မန်မာနိုင်ငံ-ဘင်္ဂလားဒေ့ရ်ှနိုင်ငံ နှစ်နိုင်ငံကြား ပင်လယ်ပြင် ရေပိုင်နက်ဧရိယာနှင့်ပတ်သက်သော ဆုံးဖြတ်ချက်အား မြန်မာပြည်မှ ကျေနပ်မှု မရှိ

မန်မာနှင့် ဘင်္ဂလားဒေ့ရ်ှနိုင်ငံတို့၏ ရေပိုင်နက် အငြင်းပွားမှုကို ပင်လယ်ရေပိုင်နက်ဆိုင်ရာ အပြည်ပြည်ဆိုင်ရာ ခုံရုံး(International Tribunal for the Law of the Sea)မှ ၂၀၁၂ ခုနှစ် မတ်လ ၁၄ ရက်နေ့၊ ဗုဒ္ဓဟူးနေ့တွင် ထောက်ခံမဲ ၂၁ မဲ ကန့်ကွက်မဲ ၁ မဲ ဖြင့်ဆုံးဖြတ်ချက်ချ၍ ပင်လယ်ပြင်ရေပိုင်နက်ကို ဆုံးဖြတ်ချက်၍ သတ်မှတ်ပေးလိုက်ပြီဟှု သတင်းထုတ်ပြန်ခဲ့ခြင်းဖြစ်သည်။

 

“အငြင်းပွားတဲ့ ရေပိုင်နက်ဟာ ကျွန်တော်သိသလောက်တော့ မြန်မာ့ရေပိုင်နက်ပဲ။ မြန်မာပိုင်နက်ဆိုတာကို အစကတည်းက ဆုံးဖြတ်ပြီးသားရှိတယ်။ ဒါပေမယ့် ကမ္ဘာကနေပြီးတော့ ဒီရေပိုင်နက် နယ်ပယ်ကို ချဲ့လိုက်တဲ့အခါကျတော့ ဘယ်ကပိုင်တယ် ဘာကပိုင်တယ်ဆိုပြီးတော့ တောင်းဆိုလာတယ်၊ ဒါတရားမျှတမှု မရှိဘူး၊ ကျေနပ်စရာလည်း မရှိဘူး”ဟု ဒီမိုကရက်တစ်ပါတီ(မြန်မာ)မှ ဥက္ကဌဦးသုဝေက ပြောသည်။

 

ဘင်္ဂလားဒေ့ရ်ှနိုင်ငံနှင့် မြန်မာနိုင်ငံတို့ကြား ရေပိုင်နက် အငြင်းပွားမှုသည် ၂၀၀၈ ခုနှစ် က စတင်ဖြစ်ခဲ့ပြီး၂၀၀၉ ခုနှစ်မှစ၍ ပင်လယ်ရေပိုင်နက်ဆိုင်ရာ အပြည်ပြည်ဆိုင်ရာ ခုံရုံး(ITLOS) တွင် အမှုဖွင့်၍ တရားဥပဒေ ကြောင်းအရ ဖြေရှင်းရန်ကြိုးစားခဲ့ကြကြောင်း သိရသည်။

 

“ဒီကိစ္စက အရင်တုန်းက ဟိုအရင် အင်္ဂလိပ်ကိုလိုနီတွေရဲ့ ပယောဂတွေလည်းပါတတယ်။ ဘင်္ဂလားဒေရ်ှ့ နိုင်ငံကပြောမယ်ဆိုရင် အနောက်နိုင်ငံတွေရဲ့ အထောက်အခံတွေအများကြီးရှိတယ်။ ဒီလိုကိစ္စမျိုးဖြစ်လာတော့ ကျွန်တော့အနေနဲ့ မြန်မာနိုင်ငံသား တစ်ယောက်အနေနဲ့ ပြောမယ်ဆိုရင်တော့ လက်မခံနိုင်ဘူး ခံပြင်းဖို့ကောင်းပါတယ်”ဟု ကြားဖြတ်ရွေးကောက်ပွဲတွင် လှည်းကူးမြို့နယ်မှ ဝင်ရောက်ယှဉ်ပြိုင်မည့် ကြံ့ခိုင်ဖွံ့ဖြိုးရေးပါတီမှ လွှတ်တော်ကိုယ်စားလှယ်လောင်း ဒေါက်တာစိုးမင်းက ပြောသည်။

