ဆရာနော်မိန်း

အရပ်ရှည်ရှည် ထောင်ထောင်မောင်းမောင်း၊ နှစ်လိုဖွယ်ရာအပြုံးနှင့် ကင်မရာတခုခုကို အမြဲကိုင်ဆောင်ထားတတ်သူ၊ ဇာတ်ညွှန်း၊ ဇာတ်ဖွဲ့ တခုခုကို အမြဲတွေးတောစဉ်းစားနေတတ်သူ၊ ဇာတ်ကားရိုက်ခြင်းကို ဝါသနာထုံသူ ဆရာနော်မိန်းအား ၂ဝဝဝ ခုနှစ်၊ မတ်လ၌ ကချင်နှစ်ခြင်း ခရစ်ယာန်အဖွဲ့ချုပ်ရုံးတွင် ကချင်နှစ်ခြင်းခရစ်ယာန်အဖွဲ့ချုပ်၊ လူငယ်ဌာနမှကြီးမှူးကျင်းပသော လူငယ်ခေါင်းဆောင်အမြင်ဖွင့်သင်တန်း တစ်ခုတွင် စတင်သိကျွမ်းခင်မင်ရင်းနှီးခဲ့ပါသည်။

ဆရာနော်မိန်းအား လူချင်းမရင်းနှီးခင်ကတည်းကပင်၊ ဆရာရေးသားသောဆောင်းပါးများကို ဖတ်ရှုလေ့လာ၍ လေးစားခင်မင်မိခဲ့ပါသည်။ အထူးသဖြင့် ဆရာနော်မိန်းသည် မြန်မာနိုင်ငံ ဓမ္မတက္ကသိုလ်ကျောင်းတော်ကြီး၌ရယူရန် ကျောင်းသူ/သားတိုင်း မက်မောသော ဦးချစ်မောင် ဆုကိုရရှိသူ အဖြစ်လည်း လေးစားအားကျမိခဲ့ပါသည်။

ဆရာနော်မိန်းသည် ရရှိသောမိမိအခွင့်အရေးထက် လူ့အတိုင်းအဝိုင်းအတွက် ပေးဆပ်မှုကို ပို၍အလေးတစားဆောင်ရွက်ခဲ့သူတစ်ဦးဖြစ်သည်။ မြန်မာနိုင်ငံဓမ္မတက္ကသိုလ်၌ ဓမ္မပညာကို ထူးချွန်စွာအောင်မြင်ခဲ့သောကြောင့် ဓမ္မတက္ကသိုလ် (အင်းစိန်) ၌ တာဝန်ထမ်းဆောင်ရန်နှင့် ကျောင်း၏အစီစဉ်ဖြင့် နိုင်ငံရပ်ခြားသို့ပညာတော်သင်စေလွှတ်ရန် ရွေးချယ်ခြင်းခံရသော်လည်း ဖွံ့ဖြိုးမှုနည်းပါးသော၊ လူတိုင်းသွားရောက် တာဝန်မထမ်းဆောင်ချင်သော မိမိဒေသ မန်တုံကျေးရွာသို့ပြန်၍ အမှုတော်ထမ်းခဲ့သူဖြစ်ပါသည်။

ဆရာနော်မိန်းသည် ရှမ်းပြည်မြောက်ပိုင်း၊ မန်တုံကျေးရွာကလေးတွင် အမှုတော်ဆောင်ရင်း ဒေသဖွံ့ဖြိုးရေး၊ လူငယ်များကိုပြုစုပျိုးထောင် သောလုပ်ငန်းရပ်နှင့် ဒေသအာဏာပိုင်များ၏ ဖိနှိပ်ခံဒေသခံများအတွက် ရပ်တည်ဆောင်ရွက်ခဲ့သူတစ်ဦးဖြစ်ပါသည်။

