အိမ်ပြန်ချင်ပေမယ့် အိမ်အပြန်ခက်သူများ

ထူးအိမ်သင်၏ အိမ်ပြန်ချင်တယ် သီချင်း ပျံ့လွင့်လာ သော်လည်း အိမ်မပြန်နိုင်သေး။ နှလုံးသားက အဝေးမှ ရခိုင် ပြည်နယ်၏ တစ်နေရာ။ မိသားစုတွေ အဆင်ပြေရဲ့လား။ ထမင်းမှ ဝလင်အောင် စားရပါ့မလားဟု တွေးနေသူက တစ်ဖက်နိုင်ငံမှ အလုပ်ရှင်တွေ လုပ်အားခလစာ အပြည့်အဝ မပေးဘဲ ရဲဖမ်းခိုင်းပြီး မြန်မာပြည် ပြန်နှင်ထုတ် ခံရသူ ဦးစောသိန်း ဖြစ်သည်။ ”ရခိုင်ပြည်နယ် ပေါက်တော မြို့ ချောင်းသာကြီးကျေးရွာမှာ နေပါ တယ်။ သားသမီး ငါးယောက် ရှိတယ်။ လယ်လုပ်တယ်။ သား အကြီးက ၇ တန်းနဲ့ ကျောင်းထွက်။ ကျွန်တော်နဲ့ ရွှေလီမှာ အလုပ်လုပ် မယ်ဆိုပြီး သားအဖ နှစ်ယောက် ဖေဖော်ဝါရီ ၉ ရက်က ထွက်လာ  ကြတာ။ ရခိုင်မှာ ဂီရိကြောင့် လယ်တွေ ဆား ငန်ရေဝင်ပြီး လုပ်ကိုင်စား လို့ မရဘူး။ ဒါကြောင့် တရုတ်ဘက် သွားလုပ်ကြတာပါ”ဟု ဦးစောသိန်း က ပြောပြသည်။ တရုတ်ဘက်က အလုပ်သမား ရုံးမှာ စာရင်း သွင်းရ တယ်။ အုတ် စက်ရုံမှာ အလုပ်ရတယ်။ တစ်ရက် ယွမ် ၅ဝ၊ ၁ဝ ရက်တစ်ခါ ရှင်းပေး မယ် ပြောတယ်။  အလုပ်ချိန်က နံနက် ၆း၃ဝ က ၁ဝးဝဝ၊ နေ့လယ် ၁၂း၃ဝ မှ ၅း၃ဝ ထိ ပိတ်ရက်မရှိ လုပ်ရတယ်။ ထမင်းကျွေးတယ်။ ၃၄ ရက် လုပ်ခဲ့တယ်။ လစာ တစ်ဝက် ယွမ် ၇၅ဝ ပဲပေးတယ်။ အဲ့ဒီစက်ရုံမှာ ရခိုင်လူမျိုး ၂ဝ၊ ရှမ်း ၇ ယောက်၊ ဗမာ ၄ ယောက် ရှိတယ်။ ရဲဝင်ဖမ်းတော့ဘာမှယူလို့ မရဘူး။အဝတ်တစ်ထည်ကိုယ်တစ်ခု နဲ့ ရွှေလီရဲကဓာတ်ပုံရိုက်၊ လက်ဗွေ ရာယူပြီး လှေဆိပ်မှာ ဒီအတိုင်း ချထားတယ်။ လက်ထဲမှာ ပိုက်ဆံ မရှိ။ ဘယ်ပြန်ရမလဲ မသိဘူး။ အားလုံး ၁၇ ယောက်ရှိတယ်။ ရွှေလီက ထမင်းဆိုင်ပိုင်ရှင် ဦးလေး မြမောင်က ကျွန်တော်တို့ ဒုက္ခ ရောက်နေတဲ့ အသံ ကြားပြီး ယွမ် ၃ဝဝ ကူညီလိုက်လို့ ဒီဘက်ပြန် ရောက်တာ။ ခိုးပေါက်က ပြန်ဝင် ရတာ။ တရားဝင်ပြန်ဝင်တာ မဟုတ် ပါဘူး။ ဒီဘက်ရောက်တော့ မူဆယ် က ကရုဏာ လူမှုကူညီရေး အသင်း က ကူညီတယ်။ မူဆယ်မြို့နယ် အုပ်ချုပ်ရေးမှူးဦးမြဟန်က ထောက် ခံချက်လုပ်ပေးတယ်။ ဒီစာရွက်နဲ့ပြန် ခဲ့တာပါ” ဟု ၄င်းက ထပ်လောင်း ပြောပြသည်။

