင်က စကားစ ခဏ ဖြတ်ပြီး စားပွဲ သွားထိုး နေပါတယ်။ စားပွဲဝိုင်းတ၀ိုင်းက အသက် ၄၀ ကျော် အမျိုးသားတဦးက ဦးလွန်းမောင်ဆီ ဦးတည်လာပြီး ကားရေဆေးဖို့ မေးမြန်း ချိန်မှာ သွက်လက်စွာနဲ့ နေရာပြပြီး သူ့လုပ်လက်စ စားပွဲဝိုင်းတွေဆီကို ထမင်းပန်ကန်တွေ ကိုယ်တိုင်ချပေးနေတုန်း နောက်ဘက် ၀ိုင်းက အမျိုးသမီးတဦးနဲ့ ဆိုင်က စားပွဲထိုး မိန်းကလေးတို့ စကားအချေအတင် ဖြစ်နေတဲ့ နေရာဆီ ဦးလွန်းမောင် သွားရောက် ဖြေရှင်း နေတာကို တွေ့ရပါတယ်။

“လာတဲ့သူ တချို့ကတော့ ကိုယ့်ကို သာမန်ဈေးသည် အနေနဲ့ ဆက်ဆံတာတွေ ရှိတယ်။ တော်တော်ကို မာနချနိုင်လို့ တော်တာ။ စော်ကား ခံရတာတွေ အရမ်းများတယ်၊ တော်တော် သည်းခံရတယ်။ ဟိုးတချိန် တုန်းက လုပ်ခဲ့တဲ့ ဗိုလ်ချုပ်တို့၊ စာရင်းစစ်ချုပ်တို့ ဒါတွေကို အကုန် မေ့လိုက်တော့မယ်၊ ငါ အခုဈေးသည်၊ ဒီလိုကို မနည်း ခံယူရတယ်။ ဒီထက်ဆိုးတဲ့ စော်ကားမှုတွေတောင် ရှိပါတယ်။ တခါတလေ ကိုယ့်ကို ကျွန် တယောက်လို ငေါက်ငမ်း သွားတာမျိုး တွေတောင် ရှိတယ်။ တချို့ကတော့ ကိုယ့်ဘက်က ကလေးတွေမှားတာ၊ တချို့ကျတော့ သက်သက် ပြဿနာ ရှာတာတွေ ရှိတယ်။ ဘာပြောပြော ကိုယ်ကပဲ သည်းခံလိုက်တယ်” လို့ ဦးလွန်းမောင်က ပြောပါတယ်။

နှစ် ၄၀ ကြာအောင် တိုင်းပြည် အုပ်ချုပ်ခဲ့တဲ့ စစ်တပ်က သြဇာရှိသူတွေထဲမှာ တယောက်အပါအဝင် ဖြစ်ခဲ့သူ တဦးအနေနဲ့ လက်ရှိ အခြေအနေအပေါ် ကြိုးစား လက်ခံနေပုံ ရပါတယ်။ ဦးလွန်းမောင်ကတော့ ဆိုင်မှာရှိနေတဲ့ ကလေးတသိုက်ကို ရယ်ရင်း မောရင်းနဲ့ တီဗီမှာလာနေတဲ့ ကိုရီးယားဇာတ်ကား “ကြာပန်းနီနီ” အကြောင်း ပြောပြနေဟန်က ခုနက ပြဿနာ ဖြစ်ထားတာကိုတောင် မေ့လျော့နေတဲ့ ပုံစံပါ။

“ကလေးတွေက ဒီနားက ခြေလျင်တပ်ရင်း ၈ က ကလေးတွေလည်း ရှိတယ်။ တနယ်တကြေးက လာလုပ်ကြတဲ့ သူတွေလည်း ရှိတယ်။ သူတို့လေးတွေက ကိုယ့် မြေးအရွယ်လေးတွေလေ။ မိန်းမက စနစ်ကြီးတော့ မိန်းမကို ပိုကြောက်ကြတယ်” လို့ ဦးလွန်းမောင်က ဆိုပါသေးတယ်။

စကားဆိုနေရင်း ခရီးသည်ကား နောက်ထပ် ၀င်မလာခင်မှာ ထမင်းစားဖို့ ပြင်ပေးဖို့ ဦးလွန်းမောင်က လှမ်းပြော လိုက်ပါတယ်။ ဒီအချိန်မှာ ၁၅၊ ၁၆ အရွယ် မိန်းကလေး တဦးက မြန်မာဘီယာ ခွက်ကို ဦးလွန်းမောင်ရှေ့ လာချပေးတာ မြင်တွေ့ရပါတယ်။

နာမည်ကျော် တံဆိပ်နဲ့ အရက်တွေ ပလူပျံနေတဲ့ ဧည့်ခံပွဲကြီးတွေမှာ ကျင်လည်ခဲ့ဖူးသူ၊ တချိန်က ဘေးကနေ ပြုစုချင်သူတွေ ဝိုင်းဝိုင်းလည်နေခဲ့ ဖူးသူ တဦးရဲ့ လက်ရှိ ထမင်းစားပွဲက ဘယ်လို ဖြစ်လေမလဲ ဆိုတာ အကဲခတ်နေစဉ်မှာပဲ မိန်းကလေးက ကြက်သား ခပ်ရွယ်ရွယ် ၂ တုံးပါတဲ့ ပန်းကန်လုံး တလုံး၊ ထမင်းပန်းကန်၊ ခရီးသည်တွေကို ချပေးတဲ့ သီးစုံပဲဟင်း၊ ကန်စွန်း ရွက်ကြော် တပန်းကန်တို့ကို လာချပေးတာ တွေ့လိုက်ရပါတယ်။

ဇွန်းနဲ့ ထမင်းခပ်နေတဲ့ ဦးလွန်းမောင်က သူ့ကို စူးစမ်းနေတာကို သတိထားမိတဲ့ အလား “ဟိုနေ့ တွေကတည်းက လာလာ ထိုင်နေတာ သတိထားမိတယ်။ ဧည့်သည်ပဲ ထင်နေတာ။ တရက်၊ နှစ်ရက်မက၊ ညကော နေ့ကော လာလာထိုင်နေတော့ ထူးဆန်းတယ်လို့ တွေးနေတာ၊ မိန်းမကိုတောင် ပြောနေတာ။ ဒါတွေကိုကော ရေးမှာလား” လို့ မေးခွန်းထုတ်ပါတယ်။

တိုင်းပြည်မှာ တာဝန်ကြီးကြီး ယူခဲ့သူ တဦးရဲ့ ကြိုမြင် အကဲခပ်နိုင်မှုကို သတိထားမိတယ်။

စာရင်းစစ်ချုပ် မဖြစ်ခင်ကတည်းက ဇနီးသည် ဦးဆောင်ဖွင့်ခဲ့ပြီး ၁၁ နှစ်ကျော် သက်တမ်းရှိပြီဖြစ်တဲ့ ဒီအောင်ပြည့်စုံ ထမင်းဆိုင်ဟာ ဦးလွန်းမောင် လည်ပင်းကင်ဆာ ခံစားရချိန် သားသမီးတွေ ရှေ့ရေးအတွက် ကိုယ်မရှိချိန် ဘာလုပ်မလဲ ဆိုတဲ့ အတွေးနဲ့ ဇနီးသည် ဒေါ်မြမြစိန်က ဦးစီး ဖွင့်ခဲ့တာ ဖြစ်တယ်လို့ ဦးလွန်းမောင်က ဆိုပါတယ်။ အခုတော့ သူ့ရဲ့ လည်ပင်း ကင်ဆာ ရောဂါကို ကုသခဲ့ပြီးလို့ ရောဂါ မရှိတော့ဘူးလို့ သိရပါတယ်။

ဦးလွန်းမောင် ဗိုလ်ချုပ်ဘ၀ ကတည်းက နိုင်ငံတော် ဧည့်ခံပွဲ တော်တော်များများမှာ ဇနီးသည်နဲ့အတူ တက်ရောက်မှု နည်းတယ်လို့ ကြားဖူးလို့ မေးကြည့်တော့ ဦးလွန်းမောင်က “ဇနီးက ၁၉၇၀ လောက်ကတည်းက ယူထားတဲ့ဇနီး၊ ငယ်ပေါင်းပါ။ စိတ်ကလည်း ကိုယ်နဲ့ တထပ်တည်းကျတဲ့ လူဆိုတော့ အရင်ကတည်းက ကတော်အသိုင်းအ၀ိုင်းမှာ သိပ်မတွေ့ဘူး။ ဦးသန်းရွှေတို့၊ သူရ ဦးရွှေမန်းတို့ဆိုရင် ခဏခဏ မေးတယ်။ ဘယ်ပွဲမှာမှ မတက်တော့ မေးရင် ပထမတော့ ဖြီးရတာပေါ့။ နောက်တော့ မတတ်နိုင်တော့ဘူး။ သူက အနေအေးတာထက် အဲဒီလို ဘ၀မျိုးကို မနှစ်သက်တာ။ ကိုယ့်မိန်းမအကြောင်း ကိုယ်ပဲ သိတာပေါ့။ သူက ပွင့်ပွင့်ဘွင်းဘွင်း နေတာမျိုး။ ဆိုင်စဖွင့်ပြီဆိုတော့ ဒီထဲမှာပဲ ဆိုင်က ကလေးတွေနဲ့ ပျော်နေရတာ ကြိုက်တဲ့လူမျိုး။ ဟိတ်ဟန်တွေနဲ့ မနေတတ်ခဲ့ဘူး။ ဒီတော့ ပွဲတော်တော်များများ မတက်ဘူး” လို့ ရှင်းပြပါတယ်။

အရင် စစ်စာရင်းစစ်ချုပ်ရုံးမှာ လုပ်ခဲ့ပြီး အငြိမ်းစားယူခဲ့တဲ့ အရာထမ်းဟောင်း တဦးကလည်း ဦးလွန်းမောင် ဇနီးဟာ တကယ်ပဲ ဟိတ်ဟန် ထုတ်တဲ့သူမျိုး မဟုတ်ဘူးလို့ ပြောခဲ့ဖူးပါတယ်။

“ဦးလွန်းမောင်ထက် သူ့မိန်းမက ပိုပြီး အနေအေးတယ် ပြောရမယ်။ သူက တခြားကတော်တွေလို ပြင်ပြင်ဆင်ဆင် မနေဘူး။ ဟိတ်ဟန်လည်း မရှိဘူး။ ဘွင်းဘွင်းပဲ။ တပ်ထဲမှာ ဒု တပ်ရင်းမှူး ကတော်တွေ၊ တပ်ရင်းမှူး ကတော်တွေ ဟိတ်ဟန်နဲ့ နေတယ်၊ သူက အဲဒီလို မဟုတ်ဘူး။ သစ်ပင်စိုက်လိုက်၊ ဟိုဟာလေး ဒီဟာလေး လုပ်လိုက်။ ကြည့်လိုက်ရင် ဘယ်သူမှ သူ့ကို ဗိုလ်ချုပ် ကတော် တယောက်လို့ မထင်ဘူး” လို့ အဲဒီ အရာထမ်းဟောင်းက ဆိုပါတယ်။

စကားပြောလိုက်၊ ခရီးသည် ဝင်လာရင် အလုပ်ထလုပ်လိုက်နဲ့ မအားရတဲ့ ဦးလွန်းမောင်ရဲ့ ဆိုင်ရှေ့ ခရီးသည်တင် ကားတစီး လာရောက်ရပ်နားပါတယ်။ အဲဒီမှာ ဦးလွန်းမောင်က ခပ်သွက်သွက် ဆိုင်ပြင်ထွက်ပြီး ရေပိုက်ကို ကားဆရာ လက်ထဲ ထည့်နေတာ မြင်ရပါတယ်။

တဖြည်းဖြည်းနဲ့ ညဥ့်လည်း နက်လာပါပြီ။ ဒီဆိုင်ထဲမှာပဲ သူတို့ မိသားစုတစုလုံး နေကြတယ်လို့ သိရတယ်။ သစ်သားကွပ်ပြစ် တခုပေါ် သာမန် မွေ့ယာပါးလေး ခင်းထားတဲ့ အိပ်ရာလေးက သူ့ဇနီးသည်ရဲ့ အိပ်စရာနေရာလို့ သူက ဆိုပါတယ်။

“သူက ကလေးတွေနဲ့ အတူတူ အိပ်တယ်လေ။ ကလေးတွေက ဆိုင်စားပွဲဆက် အိပ်တယ်။ ကိုယ်က အနောက်ဘက်မှာ အိပ်တယ်” လို့ ဦးလွန်းမောင်က ပြောပါတယ်။

သူ့မှာ သားနှစ်ယောက်၊ သမီးတယောက် ရှိပြီး သားတဦး ကတော့ ဘီလင်းမြို့ထဲမှာ နာရေးပရဟိတတွေ လုပ်သလို ရော်ဘာခြံ စိုက်ပျိုးရေးအပိုင်း ကိုလည်း လုပ်ဆောင်နေတယ်လို့ သိရပါတယ်။ ကျန်တဲ့ သားနဲ့ သမီးကတော့ နေပြည်တော်မှာ ကိုယ်စီ နိုင်ငံ့ဝန်ထမ်း အဖြစ် အလုပ်လုပ်နေ ကြပါတယ်။

လက်တွေ့ ဘ၀မှာတော့ အေးချမ်းနေပါတယ်လို့ ဆိုတဲ့ ဦးလွန်းမောင်က လာမယ့် ၂၀၁၅ ရွေးကောက်ပွဲမှာ ဘယ်လို ပုံစံနဲ့မှ ၀င်ရောက်ဖို့ မရှိဘူးလို့ ပြောပါတယ်။

“တိုက်ပုံ ဘယ်တော့မှ မ၀တ်တော့ဘူး” လို့ ပြတ်ပြတ်သားသား ဆိုအပြီး မှာတော့ ဦးလွန်းမောင်ဟာ သူ့ရဲ့ ငွေသိမ်းကောင်တာ ဘက်ကို ခပ်သွက်သွက် လျှောက်သွား ပါတော့တယ်။ 

http://burma.irrawaddy.org/archives/39869

Read More

မဟာဆန်သူရဲ့  မေလ (၁၃)ရက်နေ့ ခရီးစဉ်

အပူပိုင်းမုန်တိုင်း 01B(MAHASEN) သတိပေးချက်အမှတ် (၁၁) (၁၃-၅-၂၀၁၃)ရက်၊ နံနက် (၃း၃၀) နာရီ အချိန်ထုတ်ပြန်သည်။အပူပိုင်းမုန်တိုင်း မဟာဆန်သူဟာ (၁၃-၅-၂၀၁၃) ရက်နေ့ နံနက် (၃)နာရီခွဲအချိန်မှာ Lat 11.0°N Long 86.6°E အိန္ဒိယနိုင်ငံ၊ ကာလကတ္တားမြို့ရဲ့တောင်ဖက် (၈၆၅)မိုင်အကွာ ပင်လယ်ရေပြင် အပေါ်မှာ ဗဟိုပြုနေပါတယ်။ မုန်တိုင်းဟာ လွန်ခဲ့တဲ့(၆)နာရီအတွင်း က မြောက်အနောက်ယွန်းယွန်း(NNW)ကို တစ်နာရီ(၇)မိုင်နှုန်းနဲ့ ရွေ့လျှားလာခဲ့ပါတယ်။ဒါဟာဖြင့် မူလရွေ့လျှားရာ ဦးတည်ဖက် NW (315° Bearing) ကနေ NNW(337° Bearing) ကို ပြောင်းလာခဲ့တာဖြစ်တဲ့အတွက် မုန်တိုင်းဟာ စတင်ကွေ့နေပြီ ဆိုတာကို ပြသနေခြင်းပါဘဲ။ ။ (360° Bearing ဆိုရင် မြောက်ဖက်အရပ်ဖြစ်ပါတယ်။)ကောင်းကင်မိုးလေ၀သဂြိုဟ်တု တိုင်းတာချက်များအရ မုန်တိုင်းမှာရှိတဲ့တိမ်တွေဟာ ပြီးခဲ့တဲ့ (၆)နာရီအတွင်း ပိုမိုထူထပ်သိပ်သည်းလာနေတဲ့အတွက် မုန်တိုင်းဟာ ပြန်လည်အားပျိုး(regain strength)လာနေပြီ ဆိုတာကို တွေ့နေရပါတယ်။ နောက်တစ်ချက်က မုန်တိုင်းဦးတည်ရာဖက် အရှေ့မြောက်ဖက် (45° Bearing)ကို မပြောင်းမှီ မုန်တိုင်းရဲ့ ရွေ့လျှားမှုနှုန်းဟာ နောက်(၂၄)နာရီ အတွင်းမှာ နှေးကွေးလာမယ်လို့ခန့်မှန်းရပါတယ်။ ဒါဟာ မုန်တိုင်းတို့ရဲ့ သဘာဝဖြစ်ပါတယ်။

