ဗုဒ္ဓဂ ယာ ဗုံး ကွဲ မှုကြောင့် ရွှေ တိ ဂုံနှင့် မန္တလေး မဟာမြတ် မုနိ ဘု ရား လုံ ခြုံရေး တိုးမြှင့် ပြီ

မန္တလေးမြို့ရှိ မဟာမြတ်မုနိဘုရားကို တွေ့ရစဉ် (ဓာတ်ပုံ – ဂျေပိုင် / ဧရာဝတီ)

ဗုဒ္ဓဘာသာဝင် တို့၏ အထွဋ်အမြတ်ထားရာ ဂေါတမမြတ်စွာဘုရားရှင် ပွင့်တော်မူခဲ့သော အိန္ဒိယနိုင်ငံ ဗုဒ္ဓဂယာတွင် ဇူလိုင်လ ၇ ရက်နေ့က ဗုံးပေါက်ကွဲခဲ့မှုကြောင့် ရန်ကုန်ရှိ ရွှေတိဂုံစေတီတော်နှင့် မန္တလေးမြို့ရှိ မဟာမြတ်မုနိ ဘုရားကြီးတို့တွင် လုံခြုံရေး အထူးတိုးမြှင့် ချထားလိုက်ကြောင်း သတင်းရရှိသည်။

ဗုဒ္ဓဂယာ ဗုံးခွဲ တိုက်ခိုက်ခံရမှုသည်  ဗုဒ္ဓဘာသာဝင်များ၏ အထွဋ်အမြတ်ထားရာ နေရာများကို အဓိက ဦးတည်သော ပထမဦးဆုံးအကြိမ် အကြမ်းဖက်မှုဟု ယူဆရသဖြင့် မြန်မာနိုင်ငံရှိ တန်ခိုးကြီးဘုရား၊ စေတီပုထိုးများတွင် လုံခြုံရေး တိုးမြှင့်လိုက်ခြင်း ဖြစ်ကြောင်း သိရှိရသည်။

ရန်ကုန်မြို့ရှိ တန်ခိုးကြီး ရွှေတိဂုံ စေတီတော်တွင် ဘုရားလုံခြုံရေး ၀န်ထမ်း ၂၀၄ ဦးရှိပြီး လုံခြုံရေး အစီအမံများ အတွက် မြန်မာနိုင်ငံ ရဲတပ်ဖွဲ့နှင့် ပူးပေါင်း ဆောင်ရွက်လျှက်ရှိကြောင်း၊ ဘုရား လုံခြုံရေး အဖွဲ့ဝင်များ ယခင် ၂ ရက် အလုပ်ဆင်း၊ တရက်အနားပေးသည့် စနစ်မှ တရက်အလုပ်ဆင်း၊ တရက်အလုပ်နား စနစ်သို့ ပြောင်းလဲပြီး လုံခြုံရေး အင်အား တိုးမြှင့်ထား ကြောင်း၊ ရွှေတိဂုံ စေတီတော်ကြီး အထိအခိုက် မရှိစေရန် လုံခြုံရေးကို သိသိသာသာ တိုးမြှင့်ခြင်း ဖြစ်ပြီး မြန်မာနိုင်ငံ ရဲတပ်ဖွဲ့ကပါ ပူးပေါင်း၍ လုံခြုံရေး ဆောင်ရွက်ပေးနေပြီဖြစ်ကြောင်း ရွှေတိဂုံ စေတီတော် ဂေါပကအဖွဲ့၏ ရုံးအဖွဲ့မှူး ဦးဝင်းကြိုင်က ပြောသည်။

“ကျနော်တို့ အဆင့်နဲ့ မရတော့တဲ့အတွက် ကျနော်တို့ထက်အဆင့်မြင့်တဲ့ မြန်မာနိုင်ငံရဲတပ်ဖွဲ့ ကနေ လာပြီးတော့ လုပ်ပေး နေတာပေါ့။ လုံခြုံရေးအင်အား တိုးမြှင့်ပြီးတော့ ဆောင်ရွက်နေတယ်။ ကျနော်တို့ ဘုရားလုံခြုံရေး ၀န်ထမ်းတွေက ရဲတပ်ဖွဲ့ အောက်ကို ရောက်သွားတယ်။ ရဲတပ်ဖွဲ့နဲ့ ပေါင်းလုပ်တာပါ” ဟု ဦးဝင်းကြိုင်က ရှင်းပြသည်။