ပြန်လာရသူများပြား
တရုတ်နိုင်ငံသို့ တရားမဝင် သွားရောက် အလုပ်လုပ်ကိုင်ပြီး အလုပ်ရှင်က ရဲဖမ်းခိုင်း၍ ပြန်လည် ရောက်ရှိလာသူမှာ များပြားကြောင်း မန်းရှိ ကစ္ဆပနဒီခရီးသည်နှင့် ကုန် စည်ပို့ဆောင်ရေး လုပ်ငန်းမှ တာဝန် ရှိသူ ဦးသွင်စိုးက ပြောသည်။ ”အဖမ်းခံရလို့ ပြန်လာရတဲ့ သူတွေများတယ်။ ကျွန်တော်တို့ က သူတို့မှာ ပါသလောက် ပိုက်ဆံနဲ့ ရခိုင်ပြန်ချင် ပြန်ပို့ပေးတယ်။ ဒီမှာ အလုပ်လုပ်ချင်ရင် အလုပ်ရှာပေး တယ်။ ရခိုင်-မန်း ခရီးစရိတ်က လူတစ်ယောက်နှစ်သောင်းပါ” ဟု ဦးသွင်စိုးက ရှင်းပြသည်။

ရှင်ပြုချင်လို့ ပိုက်ဆံရှာ
မင်းပြားမြို့နေ အသက် ၂၃ နှစ်အရွယ် ဗိုလ်ခင်စိုး ဆိုသူက ”ရှင်ပုဖို့ထားတဲ့ စပါးတောင်း ၁၅ဝ (တင်း ၆ဝ) ကို ရောင်းပြီး တရုတ်ပြည် အလုပ်သွားလုပ်တာပါ။ မိသားစု မှာ မောင်နှမ ၇ ယောက် ရှိတယ်။ ၇ တန်းထိ ပညာသင် တယ်။ ရှင်ပြုချင်လို့ ပိုပိုက်ဆံရချင် လို့ ရှာတယ်။ အခုတော့ အဲဒါတွေ ဆုံးကုန်တယ်” ဟု ဗုဒ္ဓဘာသာတို့၏ ထုံးစံ ရှင်ပြုမင်္ဂလာ ပြုချင်နေသူ ရခိုင်အမျိုးသားလေး က ရှင်းပြသည်။ ”ကျွန်တော်တို့က ပန်းရံလုပ်တယ် အရင်က ရွှေလီမြို့ပေါ်မှာ အဆင်ပြေတယ်။ အခုနေရပ်ပြန်ပြီး လိုက်ချင် တဲ့သူတွေ ခေါ်ပြီး ပြန်တော့ မလို့လုပ်နေတာ။ အခုလို ပြန်ပို့ခံရတယ်ဆို သွားသင့် မသွားသင့် စဉ်းစားနေတာ”ဟုမြေပုံ မြို့နေ ကိုအေးမြင့်က တရုတ်ပြည် အလုပ်သွားလုပ်ဖို့ ချိန်ဆနေကြောင်း ပြောသည်။ ပုဏ္ဏားကျွန်းကျေးရွာမှ ကိုကျော်စိုးက”ကျွန်တော်ကဘုန်းကြီးကျောင်း ထွက်၊ ၁၅ နှစ်သားကတည်းက လယ်လုပ်တာ။ နွေရာသီ အလုပ် မရှိလို့တရုတ်သွားလုပ်တာ တစ်ရက် ယွမ်း ၅ဝ ရမယ်ပြောတယ်။ ထမင်း ကျွေးတယ်။ အိပ်စရာပေးတယ်။ ထမင်း အဝစားရတယ်။ ဟင်းက ဂေါ်ဖီနဲ့ လက်မအရွယ် ဝက်သား