အင်တာနက်ပေါ်က မင်းသမီး ဗီဗာဟိန်း
သိပ်မကြာသေးခင်က အင်တာနက် Youtube မှာ မြန်မာသံ တေးသီချင်းတွေကို အီလက်ထရို တေးဂီတတွေ၊ sexy အကတွေနဲ့ ပေါင်းစပ်သီဆို ကပြထားတဲ့ ဗီဒီယိုကလစ်တခုကြောင့် ပြည်တွင်းပြည်ပ အင်တာနက် ပရိသတ်တွေအကြား အုံးအုံးကျွက်ကျွက် လူသိများလာခဲ့တဲ့ အဆိုတော် တဦးရှိပါတယ်။
သူကတော့ နယ်ပရိသတ်တွေ အကြိုက် အဆိုတော် ဗီဗာဟိန်းပါ။ အင်တာနက် ပရိသတ်တွေ သတိထားမိတဲ့ နှုတ်မဆက်ချင်ဘူး သီချင်း ဗီဒီယိုကလစ်ရဲ့ စီစဉ်သူ ဆိုတဲ့နေရာမှာ အရှင်တေဇိန္ဒ၊ ကမ်းပျိုရွာ၊ ပေါက်မြို့နယ် လို့ ဆိုထားလေတော့ ပရိတ်သတ် တွေရဲ့ ဝေဖန်သံတွေ ညံခဲ့ပါတယ်။
ဒီကိစ္စနဲ့ ပတ်သက်ပြီး အဆိုတော် ဗီဗာဟိန်းက သူ မသိလိုက်ရဘဲ ဒီသီချင်းက အင်တာနက်ပေါ် ရောက်သွားတာလို့ ဆိုပါတယ်။
“အဲဒါက နယ်ကို သီချင်းသွား ဆိုတုန်း အခုလိုရိုက်ပြီး တင်မယ်လို့ မပြောဘူး။ သူတို့ ရွာကို အဆိုတော် ဗီဗာဟိန်း လာပြီးတော့ ဖျော်ဖြေတယ် ဆိုတာကို အမှတ်တရ မှတ်တမ်းလုပ်မယ် ဆိုပြီးတော့ ရိုက်တာပါ။ အဲဒီလို လုပ်မယ်လို့လည်း မသိဘူး။ အဲဒီသီချင်းကို သရုပ်ဆောင်ပေးပါလို့ လုပ်ခိုင်းတာလည်း မဟုတ်ဘူး။ သူတို့ရဲ့ ရွာလမ်းလေးမှာ အင်္ကျီလှလှလေး ၀တ်ပြီးတော့ အမှတ်တရ အနေနဲ့ ရိုက်ချင်တယ် ဆိုပြီး ရိုက်တာပါ။ ကျမ အခွေတွေကို ကျမတို့ ကိုယ်ပိုင်ပဲ ထွက်တယ်။ ဘယ်သူမှ စီစဉ်တာ မဟုတ်ဘူး။ စီစဉ်သူ ဘုန်းပိုင် အနေနဲ့ပဲ လုပ်ဖြစ်တာပါ” လို့ သူက ဧရာဝတီကို ပြောပါတယ်။
၂၀၀၉ ခုနှစ်ကစလို့ အနုပညာလောကထဲကို ၀င်ရောက်လာခဲ့တဲ့ အဆိုတော် ဗီဗာဟိန်းဟာ အခုဆိုရင် စီးရီး ၄ ခွေ ထွက်ရှိထားပြီး ဖြစ်ပါတယ်။ အခုအခါမှာတော့ အဆိုတော်ဗီဗာဟိန်းဟာ အဆိုလောကတင် သာမက သရုပ်ဆောင် လောကကိုပါ ကူးပြောင်းလာပါပြီ။
“အခုနယ်မှာ ဗီဒီယို ဇာတ်ကားတွေ ရိုက်နေပါတယ်။ နောက်ထပ်ရိုက်ဖို့လည်း ရှိပါသေးတယ်” လို့ ဗီဗာဟိန်းက ပြောပါတယ်။
နယ်ပရိသတ်တွေအကြိုက် အဆိုတော် ဗီဗာဟိန်းဟာ အခုလို ဗီဒီယိုဇာတ်ကားတွေ ရိုက်ကူးလာနေပြီလို့ ပြည်တွင်း ဂျာနယ်တခုမှာ ဖြေဆိုထားတဲ့ သတင်းဓာတ်ပုံတပုံ အင်တာနက်စာမျက်နှာပေါ် ရောက်ရှိလာတုန်းက ပရိသတ်တွေရဲ့ အထူးစိတ်ဝင်စားခြင်း ခံရပြန်ပါတယ်။
