Kuala Lumpur Time
ထို့အပြင် စစ်ဘက်ဆိုင်ရာ ပညာရေးစနစ်တွင် ငွေကြေး ရင်းနှီးမြှုပ်နှံမှု အလုံးအရင်းနဲ့ သင်ထောက်ကူပစ္စည်း ပြည့်ပြည့်စုံစုံ၊ ဆရာ၊ ဆရာမ အစုံအလင်နဲ့ ဖြည့်ဆည်း ပေးထားသော်လည်း အရပ်ဖက်ပညာရေးစနစ်ကိုမူ စနစ်ကျ ချိုးနှိမ် ဖိနှိပ်ထားကြောင်း၊ အစိုးရ ကာကွယ်ရေးအသုံးစရိတ်တွင် ကျပ်ငွေ ဘီလျံများစွာ သုံးစွဲထားသော်လည်း ပညာရေးကဏ္ဍတွင်မူ မပြောပလောက်တဲ့ ငွေကြေးကိုသာ သုံးစွဲထားခြင်းဟာ အရပ်ဖက်ကျောင်းသားထုရဲ့ ပညာရေးအဆင့်အတန်းကို ရည်ရွယ်ချက် ရှိရှိ၊ စနစ်တကျ နှိမ့်ချထားခြင်း ဖြစ်ကြောင်းလည်း စက်မှုတက္ကသိုလ် ကျောင်းသားများရဲ့ ကြေညာချက်တွင် ဖော်ပြထားပါတယ်။
ရန်ကုန် စက်မှုတက္ကသိုလ်ကျောင်းသားများနဲ့ ကြို့ကုန်းရပ်ကွက်ထဲက လူငယ်တွေ ရန်ဖြစ်ရာက စတင်ခဲ့တဲ့ ၁၉၈၈ မတ်လ ကျောင်းသားလှုပ်ရှားမှုဟာ ၁၉၈၈ လူထုအုံကြွမှု ဖြစ်စဉ်ကို အစပျိုးခဲ့တဲ့ ဖြစ်စဉ်တခု ဖြစ်ခဲ့ပါတယ်။ ထို့အပြင် ရန်ကုန် စက်မှုတက္ကသိုလ်ကျောင်းသားများဟာ ကျောင်းသား လှုပ်ရှားမှုတိုင်းတွင် ပါဝင်ခဲ့ကြသူများ ဖြစ်ကြပါတယ်။ ဒါ့ကြောင့် ၁၉၈၈ နောက်ပိုင်း အာဏာရယူလာတဲ့ မြန်မာစစ်အစိုးရဟာ စက်မှုတက္ကသိုလ်နဲ့ တက္ကသိုလ်ကောလိပ်များကို မြို့ပြများနဲ့ ဝေးလံရာအရပ်များတွင် ဖွင့်လှစ်ခဲ့ပြီး ကျောင်းသားလှုပ်ရှားမှုများနဲ့ ပြည်သူလူထု ထိတွေ့မှု နည်းပါးအောင် လုပ်ဆောင်ခဲ့ကြပါတယ်။ အခု ထွက်ပေါ်လာတဲ့ စက်မှုတက္ကသိုလ်ကျောင်းသားများရဲ့ ကြေညာချက်ဟာ မြန်မာစစ်ဗိုလ်ချုပ်များရဲ့ အရပ်ဖက် အုပ်ချုပ်ရေးစနစ် စတင်ခဲ့တဲ့နောက်ပိုင်း ပထမဦးဆုံးအကြိမ် ထွက်ပေါ်လာတဲ့ ကြေညာချက် ဖြစ်ပါတယ်။ Burma Today Newsမှကူးယူတင်ပြသည်
0 comments:
Post a Comment