ဦးသိန်းစိန်ရဲ့ စစ်တပ်ချီးမွမ်းခန်း

ဦးသိန်းစိန်ရဲ့ ၃ဝ-၃-၂ဝ၁၁ ရက်နေ့ ပြည်ထောင်စုလွှတ်တော် မိန့်ခွန်းကောက်နုတ်ချက်တခုကို ပြန်ကြားရေးဝန်ကြီးဌာနရဲ့ ဒီကနေ့ထုတ် သတင်းစာ ၃ စောင်ရဲ့ မျက်နှာဖုံးထိပ်မှာ ဖော်ပြထားပါတယ်။ စစ်တပ်ချီးမွမ်းခန်း ဖြစ်ပါတယ်။ ဖက်ဆစ်တော်လှန်ရေးနေ့ကို အမည်ပြောင်းထားတဲ့ မတ်လ ၂၇ တပ်မတော်နေ့ နီးလာချိန်မှာ ဒီကြော်ငြာ ၀င်လာတာ ဖြစ်ပါတယ်။
''တိုင်းပြည်ဖရိုဖရဲပြိုကွဲတော့မယ့်အခြေအနေမျိုးနဲ့ ကြုံတွေ့ရတဲ့ အခါတိုင်း၊ လွတ်လပ်ရေးနဲ့ အချုပ်အခြာအာဏာ ဆုံးပါးရတော့မယ့် အခြေအနေမျိုး ဖြစ်ပေါ်လာတိုင်း တာဝန်သိပြီး သစ္စာရှိတဲ့တပ်မတော်ဟာ တိုင်းပြည်ကို ဝင်ရောက် ကယ်တင် ထိန်းကျောင်းပေးခဲ့ရတာ အကြိမ်ကြိမ် ရှိခဲ့ပါတယ်။

တပ်မတော်အစိုးရက နိုင်ငံတော်ကို အသစ်ပြန်လည် တည်ဆောက်ကာ အေးချမ်းသာယာပြီး ခေတ်မီဖွံ့ဖြိုးတိုးတက်တဲ့ နိုင်ငံတော်အဖြစ် ဆက်လက် တည်ဆောက်ဖို့ အမွေခံကောင်းတွေ ပေးထားခဲ့ပြီးဖြစ်ပါတယ်။

တပ်မတော်အစိုးရက အသင့် ခင်းပေးထားတဲ့လမ်းကို လျှောက်၊ အသင့်ထိုးပေးထားတဲ့ တံတားကိုဖြတ်ကျော်ပြီး ပို၍ တည်ငြိမ်အေးချမ်းသောနိုင်ငံ၊ ပို၍ဖွံ့ဖြိုး တိုးတက်သော နိုင်ငံဖြစ်အောင် ကျွန်တော်တို့ အစိုးရသစ်အနေနဲ့ အခြေအနေအချိန်အခါနဲ့ လိုက်လျောညီထွေရှိတဲ့ မူဝါဒတွေ၊ လုပ်ငန်းစဉ်တွေကို ချမှတ်ပြီး ဆောင်ရွက်သွားမှာ ဖြစ်ပါတယ်။''           http://www.irrawaddyblog.com/2012/03/blog-post_1430.html