မန်တုံကျေးရွာတွင် ဘုရားရှိခိုးကျောင်းဆောက်လုပ်မှုတွင် ခေါင်းဆောင်ခဲ့မှုအတွက် မြန်မာစစ်တပ်၏ရိုက်နှက်၊ ဖမ်းဆီးချုပ်နှောင်မှုကိုလည်း ခံခဲ့ရသည်။ ဒေသခံရွာသူ/သားများကို မြန်မာစစ်တပ်မှ ပေါ်တာဆွဲခြင်း၊ မတရားဖမ်းဆီးခြင်းများအတွက် မားမားမတ်မတ်ရပ်တည်၍ကာကွယ် ခဲ့သောကြောင့်လည်း စစ်တပ်၏စောင့်ကြည့်ခံရမှုနှင့် ဖမ်းဆီးစစ်ဆေးခြင်း မကြာခဏခံရသူဖြစ်ပါသည်။

၂ဝဝ၂ ခုနှစ်မှစ၍ ဆရာနော်မိန်းသည် ကချင်လူငယ်များစုဖွဲ့၍ ကချင်လူငယ်များ၏အနာဂတ်အတွက် စီးပွားရေး၊ ပညာရေးနှင့် ဖွံ့ဖြိုးရေးအစီအစဉ်ဆောင်ရွက်ရာတွင် တက်ကြွစွာဦးဆောင်ပါဝင်ခဲ့သော ခေါင်းဆောင်တစ်ဦးဖြစ်သည်။ ၂ဝဝ၃ ခုနှစ်တွင် ဆရာနော်မိန်းသည်၊ မိုင်ဂျာ ယာန်မြို့လေးတွင် Sinprawbum media အမည်ဖြင့် လူငယ်ပညာပေး ဇာတ်ကားများရိုက်ကူးခြင်း၊ ဒေသလူငယ်များအတွက် Computer သင်တန်းများဖွင့်လှစ်ခြင်းလုပ်ငန်းများနှင့်တွဲဘက်၍ သတင်းလောကတွင် ကျင်လည်ခဲ့သူဖြစ်ပါသည်။

၂ဝ၁၁ ခုနှစ်၊ ဇွန်လတွင်စတင်ခဲ့သော ပြည်တွင်းစစ်ကာလအတွင်း ကချင်လူငယ်တစု စုပေါင်း၍ Kachinland News သတင်းဌာနကို စတင် တည်ထောင်ရာတွင်လည်း ဆရာနော်မိန်းသည် တက်ကြွစွာပါဝင်ခဲ့ပြီး၊ Kachinland News သတင်းဌာန၏ သတင်းထောက်ချုပ် တာဝန်ကိုယူ ခဲ့သူဖြစ်ပါသည်။

ဆရာနော်မိန်းအား အမှတ်တရဖြစ်မိခဲ့သောဖြစ်စဉ်များမှာ ၂ဝဝ၃ ခုနှစ်တွင် Hkinlum ပညာရေးမြှင့်တင်ရေးအဖွဲ့၏ ရံပုံငွေရှာရေး အစီ အစဉ်တရပ်အဖြစ် မြစ်ကြီးနား၊ ကချင်ဓမ္မတက္ကသိုလ် (KTC) နောင်နန်းခန်းမတွင်ပြုလုပ်သောစတိတ်ရှိုးတွင် Live show VCD ထုတ်လုပ် ရန်အတွက် ဆရာနော်မိန်းအား လာရောက်ရိုက်ကူးပေးရန် အကူအညီတောင်းခံခဲ့ပါသည်။