အဲဒီနောက်မှာတော့ မုန်တိုင်းရဲ့အင်အားဟာ အရှေ့မြောက်ဖက်ကို ရွေ့လျှားရင်းနဲ့ တဖြည်းဖြည်း နဲ့ ပိုမိုအားကောင်းလာပါလိမ့်မယ်။စိတ်သက်သာရာ ရစေနိုင်တဲ့အချက်တစ်ခုကတော့ ဘင်္ဂလားဒေ့ရှ် နဲ့ ရခိုင်ကမ်းရိုးတန်း ဖက်ဆီ ကို ဦးတည် ရွေ့လျှားလာနိုင်မယ့် 01B(MAHASEN) ဆိုင်ကလုန်းမုန်တိုင်းဟာ ဘင်္ဂလားဒေ့ရ်ှနိုင်ငံ ကမ်းခြေကို စစ်တကောင်းမြှိုအနီးက မဖြတ်ကျော်မီလေးမှာ အားလျော့သွားနိုင်တယ်လို့ ခန့်မှန်းရတဲ့ အချက်အလက်တွေ တွေ့နေရခြင်းဘဲ ဖြစ်နိုင်ပါတယ်။

တစ်နည်းပြောရရင်တော့ အားပျော့သွားပြီးမှ ကမ်းကိုဖြတ်နိုငတယ်လို့ ဆိုလိုခြင်းဖြစ်ပါတယ်။

ဒါဆိုရင်ဖြင့် ထိခိုက်မှုတွေကို လျော့ပါးသွားစေနိုင်ပါတယ်။ကံမကောင်းချင်တော့ မဟာဆန်သူဟာ ကွေ့ပါလိမ့်မယ်။

ကံကောင်းချင်တော့ အားပျော့သွားပြီးမှ ကမ်းကို ဖြတ်နိုင်လို့ အပျက်အစီးတွေ သက်သာရာ ရနိုင်ပါတယ်။

လို့ဆိုပါတော့ဗျာ။အရေးကြီးတာကတော့ ဒါတွေအားလုံးဟာ ကြိုတင်ခန့်မှန်းချက်များသာဖြစ်လို့ အချိန်နဲ့အမျှ အပြောင်းအလဲတွေဆိုတာ ရှိလာနိုင်ပါတယ်။ ကျွန်တော်တို့ဘက်က မုန်တိုင်းသတင်းတွေကို အချိန်နဲ့တပြေးညီ update လုပ်ပေးနေရသလို ဒေသခံပြည်သူများကလည်း သတင်းတွေကို အချိန်နဲ့ တပြေးညီ အမြဲ update လုပ်ပြီး နားစွင့်နေဖို့လိုပါတယ်။မြန်မာနိုင်ငံသူ နိုင်ငံသားများ အားလုံး သဘာဝဘေးအန္တရာယ်များမှ ကင်းဝေးနိုင်ကြပါစေ။

ဒေါက်တာထွန်းလွင် (MCCW)

Read More

အနာကြီးရောဂါသည် စခန်းက စီးပွားရေး စွမ်းဆောင်ရှင် ဦးဖာ

မြေစိုက် ထရံကာ အိမ်ကြီးရှေ့တွင် “ဦးဖာ ဝါးဝယ်ရောင်းလုပ်သည် ၀၉၉ ….” ဆိုသည့် ပလတ်စတစ်လောင်း ဆိုင်းဘုတ်တခု ချိတ်ဆွဲထားသည်၊ ထိုဆိုင်းဘုတ်ရှေ့တွင် ကွပ်ပျစ် ကုတင်တခု၊ ခြံရှေ့ မြေကွက်လပ်တွင်တော့ လတ်လတ်ဆတ်ဆတ် ခုတ်ခဲ့သည့် မျှင်ဝါးလုံးရှည် အရွယ်ညီများ စီထပ်ထားသည်။ အိမ်ဘေးတွင် ကုန်ကားတစင်း ရပ်နားထားသည်ကို တွေ့ရသည်။

ကွပ်ပျစ်ပေါ်တွင် ဗြောင်းဆန်အောင် ဆော့ကစားနေသည့် ၁ နှစ်နှင့်၊ ၂ နှစ်အရွယ် ယောက်ျားလေး ၂ ဦးကို သနပ်ခါး ပါးကွက်ကျားနှင့် အမျိုးသမီး တဦးက ထမင်းခွံ့ကျွေးနေသည်။ ဘေးတွင်တော့ အသားညိုညို တုတ်တုတ်ခိုင်ခိုင် လူရွယ်တဦးက အပြုံးဖြင့် ရပ်ကြည့်နေသည်။

“ကျနော်က B.Sc ဘွဲ့ရဗျ။ မန္တလေးတက္ကသိုလ်မှာ ပထမနှစ် တနှစ် မီလိုက်တယ်။ ကျန်တဲ့ ၃ နှစ်ကတော့ ရတနာပုံ တက္ကသိုလ်မှာ တက်ခဲ့တယ်။ အခုတော့ ဟောဒီစခန်းထဲမှာ လူမှုရေးကိစ္စ မှန်သမျှ လုပ်တယ်” ဟု ထို အသားညိုညို လူကပြောသည်။

သူ့နာမည်က ဦးဖာ၊ အသက် ၃၈ နှစ်။ မန္တလေးတိုင်း မတ္တရာမြို့နယ် ရေနံ့သာရွာတွင် ရှိသည့် နံ့သာမြိုင် အနာကြီးရောဂါသည် စခန်းတွင် နေထိုင်သည်။ သူ့ဖခင်နှင့် မိခင် အပါအဝင် သူ့ဆွေမျိုးသားချင်း ဦးကြီး ဒေါ်ကြီးများက အနာကြီးရောဂါ ဝေဒနာရှင်များ ဖြစ်သည်။ ဦးဖာတို့ မျိုးဆက်ကျတော့ အနာကြီးရောဂါ မခံစားရတော့ပေ။

၁၉၉၀ ပြည့်နှစ် မတ်လက မန္တလေးတိုင်း တိုင်းမှူး ဗိုလ်ချုပ်ထွန်းကြည် လက်ထက်တွင် မန္တလေးမြို့ကို မြို့အင်္ဂါရပ်နှင့် ညီစေရန်  ဟုဆိုကာ အနာကြီးရောဂါ ဝေဒနာရှင်များကို နံ့သာမြိုင် အနာကြီးရောဂါသည် စခန်းသို့ ရွှေ့ပြောင်းစေခဲ့သည်။ ထိုစဉ် အချိန်တွင် ဦးဖာက ၁၀ တန်းကျောင်းသား၊ ကျောင်းတက်လက်စ ဖြစ်နေသောကြောင့် မိခင်ဖခင် အပါအဝင် ကျန် ဝေဒနာရှင်များနှင့် မလိုက်ပါဘဲ မန္တလေးအိမ်ဝိုင်းတွင် တဦးတည်း ကျန်ရစ်ခဲ့သည်။ မိဘများက အနာကြီးရောဂါ ဝေဒနာ ရှင်များ ဖြစ်သော်လည်း သားသမီးများတွင် ထိုရောဂါ ကူးစက်ခြင်း မရှိဟု သူကဆိုသည်။ ၁၀ တန်းအောင်သော်လည်း နံ့သာမြိုင်သို့ လိုက်မသွားဘဲ တက္ကသိုလ်ဆက်တက်ခဲ့သည်။

ဦးဖာ၏ မိဘဆွေမျိုးများက ကုန်ကားပိုင်ဆိုင်သည်၊ ကုန်ကားမောင်းကြသည်။ ထို့ကြောင့် ကားနှင့် ငယ်စဉ်ကတည်းက ရင်းနှီးပြီးဖြစ်သော ဦးဖာက ကျောင်းပြီးသည်နှင့် ကားမောင်းသည့် အလုပ်ကို ဆက်လုပ်သည်။ ဝင်ငွေဖြောင့်သည်။ ကျောင်းပြီး၍ မိဘများရှိရာ နံ့သာမြိုင်စခန်းသို့ ရောက်လာချိန်တွင်တော့ အနာကြီးရောဂါသည်များ၏ ရောဂါမကူးစက်သော သားသမီးများ၏ ဘဝကို စာနာမိရာမှ ထိုစခန်းရှိ လူငယ်များ၏ ဘဝကို လက်တွေ့ကျကျ မြှင့်တင်ပေးချင်စိတ် ဖြစ်ပေါ်ခဲ့သည်။

ကျောင်းပြီးခါစက နံ့သာမြိုင်အနာကြီးရောဂါသည် ဆေးရုံတွင် ဓာတ်ခွဲခန်းမှူး အလုပ်လုပ်ရန် ဦးဖာ ကြိုးစားခဲ့သေးသည်။ ဓာတ်ခွဲခန်း သင်တန်းလည်း အောင်မြင်ခဲ့သည်။ သို့သော် ဓာတ်ခွဲခန်းမှူး တယောက်အဖြစ် ဝေဒနာရှင် မိသားစုများကို အပြည့်အဝ ကူညီရန် တတ်နိုင်မည် မဟုတ်ဟု ဆုံးဖြတ်ကာ ထိုအလုပ်ကို ဆက်မလုပ်ဘဲ စီးပွားရှာရန် သူ ကြိုးစားတော့သည်။

“ကျနော်က အခြေခံကျကျပဲ စဉ်းစားတယ်။ ဓာတ်ခွဲခန်းမှူး လုပ်ရင် လူနာတွေရဲ့ ရောဂါဝေဒနာတွေ ရှိမရှိ၊ အကင်းသေမသေ ဒါလောက်ပဲ ကျနော် လုပ်ပေးနိုင်မယ်။ ဒါက ကျနော်မှမဟုတ်ဘူး တတ်တဲ့သူတိုင်း လုပ်နိုင်တယ်။ နောက်တခုက အစိုးရက စာတွေပေတွေနဲ့ ဟိုတင်ဒီတင်၊ ဟိုက ကျဖို့စောင့်ရ၊ ဒီကကျဖို့ မျှော်ရ အဲဒါမျိုး ကျနော် စိတ်မရှည်ဘူး” ဟု ဦးဖာက ဆိုသည်။

နံ့သာမြိုင် အနာကြီးရောဂါသည် စခန်းတွင်းက ဆံပင်ညှပ်ဆိုင် (ဓာတ်ပုံ – အေးချမ်းမြေ့/ ဧရာဝတီ)

အစိုးရထံမှ သင်ယူခဲ့သော ပညာဖြင့် အသက်မွေးဝမ်းကျောင်း မပြုသော်လည်း ဘွဲ့ရ ပညာတတ်တဦး ဖြစ်သော ဦးဖာ အနေဖြင့် ဆင်ခြင်တုံတရားရှိသည်၊ အမှားအမှန်ကို ခွဲခြားသိမြင်နိုင်သည်၊ စခန်းရှိ လူငယ်အများစုမှာ ကျောင်းမနေနိုင်ကြ၊ မိဘများက ဝေဒနာရှင်များ ဖြစ်သောကြောင့် အိမ်စားဝတ်နေရေးအတွက် ငွေရှာရေးတခုသာ စဉ်းစားနိုင်ကြသည်ဟု ဦးဖာက ပြောပြသည်။

“သူတို့ကို ပညာ တတ်စေချင်ပါတယ်ဗျာ။ ဒီမှာ ကျောင်းလည်း ဖွင့်ပေးထားပါတယ်။ ဒါပေမယ့် သူတို့ပညာသွားသင်ရင် သူတို့အိမ်မှာ ဘာနဲ့သွားစားမလဲ။ အဲဒီတော့ ကျနော်စဉ်းစားတယ် ဒီလူငယ်တွေက ငွေပဲရှာတော့၊ သူတို့အောက် ငယ်တဲ့ ကလေးတွေ ကျမှ စာကို သေသေချာချာ သင်ကြပေါ့” ဟု သူက ဆိုသည်။

အစိုးရက ၅ နှစ်၊ ၁၀ နှစ် စီမံကိန်းဆို၍ စီမံကိန်းများ ပြုလုပ်နေသကဲ့သို့ သူ့အနေဖြင့် စခန်းတွင်းရှိ လူငယ်များ ဘဝ မြင့်တက်စေရန် မျိုးဆက် နှစ်ဆက် စီမံကိန်းဟု စီမံကိန်းချ ဆောင်ရွက်သည်ဟု ပြောပြသည်။

ဝါးဝယ်သည့် အလုပ်ကို လုပ်ရခြင်းမှာလည်း စခန်းတွင်းရှိ လူငယ်များအတွက် အလုပ်အကိုင် အခွင့်အလမ်းတခု ဖန်တီးပေးခြင်းဟု သူက ဆိုသည်။ စခန်းတွင်းရှိ သန်မာသူ လူငယ်လူကြီးအားလုံး တောင်ပေါ်တက်ခါ ဝါးခုတ်သည်။ ထိုဝါးများကို တလုံး ကျပ် ၁၅၀ ဖြင့် သူက ပြန်ဝယ်ပေးသည်။ သူ့ဝါးများ၏ ဝယ်လက်ကတော့ မတ္တရာတဝိုက်ရှိ ကွမ်းစိုက် တောင်သူများ ဖြစ်သည်ဟု သိရသည်။

နံ့သာမြိုင်စခန်းရှိ ကြီးကြီးငယ်ငယ်၊ ယောက်ျား မိန်းမမရွေး သန်မာသူအားလုံး နံနက် ၄ နာရီထ၍ တောင်ပေါ် တက်ကြရသည်။ တတောင်မတွေ့ တတောင် ဝါးတောရှာကာ ဝါးခုတ်ကြသည်။ လူငယ်ပိုင်းကတော့ အလုပ်သိမ်းချိန် စောသည်။ နေ့လယ် ၂ နာရီလောက်ဆို ဦးဖာအိမ်ရှေ့ ဝါးစည်းများထမ်း၍ ရောက်လာကြပြီ။ လူကြီးများနှင့် အမျိုးသမီး များကတော့ ညနေ ၅ နာရီလောက်မှ ပြန်ရောက်ကြသည်။ လူတဦးလျှင် ဝါး ၉ လုံး၊ ၁၀ လုံးခန့်တော့ ထမ်းပြန်လာကြမြဲ ဖြစ်သည်။ ခုတ်ပါများသော တောင်ပေါ်ဝါးတောများ တဖြည်းဖြည်း နည်းပါးလာသဖြင့် ပို၍ ဝေးသော တောင်ဆီသို့ အချိန်ပေးကာ သွားရောက်ရှာဖွေကြရသည်ဟု ဝါးခုတ်ရာမှ ပြန်လာသူတို့က ဆိုသည်။