လုံခြုံရေး တိုးမြှင့် ဆောင်ရွက်လျှက်ရှိရာတွင် အဓိကအားဖြင့် ဘုရားဖူး လာရောက်သူများ၏ အိတ်များကိုလည်း ယခင်က ထက် ပိုမို အရေးတယူ စစ်ဆေးလျက်ရှိပြီး လှိုင်သာယာ ရဲတပ်ရင်း ၉ မှ ရဲတပ်ဖွဲ့ဝင်များကို အရပ်ဝတ် လုံခြုံရေး ပုံစံဖြင့် ရွှေတိဂုံ စေတီတော်တွင် ဖြန့်ကျက် ချထားကြောင်း ရဲတပ်ဖွဲ့ဝင်များထံမှ သိရှိရသည်။

“ကျနော်တို့ ရဲတပ်ရင်း ၉ က လူအင်အား တော်တော်များများ ဒီကို ရောက်နေတယ်။ အထက်က ညွှန်ကြားလို့ ဒီမှာလုံခြုံရေး စောင့်နေရတာပါ” ဟု ရွှေတိဂုံစေတီတော် မြောက်ဘက် စောင်းတန်းတွင် လုံခြုံရေး တာဝန်ယူနေသော ရဲဝန်ထမ်းတဦးက ပြောသည်။

မန္တလေးမြို့၏ အထင်ကရ တန်ခိုးကြီးဘုရား တဆူဖြစ်သော မဟာမြတ်မုနိ ဘုရားကြီးတွင်လည်း ရန်ကုန်မြို့ နည်းတူ
မြန်မာနိုင်ငံ ရဲတပ်ဖွဲ့နှင့် လုံခြုံရေး ပူးပေါင်းဆောင်ရွက် နေရကြောင်း၊ မဟာမြတ်မုနိ ဘုရားကြီးတွင် လုံခြုံရေး အဆိုင်း ၄ ဆိုင်း ခွဲထားပြီး တဆိုင်းလျှင် ၁၅ ဦးစီဖြင့် ဘုရားကြီးကို လှည့်ပတ် စစ်ဆေးလျှက်ရှိကြောင်း မဟာမြတ်မုနိ ဘုရားကြီး ဂေါပကအဖွဲ့ အတွင်းရေးမှူး ဦးစိန်သင်က ပြောသည်။

“ကျောပိုးအိတ်တွေကို ဘုရားကြီးထဲ ယူခွင့် မပေးတော့ဘူး။ တခြား ပစ္စည်းတွေကိုလည်း ယူခွင့်မပေးဘူး။ သေတ္တာထဲမှာ အပ်ခိုင်းတယ်။ ကျောက်ဆည်မှာကော၊ ပြင်ဦးလွင် မဟာအံ့ထူး ကံသာမှာပါ လုံခြုံရေးတွေ တိုးချ ထားတယ်လို့ သိရတယ်” ဟု မန္တလေးမြို့ အခြေစိုက် ဧရာဝတီ သတင်းထောက် မန်းသားလေးက ပြောသည်။

ဗုဒ္ဓဂယာ ဗုံးခွဲခံရမှု သတင်းကြောင့် မြန်မာနိုင်ငံမှ အိန္ဒိယနိုင်ငံ ဗုဒ္ဓဂယာသို့ ဘုရားဖူးသွားရောက်မည့်သူ အရေအတွက် လျော့ကျသွားဖွယ် ရှိကြောင်း၊ ယခုအချိန်သည် ဘုရားဖူးရာသီ မဟုတ်သော်လည်း ယခင်နှစ်များက ဗုဒ္ဓဂယာ ဘုရားဖူး သွားရောက်သူ သောင်းဂဏန်းရှိကြောင်း ဗုဒ္ဓဂယာ ဘုရားဖူး ခရီးစဉ်များ သီးသန့် ပို့ဆောင် ပေးနေသော ရွှေတော်ဝင် ခရီးသွားလုပ်ငန်းမှ ဒေါက်တာ သန်းဇော်ဝင်းက ဆိုသည်။