ဆရာနော်မိန်းသည် မိုင်ဂျာယာန်မှ တရုတ်နယ်စပ်ဖြတ်ကျော်၍ လိုင်ဇာ (မိုင်ပေါင်း ၂ဝဝ ကျော်) လိုင်ဇာမှ မြစ်ကြီးနား (မိုင်ပေါင်း ၈ဝ ကျော်) ထိုအချိန်ကားလမ်း၊ လမ်းကြမ်းခရီးကို တစ်ရက်နှင့်အရောက်လာ၍ ကူညီခဲ့သည်။ ထိုသို့ကူညီရာတွင် Hkinlum ပညာရေးအစီအစဉ်မှ လမ်း စရိတ်တစ်ပြားတစ်ချပ်မှ မထောက်ပံ့ပေးနိုင်ခဲ့ပါ။ ဆရာနော်မိန်းသည် လူမှုရေးလုပ်ငန်းဆောင်ရွက်ရာတွင် ငွေကြေးအဖိုးအခကိုမကြည့်ဘဲ ဆောင်ရွက်တတ်သူအဖြစ် ယနေ့တိုင်အမှတ်ရနေမိပါသည်။ Hkinlum ပညာဒါနအဖွဲ့သည် ကချင်ပြည်နယ်၊ မြစ်ကြီးနားတွင် ၃ နေရာ၊ ဗန်း မော်မြို့တွင် တစ်နေရာ၊ ဒေသတွင်းရှိ လူမျိုးမရွေး၊ဘာသာမရွေး လူငယ်များ၏ တက္ကသိုလ်ဝင်တန်းဖြေဆိုမည့် ကျောင်းသား/သူများအား အခမဲ့သင်ကြားပေးနေသော လူမှုအခြေပြုပရဟိတအဖွဲ့ဖြစ်ပါသည်။

ဆရာနော်မိန်းသည် သတင်းများရေးသားရာတွင်လည်း အလွန်စေ့စပ်တည်းဖြတ်တတ်သူဖြစ်သည်။သတင်းတပုဒ်ကို ခိုင်မာမှု၊ သေချာမှုကို အလွန်တန်ဖိုးထားတတ်သူဖြစ်ကြောင်း ကျွန်တော်နှင့် Kachinland သတင်းဌာနတွင် အတူအလုပ်လုပ်ရင်း သိခဲ့ရသည်။ ဆရာနော်မိန်းသည် သူ၏ဇာတိ မန်တုံကျေးရွာတွင် ဘုရားရှိခိုကျောင်းတည်ဆောက်နိုင်ရန် အထူးကြိုးစားခဲ့သူဖြစ်သည်။ လွတ်လပ်စွာကိုးကွယ်ခွင့်ရှိ သည်ဟုဆို သော်ငြားလည်း မန်တုံရွာကလေးတွင် နှစ်ခြင်းခရစ်ယာန် ဘုရားရှိခိုးကျောင်းတည်ဆောက်ခြင်းကို ဒေသဆိုင်ရာအာဏာပိုင်များက ခြိမ်း ခြောက်ဟန့်တားခြင်း၊ အနှောင့်အယှက်ပေးခြင်းများပြုခဲ့သည်။ သို့သော်လည်း ဆရာနော်မိန်းသည် စိတ်ရှည်သည်းခံကာ ရဲရင့်စွာဖြင့် အာ ဏာပိုင်များနှင့်ညှိနှိုင်းကာ ၃ နှစ်အတွင်း ဘုရားရှိခိုးကျောင်းဆောက်လုပ်ပြီးစီးအောင် ကြိုးပမ်းခဲ့သည်။ သို့သော် ဘုရားရှိခိုးကျောင်း အနု မောဒနာပြုပွဲသို့တက်ရောက်ရမည့်အချိန်တွင် နိုင်ငံရပ်ခြား တရုတ်နိုင်ငံကူမင်းဆေးရုံတွင် သေမင်းနှင့်အံတုဖက်ပြိုင်နေရပါသည်။

