ရုပ်ရှင်လောကသားများ ပျော်ပျော်ရွှင်ရွှင် ပါဝင်မဲပေးတဲ့ မြန်မာနိုင်ငံရုပ်ရှင်အစည်း အရုံးအမှုဆောင်သစ် ရွေးပွဲ

မတ်လ၂၃ရက်နေ့မှာ မြန်မာနိုင်ငံရုပ်ရှင် အစည်းအရုံးဝင်းအတွင်း မနက်ပိုင်းကတည်းက အနုပညာရှင်များ၊ အတတ်ပညာရှင်များ စုရုံးပြီး မြန်မာနိုင်ငံရုပ်ရှင်အစည်း အရုံး ပြန်လည်ရွေးချယ် တင်မြှောက်ပွဲကို ရောက်ရှိလာကြပါတယ်။ အစည်းအရုံးဝင်းအတွင်း သတင်းမီဒီယာများကလည်း ဓာတ်ပုံရိုက်သူကရိုက်၊ အင်တာဗျူးသူက ဗျူးနဲ့ ရုပ်သံမီဒီယာလိုင်းများ ကလည်းပရိသတ်ကို အပြည့်အစုံတင်ဆက်နိုင်ဖို့ အတွက် ရိုက်ကူးနေကြပါတယ်။ ပေါ်ပြူလာဂျာနယ် အဖွဲ့သားများကလည်း အွန်လိုင်း မီဒီယာက တစ်ဆင့် ပရိသတ်များသိရှိစေဖို့ အတွက် အချိန်နဲ့တစ်ပြေးညီ သတင်းဓာတ်ပုံများ၊ သတင်းများကို ဖော်ပြပေးနေပါတယ်။
ရုပ်ရှင်လောကသားများက ဒီမိုကရေစီ နည်းလမ်းကျကျ ရွေးချယ်ပေးမယ့် အမှုဆောင်အဖွဲ့ကို ကိုယ့်ကံကြမ္မာကိုယ် ဖန်တီးခွင့်နဲ့အညီ မဲပေးဖို့အတွက် ပြင်ဆင်နေကြပါ တယ်။ မြန်မာနိုင်ငံရုပ်ရှင် အစည်းအရုံး ပြန်လည်ဖွဲ့စည်းရေး ကော်မရှင်အဖွဲ့က နာယကကြီးများ၊ ဥက္ကဋ္ဌ၊ အတွင်းရေးမှူး၊ အဖွဲ့ဝင်များကလည်း အစည်းအရုံးခန်းမ မဲရုံ အတွင်း အနုပညာရှင်များ လွတ်လပ်စွာ နည်းလမ်းကျကျ မဲပေးနိုင်ရေးအတွက် စီစဉ်ဆောင်ရွက်နေကြပါတယ်။
မဲရုံကိုမြန်မာ့ရုပ်ရှင်ရဲ့ ဖွားဖက်တော်တစ်ဦးဖြစ်တဲ့ ဘဘဦးတင်ယု ကိုယ်တိုင်မဲလာရောက် ပေးသွင်းခဲ့သလို၊ ပရဟိတသမား တစ်ဦးအဖြစ် ပြည်သူများရဲ့ချစ်ခင်မှုကို ရရှိနေသူ ဦးကျော်သူ (နာရေးကူညီမှုအသင်း၊ ဥက္ကဋ္ဌ)ကလည်း မြန်မာ့ရုပ်ရှင် ဖွံ့ဖြိုးရေးအတွက် ကိုယ်တိုင်လာရောက် မဲပေးခဲ့ပါတယ်။ စွယ်စုံရအနုပညာရှင် ဇာဂနာ လည်း လာရောက်မဲပေးခဲ့ပြီး အဓိကသရုပ်ဆောင်အလွှာမှ နာမည်ကျော် အနုပညာရှင်များ အပါအဝင် အလွှာအသီးသီးက အနုပညာရှင်များ တစ်နေကုန် ကိုယ်တိုင်ကိုယ် ကျမဲများကို တဖွဲဖွဲလာပေးကြပါတယ်။  ညနေ ၄နာရီမှာတော့ မဲရုံပိတ်သိမ်းချိန်မှာ သတင်းမီဒီယာများ ရှေ့မှာမဲများကို ရေတွက်နေကြပါတယ်။ ဒီလိုမျိုးကျင်းပနိုင်ခဲ့တဲ့ အပေါ် မြန်မာနိုင်ငံ ရုပ်ရှင်အစည်းအရုံး ပြန်လည်ဖွဲ့စည်းရေး ကော်မရှင်ဥက္ကဋ္ဌ ဦးကြည်စိုးထွန်းက “မူလေးတစ်ခု ဖြစ်လာဖို့အတွက် ကော်မရှင်အဖွဲ့က အစည်းအဝေးတွေ ထိုင်ရတယ်။ အများအတွက်ပါ။ အခုလိုမျိုးမဲလာပေးတဲ့ အနုပညာရှင်တွေကိုလည်း ကျေနပ်တယ်။ မဲတွေရဲ့ရလဒ်ကို ကြည့်ပြီး ရွေးချယ်သွားပါမယ်”လို့ ပြောပါတယ်။ မဲရွေးချယ်ပေးတဲ့နောက်မှာ ဘဘဗိုလ်ကလေးတင့်အောင် အပါအဝင် မြန်မာနိုင်ငံ ရုပ်ရှင်အစည်းအရုံး နာယကကြီးများနဲ့ ကော်မရှင်အဖွဲ့ဝင် လူကြီးများကို ရုပ်ရှင်လော ကသားများက ဂါရဝ ပြုကန်တော့ ခဲ့ပါတယ်။
မတ်လ ၂၄ရက် မနက်ပိုင်းမှာ မြန်မာနိုင်ငံ ရုပ်ရှင်အစည်းအရုံး ပြန်လည်ရွေးချယ်ရေး ကော်မရှင်က မြန်မာနိုင်ငံရုပ်ရှင် အစည်းရုံးအမှုဆောင် အဖွဲ့ကို ဦးဇင်ဝိုင်း(ဥက္ကဋ္ဌ)၊ ဦးညီညီထွန်းလွင် (ဒုဥက္ကဋ္ဌ-၁)၊ ဦးလူမင်း(ဒု ဥက္ကဋ္ဌ-၂)၊ ဦးဝင်းကြည် (အတွင်းရေးမှူး)၊ ဦးမျိုးဇော်အောင် (တွဲဖက်အတွင်းရေးမှူး-၁) ဦးအေးစိုး(ခ)ဦးပြူး (တွဲဖက် အတွင်းရေးမှူး-၂)၊ ဦးဇော်မင်း (မင်္ဂလာ) (ဘဏ္ဍရေးမှူး)၊ ဦးဇော်မင်း (ဟံသျာမြ)၊ ဦးဘုန်းမော်(စာရင်းစစ်)၊ ဦးအေးကြူလေး၊ ဦးကျော်ညွှန့် (ပြန်ကြားရေးမှူး)၊ ဦးအရိုင်း၊ ဒေါ်တူး (စည်းရုံးရေးမှူး)၊ ဦးတင်ငြိမ်း၊ ဦးဆုသြချယ်၊ ဦးခင်မောင်ကြီး၊ ဦးခင်မောင်ချင်း၊ ဦးဌေးအောင်၊ ဦးကျော်ဝဏ္ဏ၊ ဦးငွေစိုး၊ ဦးအောင်ခိုင်၊ ဦးသားကျော် (အဖွဲ့ဝင်)အဖြစ် ဖွဲ့စည်းပေးခဲ့ပါတယ်။ ဥက္ကဋ္ဌအသစ် ဖြစ်လာသူ ဦးဇင်ဝိုင်းက “ယုံကြည်မှုနဲ့ ထိုက်တန်အောင် ကြိုးစားသွားမှာပါ။ နာယကကြီးများ လမ်းညွှန်မှုနဲ့အတူ ဖွဲ့စည်းထားတဲ့ အလုပ်အမှုဆောင် အဖွဲ့ဝင်များနဲ့ ပူးပေါင်းဆောင်ရွက် သွားပါမယ်။ ရုပ်ရှင်လောကသားများအပြင် တခြားအဖွဲ့အစည်းများရဲ့ ဝေဖန်ထောက်ပြ အကြံပြု ကြမယ်ဆိုရင် တလေးတစား လက်ခံသွားမှာပါ။ ဒီမိုကရေစီနည်းလမ်းကျကျ ဆောင်ရွက်သွားမယ်။ ကျယ်ကျယ်ပြန့်ပြန့်နဲ့ လုပ်ငန်းတွင်ကျယ်အောင် ကြိုးစားသွားမယ်” လို့ မီဒီယာများကို ဖြေကြားပေးခဲ့ပါတယ်။
http://popularmyanmar.com/mpaper/archives/39670