ကျနော်ဘလောလေးကိုယ်သတင်းတွေလာရောက်ဖတ်ရှုအားပေးကြတဲ့မိတ်ဆွေသူငယ်ချင်းများအားလုံးရွှင်လန်းချမ်းမြေ့ကြပါစေ

26 Apr 2013

NLD ပါတီဝင် အယောင်ဆောင် တဦး ရန်ကုန်မြို့လယ်မှာ ဖမ်းမိ





ဖြစ်ပုံကတော့ မကြာသေးခင်က ဖြစ်ပွားခဲ့တဲ့ မိတ္တီလာ အရေးအခင်း ဗွီဒီယိုခွေတွေ ရောင်းချနေတာကို  
တွေ့တော့ မသင်္ကာတာနဲ့  ကျောက်တံတားမြို့နယ်မှ  NLD အဖွဲ့ဝင်တွေက ယနေ့ ဧပြီလ ၂၅ ရက်နေ့ နံနက်ပိုင်းက စုံစမ်းမေးမြန်းရာ NLD အဖွဲ့ဝင် မဟုတ်ဘဲ မြောက် ဥက္ကလာပ မြို့နယ်နေ ဇော်မင်းထွန်း ဆိုသူဖြစ်ကြောင်း သိရှိရပြီး ကျောက်တံတားရဲစခန်းကို အပ်နှံလိုက်တယ်လို့ သိရပါတယ်။ 

ရဲတပ်ဖွဲ့က ဘယ်လို ဆက်လက် အရေးယူဆောင်ရွက်မယ်ဆိုတာကို  ကျောက်တံတားမြို့နယ်၊ ရန်ကုန် အနောက်ပိုင်းခရိုင်နှင့် ရန်ကုန်တိုင်း NLD တာဝန်ရှိသူများက အနီးကပ်စောင့်ကြည့်နေတယ်လို့လည်း NLD တာဝန်ရှိသူတွေက ဆိုပါတယ်။ 

အယောင်ဆောင်တာတောင် နိုင်ငံရေး လုပ်ကြံမှုပါတဲ့ အယောင်ဆောင်မှုပါ။ မိတ္ထီလာ အရေးအခင်းဖြစ်ပြီး တချို့ မီဒီယာတွေနဲ့ အင်တာဗျူးတချို့မှာ ဖြစ်ရပ်ဆိုးကြီးနောက်ကွယ်မှာ NLD နဲ့ ၈၈ တွေကပဲ နောက် ကွယ် က ကြိုးကိုင်တယ်ဆိုပြီး စွပ်စွဲ ပြောဆိုခဲ့ပါသေးတယ်။ 

နောက်ပိုင်း ကြံ့ခိုင်ရေးပါတီ ထိပ်တန်းခေါင်းဆောင် ဦးအောင်သောင်းကလည်း အမေရိကန် သံအမတ် နဲ့ တွေ့ပြီးနောက်မကြာခင်မှာဘဲ  ဒီ မိတ္ထီလာ အရေးအခင်းနောက်ကွယ်မှာ ဗမာပြည်ကွန်မြူနစ်ပါတီနဲ့ သူတို့ရဲ့ အမာခံတွေက ဖန်တီးကြိုးကိုင်ခဲ့တာလို့လည်း စွပ်စွဲခဲ့တယ်။ 

အခုတော့ ဒီ မိတ္ထီလာ အရေးအခင်း ဗီဒီယိုတွေကို NLD လူငယ်တဦးက ဖြန့်ဝေနေတယ်ဆိုတဲ့ ပုံစံ နဲ့ နိုင်ငံရေး ရည်ရွယ်ချက်ရှိရှိ အယောင်ဆောင် ဖန်တီး လုပ်ကွက်ဟာ အတော် သတိထားစရာဖြစ် ပါတယ်။   
http://blog.irrawaddy.org/2013/04/nld_25.html#more

0 comments:

Post a Comment