Kuala Lumpur Time
အမေရိကန် ပြည်ထောင်စုတွင် ယခုနှစ်ကုန်၌ ဝင်ရောက် အရွေးခံမည့် ရီပတ်ဘလီ ကန်ပါတီ သမ္မတလောင်းဖြစ်သူ ရွမ်းနေး(Romney) သည် အမျိုးသမီးနှင့် အမျိုးသား များ အကြား လက်ထပ် ပေါင်းသင်းကြသည့် ဓမ္မတာ အိမ်ထောင်ရေး ကိုသာ ထောက်ခံကြောင်း လွန်ခဲ့သော အပတ် စနေနေ့က သမားရိုးကျဝါဒီ ခရစ်ယာန် တက္ကသိုလ် ၌ ပြောကြားခဲ့ရာ လာရောက် နားထောင်ကြသည့် ပရိသတ် လူထုကြီး က အကြီးအကျယ် ထောက်ခံ အားပေးခဲ့ကြသည်။ယခုလက်ရှိ သမ္မတ အိုဘားမားက အမေရိကန် ပြည်ထောင်စုမှ လိင်တူ ချင်း တရားဝင် လက်ထပ်ပေါင်းသင်းသည့် ကိစ္စကို ထောက်ခံကြောင်း ပြီးခဲ့သည့် အပတ် က ပြောသွားခဲ့ပြီး ရက်ပိုင်းမှာပင် ယခုကဲ့သို့ ရီပတ်ဘလီကန် သမ္မတလောင်း၏ သဘောထား မှတ်ချက် မိန့်ခွန်းကို ပရိသတ် သုံးထောင်ကျော်က အကြီး အကျယ် ထောက်ခံ ခဲ့ကြကြောင်း သိရှိရသည်။ ပြည်နယ် ၆ ခုနှင့်အတူ ကိုလံဘီယာ ခရိုင်တို့တွင် လိင်တူ အချင်းချင်း လက်ထပ်ခွင့် ရှိသည်ဟူသော အမေရိကန် သမ္မတ၏ ထောက်ခံမှု မှာ အငြင်းပွားစရာ တစ်ခု အဖြစ် ရောက်ရှိလာနေသည်။ ပြည်နယ် ၃ဝ တို့က ၄င်းကို တားဆီးခဲ့ကြသော်လည်း လိင်တူချင်း လက်ထပ်မှုကို ထောက်ခံမှု အရေအတွက်မှာ မထောက်ခံသူ အရေ အတွက် ထက် အနည်းငယ် ပို၍များလာ နေသည်ဟု သတင်းများက ဖော်ပြကြသည်။
www.yoyarlay.com/i
0 comments:
Post a Comment