မြန်မာနိုင်ငံနှင့် ဘင်္ဂလားဒေ့ရ်ှနိုင်ငံ နှစ်နိုင်ငံကြား အငြင်းပွားလျက်ရှိသော ပင်လယ်ပြင် ရေပိုင်နက်ဧရိယာကို နိုင်ငံတကာ ပင်လယ်ရေပိုင်နက်ခုံရုံးမှ ဘင်္ဂလားဒေ့ရ်ှနိုင်ငံကို အနိုင်ပေး ဆုံးဖြတ်လိုက်ခြင်းကို  ဘင်္ဂလားဒေ့ရှ် နိုင်ငံခြားရေးဝန်ကြီး ဒေါက်တာဒီပုမိုနီ(Dr Dipu Moni)က ကျေနပ်ကြောင်း နိုင်ငံတကာသတင်းမီဒီယာများအား  ပြောကြားခဲ့သည်။

“အခုလိုဆုံးဖြတ်လိုက်တဲ့အတွက် အရမ်းအရမ်းကိုပျော်ပါတယ်။ တရားရုံးရဲ့ ဆုံးဖြတ်ချက်ကို လုံးဝ အားရဝမ်းမြောက်မိပါတယ်”ဟု ဒေါက်တာဒီပုမိုနီ(Dr Dipu Moni)က  ဥပဒေဆိုင်ရာခုံရုံး (International Tribunal for the Law of the Sea)မှ ခုံရုံးဆုံးဖြတ်ချက်ချအပြီး ထွက်လာစဉ် မီဒီယာများသို့ ပြောကြားခဲ့ကြောင်း ပြည်ပနိုင်ငံရုပ်သံသတင်းဌာနများမှ သိရှိရသည်။

ရေပြင်ပိုင်နက်ကိစ္စကို ဆုံးဖြတ်သည့် မတ်လ ၁၄ ရက်နေ့တွင် ဂျာမနီနိုင်ငံ ဟမ်းဘတ်မြို့ရှိ နိုင်ငံတကာ ပင်လယ်ရေပြင်ပိုင်နက် ဥပဒေဆိုင်ရာခုံရုံး (International Tribunal for the Law of the Sea)မှ ခုံရုံးဆုံးဖြတ်ချက်ချခြင်းကို ဘင်္ဂလားဒေ့ရ်ှနိုင်ငံအနေဖြင့် ကျေနပ်ကြောင်း နိုင်ငံတကာ မီဒီယာများသို့ ပြောကြားခဲ့ခြင်းဖြစ်သည်။

ဘင်္ဂလားဒေ့ရ်ှနိုင်ငံမှ ရေပိုင်နက်အကျယ် ၁၀၇,၀၀၀ စတုရန်းကီလိုမီတာကို တောင်းဆိုထားပေမယ့် အပြည်ပြည်ဆိုင်ရာ ရေပိုင်နက်ခုံရုံး၏ ဆုံးဖြတ်ချက်အရ ၁၁၁ ၀၀၀ စတုရန်းကီလိုမီတာထိ ဘင်္ဂလားဒေ့ရ်ှနိုင်ငံမှ ရရှိသွားခဲ့ကြောင်း သိရသည်။

အစည်းအဝေးမှ စိန့်မာတင် (ST.Martin) ကျွန်းပတ်ပတ်လည် ရေမိုင် ၂၀၀ ကို ဘင်္ဂလားဒေ့ရ်ှနိုင်ငံပိုင်အဖြစ် ဆုံးဖြတ်လိုက်ကြောင်း ဘင်္ဂလားဒေ့ရ်ှနိုင်ငံခြားရေးဝန်ကြီး ဒေါက်တာဒီပုမိုနီ (Dr Dipu Moni) ကပြောကြားခဲ့ကြောင်း ဘင်္ဂလားဒေ့ရှ် နိုင်ငံမီဒီယာများတွင် ဖော်ပြထားသည်ဟု သိရသည်။

