ကစားလည်းကစား စားလည်းစား

အသက် ၁၈ နှစ်အရွယ် ထိုင်ဝမ်လူငယ်တယောက် နာရီပေါင်း ၄၀ ကြာ ဂိမ်းဆက်တိုက်ကစားပြီး ဇူလိုင်လ ၁၅ ရက်နေ့မှာ သေဆုံးသွားခဲ့ပါတယ်။

ထမင်းမစား ဟင်းမစားဘဲ ထိုင်ဝမ် တောင်ပိုင်းက အင်တာနက်ဆိုင်တဆိုင်မှာ Diablo III ကို ကစားပြီး သေဆုံးသွားခဲ့တာလို့ သိရပါတယ်။

ဒီလူငယ်နဲ့ဆိုရင် ထိုင်ဝမ်မှာ ဒီနှစ်အတွင်း ဗွီဒီယိုဂိမ်းကစားရင်းသေတာ ၂ ယောက် ရှိပါပြီ။

ပထမတယောက်ကတော့ သူ့ထက် အသက်ကြီးပါတယ်။ ၂၃ နာရီ ဆက်တိုက်ကစားတာမို့ နှလုံးရပ်ပြီး သေဆုံးသွားတာပါ။

တရုတ်၊ တောင်ကိုရီးယားနဲ့ UK နိုင်ငံတွေမှာလည်း ဗွီဒီယိုဂိမ်းကစားရင်း သေဆုံးမှုတွေရှိခဲ့ပါတယ်။

ဒါပေမယ့် မြန်မာနိုင်ငံမှာတော့ အဲ့ဒီလို အဖြစ်အပျက်မျိုး အခုထိ သတင်းထွက်လာတာ မရှိသေးပါဘူး။ 


မြန်မာတွေက ကစားလည်းကစား စားလည်းစားကြလို့ ထင်ပါတယ်။ 
blog.irrawaddy.org/2012/07/blog-post_2039.html