အနာကြီးရောဂါ ဝေဒနာရှင်များနှင့် သူတို့၏ သားသမီး၊ ဆွေမျိုးသားချင်းများ ဖြစ်သောကြောင့် တခြား သာမန်လူများနှင့် ရောယှက်ခြင်း မရှိဘဲ သူတို့ စခန်းက သီးခြားကမ္ဘာ တခုလိုဖြစ်နေ၏။ သူတို့ရွာတွင် ဝေဒနာခံစားနေရသူ ဦးအေဝမ်း ဖွင့်ထားသည့် နောင်ရိုး လက်ဖက်ရည်ဆိုင် ရှိသည်၊ စာရေးဆရာ ချစ်စံဝင်း ထူထောင်ပေးထားသည့် ကြာပန်းရေစင် စာကြည့်တိုက်ကလေး ရှိသည်၊ ဆံပင်ညှပ်ဆိုင်၊ တီဗီအောက်စက် ပြင်ဆိုင်၊ လေထိုးကျွတ်ဖာဆိုင်နှင့် ကလေးများ အတွက် သားရေစာ မုန့်ဆိုင်ကလေးများ ရှိသည်။ မနက်ခင်းတွင် အမျိုးသမီးတချို့က အနီးအနားရှိ ရွာဈေးသို့ စက်ဘီးဖြင့်သွားကာ ဟင်းသီးဟင်းရွက် သားငါး ကုန်တိုက်သည်။ ထိုသူများ ပြန်လာလျှင် စခန်းသူ စခန်းသားများက မိမိချက်လိုရာများကို အကြွေး ဝယ်ယူကြသည်၊ ဝါးခုတ်ပြန်လာသူများ ဦးဖာဆီ ဝါးပြန်သွင်း၍ ပိုက်ဆံထုတ်လာမှ နံနက်က ဟင်းဖိုးများ ရှင်းကြသည်။ လက်ဖက်ရည် သောက်သူလည်း အကြွေး၊ လေထိုးကျွတ်ဖာ၊ စက်ပြင်ချင်လည်း အကြွေး၊ အားလုံး ညနေရှင်းပဲ ဖြစ်သည်။ ထိုသို့ လည်ပတ်နေသည်မှာ သူတို့ရွာ၌ အကျင့်ဖြစ်နေပြီ။ ချက်ခြင်းရှင်း စနစ်ကို သူတို့ရွာသား အများစု မကျင့်သုံးနိုင်ကြ။ သို့သော် အကြွေးစနစ်ဖြင့် လည်ပတ်သည့်အတွက် မည်သည့် ပြဿနာ တစုံတခုမှ မတက်ဟု သိရသည်။

နံ့သာမြိုင် အနာကြီး ရောဂါသည် စခန်းတွင်းက နောင်ရိုး လက်ဖက်ရည်ဆိုင်(ဓာတ်ပုံ – အေးချမ်းမြေ့/ ဧရာဝတီ)

ဦးဖာက ကုန်ကားမောင်း အလုပ်တဘက်၊ ဝါးဒိုင်တဘက်ဖြင့် ရွာထဲရှိ သာရေး၊ နာရေး မှန်သမျှ အားလုံး လုပ်သည်၊ ကူညီ စောင့်ရှောက်သည်။ စာကြည့်တိုက်မှူး အဖြစ်လည်း နှစ်အတန်ကြာ လုပ်ပေးခဲ့သေးသည်။ လက်ရှိတွင်တော့ အလုပ် များလာသည့် အတွက် စာကြည့်တိုက်မှူး အဖြစ်က နားလိုက်ပြီ။

“ကျနော့်မှာ ဘဏ်စာရင်းလည်း ရှိတယ်ဗျာ၊ ကုန်ကားတစီးလည်း ပိုင်တယ်။ မန္တလေးမြို့ပေါ်မှာ စီးပွားရေးလုပ်စားလို့ ရပါတယ်။ ဒါပေမယ့် ဒီက ကလေးတွေ စာမတတ်ပေမတတ်၊ စားရမဲ့ သောက်ရမဲ့ဘဝ ဖြစ်ပြီး အနာဂတ်မရှိ ဖြစ်နေတာကို မကြည့်ရက်လို့ ဒီမှာကိုလာအခြေချပြီး လုပ်နိုင်သလောက် လုပ်ပေးနေတာ” ဟု ဦးဖာက ပြောသည်။

ဦးဖာက ၎င်းထက် အသက် တနှစ် ငယ်သူများကိုပင် “သား” “သမီး” ဟု သုံးနှုန်း ခေါ်ဝေါ်သည်။ သူ၏ သားသမီး များကဲ့သို့ မေတ္တာစေတနာ ထားသည်၊ မေတ္တာ ပေးဝေသည် ဆိုသည်ကို အနာကြီးရောဂါသည်များ၏ သားသမီး ကလေး လူငယ်များ သိစေရန် ထိုသို့ သုံးနှုန်းခြင်းဖြစ်ကြောင်း ရှင်းပြသည်။

မန္တလေးမြို့ပေါ်တွင် ဦးဖာ၏ ဆွေမျိုးများ ရှိကြသည်။ ပညာတတ်၊ ငွေကြေး ချမ်းသာသူများ ဖြစ်သည်။ သို့သော် ဦးဖာနှင့် ဝမ်းကွဲ တော်စပ်သူ ညီအစ်ကို မောင်နှများ အားလုံး အိမ်ထောင်မပြုကြဟု သူကဆိုသည်။

“ကျနော်ဆို ဒီမှာနေတယ်။ ဒီက မိန်းမ ဘယ်မိန်းမနဲ့ဖြစ်ဖြစ် ယူလို့ရတယ်။ မြို့က ကျနော့်အစ်မတွေ အစ်ကိုတွေ အားလုံး အပျိုကြီး၊ လူပျိုကြီးတွေ ချည်းပဲ။ အလုပ်တွေလည်း ကောင်းကြတယ်။ အစ်မတယောက်ဆို ဘဏ်မန်နေဂျာ။ ဒါပေမယ့် ဘယ်သူမှ အိမ်ထောင် မပြုကြဘူး။ သူတို့မိဘတွေက အနာကြီးရောဂါသည်တွေ၊ ပွဲတက် မကောင်းဘူးဆိုတဲ့ စိတ်နဲ့ အိမ်ထောင် မပြုကြတာ၊ ဒီလူတွေရဲ့ ဘဝတွေက ဒါမျိုးတွေချည်းပဲ၊ ဆိုးတယ်” ဟု ဦးဖာက ရှင်းပြသည်။

နံ့သာမြိုင်စခန်းတွင်းရှိ အိမ်ဝိုင်းများမှာ အနာကြီးရောဂါ ဝေဒနာသည်များ အတွက်သာဖြစ်သည်။ ဗိုလ်ချုပ်ထွန်းကြည် လက်ထက်က ဝေဒနာသည် တအိမ်ထောင်လျှင် ပေ ၄၀၊ ၆၀ အိမ်ဝိုင်းတဝိုင်းနှင့် လယ်တဧကစီ ပေးဝေခဲ့သည်။ ဦးဖာတို့လို ဝေဒနာသည် မဟုတ်သူများကတော့ အိမ်ဝိုင်းမရ။ ထို့ကြောင့် တခြားသူထံမှ အိမ်ဝိုင်းကို ငှားရမ်းနေထိုင်ရသည်။

ဝေဒနာသည်များထဲတွင် ဦးဖာ၏ ဦးလေးတော်စပ်သူ ဦးအေဝမ်းက အသက်အငယ်ဆုံး ဖြစ်ပြီး ဝေဒနာသည်များ၏ သားသမီး များမှာ အများသောအားဖြင့် ရောဂါကင်းစင်သူများ ဖြစ်ကြသည်။ ဝေဒနာသည်များ သေဆုံးသွားလျှင် ၎င်းတို့နေထိုင်ခဲ့သည့် စခန်းတွင်းမှ အိမ်ဝိုင်းကို စာရင်းဖျက်လိုက်သဖြင့် သားမြေးများ ဆက်လက် နေထိုင်ခွင့် မရှိပေ။ မန္တလေးမြို့မှ ထိုစခန်းသို့ ပြောင်းရွှေ့လာစတွင် အိမ်ထောင်စု ၄၆၅ စု ရှိခဲ့သော်လည်း ယခုအခါ အိမ်ထောင်စု ၂၀၀ သာရှိတော့ကြောင်း သိရသည်။ အိမ်ရှိ ဝေဒနာရှင် အားလုံး ကွယ်လွန်သွားချိန်တွင် လွတ်သွားသည့် ထိုအိမ်ကို အသုံးမပြုဘဲ ထားလိုက်သည်၊ မည်သူမှလည်း နေထိုင်ခြင်း မပြုရတော့။ သို့ရာတွင် နံ့သာမြိုင် အနာကြီးဆေးရုံ ဝန်ထမ်းများအဖြစ် အမှုထမ်းနေသော ဝေဒနာ ပျောက်ကင်း သွားသူများ ပင်စင်ယူသည့် အခါတွင်တော့ ထိုအိမ်လွတ်ကို ပေးနေသည်ဟု သိရသည်။

“ကျနော့် ဦးလေး ဦးအေဝမ်းဆို ဒီစခန်းက ရောဂါသည်တွေထဲမှာ အငယ်ဆုံးပဲ။ သူသေရင် ဒီစခန်းပြုတ်ပြီ။ အနာကြီး ရောဂါသည် မျိုးဆက်လည်း ပြုတ်ပြီ” ဟု ဦးဖာက ဆိုသည်။

ရောဂါသည်များမှာ အများသောအားဖြင့် အလုပ်အကိုင် မလုပ်နိုင်ကြသောကြောင့် ၎င်းတို့၏ သားသမီးများက တတ်စွမ်းသရွေ့ ရှာဖွေကျွေးမွေးကြရာ အများစုမှာ စာသင်ကြားရန် အခွင့်အရေး မရကြပေ။ ရွာ မူလတန်းကျောင်းတွင် ကျောင်းတက်ကြ သော်လည်း အသက် ၁၂၊ ၁၃ နှစ်ခန့်တွင် ကျောင်းထွက်၍ တောင်ယာခုတ်ခြင်း၊ ဝါးခုတ်ခြင်းများ လုပ်ကိုင်ကြပြီး တချို့ စာအနည်းငယ် တတ်သူများမှာ မန္တလေးမြို့ပေါ်တွင် စားပွဲထိုးခြင်း၊ အလှပြင်ဆိုင်တွင် အကူလုပ်ခြင်းဖြင့် မိဘကို အထောက် အပံ့ပြုကြရသည်။ မန္တလေးမြို့ပေါ်ရှိ တချို့သော ဆိုင်များက ဝေဒနာရှင်များ၏ သားသမီးများဟု သိရှိကာ စာနာထောက်ထား ကူညီ၍ အလုပ်ပေးကြသော်လည်း တချို့ကိုမူ အနာကြီးရောဂါသည် များ၏ သားသမီးဖြစ်ကြောင်း မပြောဝံ့ကြဟု သိရသည်။

ဝေဒနာသည်များသည် လယ်ဧက တဧကစီ ပိုင်ဆိုင်ကြသော်လည်း လယ်လုပ်နိုင်သည့် အနေအထား မရှိသူ များသောကြောင့် လုပ်ကိုင်နိုင်သူများကို တနှစ် သီးစားခ ကျပ် ၂၀၀၀၀ ခန့်ဖြင့် ငှားစားကြရသည်။

၁၉၉၀ ပြည့်နှစ် မန္တလေးမှ ပြောင်းရွှေ့လာစဉ် ကျန်ခဲ့သော ခြံဝိုင်းများကို ရောင်းချ၍ ရရှိငွေအား ဘဏ်တွင် အပ်နှံထားကာ ရလာသည့် အတိုးဖြင့် အနာကြီးဝေဒနာသည် များကို ထောက်ပံ့ပေးထားသည်။ အသက် ၆၀ အထက် ဝေဒနာရှင် အတွက် တလ ၆၀၀ ကျပ်၊ ၆၀ အောက် ဝေဒနာရှင်အတွက် တလ ၄၀၀ ကျပ် ထောက်ပံ့ပေးခြင်းမှာ ၁၉၉၀ မှ ယခုတိုင်ဖြစ်သည်။

“ကလေးတွေ အတွက်က ပိုက်ဆံရှာဖို့ အဓိကပဲ။ သူတို့မှာ စားစရာမှ မရှိတာ။ လက်မှု လုပ်ဖို့ကျပြန်တော့လည်း ကုန်ကြမ်း ပံ့ပိုးမယ့်သူ၊ ပညာသင်ပေးမယ့်သူ၊ ကုန်ချောဝယ်မယ့်သူ မရှိဘူး။ မြို့သွား အလုပ်လုပ်ဖို့ ကျပြန်တော့ လမ်းစရိတ် မရှိဘူး၊ လိုင်းကားလည်း မရှိဘူး။ ဒီတော့ သူတို့မှာ တောခုတ်၊ ဝါးခုတ်ပဲ လုပ်တတ်တယ်။ ကျနော် မျှော်လင့်တာတော့ သူတို့ရဲ့ ညီတွေ၊ ညီမတွေ လက်ထက်ကျမှ ပညာ ပြည့်ပြည့်ဝဝ သင်ကြဖို့ပဲ။ အခု လက်ရှိ လူငယ်တွေကတော့ ပညာသင်ဖို့ မဖြစ်နိုင်တော့ဘူး။ ဒါ အခြေခံကျတယ်လို့ မြင်တယ်” ဟု ဦးဖာက ဆိုသည်။

မြို့ပေါ်မှ ငွေကြေးချမ်းသာသူ တချို့က စာနာမှုဖြင့် ပညာရေးအတွက် တချို့သော ကျောင်းသားများကို ပံ့ပိုးပေးခြင်းများ ရှိသော်လည်း ထို လူငယ်များမှာ ကျောင်းဆက်တက်ရေးထက် ငွေရှာဖို့ကိုသာ စဉ်းစားကြရကြောင်း၊ တချို့မှာ ၁၀ တန်း အောင်သည်အထိ ကျောင်းတက်သော်လည်း တက္ကသိုလ် ဆက်မတက်ဘဲ နွားမွေး၊ တောခုတ် စသည်တို့ကိုသာ ပြန်လုပ် ကြကြောင်း ၎င်းက ဆက်ပြောသည်။

“စခန်းကို လာပြီး ကူညီတဲ့ အလှူရှင်တွေ ရှိပါတယ်၊ အစိုးရ တာဝန်ရှိသူတွေ ထဲကလည်း လာကြတယ်။ သူတို့ကိုတော့ လေးစားပါတယ်။ ဒါပေမယ့် ကျနော်မြင်တာကတော့ တယောက်မှ အခြေခံကျကျ မကူညီဘူး။ အဓိကက စီးပွားရေးပဲ။ ဒီကလူငယ်တွေအတွက် အလုပ်အကိုင် အခွင့်အလမ်းကို မဖန်တီးပေးနိုင် ဘဲနဲ့တော့ ဘာမှ လုပ်လို့မရဘူးလို့ ကျနော် မြင်တယ်” ဟု ဦးဖာက ဆိုသည်။

