နိုင်ငံခြားရင်းနှီးမြှုပ်နှံမှုလာရင် ဘာဖြစ်မှာလဲ

ဝင်ရောက်လာမယ့် နိုင်ငံခြားရင်းနှီးမြှုပ်နှံမှုတွေနဲ့ပတ်သက်ပြီး ဘယ်လို သဘောရကြပါသလဲ?

ရန်ကုန်မြို့က အငှားကားမောင်းသမားတဦးရဲ့အမြင်ကတော့ ဒီလိုပါ။

“သူတို့လာပြီး ဒီမှာ ရင်းနှီးမြှုပ်နှံမှုလုပ်ရင် ကျွန်တော်တို့အတွက် ပိုကောင်းလာမယ်လို့ တချို့က ပြောနေကြပေမဲ့ မဖြစ်နိုင်ပါဘူး၊ စီးပွားရေးသမားတွေက သူတို့ အကျိုး စီးပွားကိုပဲ ကြည့်မှာလေ၊  ဒီမှာက ပညာတတ်မရှိတော့ သူများကို အားကိုးနေရတယ်။ ကျွန်တော်တို့ဆီကို ၀င်လာမဲ့လုပ်ငန်းတွေရဲ့ကောင်းကျိုး၊ ဆိုးကျိုးတွေကိုလည်းကျွန်တော်တို့ သေချာ မသိဘူး”

“ပညာရေးသာ ကောင်းရင် ကျွန်တော်တို့ ကလေးတွေလည်း တခြားနိုင်ငံမှာ ကျွန်ခံစရာ မလိုပါဘူး၊ အခုတော့ ကျွန်တော့်ကလေးတွေက ဘွဲ့ရပြီး အလုပ်လက်မဲ့တွေ ဖြစ်နေရတယ်လေ” 

“တိုင်းပြည်မှာရှိတဲ့ အခြေခံလူတန်းစားက ဆင်းရဲလွန်းအားကြီးနေတယ်၊ ဒီလိုနဲ့ပဲ နိုင်ငံခြားရင်းနှီးမြှုပ်နှံမှု ဆိုတာကြီးကို မျှော်လင့်နေကြတာလည်း ဖြစ်မှာပါဗျာ”

 

နိုင်ငံခြား ရင်းနှီးမြှုပ်နှံမှုတွေလုပ်တဲ့အခါ မြန်မာနိုင်ငံသားထဲမှာ အလုပ်ကိုင်အခွင့်အလမ်းတွေ ပိုမို ရရှိလာဖို့ မျှော်လင့်နေကြသူတွေက ကြိုဆိုကြပါတယ်။

ရင်းနှီးမြှုပ်နှံမယ့် လုပ်ငန်းတွေကြောင့်   သဘာ၀၀န်းကျင် ထိခိုက်မှု မဖြစ်အောင် ဘယ်လို ဆောင်ရွက်ကြမှာလဲ လို့ တချို့က စိုးရိမ်နေပါတယ်။ 

ရင်းနှီးမြှုပ်နှံမှုကော်မရှင်ရဲ့ အမိန့်ကြော်ငြာစာမှာ ခွင့်မပြုတဲ့ လုပ်ငန်းများ စာရင်း(၂၁) ခု ရှိပါတယ်။ 

အဲဒီထဲမှာ ကာကွယ်ရေး ဆိုင်ရာ လက်နက်ခဲယမ်းမီးကျောက်များ ထုတ်လုပ်ခြင်းနဲ့ ၀န်ဆောင်မှုများ ဆောင်ရွက်ခြင်းတို့ ပါဝင်ပါတယ်။ 

အများဆုံးကတော့ သဘာဝပတ်ဝန်းကျင်ကို ထိခိုက်နိုင်တဲ့ လုပ်ငန်းတွေပဲ ဖြစ်ပါတယ်။ 

အဲဒီထဲမှာ ရိုးရာပူဇော်မူပြုလုပ်တဲ့နေရာတွေ ဘာသာရေးအရ အထွတ်အမြတ်ထားတဲ့နေရာတွေ တောင်ယာစိုက်ခင်းနဲ့  ရေအရင်းအမြစ်နေရာတွေ ပါပါတယ်။ 

ကျောက်စိမ်းကျောက်မျက်ရှာဖွေခြင်း၊ ထုတ်လုပ်ခြင်းတွေ၊ ဓာတ်သတ္ထု အသေးစားနဲ့အလတ်စား ထုတ်လုပ်ခြင်းတွေ ခွင့်မပြုထားပါဘူး၊ 

ဓာတ်သတ္တုအကြီးစား တူးဖော်ထုတ်လုပ်ခြင်း လုပ်ငန်းကိုတော့ နိုင်ငံသားနဲ့ ဖက်စပ်စနစ်နဲ့ ဆောင်ရွက်ခွင့်ပြုထားပါတယ်။ 

