မြန်မာပြည်ရောက်နေတဲ့ Ford က သူ့ရဲ့ ပစ္စည်းတင် အိမ်သုံးကားကို စာနယ်ဇင်းတချို့မှာ ကြော်ငြာနေပါတယ်။
နေရာမရွေး၊ ကုန်မရွေးတဲ့ဒီကားကို ကြမ်းခင်းဈေး သိန်း ၂၂ဝ လို့ ကြော်ငြာနေတာပါ။
Standard
ပစ္စည်းတင်ကား ၄ မျိုးကို သူတို့ရဲ့ မြန်မာပရိသတ်အတွက်အွန်လိုင်းမှာ ဖော်ပြထားရာမှာ အခု အပေါ်မှာ တွေ့ရတာကတော့ Standard အမျိုးအစား ဖြစ်ပါတယ်။
သိန်း ၂၂ဝ ဆိုတာ အဲဒါပါပဲ။
ပြီးတော့ XL, XLT, Wildtrack ဆိုတဲ့ ဆင်တူယိုးမှား ၃ မျိုး ရှိပါသေးတယ်။ အဲဒါတွေကိုတော့ ဈေးနှုန်း မသိရပါ။
သိန်း ၂၂ဝ ထက် ပိုမယ်လို့ ယူဆပါတယ်။
ဒီကားတွေနဲ့ ပတ်သက်တဲ့ အချက်အလက်များကို
www.ford-myanmar.com/pickups/all-new-ranger/specifications/#!specifications-options မှာ အင်္ဂလိပ်ဘာသာနဲ့ တပုံတပင် တွေ့ရမှာပါ။
ကြော်ငြာမှာ ရေးထားတဲ့ သိန်း ၂၂ဝ ဆိုတာ ခေါ်ဈေး ညှိနှိုင်းဈေး ဟုတ်ဟန် မတူ၊ အလျှော့အတင်း လုပ်မယ့်ဟန် မတူပါ။ ရောင်းဈေးကို ပြောထားပုံပါပဲ။
၂၂ဝ ကုန်ပြီးရင် အခွန်/လိုင်စင်လုပ်ဖို့ ဘယ်လောက် ထပ်ကုန်မယ်မှန်း မသိရပါ။
Ford က မြန်မာပြည်ဈေးကွက်အတွင်း ကားသစ်တွေသွင်းဖို့ ၀င်လာတဲ့ နိုင်ငံခြားကားကုမ္ပဏီများထဲမှာပထမဆုံး ဖြစ်ပါတယ်။
မိတ်အင်ဂျပန်တွေနဲ့ပိုမိုအသားကျတဲ့ မြန်မာပြည်မှာ အမေရိကန်ကားသစ်ကို ဝယ်မောင်းမယ့်သူက အကန့်အသတ်နဲ့ပဲ ရှိမယ်လို့ ယူဆစရာပါပဲ။
သို့သော်လည်း တခြားတဘက်က ဆင်ခြင်ကြည့်ရင် ကားသစ် ဝယ်လိုသူ၊ အမေရိကန်တံဆိပ်ကို အားပေးချင်သူတွေ၊ ငွေသုံးနိုင်သူတွေကတော့ အကန့်အသတ်မရှိတာ တွေ့ရမှာဖြစ်ပါတယ်။
0 comments:
Post a Comment