Kuala Lumpur Time
မတ်လ ၁၆ ရက်နေ့က ရန်ကုန်မြို့ ရွှေဂုံတိုင် မင်္ဂလာ ဒို့ရိုးရာခန်းမတွင် ကျင်းပသည့် ရန်ကုန် (၀ိဇ္ဇာ/သိပ္ပံ) တက္ကသိုလ် ကျောင်းသားလှုပ်ရှားမှု တံတားနီ နှစ်ပတ်လည် အထိမ်းအမှတ် အခမ်းအနားမှာ ၈၈ မျိုးဆက် ကျောင်းသား ခေါင်းဆောင် ကိုဂျင်မီ စကားပြောဆိုနေစဉ်။
အခမ်းအနား တက်ရောက်လာတဲ့ ၈၈ မျိုးဆက်ကျောင်းသားခေါင်းဆောင် ကိုမင်းကိုနိုင်ကလည်း အခုလို ဒီမိုကရေစီ အသွင်ကူးပြောင်းရေးကာလမှာ သမိုင်းအမှန်တွေအတွက် တရားမျှတမှုတွေအတွက် လွတ်လပ်မှု ပေးသင့်ပါပြီ၊ နိုင်ငံသား အခွင့်အရေးတွေ ပေးသင့်ပါပြီလို့ ပြောကြားပါတယ်။
ဒီကနေ့ အခမ်းအနားကို ရန်ကုန်တက္ကသိုလ် ကျောင်းသားဟောင်းတွေက ဦးဆောင်ကျင်းပတာဖြစ်ပြီး ကိုမင်းကိုနိုင်၊ ကိုကိုကြီး၊ ကိုမင်းဇေယျာ၊ ကိုမြအေး၊ ကိုဂျင်မီ၊ ကိုပြုံးချို စတဲ့ ၈၈ မျိုးဆက် ကျောင်းသားခေါင်းဆောင်တွေ အပါအ၀င် ပရိသတ် ရာနဲ့ချီ တက်ရောက်ခဲ့ကြ ပါတယ်။
၁၉၈၈ ခုနှစ် မတ်လ ၁၆ ရက်နေ့က တံတားဖြူမှတ်တိုင် အနီး ရန်ကုန်တက္ကသိုလ် ကျောင်းသူကျောင်းသားတွေကို မဆလ အစိုးရရဲ့ လုံထိန်းရဲတွေက ရိုက်နှက် ပစ်ခတ်ခဲ့တာကြောင့် ကျောင်းသားတွေ သွေးမြေကျခဲ့ ရတဲ့အတွက် ဒီနေ့ကိုကျောင်းသားလှုပ်ရှားမှုသမိုင်းမှာ တံတားနီနေ့ရယ်လို့ သတ်မှတ်ခဲ့ကြတာဖြစ်ပါတယ်။
တံတားနီအရေးအခင်း ၂၄ နှစ်ပြည့် အမှတ်တရအဖြစ် ၈၈ မျိုးဆက်ကျောင်းသားတွေနဲ့ လက်ရှိတာဝန်ယူနေတဲ့ မျိုးဆက်သစ်ကျောင်းသားတွေ စုဝေးပြီး အခင်းဖြစ်ခဲ့ရာ အင်းလျားကန်ဘောင်မှာ လွမ်းသူ့ပန်းခြင်း ချခဲ့ကြတယ်လို့ သတင်းရရှိပါတယ်။ http://www.rfa.org/burmese/news
0 comments:
Post a Comment