နိုင်ငံခြားသားနဲ့ မြန်မာစကား

~ 

မြန်မာစာကားက နိုင်ငံခြားသားတွေ သင်ယူဖို့ခက်ခဲတဲ့ထဲ ပါဝင်ပါတယ်။ သို့သော်လည်း သက်တမ်းတနှစ်ပဲ ရှိသေးတဲ့ ရန်ကုန်မြို့ Bilingual Language Center က နိုင်ငံခြားသားသင်တန်းသားတွေကတော့
မြန်မာစကားကို  မြန်မာတွေလို ပြောဆိုနိုင်တာ တွေ့ရပါတယ်။

ဒီသင်တန်းကို  ဒေါက်တာဖြူဖြူဝင်း (စာရေးဆရာမ ညလင်းဖြူ) ဦးစီး ဖွင့်လှစ်ထားတာ ဖြစ်ပြီး သင်တန်း တနှစ်ပြည့် အခမ်းအနားနဲ့ မြန်မာစာ သင်တန်းဆင်းလက်မှတ် ပေးအပ်ပွဲကို ရန်ကုန်မြို့ Park Royal Hotel မှာ သောကြာနေ့က  ကျင်းပခဲ့ပါတယ်။
http://nyalinphyu.mmblogger.info/
သင်တန်းသား ကိုယ်တိုင် အခမ်းအနားမူးအဖြစ် ဆောင်ရွက်တာပါ။

သင်တန်းဆင်း    နိုင်ငံခြားသားတွေ မြန်မာစကားပြောနေကြတာဟာ အနည်းအငယ်ဝဲတာကလွဲလို့ မြန်မာတွေ ပြောဆိုနေတဲ့အတိုင်းပါပဲ။
မြန်မာတွေ နေ့စဉ်အသုံးများတဲ့ ဘန်းစကားတွေကိုတောင် အသုံးပြုပြီး ပြောဆိုနေကြတာ တွေ့ရပါတယ်။

သင်တန်းဆင်းတဲ့ပြင်သစ်လူငယ်တဦးက သင်တန်းနဲ့ ပတ်သက်ပြီး အမှတ် တရစကား မြန်မာလို ကျကျ နန ပြောခဲ့ပါတယ်။

“ကျွန်တော်ဆရာမဖြူဖြူဝင်းရဲ့သင်တန်းမှာတက်ပြီးနောက်ပိုင်း လက်ဘက်ရည်ဆိုင် ထိုင်တုန်းမှာ မြန်မာလို ကိုယ်ပိုင်သီချင်း စပ်ဆိုတော့ ဘေးနားက လူတွေက မျက်လုံးပြူးကုန်တာပေါ့၊
ဆရာမက ခက်ခဲတဲ့မြန်မာစာကို လွယ်ကူအောင် သင်ပြပေးတဲ့အတွက် ကျေးဇူး တင်ပါတယ်။ ကျွန်တော်တို့လို နိုင်ငံခြားသားတွေအတွက် နေ့စဉ်အသုံးပြုနေတဲ့ မြန်မာစကားပြောကို
နားလည် သိရှိဖို့ အရေးကြီးပါတယ်။ ဆရာမ အောင်မြင်ပါစေလို့ ဆန္ဒပြုပါတယ်” ဆိုပြီး သူက ပြောကြားခဲ့ပါတယ်။

အခမ်းအနားကိုတက်ရောက်လာတဲ့ ဆရာဦးဝင်းငြိမ်းက “မြန်မာတခ်ျို့တောင်မြန်မာစကားပြောတဲ့အခါ မှာ မှားပြောတာ တွေကိုတွေ့ရပါတယ်။  မြန်မာ အသံနဲ့ရုပ်မြင်သံကြားကနေ သတင်းလွှင့်တဲ့အခါမှာတောင် မှားပြီးပြောတာ မျိုး တွေကိုတွေ့ရပါတယ်။  အခုလို နိုင်ငံခြားသားတွေကိုမြန်မာစကားကို သင်ကြားပို့ချပေးတဲ့ ဆရာမဖြူဖြူဝင်းကို ကျေးဇူးတင်ပါတယ်။ ကျွန်တော်ဆရာမရဲ့သင်တန်းကို အခု လောက်ထိ အောင်မြင်လိမ့်မယ်လ်ို့မထင်ခဲ့ဘူး၊  အခုလိုအောင်မြင်တာကို တွေ့ရတော့ဝမ်းသာပါတယ် ၊ ဂုဏ်လည်းယူပါတယ်” လို့ အမှတ်တရစကား ပြောကြားခဲ့ပါတယ်။

    နိုင်ငံခြားသားတွေအတွက် မြန်မာစာမြန်မာစကားကို သင်ကြားပေးတဲ့ ရှားရှားပါးပါးသင်တန်းတွေထဲမှာ Bilingual Language Center လည်း တခုအပါအ၀င်ဖြစ်ပါတယ်။

ဆရာမဖြူဖြူဝင်းက “ကျွန်မ ဒီသင်တန်းဖွင့်နိုင်အောင် ကူညီပေးကြတဲ့သူတွေ အကုန်လုံးကို ကျေးဇူးတင်ပါတယ်၊ အခုလို သင်တန်းတွေ ဆက်လက်ဖွင့်လှစ်နိုင်အောင်လည်း ဆက်လက် ကြိုးစားသွားမှာပါ” လို့ ပြောပါတယ်။

မြန်မာနိုင်ငံကိုရောက်ရှိလာတဲ့ နိုင်ငံခြားသားအများစုက အခုလိုသင်တန်းမျိုး မတက်ရောက်နိုင်ရင်တောင်သူတို့နဲ့ နီးစပ်တဲ့ မြန်မာအသိုင်းအ၀ိုင်းမှာ လေ့လာ သင်ယူလေ့ရှိပါတယ်။
 ဥပမာ အလုပ်ခွင်ထဲမှာဒါမှမဟုတ် လူနေ ရပ်ကွက်တွေထဲမှာ သွားရင်းလာရင်းကနေ မှတ်သားတာမျိုးလည်း လုပ်ကြပါတယ်။ 

လှည်းတန်းဘက်မှာနေတဲ့ ကိုစိုးကြီး ဆိုသူက “ကျွန်တော်တို့လမ်းထိပ်ကို ညနေညနေလာတဲ့ပြင်သစ်လူမျိုးအင်ဂျင်နီယာတ ယောက်ရှိတယ်၊ ကျွန်တော့်ဆီကမြန်မာစာကိုလေ့လာသင်ယူတယ်၊
များသောအားဖြင့်တော့ ရယ်စရာကောင်းတဲ့ အကြောင်းအရာတွေကိုပဲ ပြောဖြစ်ပါတယ်။ သူကတော့ သိချင်တာတွေရှိရင် အားမနားတမ်းမေးတော့တာပဲ၊ သူတို့ တွေရဲ့လေ့လာမှုနဲ့ကြိုးစားမှုတို့ကို ကျွန်တော်တို့ လေးစားပြီး အတုယူသင့်တယ်ဗျ” လို့ သူက ပြောပါတယ်။

http://blog.irrawaddy.org/2012/11/blog-post_1851.html