အခုလို မြန်မာသံ တေးသီချင်းတွေကို အီလက်ထရို တေးဂီတတွေနဲ့ ပြန်လည်ဆန်းသစ် ဖန်တီးကြတဲ့အထဲမှာ လူသိများတဲ့ သားစိုးလည်း တဦးအပါအ၀င်ပါပဲ။ အဲဒီလို ပြန်လည်ဆန်းသစ်တဲ့အပေါ် နှစ်သက်တဲ့ ပရိသတ်တွေရှိသလို ပြစ်တင်ဝေဖန် သံတွေနဲ့အတူ ဖြတ်သန်းပြီး ကျော်ကြား လာခဲ့တာတွေလည်း ရှိပါတယ်။
အဆိုတော် သားစိုးကတော့ မြန်မာသံသီချင်းတွေ၊ နတ်သီချင်းတွေဟာ အခုလိုမှ ပြန်လည် မဆန်းသစ်ရင် ခေတ်ဟောင်း လောကထဲမှာ ကျန်ခဲ့မှာဖြစ်လို့ ပြန်လည် ဆန်းသစ်ရခြင်းဖြစ်တယ်လို့ ပြောဖူးပါတယ်။
အထူးသဖြင့် ဒီလိုဖန်တီးမှုတွေက နယ်အလှူပွဲတွေနဲ့ ဘုရားပွဲ စတဲ့ ကျေးလက်နေ လူတန်းစားတွေအကြား ပိုပြီး ရေပန်းစား တာပါ။
ဗီဗာဟိန်းကတော့ သူ့ရဲ့ မြန်မာသံတေးသီချင်းတွေ၊ နတ်ဒိုး သီချင်းတွေကို အီလက်ထရို တေးဂီတနဲ့ပေါင်းစပ် သီဆိုပြီး ခေတ်ပေါ် အကတွေနဲ့ တွဲဖက် ကပြတာကို အင်တာနက်ပရိသတ်တွေက ဝေဖန်တဲ့အပေါ် ဘာမှပြောစရာမရှိပါဘူးလို့ ဆိုပါတယ်။
“ဒီလို အသေးအဖွဲ ကိစ္စကလည်း ကောလာဟလကြီး ဖြစ်သွားတာပဲ။ ကိုယ့်ဘက်က အဲဒါတွေ အကုန်လုံးကို စိတ်ထဲ ထည့်မနေနိုင်ဘူး။ အင်တာနက် ဆိုတာကလည်း နည်းပညာအနေနဲ့ သူ့ဘာသာသူ တိုးတက်နေတော့ မကောင်းဘူး လို့လည်း ပြောလို့မရဘူး။ ဝေဖန်နေတဲ့သူတွေကိုလည်း ဘာမှမပြောချင်ပါဘူး။ ကျမကို ဆက်လက်ပြီး ဒီထက် ချစ်နိုင်ပါစေလို့ပဲ ဆုတောင်းပါတယ်” လို့ သူက ပြောပါတယ်။
ဟစ်ပ်ဟော့ပ် အလွှာ ဖြစ်လာမှာလား
ဟစ်ပ်ဟော့ပ်၊ R&B နဲ့ New Rock၊ ပန့်ခ်၊ မော်ဒန်ရော့ခ်၊ ဒီဂျေ စတဲ့ ခေတ်သစ်ဂီတ အမျိုးအစားတွေကို ကိုယ်စားပြုတဲ့ အလွှာတလွှာ မြန်မာနိုင်ငံ ဂီတအစည်းအရုံးသစ် ပြန်လည်ဖွဲ့စည်းရေးမှာ ပါဝင်နိုင်ဖို့အတွက် လူငယ်မျိုးဆက်သစ် ဂီတသမားတွေက မြန်မာနိုင်ငံ ဂီတအစည်းအရုံး လက်ရှိ အမှုဆောင်အဖွဲ့ထံ တင်ပြထားတယ်လို့ သိရပါတယ်။
burma.irrawaddy.org/archives/13478
0 comments:
Post a Comment