နံ့သာမြိုင် အနာကြီး ရောဂါသည် စခန်းအကြောင်း မီဒီယာများက ဖော်ပြကြသော်လည်း သတင်းများတွင် အလှူရှင်များ၊ လှူဒါန်းမှုများကိုသာ ဖော်ပြကြောင်း၊ အခြေခံကျကျ အတွင်းကျကျ ရေးသားဖော်ပြသည်ကို မမြင်ဘူးကြောင်း၊ ၎င်းတို့မှာ လူမှုရေးအရ လူ့အဖွဲ့အစည်း အပြင်ဘက်သို့ ရောက်ရှိ နေရသည့်အပြင် စားဝတ်နေရေး၊ ကလေးများ၏ ပညာရေးနှင့် မိဘများ ရောဂါဖြင့် သေဆုံးသွားပါက ကျန်ခဲ့သည့် ကလေးလူငယ်များ၏ ဘဝရပ်တည်ရေး၊ ရှေ့ရေးများအတွက် အနာဂတ်မရှိကြောင်း သူက ပြောပြသည်။

“ဘယ်သူက ဘယ်လိုလှူသွားပါတယ် ဆိုတာမျိုးပဲ မီဒီယာမှာ မြင်ရတယ်။ ကျနော် အဲဒါ မလိုချင်ဘူးဗျာ။ ဒီစခန်းမှာ ဘာတွေ ဖြစ်နေတယ်ဆိုတာကို အတွင်းကျကျ ရေးပေးစေချင်တယ်။ အလှူရှင်ကို စော်ကားတာတော့ မဟုတ်ပါဘူး။ စေတနာရှင် သူဌေးတွေ ဒီကို လာခဲ့ပါ၊ ငွေပေးဖို့ မလိုဘူး၊ အလုပ်အကိုင်အခွင့်အလမ်း၊ ဝင်ငွေရဖို့ စီးပွားရေး အခြေအနေလေး တခုခု ဖန်တီး ပေးစေချင်တာပါ” ဟု ဦးဖာက ရှင်းပြသည်။

ဦးဖာက ၎င်းကဲ့သို့သော စီးပွားတောင့်တင်း၍ စေတနာ ထားနိုင်သူ အယောက် ၂၀ ခန့်ရှိလျှင် ဤရွာအတွက် စားဝတ်နေရေး ပူပန်ရန် မလိုတော့ဟု သူက ဆိုသည်။

“ကျနော် အလုပ်ပေးထားပြီး စောင့်ရှောက်ထားတဲ့အတွက် အိမ်ထောင်စု ၅၀ လောက်တော့ စားဝတ်နေရေး ပြေလည်တယ်။ ကျနော်လိုလူ ၂၀ လောက်ဆို တရွာလုံး ပြေလည်ပြီ။ တကယ်တော့ အစိုးရပေးတဲ့ စီးပွားရေး စွမ်းဆောင်ရှင်ဆု ဆိုတာကို ကျနော့်ကို ပေးရမှာဗျ” ဟု ဦးဖာက ရယ်မောရင်း ပြောသည်။ 

http://burma.irrawaddy.org/archives/39345

Read More

ဆိုရှယ်မီဒီယာမှာ ကျင့်ဝတ်ရှိစရာ လို မလို

စစ်အစိုးရကနေ အရပ်သားအစိုးရဆီ ဒီမိုကရေစီ အသွင်ကူးပြောင်းရေးအဖြစ် ချီတက်နေပါတယ်လို့ ကြွေးကြော်ထားတဲ့ သမ္မတဦးသိန်းစိန်အစိုးရသစ်လက်ထက်မှာ အသိသာဆုံးမြင်ရတဲ့ တိုးတက်မှုက မီဒီယာလို့ဆိုချင်ပါတယ်။ အဲဒီမီဒီယာအမျိုးမျိုးထဲမှာမှ အွန်လိုင်းပေါ်က ဆိုရှယ်မီဒီယာ။ အဲဒီ ဆိုရှယ်မီဒီယာများစွာထဲမှာမှ Facebook လို့ပြောရင် ပိုမှန်မယ်ထင်ပါတယ်။

အထူးသဖြင့် ပြီးခဲ့တဲ့ရက်ပိုင်းအတွင်းက ဖြစ်ပွားခဲ့တဲ့ လက်ပံတောင်းကိစ္စမှာ Facebook ရဲ့သြဇာ ဘယ်လောက်အထိ သက်ရောက်မှုရှိခဲ့တယ်ဆိုတာကို ဆိုရှယ်မီဒီယာ သုံးသူတိုင်း သတိထားမိမှာပါ။ စုံစမ်းရေးကော်မရှင် ဥက္ကဌ ဒေါ်အောင်ဆန်းစုကြည်နဲ့အဖွဲ့ လက်ပံတောင်းဒေသဆီ ၀င်လာပုံ၊ ဒေသခံတွေနဲ့ တွေ့ ဆုံရှင်းလင်းပုံ၊ တချို့ရွာတွေမှာဆိုရင် လုံခြုံရေးမပါပဲနဲ့ ရွာသားတွေကြားထဲ ဒေါ်အောင်ဆန်းစု ကြည် ဒီတိုင်းတိုးဝင်သွားပုံ၊ ရွာသားတချို့က ကော်မရှင်ကို အယုံအကြည်မရှိဘူးလို့ ကြွေးကြော်သံတွေ အော်ပြီးဆန္ဒပြကြတဲ့ ဓာတ်ပုံတွေ၊ ဗွီဒီယို ကလစ်တွေဟာ မိနစ်ပိုင်းအလိုက် Facebook ပေါ်မှာ တက်လာခဲ့ပါတယ်။

လွန်ခဲ့တဲ့ ၁၀ နှစ် အရင် စစ်အစိုးရခေတ်ကဆိုရင် ဒီလိုမျိုး ဘယ်တွေ့ခွင့်ရပါ့မလဲ။ ၈ လေးလုံးအရေးတော်ပုံကို ခဏထားဦး။ ၂၀၀၇ ရွှေဝါရောင်တော်လှန်ရေးခေတ်၊ ဆိုရှယ်မီဒီယာတွေ စတင်ထွန်းကားနေစဉ်မှာတောင် မြန်မာနိင်ငံတွင်းက လှုပ်ရှားမှုပုံတွေကို ဒီလို ချက်ချင်းမြင်ရဖို့ဆိုတာ မဖြစ်နိုင်ခဲ့ပါဘူး။ ၂၀၀၇ ရွှေဝါရောင်တော်လှန်ရေး၊ ၂၀၀၈ နာဂစ်မုန်တိုင်းနဲ့ ဖွဲ့စည်းအုပ်ချုပ်ပုံ အခြေခံဥပဒေ ဆန္ဒခံယူပွဲကာလ တွေမှာ အင်တာနက်ကို လုံးဝ ထိန်းချုပ်ထားပြီး ”အီလက်ထရောနစ်ပုဒ်မ” နဲ့ ဖမ်းဆီး ထောင်ချလိုက်တာ ၈၈ ကျောင်းသားတွေ၊ ဘလော့ဂါတွေ၊ စီတီဇင်ဂျာနယ်လစ်တွေ၊ သတင်းထောက်တွေ ရာနဲ့ချီ အဖမ်းခံရဖူးပါတယ်။

အခုတော့ အခြေအနေက အတော့်ကို ပြောင်းလဲသွားခဲ့ပါပြီ။ နိုင်ငံရေးအရ နည်းနည်း ပွင့်လင်းလာလို့ ဖမ်းဆီးခံ မီဒီယာသမား အားလုံးပြန်လွတ်လာသလို နည်းပညာ အရလည်း အများကြီး တိုးတက်လာတဲ့အတွက် အခင်းဖြစ်တဲ့နေရာအထိ စီတီဇင်ဂျာနယ်လစ်ခေါ် မီဒီယာ စိတ်ဝင်စားသူတွေ ကိုယ်တိုင်ဖြစ်စေ၊ နိုင်ငံရေး တက်ကြွသူ၊ လှုမှုရေး တက်ကြွသူတွေ ကိုယ်တိုင်ဖြစ်စေ၊ နိုင်ငံရေးသမားတွေ ကိုယ်တိုင်ဖြစ်စေ ဗွီဒီယို ကင်မရာ၊ ဓာတ်ပုံ ကင်မရာ၊ လက်ကိုင်ဖုန်း ကင်မရာတွေနဲ့ လွတ်လပ်စွာ ရိုက်ယူခွင့်ရနေပြီဖြစ်ပါတယ်။ ဒီတော့ အခင်းဖြစ်တဲ့နေရာကနေ မိနစ်ပိုင်းအလိုက် သတင်းတွေ၊ ဓာတ်ပုံတွေ၊ ဗွီဒီယို ကလစ်တွေ Facebook ပေါ် တက်လာနေတာပေါ့။

တချိန်တည်းမှာပဲ စိတ်ဝင်စားတဲ့ ပြည်တွင်း ပြည်ပရှိ မြန်မာတွေကလည်း Facebook ပေါ်မှာ ထင်မြင်ချက် အမျိုးမျိုး၊ မှတ်ချက် အမျိုးမျိုးပေးပြီး ရေးလိုက်ကြတာ မြန်မာနိုင်ငံမှာ မီဒီယာလွတ်လပ်ခွင့် အပြည့်အ၀ ရနေသယောင်တောင် ထင်ရပါတယ်။

Social Media အကြောင်း သုတေသနလုပ်သူတွေက Mainstream မီဒီယာတွေဖြစ်တဲ့ TV, Radio, Newspaper, Journal, Magazine တွေမဟုတ်တဲ့ တဦးချင်း လွတ်လပ်စွာ ရေးနိုင်၊ ပြောနိုင်တဲ့ အွန်လိုင်းပေါ်က နေရာတွေကို Social Media လို့ ခေါ်ဆိုကြပါတယ်။ ဆိုလိုတာကတော့ အစိုးရ၊ အဖွဲ့အစည်း၊ ကုမ္ပဏီ၊ လူပုဂ္ဂိုလ်တစုစု၊ တဦးဦးကနေ တာဝန်ခံ ထုတ်လုပ်တာမျိုးမဟုတ်တဲ့ တဦးချင်းတာ ၀န်ခံမှုနဲ့ (ဘယ်သူမှ တာဝန်မခံတာလည်း ဖြစ်နိုင်ပါတယ်) လုပ်တဲ့ မီဒီယာလို့ ပြောနိုင်ပါတယ်။

အဲဒီထဲမှာ အခု မြန်မာနိုင်ငံ အွန်လိုင်းယဉ်ကျေးမှုမှာ အထွန်းကားဆုံးဖြစ်နေတဲ့ Facebook ပါ ပါတယ်။ ပြီးရင် LinkedIn, Twitter, Google+ ။ နောက်တခါ blogs, YouTube, wikis အများကြီးပါပဲ။ စာရိုက်တာ၊ ဓာတ်ပုံပို့ တာ၊ ဗွီဒီယို ပို့တာ၊ ရှယ်တာ စသဖြင့် ကိုယ်လုပ်ချင်တဲ့ အကြောင်းအရာပေါ်လိုက်ပြီး အခမဲ့ဝန်ဆောင်မှု ပေးတဲ့ ဆိုရှယ်မီဒီယာတွေ အများကြီး ရှိပါသေးတယ်။ ဒါက လောလောဆယ် ရှိသမျှကို ပြောနေခြင်းပါ။ နည်းပညာက နေ့စဉ်နဲ့အမျှ တိုးတက်နေတဲ့အတွက် မနက်ဖြန်မှာ ဒီထက်ပို ခေတ်မီပြီး လူကြိုက်များတဲ့ Social Media တွေ ပေါ်လာနိုင်ပါသေးတယ်။

Social Media တွေ ဘယ်လောက်အထိ သြဇာကောင်းလာသလဲဆိုရင် ကမ္ဘာကြီးရဲ့ တနေရာရာမှာ အရေးကြီး သတင်းတခုခု စဖြစ်ပြီဆိုရင် AP, AFP, Reuter အပါဝင် Mainstream သတင်းဌာနတွေထက် Facebook, Twitter အပါအ၀င် Social Media တွေမှာ အရင်စောပြီး မြင်ရလေ့ရှိတယ်လို့ လေ့လာသူတွေက ဆိုပါတယ်။ ဒါကြောင့် Twitter ကို Social Media Wire သတင်းဌာနအဖြစ် သတင်းထောက် အတော်များများက ပုံမှန်ဝင်ကြည့်နေကြပြီလို့လည်း သိရပါတယ်။ အလားတူ ထူးခြား ဗွီဒီယိုတွေရနိုင် ဖို့အတွက် YouTube ကို ရုပ်-သံ သတင်းထောက်တွေက ပုံမှန်ဝင်ကြည့်နေကြပြီလို့လည်း ဆိုပါတယ်။

မြန်မာ သတင်းသမားတွေအတွက်တော့ Facebook က Social Media Wire ဖြစ်နေမယ်လို့ ထင်ပါ တယ်။ အခုချိန်ထိ Facebook တခုကိုပဲ ကျယ်ကျယ် ပြန့်ပြန့်သုံးနေကြပြီး တာဝန်ခံမှု၊ တာဝန်ယူမှုပိုရှိတဲ့ Twitter နဲ့ Google + ကိုသုံးတာ အတော်နည်း နေဆဲပါ။

ရှေ့မှာပြောခဲ့တဲ့အတိုင်း ဆိုရှယ်မီဒီယာဟာ တဦးချင်းတာဝန်ခံမှု သို့မဟုတ် (account အတု၊ လူအတု တွေအပါဝင်) ဘယ်သူ တာဝန်ခံမှန်းမသိတဲ့ သတင်းတွေကို တင်လေ့ရှိတာကြောင့် သတင်းတွေက ဦးပေမယ့် အတည်ပြုချက် ယူဖို့၊ ကိုးကားဖို့အတွက်တော့ ခက်နေဆဲဖြစ်ပါတယ်။ တနည်းအားဖြင့်ပြောမယ် ဆိုရင်တော့ အတည်ပြုချက် ယူစရာမလို၊ အကိုးအကား ထည့်စရာမလို၊ တာဝန်ခံစရာ မလိုတဲ့အတွက် ဆိုရှယ်မီဒီယာက ပင်မရေစီးမီဒီယာထက် သတင်းတွေ ပိုမြန်နေတဲ့သဘောဖြစ်ပါတယ်။

ဆိုရှယ်မီဒီယာဟာ အခမဲ့ဝန်ဆောင်မှုပေးတဲ့အတွက် ဘာအဖိုးအခမှ ပေးစရာမလို လူတိုင်းအလွယ်တကူ ၀င်ရေးနိုင်တဲ့နေရာဖြစ်ပါတယ်။ အဲဒီလို လူတိုင်း ၀င်ရေးနိင်တာကြောင့် ဟုတ်တာရော မဟုတ်တာရော သင့်တာရော မသင့်တာရော ဆဲတာရော ခြောက်တာရော ရိုင်းတာရော ပုဂ္ဂိုလ်ရေး အပုပ်ချတာရော အသရေဖျက်တာပါ စသဖြင့် ရေးကြတာကို တွေ့နိုင်ပါတယ်။

ဒေါ်အောင်ဆန်းစုကြည်ရဲ့ လက်ပံတောင်းဒေသ ခရီးစဉ်နဲ့ ပတ်သက် ပြီး ထောက်ခံသူတွေနဲ့ ကန့်ကွက်သူတွေကြား အပြင်းအထန် သဘောထားကွဲကြပြီး အပြန်အလှန် စွပ်စွဲပုတ်ခတ်ကြတာကို Facebook ပေါ်မှာ ကောင်းကောင်းတွေ့လိုက်ရပါတယ်။ ဒါကြောင့် မြန်မာတချို့က Facebook ကို ”ဖွဘုတ်” လို့တောင် ခေါ်ဝေါ်တဲ့အထိ ပြောချင်ရာပြော၊ ဖွချင်ရာဖွနိုင်တဲ့ တာဝန်မဲ့တဲ့နေရာတခုအဖြစ် မြင်လာနေကြပါတယ်။ တချို့ဆိုရင် Facebook မှာ ရေးထားတဲ့ Comment တွေကို မခံစားနိုင်လို့ account တွေတောင် ပိတ်ပစ်လိုက်တယ်လို့ ဆိုပါတယ်။ အတော်များများကတော့ မိတ်ပျက်သွားကြပြီး အချင်းချင်း Block လုပ်လိုက်ကြတယ်လို့ ပြောကြပါတယ်။

