ကျွန်တော်ရော၊ မော်ရင်ညိုပါ ဆက်ရှိနေမှာပါ - ရော်နယ်ဒို

ရီးရဲလ်စတား ရော်နယ်ဒိုက နည်းပြမော်ရင်ညိုအနေဖြင့် နောက်ရာသီ အသင်းတွင် ဆက်ရှိနေမည်ဖြစ်ကြောင်း ပြောကြားခဲ့သလို၊ သူ့အနေဖြင့် အင်္ဂလန်သို့ ပြန်လည်ခြေချမည်ဆိုသည့်သတင်းများအားလည်း ငြင်းဆိုသွားခဲ့သည်။

ပြီးခဲ့သည့် ဇန်န၀ါရီတွင် ရီးရဲလ်နည်းပြ မော်ရင်ညိုအနေဖြင့် ယခုနှစ်ဘောလုံးရာသီအကုန်တွင် ဘာနေဗျူးအား စွန့်ခွာတော့မည်ဆိုသည့် သတင်းများ ထွက်ပေါ်ခဲ့သလို၊ စပါးစ်အသင်းနှင့် ချယ်လ်ဆီးအသင်းတို့ကလည်း အဆိုပါ အသက် (၄၉)နှစ်အရွယ်ရှိ နည်းပြအား ကမ်းလှမ်းမှုများပြုလုပ်ခဲ့သည်ဟု သတင်းများက ဖော်ပြခဲ့ကြသည်။

သို့ပါသော်လည်း ရော်နယ်ဒိုက -

“ မော်ရင်ညို နောက်ရာသီ ရီးရဲလ်မှာ ရှိနေမှာပါ၊ ကျွန်တော် အာမခံပါတယ် ” ဟု ပြောကြားသွားခဲ့သည်။

ဆက်လက်ပြီး၊ ရော်နယ်ဒိုက မကြာသေးခင်ကထွက်ပေါ်လာသည့် အေစီမီလန်အသင်းပိုင်ရှင် ဘာလူစကိုနီက သူ့အား စာချုပ်ချုပ်ခေါ်ယူမည်ဆိုသည့် သတင်းများအားလည်း ငြင်းဆိုသွားခဲ့ပြီး၊ သူ့အနေဖြင့် စပိန်နိုင်ငံမြို့တော် အသင်းမှာပင် ဆက်လက်ကစားသွားမည်ဖြစ်ကြောင်း ပြောကြားသွားခဲ့သည်။

“ ကျွန်တော်ဟာ ရာသီတိုင်း တိုးတက်နေပါတယ်၊ ရီးရဲလ်လိုအသင်းမျိုးမှာဆိုရင် ဂုဏ်သိက္ခာအရ၊ အမြဲတမ်း တိုးတက်နေဖို့ လိုပါတယ်၊ ကျွန်တော်ဟာ အမြဲတမ်း သင်ယူလေ့လာနေပြီး၊ ဒီအသင်းမှာ ပျော်ရွှင်နေပါတယ် ” ဟု ရော်နယ်ဒိုက ပြောကြားခဲ့သည်။

ဆက်လက်ပြီး၊ ရော်နယ်ဒိုက ရီးရဲလ်မက်ဒရစ်သည် သူနှင့် မော်ရင်ညိုထက် ပိုမိုအရေးကြီးကြောင်းနှင့်၊ သူတို့ နှစ်ယောက်ထွက်ခွာသွားလည်း၊ ရီးရဲလ်အသင်းသည် ဆက်လက်အောင်မြင်နေမည်ဖြစ်ကြောင်း ပြောကြားသွားခဲ့သည်။
http://mutdfan.com/index.php