Kuala Lumpur Time
ယင်းသင်တန်းအား ၇၊ ၁၊ ၂၀၁၂ ရက်နေ့မှစတင်၍ဖွင့်လှစ်ခဲ့ပြီး သင်တန်းအားတက်ရောက်ခဲ့သူမှာ (၃၂) ယောက်ဖြစ်သည်။ စာမေးပွဲဖြေဆိုသူ အယောက်(၃၀) တွင် (၂၇) ဦး အောင်မြင်ခဲ့ပြီး (၃) ဦးမှာ ကျရှုံးခဲ့သည်။ ထူးချွန်သူအနေဖြင့် Distincition (၅) ဦး ၊ Credit (၂) ဦး၊ Pass (၂၀) ဦး ရရှိခဲ့ပါသည်။ သင်တန်းနည်းပြ များအနေဖြင့် ဆရာဦးအောင်ထွန်း၊ ဆရာဦးရွှေဇင်အောင်၊ ဆရာ ဦးထွန်းထွန်းဦးတို့မှ ပညာဒါနအဖြစ် သင်ကြားပို့ချပေးခဲ့ပြီး မတ်လ ၁၇ ရက် နှင့် ၁၈ ရက်များတွင် အရည်အချင်းစစ်စာမေးပွဲအား ဖြေဆိုခဲ့ပါသည်။
သင်တန်းသား/သူများကိုယ်စား ကျေးဇူးတင်စကားကို ဒုတိယအကြိမ် သင်တန်းဆင်းပွဲအပြီးတွင် နာရေးကူညီမှုအသင်း (ရန်ကုန်) သည် လူ ငယ်လူရွယ်များအား တစ်သက်တာ ထမင်းစားလက်မှတ်အား ထုတ်ဝေပေးခဲ့ပြီဖြစ်ကြောင်း၊ ဆက်လက်၍ မိမိတို့၏ ကျေးဇူးရှင်နာရေးကူညီမှုအသင်းကြီးအား အစဉ်အမြဲတည်မြဲပါစေကြောင်း သင်တန်းသူ မဖြူဖြူခိုင်မှ သင်တန်းသား/သူများကိုယ်စား ကျေးဇူးတင် စကားပြော ကြားသွားခဲ့ပါသည်။ ယင်းနောက် သင်တန်းသား/သူများမှ နာရေးကူညီမှုအသင်း (ရန်ကုန်) အား ပြန်လည်၍ အလှူငွေကျပ် (၁၅၆၅၀၀ိ/-) အားလှူဒါန်းမှုပြုခဲ့သည်။ ဆက်လက်ပြီး နာရေးကူညီမှုအသင်း (ရန်ကုန်) ဥက္ကဋ္ဌ ဦးကျော်သူမှ ဂုဏ်ပြုကဒ်အား ပြန်လည်၍ပေးအပ်ခဲ့ကာ သင်ကြားပြသပေးသော ဆရာကြီးများအား သင်တန်းသူ/သားများမှ ဂါရ၀တရားဦးထိပ်ထား၍ ရှိခိုးကန်တော့ခဲ့ကာ ဆရာကြီးများမှ မိမိ အကျိုးမှတဆင့် မိမိတတ်မြောက်ထားသောပညာရပ်ဖြင့် အများအကျိုးကိုထမ်းဆောင်နိုင်သောသူများဖြစ်ပါစေဟု ဆုတောင်းမေတ္တာ ပို့သ ပေးခဲ့ပါသည်။
သင်တန်းကာလမှာ စုစုပေါင်း (၂၁) ရက်သာဖြစ်ပြီး စနေနှင့်တနင်္ဂနွေရက်များတွင် နံနက် (၉း၀၀) နာရီ မှ ညနေ (၅း၀၀) အထိ သင်ကြား ပေးခဲ့ပါသည်။ သင်ခန်းစာများအနေဖြင့် (Front Office Basic Course, Housekeeping Basic Course) အားပို့ချသူ ဦးထွန်းထွန်းဦး၊ (F&B Realtion, Professional Sale, Total Quality Control) အားပို့ချသူ ဦးရွှေဇင်အောင်၊ (Public Realtion, Professional Sale, Total Quality Control) ဦးအောင်ထွန်းတို့မှ အသီးသီးသင်ကြားပို့ချပေးခဲ့ပါသည်။
ဒုတိယအကြိမ် သင်တန်းဆင်းပွဲအပြီးတွင် နာရေးကူညီမှုအသင်း (ရန်ကုန်) သည် လူငယ်လူရွယ်များအား တသက်တာ ထမင်းစားလက် မှတ်အား ထုတ်ဝေပေးခဲ့ပြီဖြစ်ကြောင်း၊ ထို့အတွက်ကြောင့် လွန်စွာဝမ်းသာ၍ ကျေးဇူးတင်မိကြောင်း သင်တန်းသူမဖြူဖြူခိုင်မှ သင်တန်းသား/သူများကိုယ်စား ကျေးဇူးတင်စကားပြောကြားသွားခဲ့ပါသည်။ ဆက်လက်၍ မိမိတို့၏ ကျေးဇူးရှင်နာရေးကူညီမှုအသင်းကြီးအား အစဉ်အမြဲ တည်မြဲပါစေကြောင်း ပြောကြားသွားခဲ့ပါသည်။ ထို့နောက် ဟိုတယ်သင်တန်းဆင်းများနှင့် ဆရာများမှ သုခအာဟာရ စားသောက်ဆိုင်တွင် အလှူရှင်များ၊ ၀န်ထမ်းများ၊ အသင်းသား/သူများ၊ သုခကုသိုလ်ဖြစ်ဆေးခန်းတွင် လာရောက်ပြသကြသော လူနာများအား မုန့်ဟင်းခါးဖြင့် ဧည့်ခံကျွေးမွေးဒါနပြုသွားခဲ့ပါသည်။
ထို့ကြောင့် ယခု ဟိုတယ်သင်တန်းဆင်း အောင်လက်မှတ်များချီးမြှင့်သောအခမ်းအနားအား အလုပ်အကိုင်ရှာဖွေရေး၊ လူ့ကျင့်ဝတ်တို့ဖြင့် နေထိုင်နိုင်ရေး၊ ကျန်းမာရေးအတွက် အနေအထိုင်အစားအသောက်တို့ကို အထောက်အကူပြုရေး၊ နိုင်ငံတကာနှင့်ဆက်ဆံရေး၊ ခေတ်မှီ ဖွံ့ဖြိုးတိုးတက်သော ဒီမိုကရေစီနိုင်ငံတော်တွင် လိုက်နာကျင့်သုံးရမည့် လူ့ကျင့်ဝတ်နှင့် အပြောအဆိုနေထိုင်ဆက်ဆံရေး စသည့် ပညာရပ် များကိုပါ ရရှိသွားပြီဖြစ်ပါ၍ သင်တန်းသူတဦးပြောကြားသွားခဲ့သလို ထမင်းစားလက်မှတ်ရရှိခဲ့သည့်အပြင် အများအကျိုးအတွက် လူသားပီ သစွာနေထိုင်နိုင်သော ပရဟိတအောင်လက်မှတ်ကိုပါရရှိသွားသည့် အခမ်းအနားတရပ်ဟုဆိုလျင်လည်း မမှားတော့ချေ။
0 comments:
Post a Comment