နိုင်ငံသားမဟုတ်သူများအရေး စစ်တွေတွင်ဆန္ဒထုတ်ဖော်

ရခိုင်ပြည်နယ်ရှိ နိုင်ငံသားမဟုတ်သူများ အရေးနှင့် ပတ်သတ်၍ ပြည်နယ်အစိုးရမှ ပွင့်လင်းမြင်သာမှု မရှိဟု သတ်မှတ်သဖြင့် စစ်တွေမြို့၌ ယနေ့မွန်းလွဲ ၂ နာရီတွင် ဒေသခံ တိုင်းရင်းသားနှင့် ရဟန်းသံဃာများ လမ်းလျှောက် ဆန္ဒပြခဲ့သည်။

ဆန္ဒ ပြရခြင်း အကြောင်းနှင့် ပတ်သတ်၍ ထိုဆန္ဒပြပွဲတွင် ခေါင်းဆောင်ပါဝင်သူ တဦးဖြစ်သည့် ရခိုင် လူမှုကွန်ယက်မှ ကိုကျော်ဇောဦးက “အဓိကကတော့ နိုင်ငံသား မဟုတ်သူတွေရဲ့ အရေးနဲ့ ပတ်သတ်ပြီး ပွင့်လင်းမြင်သာဖို့ပါ။ လတ်တလောမှာ မွတ်စလင် ဒုက္ခသည်တွေကို အိမ်အလုံးပေါင်း ၅၀၀၀ ကျော် ဆောက်ပေးမယ်ဆိုပြီး သတင်းတွေ ထွက်လာတယ်။ ပြည်နယ် အစိုးရဘက်က ဘာမှရှင်းလင်းမှု မရှိဘူး။ နိုင်ငံသား မဟုတ်သူတွေကိုလည်း မြေယာပိုင်ဆိုင်ခွင့် မပေးသင့်ဘူး” ဟုဆိုသည်။

ဆန္ဒပြသူများ အနေဖြင့် အစိုးရအဖွဲ့အစည်း များသို့ ၎င်းတို့၏ သဘောထားများ ပါဝင်သည့် အချက် ၆ ချက်ကို တင်ပြ တောင်းဆိုထားကြောင်း သိရသည်။

ထိုအချက်များမှာ ဒေသခံ တိုင်းရင်းသားများ၏ ဆန္ဒသဘောထားကို လေးစားပေးရန်၊ ဒေသခံ တိုင်းရင်းသားများ၏ သဘောထား မပါဘဲ ဒေသအရေးကို မဆုံးဖြတ်ရန်၊ နိုင်ငံသားမဟုတ်သူများကို နိုင်ငံသား အခွင့်အရေး မပေးရန်၊၁၉၈၂ ခုနှစ် နိုင်ငံသား ပြစ်မှုဥပဒေကို အမြန်ဆုံး အကောင်အထည် ဖော်ပေးရန်၊ နိုင်ငံသား မဟုတ်သူများကို ဥပဒေကြောင်းအရ အမြန်ဆုံး အရေးယူပေးရန်နှင့် ဒေသအရေးနှင့် ပတ်သတ်၍ ပွင့်လင်းမြင်သာမှု ရှိရန်တို့ ဖြစ်သည်။

ထိုကဲ့သို့ မွတ်စလင် ဒုက္ခသည်များကို တူရကီ နိုင်ငံ အကူအညီဖြင့် အိမ်ဆောက်ပေးမည် ဆိုသော သတင်း ထွက်ပေါ် လာခြင်းမှာ ရခိုင်ပြည်နယ်တွင် အိမ်များဆောက်လုပ်ရန် နယ်စပ်ရေးရာ ၀န်ကြီးဌာနက နေပြည်တော်တွင် ဆောက်လုပ်ရေး ကုမ္ပဏီများကို ခေါ်ယူတွေ့ဆုံသည် ဆိုသည့် ကိစ္စကြောင့် ဖြစ်ကြောင်း သိရသည်။

အဆိုပါ ဆောက်လုပ်ရေးကိစ္စ အတွက် လေလံလျှောက်ထားခဲ့သော Rakhine Development Cooperation (RDC) မှ ဦးသန်းမြက “အခုတောင် ဆောက်နေကြပါပြီ။ မွတ်စလင် ဒုက္ခသည်တွေအတွက်လို့ ခေါင်းစီးတပ်ပြီးတော့ မပြောပါဘူး။ကျနော်တို့ တင်တဲ့ အသုတ်မှာ ကျနော်တို့မရခဲ့ဘူး။ နောက်အသုတ်တွေတော့ မသိဘူး” ဟု ဆိုသည်။

ရခိုင်ဒီမိုကရေစီ အဖွဲ့ချုပ်မှ ဦးဦးလှမြင့်က နိုင်ငံသား မဟုတ်သော ဒုက္ခသည်များကို အိမ်ဆောက်လုပ် ပေးမည်ဆိုပါက ဥပဒေစိုးမိုးရေး၊ လုံခြုံရေးတို့ကို ဦးစွာဆောင်ရွက် ပေးပြီးမှသာ နိုင်ငံသား၊ နိုင်ငံခြားသား ခွဲခြားလက်ခံ၍ ဥပဒေနှင့်အညီ ပိုင်ဆိုင်မှု လုပ်ပေးစေလိုကြောင်း ပြောသည်။

ဆန္ဒထုတ်ဖော်မှုမှာ ၂ နာရီတွင် စတင်၍ ၃ နာရီခွဲတွင် လူစုခွဲခဲ့ပြီး လူအင်အား တသောင်းခန့်နှင့် ရဟန်းအပါး ၃၅၀ ခန့် ပါဝင်ကြောင်း သိရသည်။ 

http://burma.irrawaddy.org/archives/35171