ဒါဟာ မြန်မာအွန်လိုင်း ကွန်မြူနတီ တခုတည်း ကွက်ပြီးဖြစ်နေတာမျိုးတော့ မဟုတ်ပါဘူး။ ဒါပေမယ့် မြန်မာက တခြားနိုင်ငံတွေထက် ဆိုရှယ်မီဒီယာနဲ့ နည်းပညာ လွတ်လပ်ခွင့်ရတာ နောက်ကျတာ၊ နောက်တခါ စစ်အာဏာရှင်လက်အောက်ကနေ အရပ်သားအစိုးရပြောင်းစဉ်မှာ စရတာဆိုတော့ နှစ် ၅၀ စာ အောင့်အီးထားခဲ့ရသမျှကို Facebook ပေါ်မှာ လာပေါက်ကွဲနေကြတာ ဖြစ်နိုင်တယ်လို့ မီဒီယာလေ့လာသူတွေက ထောက်ပြပါတယ်။ ဒါကြောင့် အချိန်ကြာလာတာနဲ့အမျှ တဖြေးဖြေး တည်ငြိမ်ရင့်ကျက်လာနိုင်ပါတယ်လို့လည်း သူတို့က ဆိုပါတယ်။

တကယ်ဆိုရင် ဆိုရှယ်မီဒီယာပေါ်မှာရေးတဲ့ စီတီဇင်ဂျာနယ်လစ်တွေဟာ ပင်မရေစီး မီဒီယာမှာရေးနေတဲ့ လခစား သတင်းထောက်တွေလို မီဒီယာကျင့်ဝတ်ကို တာဝန်ခံစရာ မလိုဘူးဆိုပေမယ့် လူတဦးချင်း ကျင့်ဝတ်နဲ့ ဒီမိုကရေစီ ကျင့်ဝတ်တွေကိုတော့ တာဝန်ခံဖို့လိုမယ်လို့ ထင်ပါတယ်။ Facebook member အချင်းချင်း အပြန်အလှန်လေးစားဖို့ လိုပါတယ်။ ကိုယ့်အမြင် ကိုယ်ရေးတယ်ဆိုပေမယ့် ကိုယ်ရေးလိုက်တာကို ကိုယ်ဖတ်စေချင်တဲ့ လူတဦးတည်း၊ အုပ်စုတခုတည်းက မြင်ရ ဖတ်ရတာမျိုးမဟုတ်ပဲ ကမ္ဘာတလွှားရှိ အွန်လိုင်းကွန်မြူနတီပေါ်က ထောင်သောင်းချီတဲ့လူတွေလည်း မြင်နေ ဖတ်နေနိုင်တယ်ဆိုတာ ကို သတိပြုဖို့ လိုပါလိမ့်မယ်။ ငါနဲ့မတူ င့ါရန်သူဆိုတဲ့ ခေတ်ဟောင်းက ဓာတ်ပြားဟောင်းကို ခေတ်သစ် Facebook ပေါ်မှာ လာတင်နေရင် ဆိုရှယ်မီဒီယာရဲ့ လွတ်လပ်ခွင့်ကို တလွဲသုံးသလို ဖြစ်ပါတယ်။

လတ်တလောအခြေအနေမှာ မြန်မာနိုင်ငံရဲ့ လွတ်လပ်ခွင့်အရှိဆုံး ဆိုရှယ်မီဒီယာ Facebook ကို စာဖတ်သူတွေ မငြိုငြင်အောင် တာဝန်မဲ့ ရေးချင်ရာရေးလို့ ရတဲ့နေရာ ဖွဘုတ် အဖြစ် မမြင်မိအောင် စီတီဇင် ဂျာနယ်လစ်တွေ၊ မီဒီယာလွတ်လပ်ခွင့်ကို ချစ်မြတ်နိုးသူတွေ အားလုံး ချင့်ချိန်ဆွေးနွေးသင့်နေပြီလို့ တိုက်တွန်းတင်ပြအပ်ပါတယ်။ 

http://burma.irrawaddy.org/archives/36059

Read More

အဖြေပေးထားသော သင်္ချာတပုဒ်

ပြည်ထောင်စု သမ္မတ မြန်မာနိုင်ငံတော်၊ စုံစမ်းစစ်ဆေးရေး ကော်မရှင် ၊ သတင်း ထုတ်ပြန်ချက် အမှတ် (၄/၂၀၁၃)၊ (၂၀၁၃ ခုနှစ်၊ မတ်လ ၁၁ ရက်)

အထက်ပါ သတင်းထုတ်ပြန်ချက် အပြည့်အစုံကို ၁၂- ၃- ၂၀၁၃ နေ့ထုတ် သတင်းစာတွင် ဖော်ပြခဲ့ခြင်းကို ဖတ်ရှုရသည်။ “အပြည့်အစုံ” သည် ရှည်လျားလှ၏။ အချို့နေရာများတွင် အကြောင်းအရာများ “ပွရောင်း”ပြီး ထပ်နေသည်။ လိုလည်း တွေ့ရ၏။ ခြုံ၍ကြည့်သောအခါ “အဖြေပေးထားသော သင်္ချာတပုဒ်ကို အဖြေမှန် မရ ရအောင် တွက်ထားသောနည်း” ဟု မြင်ပါသည်။

မဏ္ဍိုင် ၃ ရပ်အား တည့်မတ်ပေးရမည် ဆိုသော စတုတ္ထမဏ္ဍိုင်၏ တာဝန်အရ အထက်ပါ အစီရင်ခံစာကို ထောက်ပြရပါမည်။

(၁) ဒေသခံ လူထုသည် မြေယာသိမ်းမှုနှင့် ပတ်သက်၍ ထိုက်သင့်သည့် လျော်ကြေးငွေ မရရှိသဖြင့် လည်းကောင်း၊ ထိုက်သင့်သော အလုပ်အကိုင် အခွင့်အလမ်း မရရှိခြင်းကြေင့် လည်းကောင်း မကျေ မနပ်ဖြစ်ကာ ဆန္ဒပြမှုများ စတင် ဖြစ်ပေါ်လာခဲ့ခြင်း ဖြစ်ပါသည်။

မြေယာသိမ်းဆည်းရာတွင် သက်ဆိုင်ရာ ၀န်ထမ်းများက ပွင့်လင်းမြင်သာစွာ ရှင်းလင်းပြခြင်း မရှိခဲ့ပါ။ ထို့ကြောင့် ဒေသခံများက သီးနှံအတွက် လျော်ကြေးသာ ပေးသည် ထင်မြင်ယူဆခဲ့ ပါသည်။ ထိုသို့ လျော်ကြေးပေးရာတွင်လည်း ၀န်ထမ်းအချို့က ပြေပြေလည်လည် ပြောဆိုဆက်ဆံမှု မရှိခြင်းကြောင့် ပြဿနာ ပိုမိုကြီးထွားလာပါသည်။ ထိုအခြေအနေ တွင် ဒေသပြင်ပက အဖွဲ့အစည်းများကလည်း ရောက်ရှိလာကာ ဆန္ဒပြမှုများ အရှိန်မြင့်ခဲ့ပါသည်။ EIA, SIA, Transparency…။ (အပိုဒ် ၉၅ မှ ၉၈ )

အထက်ပါ သုံးသပ်ချက်က ထမင်းရေပူလာ လျှာလွှဲခြင်း ဖြစ်သည်။ အစိုးရအဖွဲ့နှင့် မသက်ဆိုင်။ ကုမ္ပဏီ၌ အပြစ်မရှိ။ ၀န်ထမ်းများ ညံ့ဖျင်းခဲ့ခြင်းကြောင့် ဟု အပြစ်ပုံချ၏။ ထို့နောက် ပြင်ပ အဖွဲ့အစည်းများ ရောက်ရှိလာကာ ဟု မိမိတို့ သက်ဆိုင်ရာ ဘာသာရပ်အလိုက် သွားရောက်ထိန်းသိမ်းရသော လူမှုရေး အဖွဲ့အစည်းများကို အပြစ်ရှာပြန်သည်။ သဘောက ဒေသခံလူများက ဘာမျှ သိပ်နားမလည်ကြ၊ အပြင်မှ လာရောက် သူများ လှုံ့ဆော်၍သာ ဤ ကိစ္စ ကြီးထွားရခြင်းဟု ဆိုလိုပေသည်။

မြန်မာ ကျေးလက်သားများသည် မိမိအိမ်၊ မိမိရွာ၊ မိမိလယ်ကို ချစ်၏။ အခြားဘယ်မျှ မသွားလို။ မိမိရွာနှင့် မိမိသာသနာကို ဖက်တွယ်ရင်း သေသည်အထိ အေးချမ်းစွာ နေထိုင်လိုကြသူများချည့် ဖြစ်၏။ ဤ လူများအား အဓမ္မ ရွှေ့ပြောင်းစေပြီး၊ သူတို့ ကိုးကွယ်သော ဘုန်းတော်ကြီးများနှင့် ကျောင်းများကိုပါ ချိတ်ပိတ်ကြခြင်းကို မည်သည့်ရွာသားက ပြုံးပြုံးကြီး ကြည့်နေနိုင်ပါမည် လဲ။ သည်အတွက် မကျေမနပ် ဖြစ်ရခြင်းကို ပြင်ပမှ လာရောက် နှိုးဆော်၍ ဖြစ်ရဟန် မှတ်ချက်ချထား ပုံမှာ “အဖြေ” မရ ရအောင် ဆွဲယူထားမှန်း ထင်ရှားသည်။

(၂) သံဃနာယက အဖွဲ့ဝင် ဆရာတော်ကြီးများအား ဖူးမျှော်လျှောက်ထား မေးမြန်းချက် အရ …ရဟန်းပျိုများအား ဆန္ဒပြပွဲ/ဖော်ထုတ်ပွဲများတွင် မပါဝင်ကြရန် သြ၀ါဒ ပေးခဲ့ပြီး အများစုမှာ လိုက်နာကြသော်လည်း အနည်းစုမှာ ထိန်းသိမ်းရ ခက်ခဲနိုင်ကြောင်း… (အပိုဒ် ၃၅)

သေလုမျောပါး အစတေးခံခဲ့ကြရသော ရဟန်းတော်များ၏ ရုပ်ပုံများကို နည်းပညာကျေးဇူးဖြင့် အားလုံး မြင်တွေ့ခဲ့ကြရပြီး ပြီ။ ငြင်း၍ မရ။ ဤတွင် ကိုယ်လွတ်ရုံးခြင်းလော၊ ဖြေသိမ့်ပေးခြင်းလော၊ မပြောတတ်။ ဆန္ဒပြပွဲမှာ မပါဝင်ဖို့ သြ၀ါဒ ပေးထားကြောင်း၊ အနည်းစုက မလိုက်နာ၍ ယခုကဲ့သို့ ဖြစ်ရကြောင်း အဖြေ ထုတ်ထားသည်။

ဤကိစ္စနှင့် ပတ်သက်၍ မေးခွန်း တခုပဲ မေးချင်ပါ၏။ ထိုစကားကို ပြောသော ပုဂ္ဂိုလ်များသည် မြတ်စွာဘုရား ကိုယ်တိုင်ပင် ဂင်္ဂါမြစ်ရေ ခွဲဝေသုံးစွဲမှုဖြင့် စစ်ဖြစ်ကြသော တိုင်းပြည် နှစ်ပြည် ရှိရာသို့ ကိုယ်တိုင်ကြွရောက်ကာ ဖြေရှင်း ပေးခဲ့သည်ကို မဖတ်ဖူးကြဘူးလား။ (သို့မဟုတ်) မြန်မာ့သမိုင်းတွင် အင်းဝနှင့် ဟံသာဝတီ စစ်ဖြစ်ရာ၌ လူသူ အသက်ပေါင်း များစွာ မသေကြေကြစေရန် “ပင်းယ စကြိုသူမြတ်” ဆရာတော်က ကြားဝင် ဖြန်ဖြေပေးခဲ့သော အဖြစ်ကို မသင်ခဲ့ကြရဘူးလား။

ရဟန်းသံဃာတော်များသည် ဒကာလူသားများ၏ ရပ်ရေး ရွာရေးတွင် ကောင်းရာကောင်းကြောင်း ၀င်ရောက် ညွှန်ကြားပေး ကြရသောထုံးစံရှိရာ ယခု ကိစ္စတွင်လည်း မနေသာ၍ ၀င်ပါကြရခြင်းဟု မမြင်ကြဘူးလား။ ယခုအတိုင်း ဆိုလျှင်  မီးလောင်ဒဏ်ရာရကြရှာသော ရဟန်းအားလုံးကို “အနေမတတ် အထိုင်မတတ်နဲ့ ဖြစ်တာ မဆန်းဘူး” ဟုပင် အပြစ်ပုံချ ချင်ကြတာလား။

(၃) မြန်မာ့စီးပွားရေး ဦးပိုင် လီမိတက်၏ ဆာလဖျူရစ် အက်စစ် စက်ရုံသည် စက်မှုဝန်ကြီးဌာန၏ ခွင့်ပြုချက် ရယူထားခြင်း မရှိသည့် အပြင်… (အပိုဒ် ၉၄ ၊ ခ …. ၂ )

ဝန်ကြီးဌာနခွင့်ပြုချက် မရဘဲ စက်ရုံတည်ခြင်းကို ယခုမှပင် အများပြည်သူများ သိကြရလေပြီ။ ဤကဲ့သို့ စက်ရုံမျိုး ဘယ်နှစ်ခု ရှိနေမည်လဲ။ ယခုမှ ခွင့်ပြုချက်ရယူပြီး ISO လက်မှတ် ယူသင့်သည်ဟု အကြံပြုလေသည်။ ပယ်ဖျက်ရန် မပြောချေ။ လက်မှတ်လေးယူလိုက်လျှင် ပြီးတာပဲ ဟု လွယ်လွယ်ပင် အကြံပြုလေ၏။ ဘက်လိုက်မှန်း မသိသာလွန်း ဘူးလား။

(၄) မြန်မာ့စီးပွားရေး ဦးပိုင် လီမိတက်နှင့် ၀မ်ပေါင်ကုမ္ပဏီတို့ ချုပ်ဆိုထားသော စာချုပ်ကို ညှိနှိုင်းပြီး ပြန်လည် ပြင်ဆင်ရန် လိုအပ်ပါသည်။ (အပိုဒ် ၉၄၊ (ခ) (၄) )

စာချုပ်ကို ပြန်လည် ပြင်ဆင်နိုင်သည်ဟု ဆိုလျှင် ယခုပင်လျှင် တမျိုးပြင်ကာ ဤစီမံကိန်းကြီးကို ရပ်ပြီး အခြားတခုခုနှင့် အစားထိုးဖို့ ဘာကြောင့် အကြံမပြုနိုင်သလဲ။

(၅) မှတ်တမ်း များအရ  ဆရာတော်ဘုရားကြီးအနေနှင့် တမိုး တ၀ါစံ ၀ါးကျောင်းမျိုးသာ လက်ခံခဲ့ကြောင်း၊ အဆိုပါ သိမ်နှင့် စေတီသည် ပထမ လယ်တီ ဆရာတော်ဘုရားကြီး တည်ထားသည့် သာဿနိက အဆောက်အအုံ ဖြစ် ကြောင်း အထောက် အထားမတွေ့ရပါ။ (အပိုဒ် ၊  ၉၄ ၊ (ဂ) )

