Kuala Lumpur Time
"ကျွန်တော်တို့လောကထဲက အဆို တော်တစ်ယောက်ကပြောတယ်။ သူ့အိမ် မီးလောင်သွားတော့ ရွှေ၊ငွေတွေ မီးထဲ ပါသွားတာထက် ဘာကိုပိုနှမြောတသ ဖြစ်ခဲ့လဲဆိုတော့ သူ့ငယ်ဘ၀က အမှတ် တရအရာတွေ၊ ဓာတ်ပုံတွေ တော်တော် များများ မီးထဲပါသွားတော့ တော်တော် ကို စိတ်မကောင်းဖြစ်တယ်လို့ ကျွန်တော့ ကို ပြောပြဖူးတယ်။ အဲဒါတွေကို သေချာ သိမ်းဆည်းထားဖို့လည်း ကျွန်တော့ကို ပြောတယ်။ အဲဒီကနေစပြီး အိုင်ဒီယာရ သွားတာပါ" လို့ အတ္ထုပ္ပတ္တိစာအုပ်ထုတ်ဖို့ စဉ်းစားဖြစ်ပုံကိုရဲလေးကပြောပါတယ်။
စာအုပ်ထုတ်ဝေဖို့ ကြိုးစားလာခဲ့တာ နှစ်နှစ်ခွဲရှိပြီလို့လည်း ပြောပြပြီး "၂၁ ရာစု နောက်ပိုင်းမှာ ရဲလေးဆိုတဲ့ လူငယ်လေး တစ်ယောက် ပရိသတ်တွေကြားမှာ အောင်မြင်မှုရခဲ့တယ်။ ပရိသတ်တွေ သိခဲ့ အားပေးခဲ့တဲ့ အဆိုတော်ကောင်လေး တစ်ယောက် ရှိခဲ့ပါလား ဆိုတာကိုလည်း သိစေချင်တဲ့အတွက် ဒီစာအုပ်ကို ထုတ်ခဲ့ တာပါ"လို့လည်း သူ့ရည်ရွယ်ရင်းကို ပြောပြပါတယ်။
စာအုပ်များမှာ ထည့်သွင်းထားတာ တွေကို ကဏ္ဍအလိုက် အမျိုးမျိုးခွဲထားပြီး ကိုယ်ရေးအကျဉ်း၊ လူရွှင်တော်၊ ကဗျာ၊ နှစ်သက်သော အစားအစာများ၊ ရှိုးပွဲ အမှတ်တရများနဲ့ အောင်မြင်မှုမှတ်တိုင် ကဏ္ဍများအပြင် ခရီးသွားမှတ်တမ်း ဓာတ်ပုံများနဲ့ သူငယ်ချင်းများနဲ့ တွဲဖက် ရိုက်ထားတဲ့ ဓာတ်ပုံတွေကိုလည်း ထည့် သွင်းထားတယ်လို့ပြောပြပါတယ်။
ဒီဇိုင်းကိုတော့ ကိုထီးက တာဝန်ယူ ဆောင်ရွက်ပေးထားတာဖြစ်ပြီး ဓာတ်ပုံ တွေကိုတော့ နာမည်ကြီးဓာတ်ပုံဆရာ တွေက ပုံဖော် ပေးထားတယ်လို့ ပြောပါ တယ်။
စာမျက်နှာပေါင်း ၂၁၂ မျက်နှာနဲ့ ဝေေ၀ဆာဆာ ဖော်ပြသွားမှာဖြစ်ပြီး စာအုပ်တစ်အုပ်ကို ကျပ် ၇,၅၀၀ နဲ့ ရောင်းချသွားမှာ ဖြစ်ပါတယ်။
"ကျွန်တော်တို့ကလည်း အလယ်လတ်တန်းစား တစ်ယောက်ဖြစ်တဲ့ အတွက် အလယ်လတ်တန်းစားလူတန်းစားကို target ထားတဲ့ အနေနဲ့ အားလုံး ကိုယ့်ရဲ့လစာလေးထဲကထုတ်ပြီး ၀ယ်သိမ်းထားနိုင်အောင်ဆိုပြီး ဈေးနှုန်းကို သတ်မှတ်ထားတာပါ"လို့ ရဲလေးက ပြောပါတယ်။ http://www.myanmar.mmtimes.com/2012/
0 comments:
Post a Comment