ညောင်ဦးမြို့နယ်တွင် အမျိုးသား ဒီမိုကရေစီ အဖွဲ့ချုပ် ရုံးဖွင့်ပွဲနှင့် ဆိုင်းဘုတ်တင်ပွဲ ကျင်းပ

မန္တလေးတိုင်းဒေသ ကြီးအတွင်း ရှိ ညောင်ဦးမြို့ နယ်၊ အမှတ် (၄)နယ်မြေ၊ တိုက်ကုန်းရပ်တွင် အမျိုးသားဒီမိုကရေစီအဖွဲ့ချုပ် ရုံးဖွင့်ပွဲ နှင့် ဆိုင်း ဘုတ်တင် ပွဲကို မတ်လ ၃၀ ရက်နေ့၊နံနက် ၁၀ နာရီက ကျင်းပခဲ့ကြောင်း သတင်းရရှိ ပါသည်။ အဆိုပါရုံးဆိုင်းဘုတ်တင်ပွဲနှင့် ရုံးဖွင် ပွဲသို့ မြို့ခံ အမျိုးသားဒီမိုကရေစီ အဖွဲ့ချုပ် ပါတီဝင်များ သာမက ပခုက်္ကူ ၊မြစ်ခြေ၊ချောက်၊ ကျောက်ပန်းတောင်း၊မြင်းခြံတို့မှ ပါတီဝင် များလည်း တက်ရောက် လာခဲ့ကြောင်းသိရသည်။

““ကိုးနာရီလောက်ကနေ ဆယ့်နှစ် နာရီ လောက်အထိ လမ်းမပေါ်မှာ ပရိတ်သတ်တွေအပြည့်ပဲ။နိုင်ငံခြားသားဧည့်သည်တွေလည်းလာကြတယ်။ဓာတ်ပုံတွေ ရိုက်ကြတယ်။ အခြားမြို့တွေကော၊မြို့ခံတွေရောဆိုတော့ လမ်းတောင် ဘုရား ဖူးကားတွေ၊ ဧည့်ကားတွေတောင်မနည်းစောင့်ပြီး သွားကြရတယ်””ဟု ဒေသခံ တစ်ဦးပြောပါသည်။

အခမ်းအနားကို အစီအစဉ် (၁၃)ခုဖြင့်ကျင်းပခဲ့ပြီးအခမ်းအနားမှူးအဖြစ်သတင်း၊မှတ်တမ်းပြန်ကြားရေးတာဝန်ခံဦးမြင့်ခိုင် မှ ဆောင်ရွက်ကာ ၊ယာယီအလုပ် အမှုဆောင် ဥက်္ကဋ္ဌဦးတင်ငွေ မှအမှာစကားပြောကြားခဲ့ပြီး၊ဒုဥက်္ကဋ္ဌ ဦးမြင့်ဦး၊ဦးလှကိုတို့မှ ဖဲကြိုးဖြတ် ဖွင့်လှစ်ပေး ခဲ့ကြောင်း သိရသည်။ ဖွင့်ပွဲအကြိုနေ့တွင် ညောင်ဦးအမျိုးသားဒီမိုကရေစီအဖွဲ့ချုပ်ရုံး ရံပုံငွေအရောင်းဆိုင်တွင် ၀ယ်ယူအား ပေးသူများ များပြား ခဲ့ကြောင်း လည်းသိရသည်။      http://www.yoyarlay.com/local-news/