ပထမ ဆရာတော်ကြီး လက်ရာ မဟုတ်တာနှင့်ပဲ ဖျက်ချင်သလို ဖျက်နိုင်သည်လား။ သည်လို ဆိုရင်ဖြင့် သိဂုတ္တရ ကုန်းတော်ရှိ ရွှေတိဂုံစေတီကြီးကို အတူယူပြီး မြို့နယ်အများအပြားမှာ တည်ထားကြသော စေတီတော်တွေကို မူလ လက်ရာ မဟုတ်ဆိုပြီး ဖြိုပစ်လို့ ရသလား။

(၆) လက်ပံတောင်း တောင်ကြား တောရစင်္ကြန်ကျောင်း ဟုခေါ်သော မြေနေရာနှင့် ၎င်းအပေါ်ရှိ စေတီ၊ သိမ်၊ ကျောင်း စသော ဗုဒ္ဓ သာဿနိက အဆောက်အအုံ များသည် လက်ပတောင်းတောင် ကြေးနီစီမံကိန်းတွင် အလယ်ဗဟို၌ တည်ရှိပြီး သတ္တုသိုက် တည်ရှိရာ အဓိကနေရာ ဖြစ်ကြောင်း …. လက်ရှိ အနေအထားအတိုင်း အခြားသင့်တော်မည့် နေရာတခုခု သို့ ပြောင်းရွှေ့ပေးသင့်ကြောင်း။ (အပိုဒ် ၊ ၈၃ (ဂ) )

သည်လိုဆိုလျှင် အကယ်၍ ရွှေတိဂုံစေတီကြီး တည်ရှိရာ သိဂုတ္တရတောင်အောက်၌ စိန်တွင်းကြီးရှိသည်ဟု နိုင်ငံခြား ကုမ္ပဏီများက လာရောက် တူးဖေါ်ချင်လျှင် ရွှေတိဂုံစေတီကြီးကို  ရွှေ့ပစ်ကြမှာလား။

(၇) လူစုလူဝေး ခွဲရာတွင် သုံးစွဲရန် မည်သည့် ပစ္စည်းကို မဆို ရဲတပ်ဖွဲ့ဝင်များက ကြိုတင် စမ်းသပ်သင့်သည်။ လိုအပ်လျှင် နိုင်ငံတကာ အကူအညီများ ရယူပြီး ပြည်ပသို့ စေလွှတ်၍ လေ့ကျင့် သင်ကြားစေသင့် ကြောင်း အကြံပြု တင်ပြအပ်ပါ သည်။ (အပိုဒ် ၊ ၉၂ (က) )

မြန်မာနိုင်ငံ ရဲတပ်ဖွဲ့၏ အဓိကရုဏ်း နှိမ်နင်းမှု လေ့ကျင့်ခြင်းကို မိမိ အစီအစဉ်ဖြင့် လည်းကောင်း၊ နိုင်ငံတကာ အကူအညီ ရယူ၍ လည်းကောင်း၊ အမြန် စတင်သင်ကြားသင့် ပါကြောင်း၊ အဆင့်မြင့် နိုင်ငံခြား သင်တန်းများသို့လည်း စေလွှတ် သင်ကြား စေသင့်ပါကြောင်း။ (အပိုဒ် ၉၂ (ခ))

ခေတ်မီ ဖွံ့ဖြိုးတိုးတက်သော ဒီမိုကရေစီ နိုင်ငံတော်သစ်ကြီး တည်ဆောက်ရေး အတွက် ယခု ထက်ကောင်း မြတ်သော အကြံများ မပြုနိုင်ကြတော့ဘူးလား။ ငြိမ်းချမ်းစွာ ဆန္ဒပြသူများအား သေလုမျောပါး လုပ်ခြင်းကို အပြစ်မတင်ဘဲ နည်းစနစ် ထပ်မံသင်ကြား သင့်ကြောင်း အကြံပြုချက်ကို အံ့ဩရုံမှ တပါး….

အရေးအကြီးဆုံး တခုသာ ပြောချင်ပါ၏။

ယနေ့ နိုင်ငံတကာ ကျင့်ထုံးအရ တိုင်းပြည် တပြည်၏ တိုးတက်မှုကို GDP ခေါ် အသားတင် ကုန်ထုတ်လုပ်မှုဖြင့် တိုင်း တာကြကြရုံဖြင့် မလုံလောက်တော့ပါ။ ပြည်သူလူထု မည်မျှ စိတ်ပျော်ရွှင် ကျေနပ်သနည်း ဟူသော Happiness ဖြင့်လည်း တိုင်းတာနေကြပါပြီ။

ကြေးနီသည် လည်းကောင်း၊ ဒေါ်လာသည် လည်းကောင်း အရေးကြီးသလို ပြည်သူလူထု၏ စိတ်နှလုံးသာယာ ချမ်းမြေ့မှုဆိုသော “တန်ဖိုး”သည်ကား အရေးအကြီးဆုံးဟု ဆိုလိုခြင်း ဖြစ်သည်။

သို့ပါ၍ တောင်ကို ဖြိုရန်သာ မျက်စောင်းထိုးသော အိမ်နီးချင်း၏ စီးပွားရေး၊ မိမိနှင့် နိုင်ငံစီးပွား ဆိုသော အကျိုးများကို “ငွေကြေး”ဖြင့် မတိုင်းတာ ကြတော့ဘဲ တိုင်းသူပြည်သား များ၏ Happiness ကိုသာ ဦးစားပေး စဉ်းစားဆင်ခြင် ဆုံးဖြတ်ကြရန် ထောက်ပြရေးသားလိုက်ရပါသည်။ 

http://burma.irrawaddy.org/archives/36035

Read More

မြန်မာတွေ မြန်မာပြည် ဘာကြောင့် မပြန်လဲ

 

“သမ္မတကိုယ်တိုင် ဖိတ်ခေါ်နေတာတောင် ခင်ဗျားတို့က ဘာကြောင့် ပြန်မလာသေးတာလဲ” ဆိုပြီး သမ္မတဦးသိန်းစိန်အဖွဲ့နဲ့ နော်ဝေခရီးစဉ်အတွင်း လိုက်ပါလာတဲ့ မီဒီယာသမားတဦးက တောခိုကျောင်းသားဟောင်းတွေ၊ နိုင်ငံရေးအကျဉ်းသားဟောင်းတွေ၊ စစ်ပြေးဒုက္ခသည်တွေကို မေးပါတယ်။

အချက်နှစ်ချက် တွေ့ပါတယ်။

ပထမတချက်က သမ္မတက နှုတ်နဲ့သာ ဖိတ်ခေါ်နေပြီး ဥပဒေအရ၊ လုပ်ထုံးလုပ်နည်းအရ ဘာမှ အဆင်သင့်ပြင်ထားတာ မရှိသေးဘူး။ ဆိုလိုတာကတော့ အော်စလိုမှာ လုပ်တဲ့ သမ္မတ နဲ့ တွေ့ဆုံပွဲအတွင်း တောခိုကျောင်းသားဟောင်းတဦးမေးခဲ့သလို လက်နက်ကိုင်အဖွဲ့မှာ ပါဝင်ခဲ့သူတွေ၊ မတရားအသင်းအဖြစ် ကြေညာခံထားရတဲ့အဖွဲ့ဝင်တွေ၊ နာမည်ပျက် စာရင်းသွင်း ခံထားရသူတွေကိစ္စကို အစိုးရက အခုထိ ရှင်းရှင်းလင်းလင်း မလုပ်ပေးသေးဘူးလို့ သူတို့က ထောက်ပြပါတယ်။

”ဒါပေမယ့် (သမ္မတရုံးဝန်ကြီး) ဦးစိုးသိန်းက အပြောသက်သက်တော့ မဟုတ်လောက်ဘူးဗျ။ သူပြောပြီး နှစ်ပတ်လောက်အတွင်း ကျနော် ဗီဇာသွားလျှောက်တော့ ၇ ရက်အတွင်း ဗီဇာ ရတယ်ဗျ။ သံရုံးတွေကို သူတို့ ညွှန်ကြားထားပုံ ရပါတယ်” ဆိုပြီး သမ္မတရဲ့ ဥရောပခရီးစဉ်ပြီးမှ ဗီဇာ သွားလျောက်သူတဦးက ပြောပါတယ်။ ဒါပေမယ့် နော်ဝေးအပါအ၀င် စကင်ဒီနေဗီးယန်းနိုင်ငံတွေမှာ သံရုံးမရှိသေးတဲ့အတွက် လန်ဒန်၊ ပဲရစ်၊ ဘာလင် သို့မဟုတ် ဘရာဆဲလ်ဖြစ်ဖြစ် အချိန်ကုန်ခံ သွားလျှောက်ရတယ်လို့ သူကဆိုပါတယ်။ ဒါ့အပြင် အရင်ကလို ဆွေ ၇ ဆက်၊ မျိုး ၇ ဆက်အကြောင်း ဖောင်ဖြည့်ခိုင်းတာကိုလည်း သံရုံးက လုပ်နေတုန်း၊ ပြည်ထဲရေးဌာနက ခွင့်ပြုချက်ကိုစောင့်ရမယ်၊ ဘယ်ဌာနကို တင်ပြရဦးမယ်ဆို တာမျိုးတွေလည်း လုပ်နေဆဲပဲလို့ သူကပြောပါတယ်။

ဒီအခက်အခဲက အချိန်ယူပြီး စောင့်နိုင်ရင် အဆင်ပြေသွားနိုင်ပါတယ်။ ဒုတိယ အခက်ခဲကမှ တကယ့် အခက်အခဲလို့ ထင်ပါတယ်။ ဘာကြောင့်လဲဆိုရင် တတိယနိုင်ငံရောက် မြန်မာတွေ မြန်မာနိုင်ငံပြန်လည်ဖို့အတွက် မြန်မာနိုင်ငံသားမဟုတ်တော့ဘဲ နိုင်ငံခြားသားအဖြစ်ခံယူထားပြီးဖြစ်တယ်ဆိုတဲ့ သက်သေအထောက်ထားပြနိုင်ဖို့ မရှိမဖြစ် လိုအပ်လာနေလို့ဖြစ်ပါတယ်။

ဒီလုပ်ထုံးလုပ်နည်းကို မသိတဲ့လူ အတော်များများကတော့ နိုင်ငံခြားသားအဖြစ် ခံယူတာဟာ မျိုးချစ်စိတ်မရှိသူတွေရဲ့ လုပ်ရပ်ဖြစ်တယ်လို့ ဆိုရှယ်မီဒီယာ Facebook တွေပေါ်မှာ ဝေဖန်ရေးသားနေတာကို တွေ့နေရပါတယ်။ တဆက်တည်းမှာဘဲ ဒုက္ခသည်အဖြစ် တတိယနိုင်ငံတွေဆီ ရောက်လာသူတွေဟာ တသက်လုံး ဒုက္ခသည်အဖြစ် ဆက်နေပြီး ဘာအလုပ်မှမလုပ်ပဲ သက်ဆိုင်ရာအစိုးရဆီက လက်ဖြန့် တောင်းစားနေသလို ဝေဖန်ရေးသားနေကြတာကိုလဲ တွေ့နေရပါတယ်။

”အဲဒါတော့ အသေအချာ ရှင်းပြဖို့ လိုမယ်ဗျ။ နော်ဝေရောက်မြန်မာတွေကို သူတို့ အိမ်မပြန်နိုင်မချင်း နော်ဝေအစိုးရက ဆက်လက်စောင့်ရှောက်ပေးထားပါဆိုပြီး ၀န်ကြီးဦးစိုးသိန်း ကိုယ်တိုင် ပြောသွားတာကို ထောက်ရင် ဦးသိန်းစိန်အစိုးရကိုယ်တိုင်က ကျနော်တို့ အခြေအနေကို အသေအချာ နားလည်ထားပုံမရသေးဘူး” လို့ အော်စလို ဆွေးနွေးပွဲကိုတက်ခဲ့တဲ့ တောခိုကျောင်းသားဟောင်းတဦးက ပြောပါတယ်။

ဆိုလိုတာကတော့ တတိယနိင်ငံတွေဆီ ဒုက္ခသည်အဖြစ်ရောက်လာကြတဲ့ သောင်းနဲ့ချီရှိတဲ့ (အမေရိ ကန်၊ ကနေဒါ၊ ဥရောပ၊ နယူးဇီလန်နဲ့ သြစတြေးလျရှိ မြန်မာဒုက္ခသည် အားလုံးပေါင်းရင် တသိန်းဝန်းကျင်လောက်ရှိမယ်) ဒီပုဂ္ဂိုလ်တွေဟာ တတိယ နိုင်ငံမထွက်ခင် ထိုင်းနယ်စပ် က ဒုက္ခသည်စခန်းတွေမှာနေပြီး ကုလသမဂ္ဂအထောက်အပံ့နဲ့ နေခဲ့ကြတာမှန်ပေမမယ့် တတိယ နိုင်ငံရောက် ပြီးချိန်မှာတော့ အဲဒီလိုမဟုတ်တော့ပါဘူး။

သက်ဆိုင်ရာနိုင်ငံအလိုက် ဒုက္ခသည်လက်ခံရေး အစီအစဉ်တွေ အနည်းအကျဉ်း ကွဲပြားပေမယ့် အကြမ်းအားဖြင့်က ပထမ တနှစ် နှစ်နှစ်လောက်ကိုပဲ အစိုးရက ထောက်ပံ့ကြေးပေးပါတယ်။ အဲဒီ တနှစ် နှစ်နှစ်အတွင်း သက်ဆိုင်ရာနိုင်ငံရဲ့ ဘာသာစကားကို တတ်အောင်သင်၊ နှစ်နှစ်ပြည့်တာနဲ့ အလုပ်ထဲ ၀င်နိုင်အောင် မောင်းသွင်းပြီး နောက်ထပ် ဘာမှမပေးတော့ပါဘူး။ ဒါကြောင့် တတိယနိုင်ငံရောက်ပြီးသူတိုင်း နှစ်နှစ်လောက်ပဲ ဒုက္ခသည်ဆက်ဖြစ်ပြီး အဲဒီနှစ်နှစ်ကျော်တာနဲ့ သာမန်နိုင်ငံသားတဦးလို ကိုယ်အလုပ် ကိုယ်လုပ် ကိုယ့်ထမင်း ကိုယ်ရှာစားရတဲ့ သဘောပါ။

သူတို့လုပ်ရတဲ့အလုပ်ဆိုတာကလည်း ထိုင်းနိုင်ငံရောက် မြန်မာအလုပ်သမားတွေ လုပ်ရတဲ့အလုပ်နဲ့ သိပ်မကွာပါဘူး။ သန့်ရှင်းရေး၊ ဘိုးဘွားရိပ်သာကူညီရေး၊ မူကြိုကလေးထိန်းရေးအပါအ၀င် တကယ့်အောက်ခြေသိမ်း အလုပ်တွေလုပ်ပြီး ပင်ပင်ပန်းပန်းနဲ့ ဘ၀ကို ရုန်းကန်နေတာ တွေ့နေရပါတယ်။ ဒါတွေကို အများ ပြည်သူသိအောင် ဒီပုဂ္ဂိုလ်တွေက သိပ်ထုတ်မပြောချင်တဲ့အတွက် အခုလို အထင်လွဲမှုတွေ၊ တတိယ နိုင်ငံမှာနေပြီး လက်ဖြန့်တောင်းစားနေသူတွေအဖြစ် ဆိုရှယ်မီဒီယာပေါ် ဝေဖန်ခံနေရတာပါ။