အကြောင်းမှာ ၂ဝ၁၁ ဇွန်လ ၉ ရက်နေ့တွင် ပြန်လည်စတင်ခဲ့သော ကချင်မြေအတွင်း ပြည်တွင်းစစ်ဖြစ်နေစဉ် ဆရာနော်မိန်းသည် Kachinland ဝက်ဆိုက်၏သတင်းထောက်ချုပ်၊ တာဝန်ကိုယူကာအန္တာရယ်များသောတိုက်ပွဲဖြစ်နေသည့်နေရာသို့ သူကိုယ်တိုင် သတင်းယူနေစဉ် မြန်မာအစိုးရစစ်တပ်မှပစ်ခတ်သော သေနတ်ကျည်ဆံထိမှန်ကာ လည်ပင်းအောက်ပိုင်း ခန္ဓာကိုယ်တခုလုံး မလှုပ်ရှားနိုင်ဖြစ်ခဲ့ရသည်။ လက်ရှိအချိန်တွင် ဆရာကတော်နှင့် ချစ်စရာသမီးလေးတစ်ယောက်သည် ဆရာနော်မိန်းအနားတွင် ပြုစုပေးနေရသည်။

ဆရာနော်မိန်းသည် မိမိပတ်ဝန်းကျင်ရှိလူငယ်များအား လူသားတစ်ယောက်အနေဖြင့် အရေးကြီးသည့် ရှင်သန်ရပ်တည်မှုအပြင် ချစ်ခြင်း မေတ္တာ၊ စိတ်နှလုံးနှိမ့်ချခြင်းများနှင့် လူ့အဖွဲ့အစည်းအား အကျိုးပြုစေလိုပြီး လူသားဆန်စွာ အသက်ရှင်သန်ရန် စံနမှုနာပြနေထိုင်သည့် လူသားတစ်ဦးဖြစ်ပါသည်။ ဘဝကို ရိုးသားစွာဖြတ်သန်းပြီး သူတပါးအကျိုးအား အမြဲကူညီတတ်သူတစ်ဦးလည်းဖြစ်ပါသည်။

နှစ်ပေါင်းများစွာ ရင်းနှီးလာခဲ့သည့် မိတ်ဆွေအနေနှင့်လည်းကောင်း၊ အစ်ကိုတယောက်အနေဖြင့်လည်းကောင်း၊ ဆရာတယောက်အနေ ဖြင့်လည်ကောင်း ဆရာနော်မိန်းသည် လူသားဆန်စွာ အသက်ရှင်သူတယောက်၊ လူမှုအဖွဲ့အစည်းအား အကျိုးပြုသည့်လူတယောက်၊ ဇနီးမယားနှင့် သူ၏ချစ်သမီးလေးအပြင် ပတ်ဝန်းကျင်အား ချစ်ခြင်းမေတ္တာပြ ဂရုစိုက်သူတယောက်၊ သူ၏နိုင်ငံနှင့် လူမျိုးအား အလွန်ချစ်မြတ် နိုးသူတယောက်၊ စိတ်ရှည်သည်းခံကာ နှိမ့်ချနိုင်လွန်းသူတယောက်ဖြစ်ကြောင်း ကျွန်တော့်အနေဖြင့် ရင်ထဲမှ လေးလေးနက်နက် လက်ခံ ယုံကြည်ထားပါသည်။

● ဆရာနော်မိန်း၏ ကိုယ်ရေးအကျဉ်း
အမည် - လဖိုင်နော်မိန်း
မွေးသက္ကရာဇ် - ၁၉၆၈ ခုနှစ်၊ မေလ (၁၁) ရက်
လူပျိုး - ကချင်
ကိုးကွယ်သည့်ဘာသာ - နှစ်ခြင်းခရစ်ယာန်
ပညာအရည်အချင်း - B.Th, B.D, B.A (Hist)
အလုပ်အကိုင် - Sinpraw Bum Media (ဆင်ပရော့ဘွမ် မီဒီယာ)
မိဘအမည် - ဒူဝါလဖိုင်ဇော်ရစ် (ကွယ်လွန်) နှင့် ဒူဂျန် အင်ဒေါင်လုဘောက်
နေရပ်လိပ်စာ- မန်ဒုံကျေးရွာ၊ နမ္မတူမြို့နယ်၊ ရှမ်းပြည်မြောက်ပိုင်း။
ဇနီး/သားသမီးများ - ဒေါ်အင်ခွန်ဆိုင်းအောင် (ဇနီး)၊ မ လဖိုင်နန်ဆိုင်းပန် (သမီး)
ဆက်သွယ်ရန်လိပ်စာ - Sinpraw Bum Media (ဆင်ပရော့ဘွမ် မီဒီယာ)၊ ရပ်ကွက် (၅)၊ မိုင်ဂျာယန်။