“ဗုဒ္ဓဂယာ ခရီးသွားရာသီက စက်တင်ဘာ လပိုင်းအကုန်မှ စတယ်ဆိုပေမယ့် ဒီဗုံးသတင်းကြောင့် ဘုရားဖူးတွေ တွန့်သွား နိုင်တယ်။ နောက်ဆုတ် သွားနိုင်တယ်။ ပြီးခဲ့တဲ့ နှစ်လောက်တော့ သွားကြမှာ မဟုတ်တော့ဘူး” ဟု ဒေါက်တာ သန်းဇော်ဝင်းက သုံးသပ်သည်။

ဗုဒ္ဓဂယာတွင် ဗုံးခွဲ တိုက်ခိုက်ခံရမှုသည် အိန္ဒိယနိုင်ငံ၏ အကြမ်းဖက်မှု သမိုင်းတွင် ဖြစ်တောင့်ဖြစ်ခဲ ရှားပါးသော ဖြစ်စဉ် တခုဖြစ်ပြီး  မြန်မာနိုင်ငံတွင် ဗုဒ္ဓဘာသာဝင်များနှင့် အစ္စလမ် ဘာသာဝင်များ အကြား ပဋိပက္ခများ ဖြစ်ပွားခဲ့သောကြောင့် ဖြစ်နိုင်ကြောင်း၊ အိန္ဒိယနိုင်ငံရှိ  အစ္စလမ် ဘာသာဝင် မူဂျာဟစ်ဒင်များက လက်တုံ့ပြန်မှု ဖြစ်နိုင်ကြောင်း အိန္ဒိယ သတင်းစာ များက ရေးသား ဖော်ပြကြသည်။

ဗုဒ္ဓဂယာ ဗုံးခွဲခံရမှုဖြစ်စဉ်နှင့် ဆက်စပ်သော သံသယရှိသူ ၂ ဦး၏ ဓာတ်ပုံကို အိန္ဒိယရဲတပ်ဖွဲ့က ထုတ်ပြန်လိုက်ပြီး မြန်မာ နိုင်ငံသို့ အလည်အပတ် ရောက်ရှိ နေသော အိန္ဒိယ နိုင်ငံခြားရေးဝန်ကြီး Ranjan Mathai က မြန်မာနိုင်ငံခြားရေး ၀န်ကြီး ဦးဝဏ္ဏမောင်လွင်နှင့် တွေ့ဆုံကာ ဗုဒ္ဓဂယာ ဗုံးခွဲတိုက်ခိုက်ခံရမှု၏ နောက်ဆုံး စုံစမ်းစစ်ဆေးမှု ရလဒ်များကို မြန်မာအစိုးရနှင့် သတင်းဖလှယ် ပူးပေါင်း ဆောင်ရွက်သွားမည်ဟု ကတိပြုလိုက်ကြောင်း အိန္ဒိယနိုင်ငံမှလာသော သတင်းများတွင် ဖော်ပြထားသည်။

ဗုဒ္ဓဂယာ ဗုံးခွဲတိုက်ခိုက်ခံရမှုတွင် ဒဏ်ရာရရှိခဲ့သူ ၂ ဦးအနက် တဦးမှာ  မြန်မာနိုင်ငံမှ အိန္ဒိယနိုင်ငံသို့ စာသွားရောက် သင်ယူနေသော ရဟန်းတပါး ဖြစ်ပြီး ရရှိသောဒဏ်ရာမှာ အသက် အန္တရာယ် စိုးရိမ်စရာမရှိဟု သိရှိရသည်။ 

http://burma.irrawaddy.org/archives/44041