နှစ်ဖတ်လောက် စားရတယ်။ အဲဒီမှာ ဗမာ၊ ရှမ်း၊ ရခိုင် များတယ်။ ၇ ရက်ကတ် အစိမ်း၊ တစ်လကတ်ပြား အနီနဲ့ ဝင်ကြတာ များတယ်။ ရက်ပြည့်ရင် ခိုးပေါက် က ပြန်ထွက်၊ နန်းတော်ပေါက်က ပြန်ဝင် ဒီလိုပဲ လုပ်စားနေတာပါ။ ဒီနှစ်မှ အခုလို ဖမ်းပြီး ပြန်ပို့ခံနေရတာ များတယ်။ ကချင်ဘက်က အဆင်မပြေလို့  တရုတ်ဘက် တက်ကြတာများတယ်” ဟု ပြောပြသည်။

အိမ်မပြန်ပါ
အဆိုပါ ကျွဲဆည်ကန်ရှိ ကစ္ဆပနဒီ  ရခိုင်ဂိတ်တွင် ဧပြီ ၂ဝ ရက်က ပြန်ရောက်သူ ၂ဝ ဦး ရှိ ကြောင်း၊ တချို့မှာ ကချင်ပြည်နယ် ဘက် အလုပ်လုပ်ရန် ဆက်လက်သွား   ရောက်မည်ဟု သိရသည်။ ”ရခိုင်ပြန်လည်း ဘာလုပ်စားရမလဲ သိဘူး။ ပိုက်ဆံကလည်း မရှိတော့ မိသားစုကို ဘာလုပ်ကျွေးမလဲ ကားဆရာတွေ တောင်းပန်ပြီး ကချင်မှာ   ရွှေကျင် လုပ်ငန်း လုပ်မယ်” ဟု ဦးစောသိန်း ကပြောသည်။ မွေးရပ်တွင် အလုပ်အကိုင် အဆင်မပြေ၍ တစ်ဖက်နိုင်ငံတွင် အလုပ်သွား လုပ်ကိုင်သော်လည်း လစာ အပြည့်မရ၊ နောက်ရဲနှင့် ပူးပေါင်းကာ အဖမ်းခိုင်းပြီး ပြန်လည် နှင်ထုတ်ခံရ၊ ဒီသံသရာထဲ ဖြတ်သန်းရင်း အိမ်ပြန်ချင်သူတွေ ဘယ်လောက်များပြီ မသိ။ ”စက်ရုံ တစ်ခုမှာ ရန်ဖြစ်တာကို ရဲဝင်ဖမ်းတာ ရဲနှစ်ယောက်သေ သွားတယ်လို့ကြားတယ်။ အဲဒါနဲ့ တခြားစက်ရုံတွေလည်း ဝင်ဖမ်းတာ လူမှုရေးအသင်းတွေက ကူညီပြီး အဖမ်းခံ ရတဲ့   မြန်မာနိုင်ငံသားတွေကို ကူညီပေးပါတယ်”ဟု မူဆယ် မြို့ခံ တစ်ဦးက ပြောပြသည်။  မွေးရပ်မြေမှာ အလုပ်အကိုင် အဆင်မပြေ၊ လွမ်းရေးထက် ဝမ်းရေးခက် မလှပတဲ့ ဘဝတွေ အဆင် ပြေလိုပြေငြား  အိုးပစ်၊ အိမ်ပစ် မိသားစုပစ်ပြီးသွား အလုပ်လုပ်၊ အဝေးရောက် ငှက်များတောင် အချိန်တန် အိမ်ပြန်ကြပေမယ့် အိမ်အပြန် ခက်နေသူများ အတွက် ပုစ္ဆာတစ်ပုဒ် က ယနေ့တိုင် အဖြေမထုတ်နိုင် ကြသေးတာ ဘာကြောင့်လဲ၊ ဘာအတွက်လဲဆိုတာ နှလုံးသားတွေ မှာ အမေးတွေရှိနေမည်မှာ အမှန်ပင် ဖြစ်သည်။
popularmyanmar.com/mpaper/archives/41094