● နောက်ကြောင်းအကျဉ်း
ရှမ်းပြည်မြောက်ပိုင်း၊ နမ္မတူမြို့နယ်၊ မန်ဒုံကျေးရွာတွင်မွေးဖွားပြီး အဋ္ဌမတန်းအထိ ပညာသင်ကြားခဲ့သည်။ ၁၉၈၆ ခုနှစ်၊ ဒဿမတန်း အောင်မြင်ခဲ့ပြီး ၁၉၈၈ ခုနှစ်တွင် ရန်ကုန်မြို့၊ မြန်မာနိုင်ငံဓမ္မတက္ကသိုလ် အင်းစိန်သို့တက်ရောက်ပြီး B.Th ဘွဲ့ရရှိခဲ့သည်။ ထို့နောက် မန်ဒုံကချင်နှစ်ခြင်းခရစ်ယာန်အသင်းတော်တွင် ဓမ္မအမှုဆောင်အဖြစ် (၁) နှစ်ဆက်ကပ်ခဲ့သည်။

ကွတ်ခိုင်မြို့၊ ကချင်နှစ်ခြင်းခရစ်ယာန် ဓမ္မကောလိပ်တွင်လည်း (၁) နှစ်တာဝန်ထမ်းဆောင်ခဲ့ပြီး မြန်မာနိုင်ငံ ဓမ္မတက္ကသိုလ်၊ အင်းစိန်တွင် B.D ဘွဲ့ထပ်မံရယူခဲ့သည်။ ကျောင်းတက်နေချိန် ဓမ္မတက္ကသိုလ် ကချင်ကျောင်းသားများ မိတ်သဟာရအဖွဲ့ ဥက္ကဋ္ဌတာဝန်ကိုလည်း ထမ်း ဆောင်ခဲ့သည်။

ကျောင်းတက်နေချိန် ကချင်ဘာသာမဂ္ဂဇင်းများတွင် အသိပညာပေးဆောင်းပါးများရေးသားခဲ့သည်။ လူငယ်ဖွံ့ဖြိုးရေးအစီအစဉ်များတွင် လည်း တက်ကြွစွာပါဝင်ခဲ့သည်။ မန္တလေးအဝေးသင်တက္ကသိုလ်မှလည်း သမိုင်းဘာသာအဓိကဖြင့် BA ဘွဲ့ရယူနိုင်ခဲ့သည်။ မွေးရပ်မြေ မန်ဒုံကချင်နှစ်ခြင်း ခရစ်ယာန်အသင်းတော်တွင် ဓမ္မအမှုတော်ဆောင်အဖြစ် ပြန်လည်ဆက်ကပ်ပြီး၊ ရှမ်းပြည်နယ်ဇုံနယ် ကချင်နှစ်ခြင်းခရစ် ယာန်အဖွဲ့ချုပ်၊ လူငယ်ဌာန၏တာဝန်ခံအဖြစ်လည်း တာဝန်ထမ်းဆောင်ခဲ့သည်။