အဲ…ရှေ့မှာပြောခဲ့တဲ့အတိုင်း ဒီလူတွေဟာ ထိုင်းနယ်စပ်ရှိ ဒုက္ခသည်စခန်းတွေကနေ ထွက်လာသူတွေ ဆိုမှတော့ သူတို့မှာ မြန်မာနိုင်ငံက နိုင်ငံကူးလက်မှတ် ဘယ်ပါပါ့မလဲ။ ဒုက္ခသည်ဆိုတဲ့ စာတန်းကပ်ပြီး ထွက်လာရတဲ့ဘ၀ဆိုတော့ တတိယနိုင်ငံတွေဆီရောက်တဲ့အခါမှာ သက်ဆိုင်ရာနိုင်ငံရဲ့ ခရီးသွားခွင့်လက်မှတ်၊ နေထိုင်ခွင့်လက်မှတ်တွေ လုပ်ရပါတယ်။

အဲဒီ ခရီးသွားလက်မှတ်မှာ ဘာရေးထားသလဲဆိုတော့ Except Myanmar လို့ အထင်အရှား ရေးထားပါတယ်။ မြန်မာနိုင်ငံမှအပ တကမ္ဘာလုံးကြိုက်တဲ့နေရာသွားလို့ရတယ်၊ ဒါပေမယ့် မြန်မာပြည် မပါပါ။ ဒီလက်မှတ်နဲ့ ကမ္ဘာပတ် နေကြတဲ့ ပုဂ္ဂိုလ်တွေဟာ အခု မြန်မာနိုင်ငံမှာ နိုင်ငံရေးအပြောင်းအလဲဖြစ်ပြီ၊ ပြန်လာနိုင်ပြီလို့ ဖိတ်ခေါ်လိုက်တဲ့အခါ Except Myanmar စာအုပ်ကြီးနဲ့ နေရအခက်၊ ပြန်ရအခက် ဖြစ်နေပါတော့တယ်။

ဒီတော့ Except Myanmar စာအုပ်အစား သက်ဆိုင်ရာနိုင်ငံရဲ့ နိုင်ငံသားအဖြစ် လျှောက်ထားကြရပါတယ်။ နိုင်ငံခြားသားဖြစ်မှ မြန်မာသံရုံးက ဗီဇာထုတ်ပေးသလို သက်ဆိုင်ရာနိုင်ငံကလည်း သူ့နိုင်ငံသား ဖြစ်ပြီးမှ မြန်မာနိုင်ငံဆီ ခရီးသွားခွင့်ပြုပါတယ်။ ဒီလို နိုင်ငံသားဖြစ်ဖို့ လျှောက်ထားတဲ့နေရာမှာလည်း တနိုင်ငံနဲ့ တနိုင်ငံ ဥပဒေတွေ၊ အချိန်ကာလတွေ မတူပြန်ဘူး။ တချို့နိုင်ငံတွေက သူ့နိုင်ငံမှာ နှစ်နှစ်ဆက် တိုက်နေပြီးရင်၊ သူတို့နိုင်ငံရဲ့ ဘာသာစကားကိုလည်း သတ်မှတ်ချက် စံချိန်နဲ့အညီပြောတတ်ရင်  လျှောက်ခွင့်ရပေမယ့် တချို့နိုင်ငံတွေက ၇ နှစ်နေပြီးမှ လျှောက်ခွင့်ရှိပါတယ်။ အဲဒီလို လျှောက်ထားတဲ့ကာလ၊ စိစစ်တဲ့ကာလကလည်း တနှစ်လောက်ထပ် ကြာပြန်ပါတယ်။

ဒီလိုနဲ့ သမ္မတ ကိုယ်တိုင် ဖိတ်ခေါ်ချိန်မှာတောင် ဒီပုဂ္ဂိုလ်တွေက မောင်ကြီးမပြန်နိုင်ဖြစ်နေကြတယ် ဆိုပါတော့။

ဒီနေရာမှာ မေးစရာရှိတာကတော့ ”နိုင်ငံခြားသားအဖြစ် မခံယူပဲ၊ အဲဒီနိုင်ငံတွေဆီက ဘာမှမယူပဲနဲ့ လွန်ခဲ့တဲ့ ၂၅ နှစ်က ကျောင်းသားဘ၀တုန်းက အိမ်ကနေ စထွက်သွားစဉ်ကလို လက်ချည်းဗလာနဲ့ အပြီး ပြန်လာလို့မရဘူးလား”ဆိုတဲ့ မေးခွန်းပါ။

တကယ်တော့ ပြန်လာဖို့ ဖိတ်ခေါ်နေတာဟာ သမ္မတနဲ့ ၀န်ကြီးအဖွဲ့တင်မကပါဘူး။ မင်းကိုနိုင်တို့ ၈၈ အဖွဲ့ကလည်း အပြင်က ရဲဘော်တွေပြန်လာပြီး တတ်နိုင်တဲ့ဖက်က ၀ိုင်းကူကြပါလို့ ဖိတ်ခေါ်ခဲ့ပါတယ်။ အဲဒီလို ဖိတ်ခေါ်တဲ့အခါ ”ကလေးတွေရဲ့ ပညာရေးကိစ္စ ရှိသေးတယ်လေ” လို့ သူ့ရဲ့ ရဲဘော်ဟောင်းတွေက ဖြေကြတယ်လို့ မင်းကိုနိုင်က အော်စလိုတွေ့ဆုံပွဲ အ တွင်းပြောပြခဲ့ပါတယ်။

ဆိုလိုတာကတော့ အချိန်ကာလ ၂၅ နှစ်ကြာပြီးတဲ့အခါ ရာစုနှစ်ရဲ့ ၄ ပုံ ၁ ပုံကို နယ်စပ်နဲ့ တတိယနိုင်ငံ တွေမှာ နေထိုင်ဖြတ်သန်းပြီးတဲ့အခါ အသက်တွေကလည်း ၄၀ ကျော် ၅၀ နီးပါးဖြစ်သွားတဲ့အခါ သူတိုရဲ့ စဉ်းစားပုံတွေဟာ လွန်ခဲ့တဲ့ ၂၅ နှစ် ကျောင်းသားအရွယ်က စဉ်းစားပုံနဲ့ မတူတော့တဲ့ သဘောပါ။ တနည်းအားဖြင့်ပြောမယ်ဆိုရင်တော့ အသက်ကြီးသွားတဲ့လူတွေဟာ လူငယ်ဘ၀ကလို သိပ်မစွန့် စားရဲတော့ဘူးလို့ အဓိပ္ပါယ်ယူနိုင်ပါတယ်။

”ကျနော်ကတော့ အဲဒီလို အပြီးစွန့်ပြီး မပြန်ရဲသေးဘူးဗျ။ ဥပဒေအရလည်း ဘာမှ အာမခံချက်မရှိသေး၊ အပြောင်းအလဲဆိုတာကလည်း ဘာမှ မသေချာသေးဆိုတော့ အချိန်မရွေး အဖမ်းခံရနိုင်တယ်။ ဒီတော့ လောလောဆယ်မှာ သွားလိုက် လာလိုက်ပဲ ကောင်းပါတယ်ဗျာ” လို့ နိုင်ငံခြားသားခံယူပြီးမှ ဗီဇာသွားလျှောက်တဲ့ပုဂ္ဂိုလ်က ပြောပါတယ်။

အဝေးရောက် မြန်မာ အများစုက ဒီပုဂ္ဂိုလ်လိုပဲ စဉ်းစားနေကြသလား။ ဒါမှမဟုတ် အပြီး စွန့်ပြီး ပြန်မယ့်လူတွေကော ရှိမလား။ နောက်တခါ ဒီဒုက္ခသည်တသိန်းဝန်းကျင်ပြန်ရေး မပြန်ရေးကိစ္စက ဦးသိန်းစိန်အစိုးရက ပြသချင်နေတဲ့ အပြောင်းအလဲဆိုတာအတွက် အမျိုးသားပြန်လည်သင့်မြတ်ရေး လုပ်ငန်းစဉ်ဆိုတာအတွက် ဘယ်လောက် အရေးပါနေလို့လဲ။

ဘာပဲဖြစ်ဖြစ် အမေရိကန်နိုင်ငံပြီးရင် မြန်မာဒုက္ခသည် အများဆုံးလက်ခံထားတဲ့ နယူးဇ်ီလန်နဲ့ သြစတြေးလျက မြန်မာမိသားစုတွေနဲ့ တွေ့ရင် အထက်ပါ အခက်အခဲ အတားအဆီးတွေ၊ မယုံသင်္ကာမှုတွေအတွက် သမ္မတနဲ့ဝန်ကြီးအဖွဲ့က တစုံတရာ ထည့်သွင်း စဉ်းစားပေးနိုင်လိမ့်မယ်လို့ မျှော်လင့်မိပါတယ်။ 

http://burma.irrawaddy.org/archives/35581

Read More

မင်းကိုနိုင်၊ ကျောင်းသားအရေးနဲ့ အော်စလို ဆွေးနွေးဝိုင်း

မျိုးဆက်ကျောင်းသားခေါင်းဆောင် မင်းကိုနိုင်ဟာ ဖေဖေါ်ဝါရီ ၁၈ ရက်နေ့က အော်စလိုတက္ကသိုလ်မှာ ဟောပြောပွဲတခု ကျင်းပခဲ့ပါတယ်။ ”The role of students in Burma’s development”  မြန်မာနိုင်ငံ ဖွံ့ဖြိုးတက်ရေးနဲ့ ကျောင်းသားများရဲ့ အခန်းကဏ္ဍလို့ အမည်ပေးထားတဲ့ ဒီဟောပြောပွဲဆီ မြန်မာအပါအ၀င် ပရိဿတ် ၁၀၀ နီးပါးတက်ပါတယ်။

ထူးခြားတာကတော့ အဖွင့်စကားပြောသွားတဲ့ အော်စလိုတက္ကသိုလ်ပါမောက္ခဟာ ပြီးခဲ့တဲ့လအတွင်းကမှ မြန်မာနိုင်ငံကနေ ပြန်လာသူဖြစ်ပြီး မြန်မာနိုင်ငံ ပညာရေးဖွံ့ဖြိုးဖို့၊ မြန်မာနဲ့ နော်ဝေးတက္ကသိုလ်တွေ ပူးပေါင်းဆောင်ရွက်ဖို့ သွားရောက်ဆွေးနွေးခဲ့သူဖြစ်ပါတယ်။ တခါ ထူးထူးခြားခြား မြန်မာနိုင်ငံမှာ ဆရာဝန်ဘွဲ့ရပြီး အော်စလိုတက္ကသိုလ်မှာ မဟာတန်း လာတက်နေတဲ့ မန္တလေးက ကျောင်းသားတဦးကိုလည်း ဟောပြောပွဲမှာ တွေ့ရပါတယ်။

ကိုလိုနီခေတ်ကနေ ၁၉၈၈ ခေတ်အထိ ကျောင်းသားလှုပ်ရှားမှုသမိုင်းကြောင်းကို ကိုမင်းကိုနိုင်က ၁၀ မိနစ်ခန့်ပြောပါတယ်။ ပြီးတော့ ပရိဿတ်နဲ့ အမေးအဖြေကဏ္ဍပေါ့။ ပရိဿတ်က အမေးအမြန်းထူပါတယ်။ မေးတဲ့လူတချို့ဟာ မြန်မာနိုင်ငံ ငြိမ်းချမ်းရေးအကြောင်း သုတေသနလုပ်နေတဲ့ တက္ကသိုလ်ဆရာတွေဖြစ်ပါတယ်။

ရှစ်လေးလုံး အရေးတော်ပုံအတွင်း လူပေါင်း ၃၀၀၀ လောက် အသတ်ခံရပြီး စစ်တပ်အကြမ်းဖက် နှိပ်ကွပ်ခဲ့တယ်ဆိုတာ မှန်ပါတယ်။ ဒါပေမယ့် အတိုက်ခံတွေဘက်ကလည်း သေနတ်ကိုင်ပြီး အကြမ်းဖက်တဲ့နည်းနဲ့ ပြန်တိုက်တာပဲ မဟုတ်လား၊ အကြမ်းဖက်တာဟာ စစ်တပ်ဘက်က တခုတည်းလို့ ဘယ်ပြောလို့ရမလဲ တဲ့။ အဲဒါ မင်းကိုနိုင်အတွက် အော်စလိုတက္ကသိုလ်ရဲ့ ပထမဆုံးမေးခွန်းပါ။

”လက်နက်ကိုင် တော်လှန်ရေး ဆိုတာဟာ လိုအပ်ချက်အရ ပေါ်လာတာ ဖြစ်ပါတယ်” လို့ မင်းကိုနိုင်က ဖြေပါတယ်။ အခြေနေတခုမှာ အော်တဲ့လူက အော်ပြောမယ်။ တုတ်ကောက်ပြီး ပြန်ရိုက်သင့်ရင် ရိုက်ရမယ်။ ခဲနဲ့ပေါက် တန်ပေါက်ရမယ်။ နည်းမျိုးစုံနဲ့ တိုက်ပွဲဝင်ဖို့ လိုပါတယ်လို့ သူကပြောပါတယ်။ မင်းကိုနိုင် ဒီလို ပွင့်ပွင့်လင်းလင်းပြောတာကို ကြားရတော့ ဘေးနားမှာထိုင်နေတဲ့ ABSDF တပ်ဖွဲ့ဝင်ဟောင်း တချို့ လက်ခုပ်ထတီးပါတယ်။

ဒါပေမယ့် မင်းကိုနိုင် ဆက်ပြောတာက ဒီနည်းဟာ အမြဲတန်း ရှိနေလို့တော့ မရဘူး။ လိုအပ်ချက်အရ ပေါ်လာတာဖြစ်တဲ့အတွက် လိုအပ်တဲ့ အချိန်အတိုင်းတာအတွင်းမှာပဲ ရှိနေသင့်တယ်။ အမြဲတန်း ရှိနေရမှာက အကြမ်းမဖက် လှုပ်ရှားမှုသာဖြစ်ပြီး အဲဒီနည်းထဲမှာ လူထုတရပ်လုံး ပါဝင်ရင် အောင်ပွဲရမှာဖြစ်တယ်။ ဥပမာ ကချင်ပြည်နယ်က ဧရာဝတီမြစ်ဆုံကိုကြည့်ပါလို့ မင်းကိုနိုင်က ရှင်းပါတယ်။

ကျောင်းသားနဲ့ဆိုင်တဲ့ ဒုတိယ မေးခွန်းကတော့ ၈၈ အလွန် လက်ရှိ ဗကသနဲ့ ကျောင်းသားလှုပ်ရှားမှု အခြေနေ၊ တက္ကသိုလ်ပညာရေးပါ။ ဒီအတွက် မင်းကိုနိုင်က အခု ဒီအ ခန်းထဲမ၀င်ခင် အပြင်နားက အဆောင်တခုရှေ့မှာ ”ကျောင်းသားပါလီမန်” ဆိုတဲ့ ဆိုင်းဘုတ်ကြီးကို သူ တွေ့ မိကြောင်း၊ အတော်အံ့သြသွားကြောင်း အစချီပြီး မြန်မာနိုင်ငံမှာတော့ ကျောင်းသားပါလီမန် မပြောနဲ့ ကျောင်းသားသမဂ္ဂဖွဲ့တာကိုတောင် အာဏာပိုင်တွေက ကြောက်နေလို့ မနည်းကြိုးစားနေရတဲ့ အခြေအနေ ရှိနေဆဲလို့ ပြောပြပါတယ်။

တကယ်ဆိုရင် ဒီမှာတွေ့ရတဲ့ ကျောင်းသားပါလီမန်မျိုး မြန်မာနိုင်ငံမှာလည်း မြင်ချင်ပါတယ်။ ”ကျောင်းသား ပါလီမန်မှာကတည်းက အသေအချာလေ့ကျင့်ထားတဲ့ လူငယ်တွေ တကယ့် ပါလီမန်ထဲ ရောက်သွားတဲ့ ခေတ်၊ ရောက်သွားတဲ့ စနစ်မျိုးဖြစ်လာအောင် ကျောင်းသားတွေကို လေ့ကျင့်ပေးခွင့်ရချင်ပါတယ်” လို့ မင်းကိုနိုင်ကပြောပါတယ်။