၂၀၀၉ ခုနှစ် အပြည်ပြည်ဆိုင်ရာ ပင်လယ်ရေပိုင်နက်ခုံရုံးတွင် နှစ်နိုင်ငံ ရေပိုင်နက်ကိစ္စကိုဖြေရှင်းစဉ်က  ဘင်္ဂလားဒက်အစိုးရဘက်မှ ရှေ့နေ ၂ဝဝ ကျော်ရှိသော အမေရိကန်နိုင်ငံမှ ရှေ့နေကုမ္ပဏီကြီးဖြစ်သော Foley Hoag ကိုငှားရမ်းခဲ့ကြောင်းနှင့် အဆိုပါရှေ့နေကုမ္ပဏီကြီးမှာ နိုင်ငံတကာတွင်ဖြစ်ပေါ်ခဲ့သော ပင်လယ်ပြင် နယ်နိမိတ်အငြင်းပွားသည့် အမှုများစွာကို အကျိုးဆောင်ပေးခဲ့သော ရှေ့နေကုမ္ပဏီကြီးတစ်ခုဖြစ်ကြောင်း သိရသည်။ ထို့ပြင် ၎င်းကုမ္ပဏီကြီးနှင့် အကျိုးတူစီးပွားဖက်ကုမ္ပဏီများမှာ ဘင်္ဂလားဒေ့ရှ် အစိုးရဘက်မှ လိုက်လံ၍ ဆောင်ရွက်မှုများ ရှိသည်ဟုလည်း သိရသည်။

မြန်မာနိုင်ငံမှ အကျိုးဆောင်ကိုယ်စားလှယ်များအဖြစ် ဒေါက်တာထွန်းရှင်၊ ဦးကျော်ဆန်း၊ ဗိုလ်မှူးကြီးမင်းသိမ်းတင့်၊ ဒေါ်လှမျိုးနွယ်နှင့် ဒေါ်ခင်ဦးလှိုင် တို့မှ လိုက်လံဆောင်ရွက်ကြကြောင်း သိရသည်။

မြန်မာနိုင်ငံနှင့် ဘင်္ဂလားဒေ့ရ်ှနိုင်ငံနှစ်နိုင်ငံကြား ရေပိုင်နက်ကိစ္စကိုအဆုံးအဖြတ်ပေးခဲ့သော တရားသူကြီး ၂၃ ဦးပါဝင်သည့် အပြည်ပြည်ဆိုင်ရာ ပင်လယ်ရေပြင်ပိုင်နက် ဥပဒေဆိုင်ရာခုံရုံးသည် ဂျာမနီနိုင်ငံ ဟမ်းဘတ်မြို့တွင်တည်ရှိပြီး အမေရိကန်နိုင်ငံနှင့် ကုလသမဂ္ဂအတွင်းရေးမှူးချုပ်တို့၏ ထိန်းချုပ်မှုအောက်တွင်ရှိကြောင်းနှင့် ၎င်းတို့၏သြဇာခံမဟုတ်သည့် နိုင်ငံများအပေါ်တွင် ဘက်လိုက်၍ ဆုံးဖြတ်မှုများပြုလုပ်နေသည်ဟု စွပ်စွဲဝေဖန်မှုများရှိနေသော အဖွဲ့အစည်းဖြစ်သည်။

အဆိုပါရေပိုင်နက်အတွင်း၌ ရေနံနှင့် သဘာဝဓာတ်ငွေ့ အများအပြားရှိနေကြောင်း၊ ဘင်္ဂလားဒေ့ရှ် နိုင်ငံသည် ၎င်းနိုင်ငံကမ်းဦး ရေတိမ်ပိုင်း မိုင် ၂၀၀ နှင့် မိုင်၂၀၀ အလွန် ပတ်ဝန်းကျင်တွင် စီးပွားရေးလုပ်ငန်းများ၊ ရေနံနှင့် သဘာဝဓာတ်ငွေ့တူးဖော်ခြင်းလုပ်ငန်းများကို လုပ်ကိုင်နိုင်တော့မည် ဖြစ်သည်။

 

မြစ်ဆုံစီမံကိန်းကိစ္စဖြစ်ပွားခဲ့စဉ်က မြန်မာနိုင်ငံတစ်ဝန်းရှိ ပြည်သူများ၊ တိုင်းရင်းသားများ၊ အဖွဲ့အစည်းများမှ ဝိုင်းဝန်းကန့်ကွက်မှုများရှိခဲ့သော်လည်း ရေပိုင်နက်ကိစ္စဖြစ်ပွားခဲ့စဉ်က မည်သူမျှ ထုတ်ဖော်ပြောကြားခဲ့ခြင်းမျိုး၊ တောင်းဆိုခြင်းမျိုး မရှိကြကြောင်း သိရသည်။ံ                                      http://www.myitmakhamediagroup.com