၂ဝဝ၂ ခုနှစ်တွင် မီဒီယာလုပ်ငန်းအဓိကလုပ်ကိုင်ရန်အတွက် မိုင်ဂျာယန်တွင် Sinpraw Bum Media (ဆင်ပရော့ဘွမ်မီဒီယာ) လုပ်ငန်းကို အဓိကဦးဆောင်လုပ်ကိုင်လျက်ရှိသည်။ လူငယ်များအား မီဒီယာနှင့်ပတ်သက်သည့်သင်တန်းများကို ပို့ချခြင်း၊ ကေအိုင်အိုအဖွဲ့၏ သတင်း မှတ်တမ်းဌာနတွင် ကူညီပံ့ပိုးခြင်း၊ ကချင်စကားပြော ဗီဒီယိုဇာတ်လမ်းများ တာဝန်ယူရိုက်ကူးခြင်းလုပ်ငန်းများ လုပ်ကိုင်လျှက်ရှိသည်။ ၂ဝ၁၁ ခုနှစ်တွင် Kachinlandnews Web Site ကို တက်ကြွသည့်ကချင်လူငယ်တစ်စုနှင့်လက်တွဲ၍ ဦးဆောင်တည်ထောင်ခဲ့သည်။

● အဓိကလုပ်ဆောင်ချက်များ-
(၁) ကချင်စကားပြော ပညာပေး ဗီဒီယိုဇာတ်လမ်းရိုက်ကူးခြင်း
(၂) ကချင်ရိုးရာသီချင်းများ ပြန်လည်ဖော်ထုတ်ရိုက်ကူးဖြန့်ချိခြင်း
(၃) လူငယ်အသိပညာပေးဇာတ်လမ်းတိုများ ရိုက်ကူးခြင်း၊ မဂ္ဂဇင်းစာစောင်များတွင် ဆောင်းပါးများရေးသားခြင်း။
(၄) လူငယ်ဖွံ့ဖြိုးရေးအစီအစဉ် EEDY (Education and Economic Development for Youth) တွင် တက်ကြွစွာ ပါဝင်လှုပ်ရှားခဲ့သည်။                                    (၅) ၁၉၉၇ ခုနှစ်အတွင်း ကချင်စကားပြော ဗွီဒီယိုဇာတ်လမ်း (Galoi Mi She) ဇာတ်ကား တာဝန်ယူရိုက်ကူးခြင်းကြောင့် တပ်မတော်ထောက် လှမ်းရေးမှ ဖမ်းဆီးစစ်ကြောခြင်း၊ စောင့်ကြည့်ခံရခြင်းများရှိခဲ့သည်။
(၆) Kachinandnews Web Site ၏ Cheif Reporter တာဝန်ထမ်းဆောင်ရင်; ရှေ့တန်းစစ်မျက်နှာတွင် သတင်းရယူရိုက်ကူးစဉ် ကျည်ဆံ ထိမှန်ဒဏ်ရာရရှိမှုကြောင့် ယခုအချိန်တွင် တဖက်နိုင်ငံဆေးရုံတွင် ဆေးဝါးကုသမှုခံယူလျှက်ရှိသည်။

● ဖြစ်စဉ်ဖြစ်ပွားခြင်း။
ရက်စွဲ - ၄၊ ၁ ၊ ၂ဝ၁၂
နေရာ - ကောင်းဝဲတိုက်ပွဲ၊ စိန်လုံဒေသ (ကေအိုင်အေ၊ တပ်မဟာ(၃) ဧရိယာ)
တဖက်တပ် - တပ်မ (၈၈) လက်အောက်ခံတပ်ရင်းများ              http://moemaka.blogspot.com/2012/03/zaw-thit-naw-maine.html?utm_source=feedburner&utm_medium=email&utm_campaign=Feed%3A+blogspot%2FLZqAU+%28%E1%80%99%E1%80%AD%E1%80%AF%E1%80%B8%E1%80%99%E1%80%81+%E1%80%99%E1%80%AE%E1%80%92%E1%80%AE%E1%80%9A%E1%80%AC+-++MoeMaKa+News+%26amp%3B+Media%29