တတိယ မေးခွန်းထမေးသူကတော့ မြန်မာနိုင်ငံ (နယ်စပ်ဒုက္ခသည်စခန်းမှာလည်း ဖြစ်နိုင်ပါတယ်) မွေးပြီး နော်ဝေးမှာကြီးတဲ့ လက်ရှိ တက္ကသိုလ်တက်နေသူ အသက် ၂၀ ကျော် အရွယ် ကျောင်းသူတဦး ဖြစ်ပါတယ်။ ”အပြင်က ကျောင်းသား ကျောင်းသူတွေအနေနဲ့ အထဲမှာ ဘာတွေကူညီပေးနိုင်မလဲ” လို့ ရိုးရိုးလေး မေးသွားတာပါ။

မင်းကိုနိုင်ဖြေပုံကလည်း ရိုးရိုးလေးပါ။ ပညာရေး သမိုင်းက ၂ ပိုင်းရှိပါတယ်။ ပထမ တပိုင်းဖြစ်တဲ့ တော်လှန်ရေးကာလမှာ အသက်ပေးပြီး တိုက်ပွဲဝင်တဲ့ကျောင်းသားတွေ၊ ထောင်နန်းစံရတဲ့ ကျောင်းသားတွေ အများကြီးရှိခဲ့ကြောင်း၊ အခုချိန်မှာတော့ ဒီလိုပေးဆပ်တိုက်ပွဲဝင်ရတဲ့ အခြေအနေတွေကနေ လွန်မြောက်စေချင်ပါပြီ၊ ပြန်လည်တည်ဆောက်ရေး အပိုင်းကို ရောက်စေချင်ပါပြီလို့ နိဒါန်းချီပြီး အခုလိုပြောပါတယ်။

”အခု ဒုတိယပိုင်း ပြန်လည်တည်ဆောက်ရေးလုပ်တဲ့အခါ ပထမပိုင်းမှာ ပါဝင်ခဲ့သူတွေ တတ်ချင်လည်း တတ်မယ်၊ မတတ်ချင်လည်း မတတ်ဘူး။ ကျနော် ကိုယ်တိုင်ကတော့ တည်ဆောက်ရေးအတွက် ဘာမှမတတ်ဘူး” လို့ ပြောချလိုက်ပါတယ်။ ဒီအတွက် အခု မေးခွန်းထမေးတဲ့ ကျောင်းသူလေးအပါအ၀င် မျိုးဆက်သစ် တတ်သိပညာရှင်တွေ လိုနေတယ်လို့ မင်းကိုနိုင်က ပြောပါတယ်။

အခုချိန်ထိ သူတွေ့မိသလောက်ကတော့ ပြည်ပရောက်မြန်မာတွေ၊ နိုင်ငံခြားသားတွေ အတော်များများဟာ ကျောင်းတွေဆောက်ဖို့၊ ကျောင်းသားတွေ စားဖို့၊ ဒုက္ခသည်တွေကို ကူညီဖို့ ငွေအား၊ ပစ္စည်းအား စသဖြင့် ရုပ်ဝတ္တုပစ္စည်းကူဖို့ပဲ ကမ်းလှမ်းတာများနေပြီး စနစ်တခုပြောင်းအောင် ကူညီဖို့၊ သင်ကြားရေးစနစ်အတွက် စဉ်းစားဖို့ သိပ်မတွေ့ရသေးဘူးလို့ မင်းကိုနိုင်က ထောက်ပြပါတယ်။

”ကျောင်းတွေပြင်ဖို့၊ ကျောင်းတွေဆောက်ဖို့ ကူညီတာကတော့ဟုတ်ပါပြီ၊ အဲဒီကျောင်းတွေဆောက်ပြီး သွားရင် ဘာစာတွေကို ဘယ်လိုသင်မှာလဲ” လို့ သူက မေးခွန်းပြန်ထုတ်ပါတယ်။ သင်ရိုးညွန်းတန်း အသစ် မရှိဘူးဆိုရင် စစ်တပ်က တိုင်းပြည်ကယ်တင်ရှင်ဖြစ်ကြောင်း၊ ကျေးဇူးရှင်ဖြစ်ကြောင်း လက်ရှိသင်နေဆဲ သင်ရိုးညွန်းတန်း အဟောင်းကိုပဲ ပြန်သင်နေရရင် အဲဒီကျောင်းသစ်ဟာ ဘာမှအဓိပ္ပါယ်မရှိဘူး လို့ မင်းကိုနိုင်က ထောက်ပြပါတယ်။

”Critical Thinking တွေ၊ Debate ယဉ်ကျေးမှုတွေ၊ Dialogue လုပ်တဲ့ အလေ့အကျင့်တွေပါတဲ့ ပညာရေးစနစ် တခု၊ Mindset ကိုပါပြောင်းနိုင်တဲ့ စနစ်တခု ကျနော်တို့နိုင်ငံမှာ ပြင်ဆင်ပြဌာန်းဖို့ လိုနေပါတယ်” လို့ မင်းကိုနိုင်ကပြောပါတယ်။

မြန်မာမိသားစုနဲ့ တွေ့ဆုံပွဲမှာရော၊  နော်ဝေ ကျောင်းသားတွေနဲ့ တွေ့ဆုံပွဲမှာပါ အများဆုံးမေးတာက ပြည်တွင်းစစ်၊ ငြိမ်းချမ်းရေးနဲ့ အနာဂတ်ပြည်ထောင်စု ပုံစံ အကြောင်းပါ။ ဒီမေးခွန်းကို ၄ ဦးလောက်က ဒေါင့်မျိုးစုံကနေမေးမြန်းပါတယ်။

မင်းကိုနိုင်က ”ခင်ဗျားတို့ဆီမှာ Ceasefire ကို ဘယ်လို အဓိပ္ပါယ်ဖွင့်သလဲ မသိဘူး။ ကျနော်တို့ဆီမှာတော့ Cease နဲ့ Fire ကို တခုစီခြားပြီး ပြောကြတဲ့အတွက် Cease လုပ်လိုက် ပြန်ပြီး Fire လုပ်လိုက် Cease လုပ်လိုက် ပြန်ပြီး Fire လုပ်လိုက်ဖြစ်ပါတယ်” ဆိုပြီး မင်းကိုနိုင်က အရွန်းဖေါက်ပါတယ်။ ပြီးတော့ ၁၉၄၈ လွတ်လပ်ရေးရတဲ့အချိန်ကစ လွတ်လပ်ရေးနဲ့အတူ တွဲပါလာတဲ့ ပြည်တွင်းစစ် သမိုင်းနောက်ခံအကျဉ်းကို ရှင်းပြပါတယ်။

ပထမပိုင်းမှာ Ism နိုင်ငံရေး အယူဝါဒပေါ် အခြေခံထားတဲ့ လက်နက်ကိုင်အဖွဲ့ပေါ်လာပြီး အဲဒီနောက်မှာ လူမျိုးစု လက်နက်ကိုင်တွေ ပေါ်လာကြောင်း၊ အခုချိန်မှာတော့ နိုင်ငံရေး အယူဝါဒပေါ် အခြေခံတဲ့ လက်နက်ကိုင်လှုပ်ရှားမှု မှေးမှိန်သွားပြီး အမျိုးသားရေးအခြေခံတဲ့ လက်နက်ကိုင်လှုပ်ရှားမှုက အားကောင်းလာတယ်လို့ မင်းကိုနိုင်ကပြောပါတယ်။

လူမျိုးစုတွေလိုလားတဲ့ ဖက်ဒရယ်မူဟာ တန်းတူရည်တူ အတူတကွ ပေါင်းစည်းနေထိုင်ခြင်းမူ ဖြစ်ပေမယ့် နှစ်ပေါင်းများစွာ စစ်အစိုးရရဲ့ဝါဒဖြန့်မှုကြောင့် ဖက်ဒရယ်ဆိုရင် လူတွေက မပြောရဲ မဆိုရဲ မတို့ရဲ မထိရဲ ဖြစ်နေကြတယ်လို့ သူကထောက်ပြပါတယ်။ ဒါကြောင့် ဖက်ဒရယ်ဆိုတဲ့ စကားလုံးကို လေသံကျယ် ကျယ်နဲ့ပြောခွင့်ရတာတောင် အချိန်ကာလအားဖြင့် တနှစ်မပြည့်သေးဘူး။ ဖက်ဒရယ်ကို လူတွေအားလုံး နားလည်အောင် လုပ်သွားဖို့လိုတယ်လို့ဆိုပါတယ်။

”ကျနော်တို့ငယ်ငယ်က လူကြီးတွေခြောက်သလိုပေါ့ဗျာ။ ဟိုနားမသွားနဲ့ ကောင်ကောင်ကြီးကိုက်လိမ့် မယ်ဆိုတာမျိုး။ ဘာကောင်ကြီးမှန်းလည်း မသိဘူး။ တကယ်ကြောက်စရာလား၊ ချစ်စရာလားလည်း မသိဘူး။ မမြင်ရသေးတဲ့အရာနဲ့ အခြောက်ခံထားရတာမျိုးပေါ့” လို့ မင်းကိုနိုင်က ပြောပါတယ်။

နောက်တခါ ငြိမ်းချမ်းရေးဆွေးနွေးပွဲတွေ ခဏခဏလုပ်နေပေမဲ့ တခါမှ ကောင်းကောင်း အောင်မြင်မှု မရသေးတာဟာ ပြည်သူတွေမပါသေးတာကြောင့် ဖြစ်တယ်လို့ သူကဆိုပါတယ်။ “အခုငြိမ်းချမ်းရေး ဆွေးနွေးပွဲကို ခင်ဗျားတို့ကြည့်ပါလား၊ ဟိုဖက်က ဗိုလ်ချုပ်နဲ့ ဒီဖက်ကဗိုလ်ချုပ်တွေ ထိပ်သီးအချင်းချင်း ပြောနေကြတာလေ။ ပြည်သူလူထုမပါသေးဘူး” လို့ မင်းကိုနိုင်က ထောက်ပြပါတယ်။

ပြီးတော့ Mindset ပြောင်းနိုင်ဖို့ အရေးကြီးကြောင်း သူကထောက်ပြပါတယ်။ ”စစ်သားတွေရဲ့ ထုံးစံက စစ်မြေပြင်မှာ လူများများသတ်နိုင်သူကို Hero အဖြစ်ဂုဏ်ယူကြပါတယ်။ ဒါပေမယ့် အခုခေတ်ပြောင်းသွား ပြီ။ စစ်ပွဲတွေရပ်ပြီး ငြိမ်းချမ်းရေးလုပ်နိုင်သူကို Hero အဖြစ် သဘောထားနေကြပါပြီ” လို့မင်းကိုနိုင်က ပြောပါတယ်။

ဒီဆွေးနွေးပွဲအတွင်း နောက်ဆုံးမေးခွန်းကို ထမေးသူကတော့ မြန်မာနိုင်ငံထဲမှာ အလုပ်လုပ်ဖို့ပြင်နေတဲ့ နိုင်ငံတကာအဖွဲ့အစည်းတခုက အမျိုးသမီးတဦးဖြစ်ပါတယ်။ လက်ရှိ မြန်မာနိုင်ငံ ပြုပြင်ပြောင်းလဲရေးလုပ်ငန်းစဉ်ဟာ အစိုးရက ဖန်တီးထားတဲ့ တီးကွက်ထဲ အတိုက်အခံတွေ လိုက်ကနေရတာမျိုးဖြစ်နေတယ် မဟုတ်လား တဲ့။

”အဲဒီလို Passive အမြင်တွေကို ကျနော် လက်မခံပါဘူး။ သူတို့ ပေးသနားတော်မူမှ ရတဲ့ဟာမျိုး မဟုတ်ပါဘူး။ အစိုးရကွင်းထဲမှာ ကျနော်တို့ ကစားနေရတာမျိုးလည်း မဟုတ်ပါဘူး” လို့ မင်းကိုနိုင်က ခပ်ပြတ်ပြတ် ပြောပါတယ်။ ပြီးတော့ ”တကယ်တန်းပြောမယ်ဆိုရင် ကျနော်တို့ပြောတဲ့အတိုင်း၊ ကျနော်တို့တောင်းဆိုခဲ့တဲ့အတိုင်း အစိုးရက လိုက်လုပ်နေရတာပါ။ ဒီမိုကရေစီလို့ ကျနော်တို့ တောင်းဆိုနေ၊ ပြောနေတာကြာပြီ၊ အစိုးရက အခုမှ ဒီမိုကရေစီအကြောင်း စပြောနေတာလေ” လို့ သူကထောက်ပြပါတယ်။

”မတရားတဲ့ နည်းမျိုးစုံနဲ့ ရယူထားတဲ့အတွက် အာဏာနဲ့ လုပ်ပိုင်ခွင့်တွေ သူတို့လက်ထဲမှာ ရှိနေနိုင်ပါတယ်။ ဒါပေမယ့် ပြည်သူလုထုရဲ့ မေတ္တာနဲ့ထောက်ခံမှုက ကျနော်တို့ဆီမှာ ရှိတယ်ဆိုတာကို ကျနော်ရဲရဲ ကြီးပြောရဲပါတယ်” လို့ မင်းကိုနိုင်က အားရပါးရ ပြောချလိုက်တော့ ပရိဿတ် အားလုံး မတ်တတ်ထရပ်ပြီး လက်ခုတ်တီးကြပါတယ်။ အခန်းနားကို အောင်မြင်စွာရုတ်သိမ်းကြောင်း ကြေငြာတဲ့သဘောပေါ့။

ကျနော့်အတွက်တော့ အခန်းအနားပြီးမှ မေးခွန်းက ပေါ်လာသလို ဖြစ်နေပါတယ်။ ခုနက အမျိုးသမီး မေးသွားတဲ့မေးခွန်းက ကျနော်စိတ်ထဲ ကပ်ပါလာနေဆဲ။ ”ဘယ်သူ့ တီးကွက်ထဲ ဘယ်သူတွေက ကနေရတာလဲ” ဆိုတာဟာ အရေးကြီးသလား။ ”တီးကွက်နဲ့ ကကွက်ညီဖို့” က ပိုအရေးကြီးသလား။

ရှေ့သီတင်းပတ်ကျရင် အော်စလိုကို ရောက်လာမယ့် သမ္မတဦးသိန်းစိန်ကို ဒီမေးခွန်းသွားမေးရင် ဘယ်လိုဖြေလေမလဲ၊ သမ္မတက အခုအချိန်မှာ ပြည်ပရောက် မြန်မာတွေနဲ့ တွေ့ဖို့စီစဉ်ထားတာဟာ ဒေါ်အောင်ဆန်းစုကြည်တို့၊ မင်းကိုနိုင်တို့နောက်ကို သမ္မတက လိုက်နေရတဲ့ သဘောမျိုးလား။ ဘယ်သူက ရှေ့ကသွားပြီး ဘယ်သူက နောက်က လိုက်နေရတာလဲ။

တီးကွက်က အရေးကြီးသလား၊ ကကွက်က အရေးကြီးသလား။ စင်ပေါ်က လူတွေ တီးပြ ကပြတာကို စင်အောက်က ကြည့်နေတဲ့ သန်း ၆၀ လူထုတွေရော နှစ်ခြိုက်သဘောတွေ့ရဲ့လား။ သူတို့အားလုံးပါ ဝင်ကနိုင်မယ့် အခြေအနေနဲ့ အချိန်အခါကရော ဘယ်တော့လဲ။ 

http://burma.irrawaddy.org/archives/34318

Read More