နိုင်ငံသားနဲ့ဖက်စပ်စနစ်ဖြင့် လုပ်ဆောင်ဖို့ ခွင့်ပြုတဲ့ လုပ်ငန်း(၄၂) ခုရှိပါတယ်။ 

အရက်ယမကာ ထုတ်လုပ်ခြင်းနဲ့ ဖြန့်ဖြူး ရောင်းချခြင်း၊ 

ပြည်တွင်း သဘာဝ သယံဇာတများပေါ် မူတည်ပြီး ထုတ်လုပ်တဲ့ ဓာတုပစ္စည်းများ ထုတ်လုပ်ခြင်းနဲ့ ဖြန့်ဖြူးရောင်းချခြင်း၊ 

နိုင်ငံတကာအဆင့်မီ ဂေါက်ကွင်း/အပန်းဖြေနေရာများ ဖော်ထုတ် တည်ထောင်ခြင်းလုပ်ငန်း၊ ပြည်တွင်းနဲ့ နိုင်ငံတကာ လေကြောင်း ပို့ဆောင်ရေး ၀န်ဆောင်မှုလုပ်ငန်းတွေအပြင် ပုဂ္ဂလိက အထူးကု ဆေးရုံလုပ်ငန်းနဲ့ ခရီးသွားလုပ်ငန်းတွေ ပါဝင်ပါတယ်။ 

နောက်တခုကတော့ သီးခြားပြဋ္ဌာန်းထားတဲ့အခြေအနေတရပ်နဲ့ ဆောင်ရွက်ခွင့်ပြုတဲ့ စီးပွားရေးလုပ်ငန်းများ ဆိုတာပါ..။ 

ရင်းနှီးမြုပ်နှံသူတွေအနေနဲ့ ဒီလုပ်ငန်းအများစုကို လုပ်ဆောင်မယ် ဆိုရင် ဗဟိုအစိုးရအဖွဲ့ရဲ့ အတည်ပြုချက်ကို ရယူပြီး သက်ဆိုင်ရာ ၀န်ကြီးဌာနရဲ့ သဘောထားမှတ်ချက်နဲ့သာ လုပ်ဆောင်နိုင်မယ့် ကန့်သတ်ချက် ပါဝင်ပါတယ်။ 

သဘောထားမှတ်ချက်ရယူရမယ့် ၀န်ကြီးဌာန ၁၃ ခု ရှိပါတယ်။ 

(၁) လယ်ယာစိုက်ပျိုးရေးနှင့်ဆည်မြောင်း 

(၂) မွေးမြူရေးနှင့်ရေလုပ်ငန်း 

(၃) ပတ်ဝန်းကျင်ထိန်းသိမ်းရေးနှင့်သစ်တောရေးရာ

(၄) သတ္တုတွင်း 

(၅) စက်မှု 

(၆) လျှပ်စစ်စွမ်းအား 

(၇) ပို့ဆောင်ရေး

 (၈) ဆက်သွယ်ရေးနှင့်သတင်းအချက်အလက်နည်းပညာ 

(၉) စွမ်းအင် 

(၁၀) ကျန်းမာရေး 

(၁၁) ဆောက်လုပ်ရေး 

(၁၂) ဟိုတယ်/ခရီး

(၁၃) ပြန်ကြားရေး

ဟိုတယ်နဲ့ခရီးသွားလာရေးလုပ်ငန်းဝန်ကြီးဌာနအောက်ကနေ လုပ်ဆောင်ရမယ့် လုပ်ငန်းထဲမှာဆို နိုင်ငံခြားသားများသာ ကစားခွင့်ပြုတဲ့ ကာစီနို လောင်းကစားဝိုင်းတွေလည်း ပါဝင်ပါတယ်။ 

ဒီတော့ မြန်မာပြည်မှာလည်း   ဒီလိုကစားရုံကြီးတွေကို ပိုမို မြင်လာရမယ့် အလားအလာရှိနေပါတယ်။  (အခုတော့ နယ်စပ်မြို့တချို့မှာပဲ ကာစီနို ရှိနေပါတယ်။)

ဒီခေါင်းစဉ်အောက်မှာပဲ အခြားခွင့်ပြုချက်နဲ့ ဆောင်ရွက်ခွင့်ပြုတဲ့ လုပ်ငန်း(၂၇) ခုနဲ့ ပတ်ဝန်းကျင် ထိခိုက်မှု ဆန်းစစ်ချက်ရယူဖို့  လိုအပ်တဲ့လုပ်ငန်း (၃၄) ခုပါဝင်ပါတယ်။    

ရွက်စိမ်း ~  

http://blog.irrawaddy.org/2013/03/blog-post_20.html#more