ကမ္ဘာ့လစာအများဆုံးရ နည်းပြအဖြစ် ဂျိုဆေး မော်ရင်ညို ရပ်တည်

မနေ့က ပြင်သစ်ဘောလုံးမဂ္ဂဇင်း၏ စစ်တမ်းကောက်ယူချက်အရ ရီးရဲလ်နည်းပြ မော်ရင်ညို သည် တစ်နှစ်လစာ ယူရို (၁၄.၈)သန်း ရရှိပြီး၊ ကမ္ဘာ့လစာအများဆုံးရမန်နေဂျာများစာရင်းတွင် ထိပ်ဆုံးမှ ရပ်တည်နိုင်ခဲ့ကြောင်း သိရှိရသည်။ ထို့အပြင် ချယ်လ်ဆီးနည်းပြဟောင်းဖြစ်သည့် ကားလို့စ် အန်ဆယ်လော့တီမှာလည်း တစ်နှစ်လစာ ယူရို (၁၃.၅)သန်းဖြင့် ဒုတိယနေရာရရှိခဲ့ပြီး၊ အခြား ချယ်လ်ဆီးနည်းပြဟောင်းတစ်ယောက်ဖြစ်သည့် ဂူးစ် ဟစ်ဒင့်ခ်မှာမူ (၈.၆)သန်းဖြင့် အဆင့် (၅)နေရာတွင် ရပ်တည်နိုင်ခဲ့သည်။ မကြာသေးခင်နှစ်များတွင် ဘာစီလိုနာအသင်းအား အောင်မြင်မှုများစွာ ရရှိအောင် စွမ်းဆောင်ပေးထားသည့် ဂွာဒီယိုလာမှာမူ မော်ရင်ညိုလောက် လစာမရရှိပဲ၊ တစ်နှစ်လုပ်ခလစာ ယူရို (၉.၅)သန်းဖြင့် အဆင့် (၃)နေရာတွင်သာ ရပ်တည်နိုင်ခဲ့သည်။ အာဆင်နယ်အသင်းအနေဖြင့် ခုနှစ်နှစ်ဆက် ဖလားလက်မဲ့ရာသီ ကြုံတွေခဲ့ရသော်လည်း၊ အာစင်ဝင်းဂါးမှာမူ တစ်နှစ် ယူရို (၉)သန်း ရရှိပြီး၊ ပရီးမီးယားလိဂ်နည်းပြများတွင် လစာအများဆုံးရ နည်းပြဖြစ်ခဲ့သလို၊ ကမ္ဘာ့လစာအများဆုံးရနည်းပြများစာရင်းတွင်လည်း အဆင့်(၄)နေရာ ရရှိခဲ့သည်။ မန်စီးတီးနည်းပြ မန်စီနီမှာမူ ပရီးမီးယားလိဂ်ပြိုင်ပွဲတွင် ပြိုင်ဘက်မန်ယူအသင်းနောက်မှ လိုက်နေရသလို၊ ကမ္ဘာ့လစာအများဆုံးရနည်းပြများစာရင်းတွင်လည်း ဖာဂူဆန်၏နောက်တွင် ရပ်တည်နေရသည်။ ဖာဂူဆန်သည် ယူရို (၈)သန်းဖြင့် အဆင့် (၇) နေရာ ရရှိခဲ့ပြီး၊ မန်စီနီမှာမူ ယူရို (၅.၉)သန်းဖြင့် အဆင့် (၁၀)သာ ချိတ်ခဲ့သည်။ အင်္ဂလန်နည်းပြဟောင်း ကာပယ်လိုမှာမူ အင်္ဂလန်အသင်းအား နည်းပြခဲ့သည့်အတောအတွင်း လုပ်ခ လစာ ယူရို (၈.၅)သန်းရရှိခဲ့သဖြင့် အဆင့် (၆) နေရာ ရရှိခဲ့သည်။ ရုရှားလက်ရွေးစင်အသင်းအား နည်းပြနေသည့် ဒစ် အက်ဗိုကတ်မှာမူ ယူရို (၇)သန်းဖြင့် အဆင့် (၈)နေရာ ရရှိခဲ့သလို၊ တရုတ်လက်ရွေးစင်အသင်းအား နည်းပြနေသည့် ရီးရဲနည်းပြဟောင်း ကမာချိုမှာမူ ယူရို (၆.၁)သန်းဖြင့် အဆင့် (၉) နေရာ၌ ရပ်တည်နိုင်ခဲ့သည်။ ကမ္ဘာ့လစာအများဆုံးရ ထိပ်တန်းနည်းပြ (၁၀)ဦးစာရင်းမှာ အောက်ပါအတိုင်းဖြစ်သည်။ (၁) ဂျိုဆေးမော်ရင်ညို (ရီးရဲလ်မက်ဒရစ်)                  ယူရို (၁၄.၈)သန်း (၂) ကားလို့စ် အန်ဆယ်လော့တီ (ပီအက်စ်ဂျီ)            ယူရို (၁၃.၅)သန်း (၃) ပက်ပ် ဂွာဒီယိုလာ ( ဘာစီလိုနာ )                     ယူရို (၉.၅)သန်း (၄) အာစင်ဝင်းဂါး (အာဆင်နယ်)                           ယူရို (၉)သန်း (၅) ဂူးစ် ဟစ်ဒင့်ခ် (အန်ဇီ)                                   ယူရို (၈.၆)သန်း (၆) ဖေဘီယို ကာပယ်လို (အင်္ဂလန်နည်းပြဟောင်း)       ယူရို (၈.၅)သန်း (၇) ဆာ အဲလက်စ် ဖာဂူဆန် (မန်ယူ)                       ယူရို (၈)သန်း (၈) ဒစ် အက်ဗိုကိတ် (ရုရှား)                                 ယူရို (၇)သန်း (၉) ဂျိုဆေး ကမာချို (တရုတ်)                               ယူရို (၆.၁)သန်း (၁၀) ရောဘတ်တို မန်စီနီ (မန်စီးတီး)                        ယူရို (၅.၉)သန်း

Written by : ပီတာလေး    2012-03-20 12:34:00

http://mutdfan.com/index.php/readmore/post/41887